റിയാദ്: ലോക ഫുട്ബാളിലെ സൂപ്പർ താരങ്ങളായ ലയണൽ മെസ്സിയും ക്രിസ്റ്റ്യാനോ റൊണാൾഡോയും കളത്തിൽ നേർക്കുനേർ വരുന്നത് കാണാൻ ആരാധകർ കാത്തിരുന്നെങ്കിലും ലോകകപ്പിൽ അത് സംഭവിച്ചില്ല. ക്രിസ്റ്റ്യാനോയുടെ പോർചുഗൽ ക്വാർട്ടർ ഫൈനലിൽ മൊറോക്കോയോട് തോറ്റ് പുറത്തായി.
എന്നാൽ, മുൻ നിശ്ചയിച്ച പ്രകാരം സൗദി അറേബ്യയിൽ അൽ ഹിലാൽ-അൽ നസ്ർ സംയുക്ത സംഘവും മെസ്സിയുടെ ടീമായ പി.എസ്.ജിയും തമ്മിലെ സൗഹൃദ മത്സരം നടക്കുകയാണെങ്കിൽ രണ്ട് താരങ്ങളും മുഖാമുഖം വരും. റിയാദ് സീസൺസ് കപ്പിനായുള്ള കളി ജനുവരി 19ന് നടക്കുമെന്നാണ് സംഘാടകർ നേരത്തെ അറിയിച്ചത്.
തീയതിയിൽ മാറ്റമുണ്ടാവാനും സാധ്യതയുണ്ട്. ക്രിസ്റ്റ്യാനോ കഴിഞ്ഞ ദിവസം മുതൽ അൽ നസ്റിന്റെ താരമായതോടെയാണ് മെസ്സിയുമായി കോർക്കാനുള്ള വഴി തെളിഞ്ഞത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.