ദോഹ: ഖത്തർ ലോകകപ്പ് ഫുട്ബാൾ മത്സരങ്ങൾക്ക് ഇനിയും ടിക്കറ്റ് ലഭിക്കാത്തവർക്ക് മുന്നിലേക്ക് അവസാന മിനിറ്റ് ടിക്കറ്റ് വിൽപനയുടെ സന്തോഷ വാർത്ത പ്രഖ്യാപിച്ച് ഫിഫ. സെപ്റ്റംബർ അവസാന വാരം ആരംഭിക്കുന്ന ടിക്കറ്റ് വിൽപന ലോകകപ്പ് ഫൈനൽ വരെ തുടരുമെന്ന് അധികൃതർ അറിയിച്ചു. ഈ ഘട്ടത്തിൽ ദോഹയിലെ ഫിഫ കൗണ്ടർ വഴിയും ആരാധകർക്ക് ടിക്കറ്റ് ലഭ്യമാക്കുന്നതാണ്. തീയതി പിന്നീട് പ്രഖ്യാപിക്കും. ഫസ്റ്റ് കം ഫസ്റ്റ് എന്ന രീതിയിലാവും ലാസ്റ്റ് മിനിറ്റ് സെയ്ൽ.
ആഗസ്റ്റ് 16ന് വരെയുള്ള കണക്കുകൾ പ്രകാരം ഇതുവരെ 24.5 ലക്ഷം ടിക്കറ്റുകൾ വിറ്റഴിഞ്ഞു. ആതിഥേയരായ ഖത്തറിൽ നിന്നാണ് ടിക്കറ്റിന് ഏറ്റവും ആവശ്യക്കാരുള്ളത്. അമേരിക്ക, ഇംഗ്ലണ്ട്, സൗദി അറേബ്യ, മെക്സികോ, യു.എ.ഇ, ഫ്രാൻസ്, അർജന്റീന, ബ്രസീൽ, ജർമനി എന്നിവരാണ് ആദ്യ പത്തിൽ ഇടം പിടിച്ച മറ്റു രാജ്യങ്ങൾ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.