ലോകകപ്പ് യോഗ്യത പോരാട്ടത്തിൽ ഇക്വഡോറിനെ രണ്ടു ഗോളുകൾക്ക് പരാജയപ്പെടുത്തി ബ്രസീൽ വിജയപ്പോരാട്ടം ആവർത്തിച്ചു. പൊളിഞ്ഞോ(69), ഫിലിപ് കൊട്ടീഞ്ഞോ(76) എന്നിവരാണ് ബ്രസീലിനായി രണ്ടാം പകുതിയിൽ ഗോൾ നേടിയത്. മത്സരത്തിൽ നിരവധി ഗോൾ അവസരങ്ങൾ ബ്രസീലിനു ലഭിച്ചെങ്കിലും മുതലാക്കാൻ ആയില്ല. പോയിന്‍റ് നിലയിൽ ഒന്നാമതാണു ബ്രസീൽ. മറ്റൊരു മത്സരത്തിൽ ചിലി പരാഗ്വായോട് തോറ്റു. ഏകപക്ഷീയമായ മൂന്നു ഗോളുകൾക്ക് ആയിരുന്നു പരാഗ്വയുടെ വിജയം.
അതേ സമയം, തെക്കൻ അമേരിക്കൻ മണ്ണിൽ നിർണായകമായ പോരാട്ടത്തിനിറങ്ങിയ അർജന്‍റീന ഉറുഗ്വായോട് ഗോൾ രഹിത സമനില വഴങ്ങി. ഉറുഗ്വായ് മണ്ണിൽ നടന്ന മത്സരത്തിൽ പരിക്കേറ്റ സൂപ്പർ താരം ലൂയി സുവാരസും കളിക്കാനിറങ്ങിയിരുന്നു. തെക്കൻ അമേരിക്കൻ ലോകകപ്പ് യോഗ്യത പോരാട്ടത്തിൽ അർജന്‍റീനക്ക് ഇന്നത്തെ മത്സരത്തിൽ പ്രത്യേകിച്ച് നേട്ടമൊന്നും ഉണ്ടാക്കാനായില്ല. സമനിലയോടെ ഉറുഗ്വായ് 24 പോയിന്‍റുമായി മൂന്നാം സ്ഥാനത്ത് തുടരുകയാണ്. അർജന്‍റീന 23 പോയിന്‍റുമായി അഞ്ചാം സ്ഥാനത്ത് തുടരുകയാണ്.
യോഗ്യതാ മത്സരങ്ങളിൽ വരും പോരാട്ടങ്ങൾ ഇതോടെ നിർണായകമായി. പുതിയ കോച്ച് ജോർജ് സാം പോളിക്ക് കീഴിൽ ആദ്യ ലോകകപ്പ് യോഗ്യത പോരാട്ടത്തിനിറങ്ങിയ അർജന്‍റീന മുന്നേറ്റനിരയിൽ മൂന്നുപേരെ ഇറക്കിയിരുന്നു. ലയണൽ മെസ്സി, ഫോളോ ദിബാല,മോറോ കാർഡി എന്നിവർക്ക് മത്സരത്തിൽ കാര്യമായൊന്നും ചെയ്യാനായില്ല. മത്സരത്തിനിടയിൽ സുവാരസ് പരിക്കേറ്റ് പുറത്തായി. പരാഗ്വക്കെതിരായ അടുത്ത മത്സരത്തിൽ സുവാരസ് കളിക്കാൻ ആകുമോ എന്ന് സംശയമാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.