നെപ്പിയർ: ബംഗ്ലാദേശിനെ എട്ടു വിക്കറ്റിന് തോൽപിച്ച് ഏകദിന പരമ്പരയിൽ ന്യൂസിലൻ ഡിന് വിജയത്തുടക്കം. ഫോമിലേക്ക് തിരിച്ചെത്തിയ മാർട്ടിൻ ഗുപ്റ്റിലിെൻറ തകർപ്പ ൻ സെഞ്ച്വറിയിലാണ് സന്ദർശകരെ ന്യൂസിലൻഡ് തുരുത്തിയത്. മൂന്നു മത്സരങ്ങളടങ്ങിയ പരമ്പരയിൽ ഇതോടെ ആതിഥേയർ 1-0ത്തിന് മുന്നിലെത്തി.ആദ്യം ബാറ്റുചെയ്ത ബംഗ്ലാദേശിനെ ന്യൂസിലൻഡ് ബൗളർമാർ 233 റൺസിന് ഒതുക്കിയിരുന്നു. ട്രൻറ് ബോൾട്ടിെൻറയും മിച്ചൽ സാൻറ്നറിെൻറയും (മൂന്ന് വിക്കറ്റ് വീതം) ബൗളിങ്ങിലാണ് 48.5 ഒാവറിൽ 232 റൺസിന് കടുവകൾ കൂടാരം കയറിയത്. അർധ സെഞ്ച്വറി നേടിയ മുഹമ്മദ് മിഥുനും (62), മുഹമ്മദ് സെയ്ഫുദ്ദീനും (41) മാത്രമാണ് പിടിച്ചുനിന്നത്.
മറുപടി ബാറ്റിങ്ങിനിറങ്ങിയ ന്യൂസിലൻഡിനെ ഒാപണർ മാർട്ടിൻ ഗുപ്റ്റിൽ (117) സെഞ്ച്വറിയുമായി പുറത്താകാതെ നയിച്ചതോടെ രണ്ടു വിക്കറ്റ് നഷ്ടത്തിൽ അഞ്ച് ഒാവർ ബാക്കിയിരിക്കെ കളി ജയിച്ചു. ഹെൻറി നിക്കോൾസ് (53), ക്യാപ്റ്റൻ കെയിൻ വില്യംസൺ (11) എന്നിവരുടെ വിക്കറ്റുകളാണ് നഷ്ടമായത്. റോസ് ടെയ്ലർ (45) പുറത്താകാതെ നിന്നു.
നാലു സിക്സും എട്ടു ഫോറും പറത്തിയ ഗുപ്റ്റിലിെൻറ 15ാം ഏകദിന സെഞ്ച്വറിയാണിത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.