ബര്‍ലിന്‍: കായിക ഓസ്കര്‍ എന്നറിയപ്പെടുന്ന ‘ലോറസ് വേള്‍ഡ് സ്പോര്‍ട്സ്’ അവാര്‍ഡിനായി ലയണല്‍ മെസ്സിയും ഉസൈന്‍ ബോള്‍ട്ടും നേര്‍ക്കുനേര്‍.
പോയവര്‍ഷത്തെ മികച്ച പുരുഷ കായികതാരത്തിനുള്ള അവാര്‍ഡിനാണ് മറ്റ് നാലുപേര്‍ക്കൊപ്പം അഞ്ചു തവണ ലോകഫുട്ബാളറായ മെസ്സിയും ലോകത്തെ വേഗമേറിയ ഓട്ടക്കാരനായ ബോള്‍ട്ടും മത്സരിക്കുന്നത്. ബോള്‍ട്ട് മൂന്നു തവണ അവാര്‍ഡ് നേടിയിരുന്നെങ്കില്‍ മെസ്സിക്ക് ഇതുവരെ സ്വന്തമാക്കാന്‍ കഴിഞ്ഞിട്ടില്ല.
ടെന്നിസ് ഒന്നാം നമ്പര്‍ നൊവാക് ദ്യോകോവിച്, യു.എസ് ബാസ്കറ്റ്ബാള്‍ താരം സ്റ്റീഫന്‍ കറി, എഫ് വണ്‍ ചാമ്പ്യന്‍ ലൂയിസ് ഹാമില്‍ട്ടന്‍, ഗോള്‍ഫ് താരം ജോര്‍ദന്‍ സ്പീത്ത് എന്നിവരാണ് പട്ടികയിലെ മറ്റു താരങ്ങള്‍.
വനിതകളില്‍ കഴിഞ്ഞവര്‍ഷത്തെ പുരസ്കാര ജേതാവ് ഇത്യോപ്യയുടെ ജെന്‍സിബ ഡിബാബയും ടെന്നിസ് സൂപ്പര്‍ താരം സെറീന വില്യംസും ഇടം നേടി. ഓസ്ട്രിയന്‍ സ്കീയിങ് താരം അന്ന ഫെനിഞ്ചര്‍, ജമൈക്കന്‍ സ്പ്രിന്‍റര്‍ ഷെല്ലി ആന്‍ഫ്രെയ്സര്‍, നീന്തല്‍ താരം കാതി ലെഡകി, യു.എസ് ഫുട്ബാള്‍ താരം കാര്‍ലി ലോയ്ഡ് എന്നിവരും പട്ടികയിലുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.