ലണ്ടൻ: രണ്ടാംസ്ഥാനത്ത് വിടാതെ പിന്തുടരുന്ന മാഞ്ചസ്റ്റർ സിറ്റിയുടെ അപ്രതീക്ഷിത തോൽവിയിൽ പൂർണ നേട്ടം കൊയ്യാനാവാതെ ലിവർപൂൾ. ലെസ്റ്റർ സിറ്റിയോട് ലിവർപൂൾ 1-1 സമനില വഴങ്ങി. സാദിയോ മാനെ മൂന്നാം മിനിറ്റിൽ ലിവർപൂളിനെ മുന്നിലെത്തിെച്ചങ്കിലും ഹാരി മഗ്വയറിലൂടെ (45) ലെസ്റ്റർ തിരിച്ചടിക്കുകയായിരുന്നു.
ലിവർപൂളിന് 61 പോയൻറും സിറ്റിക്ക് 56 പോയൻറുമാണ്. വാറ്റ്ഫോഡിനെ 2-1ന് തോൽപിച്ച ടോട്ടൻഹാം (54) മൂന്നാമതുണ്ട്. ഒരു ഗോളിനു പിന്നിൽനിന്ന ടോട്ടൻഹാമിന് ഹോങ് മിൻ സണ്ണും (80) ഫെർണാഡോ ലോറെൻറയും (87) ജയം സമ്മാനിക്കുകയായിരുന്നു. ആദ്യ നാലിൽ ഇരിപ്പുറപ്പിക്കാൻ പാടുപെടുന്ന ചെൽസിയെ ബേൺമൗത്ത് 4-0ത്തിന് തരിപ്പണമാക്കി. ജോഷ്വാ കിങ് (47,74), ഡേവിഡ് ബ്രൂക്ക്സ് (63), ചാർലി ഡാനിയേൽ (95) എന്നിവരാണ് ഗോൾ നേടിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.