ഗ്ലാസ്കോ: ഭാരദ്വഹനത്തിലും ഷൂട്ടിങ്ങിലും സ്വർണ്ണ നേട്ടവുമായി ഇന്ത്യ. വനിതകളുടെ 69 കിലോ വിഭാഗത്തിൽ പൂനം യാദവാണ് ഭാര്വദഹനത്തിൽ സ്വർണം നേടിയത്. 10 മീറ്റർ എയർപിസ്റ്റൾ വിഭാഗത്തിൽ മനു ഭേകറാണ് ഇന്ത്യക്കായി സ്വർണ്ണം നേടിയത്. ഇൗയിനത്തിലെ വെള്ളിയും ഇന്ത്യക്കാണ്. ഹീന സിധുവിനാണ് വെള്ളി. ഇതോടെ ഇന്ത്യയുടെ സ്വർണ്ണ നേട്ടം ആറായി.
ആകെ 222 കിലോ ഉയർത്തിയാണ് പൂനത്തിെൻറ സ്വർണ്ണ നേട്ടം. രണ്ടാം ശ്രമത്തിൽ 122 കിലോ ഉയർത്തുന്നതിൽ അവർ പരാജയപ്പെട്ടുവെങ്കിലും മൂന്നാം ശ്രമത്തിൽ വിജയിച്ചു. 217 കിലോ ഗ്രാം ഉയർത്തിയ ഇംഗ്ലണ്ടിലെ സറാഹ് ഡേവിസിനാണ് ഇൗയിനത്തിൽ വെള്ളി. 216 കിലോ ഗ്രാം ഉയർത്തി അപോളോനിയ വൈവിക്ക് വെങ്കലവും ലഭിച്ചു.
സ്വർണ്ണം നേടിയ പൂനം യാദവിനെ രാഷ്ട്രപതി രാംനാഥ് കോവിന്ദ് അഭിനന്ദിച്ചു. പൂനം യാദവിെൻറ മനുഭേകറിെൻറയും സ്വർണ്ണം നേട്ടത്തോടെ ആറ് സ്വർണ്ണവും രണ്ട് വെള്ളിയും വെങ്കലവുമായി ഇന്ത്യക്ക് ഒമ്പത് മെഡലായി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.