കറാച്ചി: വാതുവെപ്പ് കേസിൽ പിടിയിലായി അഞ്ചു വർഷത്തേക്ക് വിലക്ക് ലഭിച്ച പാക് ക്രിക്കറ്റ് താരം ഷർജീൽ ഖാൻ ഉന്നത സമിതിക്ക് അപ്പീൽ നൽകും. താരത്തിെൻറ അഭിഭാഷകൻ ഷെയ്ഗാൻ ഇജാസാണ് ഇക്കാര്യം മാധ്യമങ്ങളെ അറിയിച്ചത്. വാതുവെപ്പിൽ ഷർജീൽ ഖാൻ നേരിട്ട് ഇടപെട്ടതിന് പാകിസ്താൻ ക്രിക്കറ്റ് ബോർഡിന് കൃത്യമായ തെളിവുകൾ ഹാജരാക്കാൻ സാധിച്ചില്ലെന്നിരിക്കെ, അഞ്ചുവർഷത്തെ വിലക്ക് ഒരിക്കലും അംഗീകരിക്കാനാവില്ലെന്നും വക്കീൽ അറിയിച്ചു. പാകിസ്താൻ സൂപ്പർ ലീഗിൽ വാതുവെപ്പ് ആരോപണത്തിന് വിധേയനായ താരത്തിനെതിരെ കുറ്റം ചുമത്തി, പി.സി.ബിയുടെ അഴിമതി വിരുദ്ധ വിഭാഗമാണ് വിലക്കേർപ്പെടുത്തിയത്. ഷർജീൽ ഖാനിനുപുറമെ, മുഹമ്മദ് ഇർഫാൻ, ഷഹ്സയ്ബ് ഹസൻ, നാസിർ ജംഷിദ്, മുഹമ്മദ് നവാസ് എന്നിവർക്കെതിരെയും നിലവിൽ അേന്വഷണം നടക്കുന്നുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.