ഇന്ത്യൻ സൂപ്പർ ലീഗിൽ ഗുർപ്രീതിനെ മറികടന്ന് കാസർകോടൻ മിർഷാദ്

കാ​ഞ്ഞ​ങ്ങാ​ട്: ക​ക്കാ​ട് സ്കൂ​ളി​ലെ​യും റെ​ഡ് സ്റ്റാ​ർ ക്ല​ബി​‍െൻറ​യും മൈ​താ​ന​ങ്ങ​ളി​ൽ ഗോ​ൾ​കീ​പ്പ​റാ​യി പാ​റി​പ്പ​റ​ന്ന് പ​രി​ശീ​ലി​ച്ച മിർഷാദ് ബ​ങ്ക​ള​ത്തി​ന് അ​ഭി​മാ​ന​ക​ര​മാ​യ നേ​ട്ടം. ഇ​ന്ത്യ​ൻ സൂ​പ്പ​ർ ലീ​ഗ് ഫു​ട്ബാ​ളി​ൽ ഏ​റ്റ​വും കൂ​ടു​ത​ൽ സേ​വു​ക​ൾ ചെ​യ്ത് ഗോ​ൾ​വ​ല​കാ​ത്ത ഗോ​ൾ​കീ​പ്പ​റെ​ന്ന നേ​ട്ട​ത്തി​ലൂ​ടെ​യാ​ണ് മിർഷാദ് ഒ​ന്നാ​മ​തെ​ത്തി​യ​ത്. ഇ​ന്ത്യ​യു​ടെ ഒ​ന്നാം ന​മ്പ​ർ ഗോ​ളി ഗു​ർ​പ്രീ​ത് സി​ങ് സ​ന്ധു​വി​നെ മ​റി​ക​ട​ന്നു​കൊ​ണ്ടാ​ണ് ഈ ​നേ​ട്ടം.

ആ​ദ്യ​മാ​യാ​ണ് ഒ​രു മ​ല​യാ​ളി ഈ ​നേ​ട്ടം കൈ​വ​രി​ക്കു​ന്ന​ത്. ക​ഴി​ഞ്ഞ ര​ണ്ടാ​ഴ്ച​യാ​യാ​ണ് മിർഷാദ് ബ​ങ്ക​ളം പ​ട്ടി​ക​യി​ൽ ആ​ദ്യം ഇ​ടം​പി​ടി​ച്ച​ത്. ഇ​തി​നോ​ട​കം വി​വി​ധ മ​ത്സ​ര​ങ്ങ​ളി​ലാ​യി ഇ​രു​പ​തി​ല​ധി​കം മി​ക​ച്ച സേ​വു​ക​ളാ​ണ് ഗോ​വ​യു​ടെ മ​ണ്ണി​ൽ കാ​സ​ർ​കോ​ട്ടു​കാ​ര​നാ​യ മിർഷാദ് ന​ട​ത്തി​യ​ത്. ക​മ​ൽ​ജി​ത്ത് സി​ങ് ര​ണ്ടാ​മ​നാ​യും ല​ക്ഷ്മി​കാ​ന്ത് ക​ട്ടി​മ​ണി മൂ​ന്നാ​മ​നാ​യും ഗു​ർ​പ്രീ​ത് സ​ന്ധു നാ​ലാ​മ​നാ​യും പ​ട്ടി​ക​യി​ൽ ഇ​ടം​പി​ടി​ച്ചു.

ക​ഴി​ഞ്ഞ നാ​ലു​വ​ർ​ഷ​മാ​യി നോ​ർ​ത്ത് ഈ​സ്റ്റ് ബം​ഗാ​ൾ ടീ​മി​ലെ ക​ളി​ക്കാ​ര​നാ​ണ് മിർഷാദ് ക​ഠി​ന പ​രി​ശീ​ല​ന​ത്തി​നി​ടെ ഡൈ​വ് ചെ​യ്യു​മ്പോ​ൾ തോ​ള​ടി​ച്ചു​വീ​ണ​തി​നെ തു​ട​ർ​ന്ന്​ പേശിക്ക് പ​രി​ക്കേറ്റതിനാൽ എ.​ടി.​കെ. മോ​ഹ​ൻ ബ​ഗാ​നു​മാ​യു​ള്ള ആ​ദ്യ മ​ത്സ​ര​ത്തി​ൽ ഇ​റ​ങ്ങാ​ൻ സാ​ധി​ച്ചി​ല്ലെ​ങ്കി​ലും അ​ടു​ത്ത ക​ളി​ക​ൾ ലാ​ക്കാ​ക്കി ജി​മ്മി​ൽ പ​രി​ശീ​ല​നം തു​ട​ങ്ങി​യാ​ണ് ഈ ​മി​ക​ച്ച നേ​ട്ടം കൊ​യ്തെ​ടു​ത്ത​ത്. ക​ക്കാ​ട്ട് സ്കൂ​ളി‍െൻറ​യും റെ​ഡ്സ്റ്റാ​ർ ക്ല​ബി​‍െൻറ​യും മൈ​താ​ന​ങ്ങ​ളി​ലാ​ണ് പ​ന്തു​ത​ട്ടി വ​ള​ർ​ന്ന​ത്.

