സൗ​ഹൃ​ദ ഫു​ട്ബാ​ളി​ൽ റ​ഷ്യ​യെ ത​ള​ച്ച് ഖ​ത്ത​ർ

ദോ​ഹ: ലോ​ക​ക​പ്പ് ഫു​ട്ബാ​ൾ യോ​ഗ്യ​ത റൗ​ണ്ടി​നു​ള്ള ത​യാ​റെ​ടു​പ്പി​​ന്റെ ഭാ​ഗ​മാ​യി ബൂ​ട്ടു​കെ​ട്ടി​യ ഖ​ത്ത​റി​ന് റ​ഷ്യ​ക്കെ​തി​രെ ഉ​ജ്ജ്വ​ല സ​മ​നി​ല. അ​ൽ ജ​നൂ​ബ് സ്റ്റേ​ഡി​യ​ത്തി​ൽ ചൊ​വ്വാ​ഴ്ച വൈ​കു​ന്നേ​രം ന​ട​ന്ന മ​ത്സ​ര​ത്തി​ൽ ഇ​രു ടീ​മു​ക​ളും 1-1ന് ​സ​മ​നി​ല​യി​ൽ പി​രി​ഞ്ഞു. ഗോ​ൾ​ര​ഹി​ത​മാ​യി മു​ന്നേ​റി​യ ക​ളി​യു​ടെ അ​വ​സാ​ന മി​നി​റ്റു​ക​ളി​ലാ​ണ് ഇ​രു ടീ​മു​ക​ളും സ്കോ​ർ ചെ​യ്ത​ത്.

നി​ര​ന്ത​ര സ​ബ്സ്റ്റി​റ്റ്യൂ​ഷ​നും മു​ന്നേ​റ്റ​ങ്ങ​ളു​മാ​യി ആ​വേ​ശ​ക​ര​മാ​യ ക​ളി​യി​ൽ ആ​ദ്യം സ്കോ​ർ ചെ​യ്ത​ത് ഖ​ത്ത​റാ​യി​രു​ന്നു. കോ​ട്ട​കെ​ട്ടി​യ റ​ഷ്യ​ൻ പ്ര​തി​രോ​ധ​ത്തെ കീ​റി​മു​റി​ച്ച് ഗോ​ളി​ലേ​ക്ക് വ​ഴി​യൊ​രു​ക്കി​യ​തി​ന് അ​ക്രം അ​ഫി​ഫി​ക്കു​ത​ന്നെ ന​ന്ദി പ​റ​യ​ണം. 70ാം മി​നി​റ്റി​ൽ ഇ​ട​തു വി​ങ്ങി​ലൂ​ടെ മ​ധ്യ​വ​ര​ക്ക് അ​രി​കി​ൽ നി​ന്നും അ​ഫി​ഫി ന​ൽ​കി​യ ക്രോ​സ്, ഹു​മാം അ​ഹ​മ്മ​ദ് ഏ​റ്റു​വാ​ങ്ങി ഗോ​ൾ ​മു​ഖ​ത്തേ​ക്ക് ലോ​ങ് ഷോ​ട്ടാ​യി ന​ൽ​കി.

അ​വി​ടെ​നി​ന്നും ഉ​യ​ർ​ന്നു​ചാ​ടി​യ റ​ഷ്യ​ൻ പ്ര​തി​രോ​ധ​നി​ര​ക്കാ​ര​നെ മ​റി​ക​ട​ന്ന് അ​ഹ​മ്മ​ദ് അ​ലാ​വു​ദ്ദീ​ൻ ഹെ​ഡ് ചെ​യ്ത് വ​ല​കു​ലു​ക്കു​മ്പോ​ൾ ഡൈ​വു ചെ​യ്ത ഗോ​ളി​യെ​യും മ​റി​ക​ട​ന്നു.

ഒ​രു ഗോ​ളി​ന് ലീ​ഡ് ചെ​യ്ത ഖ​ത്ത​റി​ന് ഒ​ടു​വി​ൽ അ​വ​സാ​ന മി​നി​റ്റി​ൽ സ​മ​നി​ല വ​ഴ​ങ്ങേ​ണ്ടി​വ​ന്നു. 90ാം മി​നി​റ്റി​ൽ കോ​ർ​ണ​ർ കി​ക്കി​ലൂ​ടെ​യെ​ത്തി​യ പ​ന്തി​നെ അ​ല​ക്സാ​ണ്ട​ർ സോ​ൾ​ഡ​നോ​വാ​ണ് ഹെ​ഡ്ഡ​റി​ലൂ​ടെ ഗോ​ളാ​ക്കി​മാ​റ്റി​യ​ത്. ക​ഴി​ഞ്ഞ​യാ​ഴ്ച​യി​ൽ കെ​നി​യ​ക്കെ​തി​രെ അ​പ്ര​തീ​ക്ഷി​ത തോ​ൽ​വി വ​ഴ​ങ്ങി​യ​തി​ന്റെ ക്ഷീ​ണം മാ​റ്റു​ന്ന​താ​യി​രു​ന്നു ത​ങ്ങ​ളേ​ക്കാ​ൾ ക​രു​ത്ത​രാ​യ റ​ഷ്യ​ക്കെ​തി​രാ​യ സ​മ​നി​ല.