ഇനി ഫുട്​ബാൾ യൂത്ത്​ ഫെസ്റ്റ്; അ​ണ്ട​ർ 23 ഏ​ഷ്യ​ൻ ക​പ്പ് ഫു​ട്ബാ​ളി​ന് നാ​ളെ കി​ക്കോ​ഫ്

 ദോഹ: ലോ​ക​ക​പ്പ്​ ഫു​ട്​​ബാ​ളും ഏ​ഷ്യ​ൻ ക​പ്പും ക​ഴി​ഞ്ഞ മ​ണ്ണി​ൽ തി​ങ്ക​ളാ​ഴ്ച മു​ത​ൽ കാ​ൽ​പ​ന്തി​ന്റെ യൂ​ത്ത്​ ഫെ​സ്​​റ്റി​വ​ൽ. വ​മ്പ​ൻ പോ​രാ​ട്ട​ങ്ങ​ളും സൂ​പ്പ​ർ താ​ര​ങ്ങ​ളു​ടെ പ്ര​ദ​ർ​ശ​ന​വും ക​ട​ന്നു​പോ​യ വ​ഴി​യി​ൽ ഇ​നി നാ​ളെ​യു​ടെ താ​ര​ങ്ങ​ൾ ബൂ​ട്ടു​കെ​ട്ടു​​ന്ന അ​ണ്ട​ർ 23 ഏ​ഷ്യ​ൻ ക​പ്പി​ന്​ കി​ക്കോ​ഫ്​ വി​സി​ൽ മു​ഴ​ങ്ങു​ന്നു.

ഏ​പ്രി​ൽ 15ന്​ ​തു​ട​ങ്ങി മേ​യ്​ മൂ​ന്നു വ​രെ നീ​ളു​ന്ന യൂ​ത്ത്​ ഫു​ട്​​ബാ​ളി​ൽ പ്ര​ബ​ല​രാ​യ 16 സം​ഘ​ങ്ങ​ൾ മാ​റ്റു​ര​ക്കും. വ​ൻ​ക​ര​യു​ടെ പു​തു യു​വ​ജേ​താ​ക്ക​ളെ നി​ർ​ണ​യി​ക്കു​ക​യെ​ന്ന​തി​നൊ​പ്പം ജൂ​ലൈ​-​ആ​ഗ​സ്​​റ്റ്​ മാ​സ​ങ്ങ​ളി​ൽ പാ​രി​സി​ൽ ന​ട​ക്കു​ന്ന ഒ​ളി​മ്പി​ക്​​സി​ലേ​ക്കു​ള്ള ഏ​ഷ്യ​ൻ ഫു​ട്​​ബാ​ൾ യോ​ഗ്യ​ത കൂ​ടി​യാ​ണ്​ ഖ​ത്ത​റി​ലെ ഈ ​പോ​രാ​ട്ടം. ടൂ​ർ​ണ​മെൻറി​ലെ ആ​ദ്യ മൂ​ന്നു സ്​​ഥാ​ന​ക്കാ​ർ നേ​രി​ട്ട്​ ഒ​ളി​മ്പി​ക്​​സ്​ യോ​ഗ്യ​ത നേ​ടും. സെ​മി ഫൈ​ന​ലി​ലെ​ത്തു​ന്ന നാ​ലാ​മ​ത്തെ ടീ​മി​ന്​ ആ​ഫ്രി​ക്ക​ൻ ​ടീ​മു​മാ​യു​ള്ള ​​​േപ്ല​ഓ​ഫി​ലൂ​ടെ​യും ഒ​ളി​മ്പി​ക്​​സ്​ ബ​ർ​ത്തു​റ​പ്പി​ക്കാ​ൻ അ​വ​സ​ര​മു​ണ്ട്.

ടൂ​ർ​ണ​മെ​ന്റി​ൽ മാ​റ്റു​ര​ക്കു​ന്ന ടീ​മു​ക​ൾ ക​ഴി​ഞ്ഞ ഒ​രാ​ഴ്ച​ക്കു​ള്ളി​ലാ​യി ഖ​ത്ത​റി​ലെ​ത്തി​യി​രു​ന്നു. ര​ണ്ടു മാ​സം മു​മ്പ് സ​മാ​പി​ച്ച ഏ​ഷ്യ​ൻ ക​പ്പ് ഫു​ട്ബാ​ളി​ന്റെ താ​മ​സ, പ​രി​ശീ​ല​ന സൗ​ക​ര്യ​ങ്ങ​ൾ ത​ന്നെ​യാ​ണ് ടീ​മു​ക​ൾ ഉ​പ​യോ​ഗി​ക്കു​ന്ന​ത്. നി​ല​വി​ലെ ചാ​മ്പ്യ​ന്മാ​രാ​യ സൗ​ദി​യു​ടെ യു​വ​സം​ഘം ശ​നി​യാ​ഴ്ച ഉ​ച്ച​യോ​ടെ ദോ​ഹ​യി​ലെ​ത്തി..

