കോഴിക്കോട്: നിലവിലെ ചാമ്പ്യന്മാരായ കേരളം സന്തോഷ് ട്രോഫി രണ്ടാം ഗ്രൂപ് മത്സരത്തിൽ ഞായറാഴ്ച ആന്ധ്രയെ നേരിടും. ആദ്യ രണ്ട് മത്സരങ്ങളും ജയിച്ചു. ആറ് പോയന്റുമായി കേരളം തന്നെയാണ് ഗ്രൂപ്പിൽ ഒന്നാമത്. വൻ മാർജിനിൽ വിജയിച്ച രണ്ട് മത്സരങ്ങളുടെയും തുടർച്ച ആവർത്തിക്കാനാണ് വി. മിഥുന്റെ നേതൃത്വത്തിൽ ഇന്ന് വൈകീട്ട് 3.30ന് കോഴിക്കോട് കോർപറേഷൻ സ്റ്റേഡിയത്തിൽ കേരളം മൂന്നാമങ്കത്തിന് ഇറങ്ങുക.
രാജസ്ഥാനെ 7-0നും ബിഹാറിനെ 4-1നും തോൽപിച്ച കേരളം തികഞ്ഞ ആത്മവിശ്വാസത്തിലാണ്.കഴിഞ്ഞ ദിവസം രാജസ്ഥാനോട് ഏകപക്ഷീയമായ ഒരു ഗോളിന് തോറ്റ ആന്ധ്ര കേരളത്തിന് ഒട്ടും ഭീഷണിയല്ല. മുന്നേറ്റ നിരയിൽ വിഗ്‌നേഷും നരേഷും മധ്യനിരയിൽ നിജോ ഗിൽബർട്ടും റിസ്‍വാനും മികച്ച ഫോമിലാണെന്നത് കേരളത്തിന്റെ ആത്മവിശ്വാസം ഇരട്ടിപ്പിക്കുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.