കോഴിക്കോട്: ഫിയാസ്റ്റോ അഖിലേന്ത്യാ ബാസ്കറ്റ് ബാള്‍ ടൂര്‍ണമെന്‍റില്‍ ഹുബ്ളി സൗത് വെസ്റ്റേണ്‍ റെയില്‍വേയെ തോല്‍പിച്ച് പ്രോവിഡന്‍സ് കോഴിക്കോട് സെമിഫൈനലില്‍. 68-62 എന്ന സ്കോറിനാണ് റെയില്‍വേയെ പ്രോവിഡന്‍സ് പരാജയപ്പെടുത്തിയത്. വനിതാവിഭാഗം ഗ്രൂപ് എയില്‍നിന്നും രണ്ടാമതായാണ് പ്രോവിഡന്‍സ് സെമിയിലത്തെിയത്. നേരത്തെ കെ.എസ്.ഇ.ബി തിരുവനന്തപുരവും സെമിയിലത്തെിയിരുന്നു.
പുരുഷ വിഭാഗം ഗ്രൂപ് ബിയില്‍ വിജയബാങ്ക് ബംഗളൂരു, ആര്‍മി സിഗ്നല്‍സിനെ പരാജയപ്പെടുത്തി സെമിയില്‍ കടന്നു. സ്കോര്‍: 81-80. അരവിന്ദ് (27), റോബി തോമസ് (21) എന്നിവരുടെ മികച്ച പ്രകടനമാണ് വിജയബാങ്കിന്‍െറ വിജയത്തിന് നിര്‍ണായകമായത്.പ്രോവിഡന്‍സ് കോഴിക്കോടിനുവേണ്ടി കവിത ജോസ്-14, വിമ്മി വര്‍ക്കി-13, അതുല്യ-12, അശ്വതി എസ്. തമ്പി-11, റിയ രാജേന്ദ്രന്‍-10 തവണ സ്കോര്‍ ചെയ്തു. വ്യാഴാഴ്ച പുരുഷ വിഭാഗത്തില്‍ ഐ.ഒ.ബി ചെന്നൈ, കൊച്ചി സെന്‍ട്രല്‍ എക്സൈസിനെയും കെ.എസ്.ഇ.ബി. തിരുവനന്തപുരം, സിഗ്നല്‍സ് ഡല്‍ഹിയെയും നേരിടും. വനിതാവിഭാഗത്തില്‍ കേരള പൊലീസും ഈസ്റ്റേണ്‍ റെയില്‍വേയും തമ്മില്‍ മത്സരിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.