ആറ്​ അറബ്​ ടീമുകൾ

ആ​തി​ഥേ​യ​രാ​യ ഖ​ത്ത​ർ, സൗ​ദി അ​റേ​ബ്യ, യു.​എ.​ഇ, കു​വൈ​ത്ത്​ എ​ന്നീ ഗ​ൾ​ഫ്​ രാ​ജ്യ​ങ്ങ​ൾ​ക്കൊ​പ്പം ഇ​റാ​ഖ്, ജോ​ർ​ഡ​ൻ എ​ന്നീ അ​റ​ബ്​ ടീ​മു​ക​ൾ കൂ​ടി പ​ങ്കു​ചേ​രു​ന്ന അ​ണ്ട​ർ 23 ഏ​ഷ്യ​ൻ ക​പ്പ്​ മേ​ഖ​ല​ക്കും സ​വി​ശേ​ഷ​മാ​ണ്. ആ​ദ്യ മൂ​ന്നി​ൽ ഒ​ന്നാ​യി ആ​രാ​വും ഒ​ളി​മ്പി​ക്​​സി​ന്​ യോ​ഗ്യ​ത നേ​ടാ​ൻ അ​വ​സ​രം സ്വ​ന്ത​മാ​ക്കു​ക​യെ​ന്ന്​ അ​റി​യാ​നു​ള്ള കാ​ത്തി​രി​പ്പ്. ആ​തി​ഥേ​യ​രാ​യ ഖ​ത്ത​ർ നി​ല​വി​ലെ ഏ​ഷ്യ​ൻ ചാ​മ്പ്യ​ന്മാ​രാ​ണെ​ങ്കി​ലും 1992ന്​ ​ശേ​ഷം ഒ​ളി​മ്പി​ക്​​സ്​ ഫു​ട്​​ബാ​ളി​ൽ പ​ന്തു ത​ട്ടി​യി​ട്ടി​ല്ല. 1984 ലോ​സ് ആ​ഞ്ജ​ല​സ്​ ഉ​ൾ​പ്പെ​ടെ ഇ​തു​വ​രെ ര​ണ്ടു ത​വ​ണ മാ​ത്ര​മേ ഒ​ളി​മ്പി​ക്​​സി​ൽ ക​ളി​ച്ചി​ട്ടു​ള്ളൂ.

യു.​എ.​ഇ 2012 ല​ണ്ട​ൻ ഒ​ളി​മ്പി​ക്​​സി​ൽ മാ​ത്ര​മാ​ണ്​ യോ​ഗ്യ​ത നേ​ടി​യ​ത്. മേ​ഖ​ല​യി​ലെ ക​രു​ത്ത​രും നി​ല​വി​ലെ ഏ​ഷ്യ​ൻ ചാ​മ്പ്യ​ന്മാ​രു​മാ​​യി ബൂ​ട്ടു​കെ​ട്ടു​ന്ന സൗ​ദി അ​റേ​ബ്യ​യും ത​ങ്ങ​ളു​ടെ മൂ​ന്നാം ഒ​ളി​മ്പി​ക്​​സ്​ ഫു​ട്​​ബാ​ളി​ലേ​ക്കാ​ണ്​ ല​ക്ഷ്യം വെ​ക്കു​ന്ന​ത്. 1996ലും ​ഏ​റ്റ​വും ഒ​ടു​വി​ലെ ടോ​ക്യോ ഒ​ളി​മ്പി​ക്​​സി​ലും സൗ​ദി ക​ളി​ച്ചി​രു​ന്നു. കു​വൈ​ത്ത്​ 1992, 2000 ഒ​ളി​മ്പി​ക്​​സു​ക​ളി​ലും ഇ​റാ​ഖ്​ 2004, 2016 ഒ​ളി​മ്പി​ക്​​സി​നും യോ​ഗ്യ​ത നേ​ടി​യി​രു​ന്നു. ആ​റാ​മ​ത്തെ അ​റ​ബ്​ രാ​ജ്യ​മാ​യ ജോ​ർ​ഡ​ൻ ഇ​തു​വ​രെ ഒ​ളി​മ്പി​ക്​​സി​ൽ ബൂ​ട്ടു​കെ​ട്ടി​യി​ട്ടി​ല്ല.