ക്രി​ക്ക​റ്റ് ക​ളി​ക്കാ​ര​നാ​കാ​ൻ മോ​ഹി​ച്ച മിർഷാദ് ഫു​ട്ബാ​ളി​ൽ എ​ത്തി​യ​തും യാ​ദൃ​ച്ഛി​കം. ജ്യേ​ഷ്ഠ സ​ഹോ​ദ​ര​ൻ നാ​സ​ർ, പി​തൃ​സ​ഹോ​ദ​രി​യു​ടെ മ​ക​ൻ റി​യാ​സ് എ​ന്നി​വ​ർ മി​ക​ച്ച ഫു​ട്ബാ​ൾ ക​ളി​ക്കാ​രാ​യി​രു​ന്നു. ഇ​തു​ക​ണ്ടാ​ണ് കാ​ൽ​പ​ന്തി​ൽ ക​മ്പം ക​യ​റി​യ​ത്. ക്രി​ക്ക​റ്റ് ഗ്രൗ​ണ്ടി​ൽ ഡൈ​വ് ചെ​യ്തു​ള്ള ഫീ​ൽ​ഡി​ങ് ഇ​ഷ്ട​മാ​യി​രു​ന്ന മിർഷാദിനെ ഗോ​ൾ​വ​ല കാ​ക്കാ​ൻ ഇ​രു​വ​ശ​ത്തേ​ക്കു​മു​ള്ള വി​സ്ത​രി​ച്ച ഡൈ​വി​ങ് ഫു​ട്ബാ​ളി​ലേ​ക്ക് ആ​ക​ർ​ഷി​ച്ചു.

ക​ക്കാ​ട്ട് സ്കൂ​ളി​ൽ പ്ല​സ്ടു വി​ദ്യാ​ർ​ഥി​യാ​യി​രി​ക്കെ മിർഷാദ് ഉ​ൾ​പ്പെ​ട്ട ജി​ല്ല ഫു​ട്ബാ​ൾ ടീം ​ര​ണ്ടു​ത​വ​ണ സം​സ്ഥാ​ന സീ​നി​യ​ർ ചാ​മ്പ്യ​ന്മാ​രാ​യി. പ്ല​സ്ടു ക​ഴി​ഞ്ഞ​യു​ട​ൻ ഇ​ന്ത്യ​ൻ ഫു​ട്ബാ​ൾ താ​രം തൃ​ക്ക​രി​പ്പൂ​ർ എ​ടാ​ട്ടു​മ്മ​ലി​ലെ എം.​സു​രേ​ഷി​‍െൻറ നി​ർ​ദേ​ശ പ്ര​കാ​രം ഗോ​വ​യി​ലെ എ​ഫ്.​സി ബാ​ഡേ​ഴ്സി​ൽ ചേ​ർ​ന്നു. പി​ന്നീ​ട് ഗോ​കു​ലം കേ​ര​ള എ​ഫ്.​സി​യി​ലൂ​ടെ ഈ​സ്റ്റ് ബം​ഗാ​ളി​ലെ​ത്തി. ഡാ​ർ​ജി​ലി​ങ്ങി​ൽ ന​ട​ന്ന ഗോ​ൾ​ഡ് ക​പ്പി​ൽ 2018ൽ ​മി​ക​ച്ച ഗോ​ൾ​കീ​പ്പ​റാ​യി.

നി​ധീ​ഷ് ബ​ങ്ക​ളം, കാ​സ​ർ​കോ​ട് ജി​ല്ല സ്പോ​ർ​ട്സ് കൗ​ൺ​സി​ൽ അം​ഗം അ​നി​ൽ ബ​ങ്ക​ളം, കേ​ര​ള പൊ​ലീ​സി​ലെ പ്ര​ശാ​ന്ത് എ​ന്നി​വ​രാ​ണ് മിർഷാദി​ലെ ഫു​ട്ബാ​ള​റെ വാ​ർ​ത്തെ​ടു​ത്ത​ത്. മാ​താ​പി​താ​ക്ക​ളാ​യ ബ​ങ്ക​ളം കൂ​ട്ട​പ്പു​ന്ന ത​ല​യി​ല്ല​ത്ത് ഹൗ​സി​ൽ ബി.​അ​ഹ​മ്മ​ദ്, ടി.​ന​ബീ​സ, സ​ഹോ​ദ​ര​ൻ നാ​സ​ർ, സ​ഹോ​ദ​ര ഭാ​ര്യ ത​സ്നി എ​ന്നി​വ​രു​ടെ പ്രോ​ത്സാ​ഹ​ന​ങ്ങ​ളും.