എം​ബാ​പ്പെ Vs ലു​ക്കാ​ക്കു: ക്വാ​ർ​ട്ട​ർ ഫൈ​ന​ൽ തേ​ടി ഫ്രാ​ൻ​സും ബെ​ൽ​ജി​യ​വും

ഡോ​ർ​ട്ട്മു​ണ്ട്: അ​ന്താ​രാ​ഷ്ട്ര ഫു​ട്ബാ​ൾ ഫെ​ഡ​റേ​ഷ​ൻ റാ​ങ്കി​ങ്ങി​ലെ ര​ണ്ടും മൂ​ന്നും സ്ഥാ​ന​ക്കാ​ർ യൂ​റോ ക്വാ​ർ​ട്ട​ർ ഫൈ​ന​ൽ തേ​ടി ഇ​ന്ന് മു​ഖാ​മു​ഖം. കി​ലി​യ​ൻ എം​ബാ​പ്പെ ന​യി​ക്കു​ന്ന ഫ്രാ​ൻ​സും കെ​വി​ൻ ഡി​ബ്രൂ​യി​ന് കീ​ഴി​ലി​റ​ങ്ങു​ന്ന ബെ​ൽ​ജി​യ​വും ത​മ്മി​ലെ തീ​പാ​റും പോ​രാ​ട്ട​ത്തി​ന് കാ​ത്തി​രി​ക്കു​ക​യാ​ണ് ലോ​ക​മെ​മ്പാ​ടു​മു​ള്ള ഫു​ട്ബാ​ൾ പ്രേ​മി​ക​ൾ.

ഇ​രു​ടീ​മും ഫി​ഫ റാ​ങ്കി​ങ്ങി​ൽ യ​ഥാ​ക്ര​മം ര​ണ്ടും മൂ​ന്നും സ്ഥാ​ന​ങ്ങ​ളി​ലു​ണ്ടെ​ങ്കി​ലും അ​തി​നു​ത​കു​ന്ന പ്ര​ക​ട​നം യൂ​റോ​യി​ൽ ഇ​നി​യും പു​റ​ത്തെ​ടു​ത്തി​ട്ടി​ല്ല. മൂ​ക്കി​ന് പ​രി​ക്കേ​റ്റ എം​ബാ​പ്പെ മാ​സ്ക് ധ​രി​ച്ചാ​ണ് ക​ളി​ക്കു​ന്ന​ത്.

പോ​ർ​ചു​ഗ​ലി​ന് സ്ലൊ​വേ​നി​യ

ഫ്രാ​ങ്ക്ഫ​ർ​ട്ട്: താ​ര​ത​മ്യേ​ന ദു​ർ​ബ​ല​രാ​യ ജോ​ർ​ജി​യ​യോ​ട് ഗ്രൂ​പ് റൗ​ണ്ടി​ലെ അ​വ​സാ​ന മ​ത്സ​ര​ത്തി​ൽ ഞെ​ട്ടി​ക്കു​ന്ന തോ​ൽ​വി ഏ​റ്റു​വാ​ങ്ങി​യ പോ​ർ​ചു​ഗ​ലി​ന് ഇ​ന്ന് യൂ​റോ​യി​ൽ പ്രീ​ക്വാ​ർ​ട്ട​ർ. സ്ലോ​വേ​നി​യ​യാ​ണ് ക്രി​സ്റ്റ്യാ​നോ റൊ​ണാ​ൾ​ഡോ സം​ഘ​ത്തി​ന്റെ എ​തി​രാ​ളി​ക​ൾ. ചെ​ക് റി​പ്പ​ബ്ലി​ക്കി​നെ​യും തു​ർ​ക്കി​യ​യെ​യും തോ​ൽ​പി​ച്ച് നോ​ക്കൗ​ട്ടി​ലെ​ത്തി​യ പ​റ​ങ്കി​പ്പ​ട എ​തി​രി​ല്ലാ​ത്ത ര​ണ്ട് ഗോ​ളി​നാ​ണ് ജോ​ർ​ജി​യ​യോ​ട് തോ​റ്റ​ത്.

39കാ​ര​നാ​യ ക്രി​സ്റ്റ്യാ​നോ ഇ​നി​യും അ​ക്കൗ​ണ്ട് തു​റ​ന്നി​ട്ടി​ല്ല. യൂ​റോ​യി​ലെ ഏ​റ്റ​വും പ്രാ​യം കൂ​ടി​യ ഗോ​ൾ സ്കോ​റ​റാ​വാ​ൻ 39കാ​ര​ന് ക​ഴി​യു​മോ​യെ​ന്ന് ഫു​ട്ബാ​ൾ ലോ​കം ഉ​റ്റു​നോ​ക്കു​ന്നു​ണ്ട്. മൂ​ന്ന് പ​തി​റ്റാ​ണ്ടി​നി​ടെ സ്ലൊ​വേ​നി​യ ആ​ദ്യ​മാ​യാ​ണ് ഒ​രു പ്ര​ധാ​ന ടൂ​ർ​ണ​മെ​ന്റി​ന്റെ നോ​ക്കൗ​ട്ട് ക​ളി​ക്കു​ന്ന​ത്.

പോ​ള​ണ്ടി​നെ​തി​രാ​യ ക​ളി​യി​ൽ വി​ശ്ര​മം അ​നു​വ​ദി​ച്ച അ​ന്റോ​ണി​യോ ഗ്രീ​സ്മാ​ൻ തി​രി​ച്ചെ​ത്തു​ന്ന​തോ​ടെ ഫ്ര​ഞ്ച് ടീ​മി​ന്റെ മ​ധ്യ​നി​ര കൂ​ടു​ത​ൽ ശ​ക്ത​മാ​വും. ഇ​തി​ന​കം ബെ​ൽ​ജി​യം സ്ട്രൈ​ക്ക​ർ റൊ​മേ​ലു ലു​ക്കാ​ക്കു​വി​ന്റെ മൂ​ന്ന് ഗോ​ളു​ക​ളാ​ണ് വാ​ർ പ​രി​ശോ​ധ​ന​യി​ൽ നി​ഷേ​ധി​ക്ക​പ്പെ​ട്ട​ത്. താ​ര​ത്തി​ന് ഇ​നി​യും അ​ക്കൗ​ണ്ട് തു​റ​ക്കാ​നാ​യി​ട്ടി​ല്ല. ക​ഴി​ഞ്ഞ ര​ണ്ട് യൂ​റോ​യി​ലും ക്വാ​ർ​ട്ട​റി​ൽ പു​റ​ത്താ​വു​ക​യാ​യി​രു​ന്നു ബെ​ൽ​ജി​യം.