റിയാദ്: വിമർശകരുടെ വായടപ്പിച്ച് വിശ്വനാഥൻ ആനന്ദിന് ലോക റാപിഡ് ചെസ് ചാമ്പ്യൻഷിപ്പിൽ വിജയം. റിയാദിൽ നടന്ന മൽസരത്തിൽ റഷ്യയുടെ വ്ലാദമിർ ഫെഡോസീവിനെ പരാജയപ്പെടുത്തി ആനന്ദ് കിരീടം ചൂടി.15 റൗണ്ട് നീണ്ട ചാംപ്യന്‍ഷിപ്പില്‍ ടൈ വന്നതിനെത്തുടര്‍ന്ന് പ്ലേ ഓഫില്‍ ജയിച്ചാണ് ആനന്ദ് ജേതാവായത്.
അഞ്ചാം റൗണ്ടിൽ ലോക ഒന്നാം നമ്പർ മാഗ്നസ് കാൾസണെ ആനന്ദ് അട്ടിമറിച്ചിരുന്നു. ടൂർണമെൻറിലാകെ ആറ് ജയവും 9 സമനിലയുമാണ് ആനന്ദ് നേടിയത്. കാള്‍സണ്‍ അഞ്ചാം സ്ഥാനത്താണ്
10.5 പോയൻറ് നേടിയ ആനന്ദ് ടൈബ്രേക്കറിൽ രണ്ട് ഗെയിമുകളും നേടിയായിരുന്നു കിരീടം നിലനിർത്തിയത്. 14 വര്‍ഷങ്ങള്‍ക്ക് ശേഷമാണ് ആനന്ദ് ലോക റാപ്പിഡ് ചെസ് പട്ടം തിരികെപ്പിടിക്കുന്നത്. തുടർ പരാജയം കാരണം കുറച്ച് കാലങ്ങളായി നേരിടുന്ന വിമർശനങ്ങൾക്കുള്ള മറുപടിയായിരുന്നു റിയാദിലെ മിന്നുന്ന വിജയം. രാഷ്ട്രപതി രാംനാഥ് കോവിന്ദ് അടക്കം നിരവധി പ്രമുഖർ ആനന്ദിന് ആശംസകളുമായി രംഗത്തെത്തി.
Congratulations Viswanathan Anand for winning the World Rapid Chess Championship. Such determined pursuit of excellence across decades makes you an inspiration for all of us. India is proud of you #PresidentKovind
— President of India (@rashtrapatibhvn) December 29, 2017
Congratulations to the man from the sixties, @vishy64theking, on his World Rapid title! I hope you dedicated this latest victory to everyone who has asked you when you were going to retire!
— Garry Kasparov (@Kasparov63) December 28, 2017
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.