കോഴിക്കോട്: അണ്ടർ 18 ഏഷ്യാകപ്പ് ത്രീ ഒാൺ ത്രീ ബാസ്കറ്റ്ബാൾ ചാമ്പ്യൻഷിപ്പിനുള്ള ഇന്ത്യൻ ടീമിൽ രണ്ട് മലയാളികൾ. മലേഷ്യയിലെ സൈബർജയ വേദിയാവുന്ന ഏഷ്യാകപ്പിനുള്ള പുരുഷ-വനിത ടീമിൽ മലയാളികളായ സെജിൻ മാത്യുവും ശ്രീകലയും ഇടം നേടി. വനിത ടീം മാനേജറായി ദക്ഷിണ റെയിൽവേയുടെ ജീന സക്കറിയയെയും ഉൾപ്പെടുത്തി. 26 മുതൽ 28 വരെയാണ് ത്രീ ഒാൺ ത്രീ ചാമ്പ്യൻഷിപ്. നോയ്ഡയിലെ എൻ.ബി.എ അക്കാദമിയിലുള്ള ഏക മലയാളിയായ സെജിൻ മാത്യു തിരുവല്ല സ്വദേശിയാണ്. തിരുവനന്തപുരം സെൻറ് ഗൊരേറ്റീസ് എച്ച്.എസ്.എസ് വിദ്യാർഥിനിയാണ് ശ്രീകല. പുരുഷവിഭാഗം യോഗ്യത റൗണ്ടിൽ തുർക്മെനിസ്താൻ, ലബനാൻ എന്നിവർക്കൊപ്പമാണ് ഇന്ത്യ. യോഗ്യത നേടിയാൽ ഗ്രൂപ് സിയിൽ ബഹ്റൈൻ, ഖത്തർ എന്നിവർക്കൊപ്പം മത്സരിക്കും. വനിതകളിൽ തുർക്മെനിസ്താൻ, ചൈനീസ് തായ്പെയ് എന്നിവർക്കെതിരെയാണ് യോഗ്യത റൗണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.