പുൽപള്ളി: മുള്ളൻകൊല്ലിയിൽ നടക്കുന്ന 62ാമത് സംസ്ഥാന സീനിയർ ബാസ്കറ്റ് ബാൾ ചാമ്പ്യൻഷിപ്പിൽ പുരുഷ-വനിത വിഭാഗങ്ങളിൽ തിരുവനന്തപുരം സെമിയിൽ കടന്നു. വനിത വിഭാഗത്തിൽ കോട്ടയവും പാലക്കാടും സെമിയിലെത്തി. പത്തനംതിട്ടയെ തകർത്താണ് (54-46) തിരുവനന്തപുരത്തിെൻറ വനിത ടീം സെമി ബെർത്ത് ഉറപ്പിച്ചത്. കോഴിക്കോടും കൊല്ലവും തമ്മിലുള്ള മത്സരത്തിലെ ജേതാക്കളെയായിരിക്കും തിരുവനന്തപുരം വനിത ടീം സെമിയിൽ നേരിടുക.
വനിത വിഭാഗം ക്വാർട്ടറിൽ മലപ്പുറത്തെ തോൽപിച്ച കോട്ടയവും (42-20), തൃശൂരിനെ തോൽപിച്ച പാലക്കാടും (50-55) സെമിയിൽ ഏറ്റുമുട്ടും. ക്വാർട്ടറിൽ കൊല്ലത്തെ പരാജയപ്പെടുത്തിയാണ് തിരുവനന്തപുരം പുരുഷ ടീം ( 43-14) സെമിയിലെത്തിയത്. പത്തനംതിട്ട-കോട്ടയം ക്വാർട്ടർ മത്സരത്തിലെ ജേതാക്കളെയാണ് സെമിയിൽ തിരുവനന്തപുരം നേരിടുക. പുരുഷ വിഭാഗം ക്വാർട്ടറിൽ തൃശൂരിനെ തോൽപിച്ച കോഴിക്കോട് ( 73-62), എറണാകുളവും പാലക്കാടും തമ്മിലുള്ള ക്വാർട്ടർ മത്സരത്തിലെ ജേതാക്കളുമായി സെമിയിൽ ഏറ്റുമുട്ടും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.