ന്യൂഡൽഹി: കോമൺവെൽത്ത് ഗെയിംസിൽ സ്വർണം നേടിയ ഇന്ത്യൻ ഭാരോദ്വഹക സഞ്ജിത ചാനു ഉത്തേജക മരുന്ന് പരിശോധനയിൽ പരാജയപ്പെട്ടു. നിരോധിത അനബോളിക് സ്റ്റെറോയിഡായ ടെസ്റ്റസ്റ്റെറോൺ ആണ് ചാനു ഉപയോഗിച്ചതെന്നും പ്രാഥമിക പരിശോധനയിൽ പരാജയപ്പെട്ട താരത്തെ സസ്പെൻഡ് ചെയ്തതായും അന്താരാഷ്ട്ര ഭാരോദ്വഹക ഫെഡറേഷൻ വെബ്സൈറ്റിൽ അറിയിച്ചു.
അന്താരാഷ്ട്ര ഭാരോദ്വഹക ഫെഡറേഷെൻറ ഉത്തേജകവിരുദ്ധ നിയമ നടപടികളുടെ ഭാഗമായുള്ള പരിശോധനയിലാണ് സഞ്ജിതയുടെ ആദ്യ സാമ്പ്ൾ പോസിറ്റിവായത്. അടുത്ത സാമ്പ്ൾ കൂടി പോസിറ്റിവായാൽ ശിക്ഷ നടപടിയുണ്ടാവും.
ഗോൾഡ് കോസ്റ്റ് കോമൺവെൽത്ത് ഗെയിംസിൽ വനിതകളുടെ 53 കി. വിഭാഗത്തിലാണ് സഞ്ജിത ചാനു സ്വർണം നേടിയിരുന്നത്. 2014 ഗ്ലാസ്ഗോ കോമൺവെൽത്ത് ഗെയിംസിൽ 48 കി. വിഭാഗത്തിലും സഞ്ജിത സ്വർണം നേടിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.