റെ​േക്കാഡ്​ അലർട്ട്​; ജീന ബേസിൽ ഫ്രം മാർ ബേസിൽ

കൊ​ച്ചി: മ​ഴ​യും കാ​റ്റും ജീ​ന ബേ​സി​ലി​ന് പേ​ടി​യാ​യി​രു​ന്നു. ജ​ലാ​ശ​യ​ത്തി​ന് തൊ​ട്ട​രി​കി​ൽ സു​ര​ക്ഷി​ത​മ​ല്ലാ​ത്ത വീ​ട്ടി​ൽ ചെ​ല​വ​ഴി​ച്ച കു​ട്ടി​ക്കാ​ലം. അ​വി​ടെ നി​ന്നാ​ണ് നി​ല​വാ​രം തീ​രെ കു​റ​ഞ്ഞൊ​രു പോ​ളു​മാ​യി കേ​ര​ള ഇ​സി​ൻ​ബ​യേ​വ​യെ​ന്ന സ്വ​പ്ന​ത്തി​ലേ​ക്ക് ജീ​ന ചാ​ട്ടം തു​ട​ങ്ങി​യ​ത്. കു​റ​ച്ചു​വ​ർ​ഷ​ങ്ങ​ളാ​യി സ്കൂ​ൾ കാ​യി​ക​മേ​ള​യി​ൽ ഈ ​കോ​ത​മം​ഗ​ലം മാ​ർ​ബേ​സി​ൽ എ​ച്ച്.​എ​സ്.​എ​സ് വി​ദ്യാ​ർ​ഥി​നി​ക്ക് എ​തി​രാ​ളി​ക​ളി​ല്ല.

ഇ​ന്ന​ലെ മ​ഹാ​രാ​ജാ​സ് മു​റ്റ​ത്ത് ചാ​ടി​യി​റ​ങ്ങി​യ​ത് അ​ഞ്ചാ​മ​ത്തെ സം​സ്ഥാ​ന സ്കൂ​ൾ കാ​യി​ക​മേ​ള സ്വ​ർ​ണ​ത്തി​ലേ​ക്ക്, അ​തും റെ​ക്കോ​ഡോ​ടെ. ക​ഴി​ഞ്ഞ നാ​ല് ത​വ​ണ ജൂ​നി​യ​ർ വി​ഭാ​ഗ​ത്തി​ലാ​യി​രു​ന്നെ​ങ്കി​ൽ ഇ​ക്കു​റി സീ​നി​യ​റി​ലാ​ണ് പ്ല​സ്ടു​ക്കാ​രി മ​ത്സ​രി​ച്ച​ത്. സീ​നി​യ​ർ ഗേ​ൾ​സ് പോ​ൾ​വോ​ൾ​ട്ടി​ൽ 3.43 മീ​റ്റ​ർ ചാ​ടി റെ​ക്കോ​ഡ് കു​റി​ച്ചു ജീ​ന. 2014ൽ ​മ​രി​യ ജെ​യ്സ​ൻ ചാ​ടി​യ 3.42 മീ​റ്റ​റാ​ണ് മ​റി​ക​ട​ന്ന​ത്.

മി​ക്ക കാ​യി​ക താ​ര​ങ്ങ​ളെ​യും പോ​ലെ ക​ഷ്ട​പ്പാ​ടു​ക​ൾ നി​റ​ഞ്ഞ ജീ​വി​ത​മാ​ണ് ജീ​ന​യു​ടെ​തും. മ​ഴ​പെ​യ്താ​ൽ വെ​ള്ളം ഇ​ര​ച്ചെ​ത്തു​ന്ന വീ​ട്ടി​ൽ നി​ന്ന് മാ​റി ബ​ന്ധു​വീ​ട്ടി​ലാ​ണ് ഇ​പ്പോ​ൾ താ​മ​സം. നാ​ട്ടു​കാ​ർ പി​രി​വെ​ടു​ത്താ​ണ് പോ​ൾ വാ​ങ്ങി​ക്കൊ​ടു​ത്ത​ത്. കോ​ത​മം​ഗ​ലം ഊ​ന്നു​ക​ൽ പു​തു​പ്പാ​ടി​യി​ൽ ബേ​സി​ൽ-​മ​ഞ്ജു ദ​മ്പ​തി​ക​ളു​ടെ മ​ക​ളാ​ണ് ജീ​ന.

സം​സ്ഥാ​ന സ്കൂ​ൾ കാ​യി​ക​മേ​ള ജൂ​നി​യ​ർ വി​ഭാ​ഗ​ത്തി​ൽ 3.10 മീ​റ്റ​ർ ചാ​ടി​യാ​യി​രു​ന്നു സ്വ​ർ​ണ​ത്തു​ട​ക്കം. ഓ​രോ വ​ർ​ഷ​വും പ്ര​ക​ട​നം മെ​ച്ച​പ്പെ​ടു​ത്തി അ​വ​സാ​ന സ്കൂ​ൾ മീ​റ്റി​ൽ റെ​ക്കോ​ഡും നേ​ടി ജീ​ന. മോ​ശം കാ​ലാ​വ​സ്ഥ​യി​ലാ​ണ് മ​ത്സ​രം ന​ട​ന്ന​ത്. 3.50 മീ​റ്റ​റി​ന് ശ്ര​മി​ച്ചെ​ങ്കി​ലും മ​ഴ​യും കാ​റ്റും വി​ല്ല​നാ​യെ​ന്ന് ജീ​ന പ​റ​യു​ന്നു.