ചേട്ടൻമാരെ ​പകർത്താൻ ഖത്തർ

തു​ട​ർ​ച്ച​യാ​യി ര​ണ്ടാം ത​വ​ണ​യും ഏ​ഷ്യ​ൻ ക​പ്പി​ൽ മു​ത്ത​മി​ട്ട ഹ​സ​ൻ അ​ൽ ഹൈ​ദോ​സി​ന്റെ​യും അ​ക്രം അ​ഫി​ഫി​ന്റെ​യും പി​ൻ​മു​റ​ക്കാ​രാ​യി അ​ഹ​മ്മ​ദ്​ അ​ൽ റാ​വി​യും ത​മീം മ​ൻ​സൂ​റും ഉ​ദി​ച്ചു​യ​രു​മോ​യെ​ന്നാ​ണ്​ ആ​രാ​ധ​ക​രു​ടെ കാ​ത്തി​രി​പ്പ്. 2016 മു​ത​ൽ എ​ല്ലാ അ​ണ്ട​ർ 23 ഏ​ഷ്യ​ൻ ക​പ്പി​ലും ക​ളി​ച്ച ഖ​ത്ത​റി​ന്​ പ​ക്ഷേ, കി​രീ​ട​ത്തി​ൽ ഇ​തു​വ​രെ മു​ത്ത​മി​ടാ​ൻ ക​ഴി​ഞ്ഞി​ട്ടി​ല്ല. ആ​ദ്യം സെ​മി ഫൈ​ന​ലും 2018ൽ ​മൂ​ന്നാം സ്​​ഥാ​ന​വും കൊ​ണ്ട്​ മ​ട​ങ്ങി.

2022ൽ ​ഉ​സ്​​ബ​കി​സ്​​താ​നി​ൽ ഗ്രൂ​പ്​ റൗ​ണ്ടി​ൽ ത​ന്നെ മ​ട​ങ്ങാ​നാ​യി​രു​ന്നു വി​ധി. ഇ​ത്ത​വ​ണ പോ​ർ​ചു​ഗീ​സു​കാ​ര​നാ​യ പ​രി​ശീ​ല​ക​ൻ ഹി​ലി​യോ സൂ​സ​യു​ടെ കീ​ഴി​ലാ​ണ്​ ഖ​ത്ത​റി​ന്റെ യു​വ​നി​ര ബൂ​ട്ടു​കെ​ട്ടു​ന്ന​ത്. പ​രി​ച​യ​സ​മ്പ​ന്ന​രാ​യ യു​വ​താ​ര​ങ്ങ​ൾ സ്​​ട്രൈ​ക്ക​ർ അ​ഹ​മ്മ​ദ്​ അ​ൽ റാ​വി, മ​ധ്യ​നി​ര താ​രം ത​മീം മ​ൻ​സൂ​ർ മി​ഫ്​​താ​ഹ്, ഗോ​ളി അ​മീ​ർ ഹ​സ​ൻ, ജാ​സിം ജാ​ബി​ർ എ​ന്നി​വ​രു​ടെ മി​ക​ച്ച ലൈ​ന​പ്പാ​ണ്​ അ​ന്നാ​ബി​യു​ടെ ക​രു​ത്ത്.

സ്വ​ന്തം മ​ണ്ണും ആ​രാ​ധ​ക​രു​മെ​ന്ന സാ​ധ്യ​ത​ക്കൊ​പ്പം കൂ​ടു​ത​ൽ മ​ത്സ​ര​ങ്ങ​ളു​ടെ പ​രി​ച​യ​വും ശ്ര​ദ്ധേ​യ​മാ​ണ്. ക​ഴി​ഞ്ഞ വ​ർ​ഷം ഏ​ഷ്യ​ൻ ഗെ​യിം​സി​ൽ ഖ​ത്ത​ർ നി​രാ​ശ​പ്പെ​ടു​ത്തി​യി​രു​ന്നു. ഇ​പ്പോ​ൾ, സൗ​ഹൃ​ദ​ങ്ങ​ൾ ഉ​ൾ​പ്പെ​ടെ പ്ര​ധാ​ന മ​ത്സ​ര​ങ്ങ​ളു​മാ​യാ​ണ്​ ഏ​ഷ്യ​ൻ ക​പ്പി​ന്​ ഒ​രു​ങ്ങു​ന്ന​ത്.

തി​ങ്ക​ളാ​ഴ്​​ച ഉ​ദ്​​ഘാ​ട​ന മ​ത്സ​ര​ത്തി​ൽ ഖ​ത്ത​റി​ന്​ ഇ​ന്തോ​നേ​ഷ്യ​യാ​ണ്​ എ​തി​രാ​ളി. അ​ൽ റ​യാ​നി​ലെ ജാ​സിം ബി​ൻ ഹ​മ​ദ്​ സ്​​റ്റേ​ഡി​യ​ത്തി​ൽ വൈ​കീ​ട്ട് 6.30നാ​ണ്​ മ​ത്സ​രം. 

