ന്യൂഡൽഹി: ഇടത് കാലിലെ പരിക്കിനെത്തുടർന്ന് ലോക ബാഡ്മിന്റൺ ചാമ്പ്യൻഷിപ്പിൽ നിന്ന് ഒളിമ്പ്യൻ പി.വി. സിന്ധു പിന്മാറി. ട്വിറ്ററിലൂടെയാണ് ഇക്കാര്യം അറിയിച്ചത്. കോമൺവെൽത്ത് ഗെയിംസിൽ ഇന്ത്യക്ക് വേണ്ടി സ്വർണം നേടിയതിലൂടെ ഉന്നതിയിലിരിക്കുന്ന തനിക്ക് നിർഭാഗ്യവശാൽ ലോക ചാമ്പ്യൻഷിപ്പിൽ നിന്ന് മാറിനിൽക്കേണ്ട സാഹചര്യമാണെന്നും വേദന സഹിച്ചാണ് കുറച്ച് ദിവസം കളിച്ചതെന്നും സിന്ധു പറഞ്ഞു.
ആഗസ്റ്റ് 21 മുതൽ 28 വരെയാണ് മത്സരങ്ങൾ. കോമൺവെൽത്ത് ഗെയിംസ് വനിത സിംഗ്ൾസിൽ ഇക്കുറി സ്വർണം നേടിയ സിന്ധു ഒളിമ്പിക്സിൽ ഓരോ വെള്ളിയും വെങ്കലവും സ്വന്തമാക്കിയിട്ടുണ്ട്. 2019ലെ ലോക ചാമ്പ്യനാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.