ന്യൂഡൽഹി: ഇന്ത്യയിൽ നടക്കാനിരുന്ന അണ്ടർ-17 ലോകകപ്പ് മാറ്റി. നവംബറിൽ നടക്കേണ്ടിയിരുന്ന ടൂർണമെൻറാണ് കോവിഡ് 19 വൈറസ് ബാധയെ തുടർന്ന് മാറ്റിയത്. കൊൽക്കത്ത, ഗുവാഹത്തി, ഭുവനേശ്വർ, അഹമ്മദാബാദ്, നവി മുംബൈ എന്നീ സ്ഥലങ്ങളായിരുന്നു ലോകകപ്പിൻെറ വേദികൾ.
നവംബർ രണ്ട് മുതൽ 21 വരെയാണ് ടൂർണമെൻറ് നടത്താൻ നിശ്ചയിച്ചിരുന്നത്. 16 ടീമുകളാണ് പങ്കെടുക്കുന്നത്. ഫിഫ കോൺഫഡറേഷൻ വർക്കിങ് ഗ്രൂപ്പാണ് ടൂർണമെൻറ് മാറ്റാൻ തീരുമാനിച്ചത്.
അണ്ടർ 20 വനിത ലോകകപ്പ് മാറ്റാനും ഫിഫ തീരുമാനിച്ചിട്ടുണ്ട്. പനാമ/കോസ്റ്റാറിക്ക എന്നീ സ്ഥലങ്ങളിൽ നടക്കാനിരുന്ന ലോകകപ്പാണ് മാറ്റിയത്. ആഗസ്റ്റ്-സെപ്തംബർ മാസങ്ങളിലാണ് അണ്ടർ 20 ലോകകപ്പ് നടത്താൻ നിശ്ചയിച്ചിരുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.