അത്‍ലറ്റികോ മഡ്രിഡിന്റെ ഗോൾ നേടിയ സൗൾ നിഗ്വസിന്റെ ആഹ്ലാദം
മഡ്രിഡ്: തുടക്കത്തിലെ കുതിപ്പിനുശേഷം കിതച്ചുതുടങ്ങിയ നിലവിലെ ജേതാക്കളായ റയൽ മഡ്രിഡിന് സ്പാനിഷ് ലാ ലിഗയിൽ തിരിച്ചടി. റയൽ സോസിഡാഡിനോട് ഗോൾരഹിത സമനില വഴങ്ങിയ റയൽ ഇതോടെ തലപ്പത്തുള്ള ബാഴ്സലോണയെക്കാൾ അഞ്ചു പോയന്റ് പിറകിലായി. 18 മത്സരങ്ങളിൽ ബാഴ്സക്ക് 47ഉം റയലിന് 42ഉം പോയന്റാണുള്ളത്. 19 കളികളിൽ 39 പോയന്റുമായി റയൽ സോസിഡാഡാണ് മൂന്നാമത്.
സോസിഡാഡിനെതിരെ ആധിപത്യം പുലർത്തിയിട്ടും സ്കോർ ചെയ്യാൻ സാധിക്കാതിരുന്നതാണ് കാർലോ ആഞ്ചലോട്ടിയുടെ ടീമിന് വിനയായത്. സൂപ്പർ സ്ട്രൈക്കർ കരീം ബെൻസേമയും വിനീഷ്യസ് ജൂനിയറും ടോണി ക്രൂസുമെല്ലാം അവസരങ്ങൾ പാഴാക്കി.
അതേസമയം, അത്‍ലറ്റികോ മഡ്രിഡ് 1-0ത്തിന് ഒസാസുനയെ തോൽപിച്ചു. 74ാം മിനിറ്റിൽ മിഡ്ഫീൽഡർ സൗൾ നിഗ്വസ് ആണ് സ്കോർ ചെയ്തത്. 19 മത്സരങ്ങളിൽ 34 പോയന്റോടെ നാലാമതാണ് അത്‍ലറ്റികോ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.