നാല് വേദികൾ

• ഖ​ലീ​ഫ ഇ​ന്റ​ർ​നാ​ഷ​ന​ൽ സ്റ്റേ​ഡി​യം
• അ​ൽ ജ​നൂ​ബ് സ്റ്റേ​ഡി​യം
• ജാ​സിം ബി​ൻ ഹ​മ​ദ് സ്റ്റേ​ഡി​യം
• അ​ബ്ദു​ല്ല ബി​ൻ ഖ​ലീ​ഫ സ്റ്റേ​ഡി​യം

ഗ്രൂപ് റൗണ്ട് മാച്ചുകൾ

(ഏപ്രിൽ 15 മുതൽ)

• 15- 4.00 pm ആ​സ്ട്രേ​ലി​യ x ജോ​ർ​ഡ​ൻ (അ​ബ്ദു​ല്ല സ്റ്റേ​ഡി​യം)
• 15- 6.30 pm ഖ​ത്ത​ർ x ഇ​ന്തോ​നേ​ഷ്യ (ജാ​സിം സ്റ്റേ​ഡി​യം)
• 16- 4.00 pm ജ​പ്പാ​ൻ x ചൈ​ന (ജാ​സിം സ്റ്റേ​ഡി​യം)
• 16 -6.30 pm ദ​ക്ഷി​ണ കൊ​റി​യ x യു.​എ.​ഇ (അ​ബ്ദു​ല്ല സ്റ്റേ​ഡി​യം)
• 16 -6.30 pm ഇ​റാ​ഖ് x താ​യ്‍ല​ൻ​ഡ് (അ​ൽ ജ​നൂ​ബ്)
• 16 -9.00 pm സൗ​ദി x ത​ജി​കി​സ്താ​ൻ (ഖ​ലീ​ഫ സ്റ്റേ​ഡി​യം)
• 17-4.00 pm ഉ​സ്ബ​കി​സ്താ​ൻ x മ​ലേ​ഷ്യ (ഖ​ലീ​ഫ സ്റ്റേ​ഡി​യം)
• 17- 6.30 pm വി​യ​റ്റ്നാം x കു​വൈ​ത്ത് (അ​ൽ ജ​നൂ​ബ്)
• 18- 4.00 pm ഇ​ന്തോ​നേ​ഷ്യ x ആ​സ്ട്രേ​ലി​യ (അ​ബ്ദു​ല്ല സ്റ്റേ​ഡി​യം)
• 18- 6.30 pm ജോ​ർ​ഡ​ൻ x ഖ​ത്ത​ർ (ജാ​സിം സ്റ്റേ​ഡി​യം)
• 19 -4.00 pm ചൈ​ന x ദ​ക്ഷി​ണ കൊ​റി​യ (അ​ബ്ദു​ല്ല സ്റ്റേ​ഡി​യം)
• 19 -6.30 pm യു.​എ.​ഇ x ​ജ​പ്പാ​ൻ (ജാ​സിം സ്റ്റേ​ഡി​യം)
• 19- 6.30 pm താ​യ്‍ല​ൻ​ഡ് x സൗ​ദി (ഖ​ലീ​ഫ സ്റ്റേ​ഡി​യം)
• 19- 9.00 pm ത​ജി​കി​സ്താ​ൻ x ഇ​റാ​ഖ് (അ​ൽ ജ​നൂ​ബ്)
• 20- 4.00 pm മ​ലേ​ഷ്യ x വി​യ​റ്റ്നാം (ഖ​ലീ​ഫ സ്റ്റേ​ഡി​യം)
• 20- 6.30 pm കു​വൈ​ത്ത് x ഉ​സ്ബ​കി​സ്താ​ൻ (അ​ൽ ജ​നൂ​ബ്)
• 21 - 6.30 pm ഖ​ത്ത​ർ x ആ​സ്ട്രേ​ലി​യ (ജാ​സിം സ്റ്റേ​ഡി​യം)
• 21-6.30 pm ജോ​ർ​ഡ​ൻ x ഇ​ന്തോ​നേ​ഷ്യ (അ​ബ്ദു​ല്ല സ്റ്റേ​ഡി​യം)
• 22- 4.00 pm യു.​എ.​ഇ x ചൈ​ന (അ​ബ്ദു​ല്ല സ്റ്റേ​ഡി​യം)
• 22- 4.00 pm ജ​പ്പാ​ൻ x ദ​ക്ഷി​ണ കൊ​റി​യ (ജാ​സിം സ്റ്റേ​ഡി​യം)
• 23 -6.30 pm കു​വൈ​ത്ത് x മ​ലേ​ഷ്യ (അ​ൽ ജ​നൂ​ബ്)
• 23- 6.30 pm ഉ​സ്ബ​കി​സ്താ​ൻ x വി​യ​റ്റ്നാം (ഖ​ലീ​ഫ സ്റ്റേ​ഡി​യം)