അഡ്ലെയ്ഡ്: പേസര്‍മാരായ ജെയിംസ് പാറ്റിന്‍സണും നതാന്‍ കോള്‍ടര്‍ നീലും വെസ്റ്റിന്‍ഡീസിനെതിരായ ഒന്നാം ക്രിക്കറ്റ് ടെസ്റ്റിനുള്ള ആസ്ട്രേലിയന്‍ ടീമില്‍ ഇടംനേടി. പരിക്കേറ്റ മിച്ചല്‍ സ്റ്റാര്‍ക്കിനും വിരമിച്ച മിച്ചല്‍ ജോണ്‍സനും പകരക്കാരായാണ് രണ്ടു പേരെയും 12 അംഗ ടീമില്‍ ഉള്‍പ്പെടുത്തിയത്.
ഈ മാസം 10 മുതല്‍ 14 വരെ ഹൊബാര്‍ട്ടിലാണ് ഒന്നാം ടെസ്റ്റ്. ന്യൂസിലന്‍ഡിനെതിരായ അഡ്ലെയ്ഡ് ടെസ്റ്റിലെ മാന്‍ ഓഫ് ദ മാച്ച് ജോഷ് ഹാസില്‍വുഡിനെ ടീമില്‍ നിലനിര്‍ത്തി. ഒന്നര വര്‍ഷത്തെ ഇടവേളക്കു ശേഷമാണ് പാറ്റിന്‍സണ്‍ ഓസീസ് ടെസ്റ്റ് ടീമില്‍ ഇടംനേടുന്നത്.
ടീം: ഡേവിഡ് വാര്‍ണര്‍, ജോ ബേണ്‍സ്, സ്റ്റീവന്‍ സ്മിത്ത്, ആഡം വോഗ്സ്, ഷോണ്‍ മാര്‍ഷ്, മിച്ചല്‍ മാര്‍ഷ്, പീറ്റര്‍ നെവില്‍, പീറ്റര്‍ സിഡ്ല്‍, ജോഷ് ഹാസില്‍വുഡ്, ജെയിംസ് പാറ്റിന്‍സണ്‍, നതാന്‍ ലിയോണ്‍, നതാന്‍ കോള്‍ടര്‍ നീല്‍.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.