മഡ്രിഡ്: ലാലിഗയിൽ സെവിയ്യയെ 4-2ന് തകർത്ത് റയൽ മഡ്രിഡ്. കിലിയൻ എംബാപ്പെ (10ാം മിനിറ്റ്), ഫ്രെഡറികോ വാൽവെർഡെ (20), റോഡ്രിഗോ (34), ബ്രഹിം ഡയസ് (53) എന്നിവരാണ് റയലിനായി ഗോൾ നേടിയത്. ഐസക് റൊമേരോ (35), ദോഡി ലുകബാകിയോ (85) എന്നിവർ സെവിയ്യക്കായി ഗോൾ നേടി. ജയത്തോടെ റയൽ വീണ്ടും രണ്ടാംസ്ഥാനത്തേക്കുയർന്നു.
18 കളികളിൽ നിന്ന് 12 ജയവുമായി 40 പോയിന്‍റാണ് രണ്ടാംസ്ഥാനത്തുള്ള റയലിനുള്ളത്. ഇത്രയും കളിയിൽ നിന്ന് 41 പോയിന്‍റുള്ള അത്ലറ്റിക്കൊ മഡ്രിഡാണ് ഒന്നാംസ്ഥാനത്ത്. 19 കളിയിൽ നിന്ന് 38 പോയിന്‍റുമായി ബാഴ്സലോണ മൂന്നാമതാണ്.
ലാലിഗയിലെ മറ്റ് മത്സരങ്ങളിൽ വിയ്യറയൽ 5-2ന് ലെഗനിസിനെയും ലാസ് പാൽമാസ് 1-0ന് എസ്പാനിയോളിനെയും പരാജയപ്പെടുത്തി. വലൻസിയ-അലാവെസ് മത്സരം 2-2നും റയൽ ബെറ്റിസ്-റയോ വല്ലെകാനോ മത്സരം 1-1നും സമനിലയിലായി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.