ന്യൂഡൽഹി: ഇന്ത്യൻ ഫുട്ബാളിൽ സുപ്രധാന മാറ്റങ്ങൾക്കൊരുങ്ങി അഖിലേന്ത്യ ഫുട്ബാൾ ഫെഡറേഷൻ (എ.ഐ.എഫ്.എഫ്). ഐ ലീഗിനെ മാറ്റി ഐ.എസ്.എല്ലിെന ഇന്ത്യയിലെ ഒന്നാം ഡിവിഷൻ ലീഗാക്കി മാറ്റുന്നതിനായി തീരുമാനിച്ചു. ക്ലബ് ഉടമസ്ഥർ, ഫെഡറേഷൻ പ്രതിനിധികൾ എന്നിവരുടെ യോഗത്തിലാണ് രൂപരേഖ തയാറാക്കിയത്.
2020-21ൽ രണ്ട് ഐ ലീഗ് ക്ലബുകൾക്ക് ഐ.എസ്.എല്ലിൽ ചേരാൻ അവസരം ലഭിക്കും. ലീഗിെൻറ നിലവാരമുയർത്തുന്നതിെൻറ ഭാഗമായി മുന്നോട്ടുവെച്ച സുപ്രധാന നിർദേശപ്രകാരം ഐ.എസ്.എല്ലിൽ പ്രമോഷനും തരംതാഴ്ത്തലും കൊണ്ടുവരും. 2022-2023 സീസണിലെ ഐ ലീഗ് ജേതാക്കൾ നേരിട്ട് ഐ.എസ്.എല്ലിലേക്ക് പ്രമോട്ട് ചെയ്യപ്പെടും.
2024-2025 സീസണോടെ പ്രമോഷനും തരംതാഴ്ത്തലും കൊണ്ടുവരും. തരംതാഴ്ത്തപ്പെടുന്ന ടീമുകൾ ഐ ലീഗിലായിരിക്കും പന്തുതട്ടേണ്ടിവരുക. ഇതിനു മുന്നോടിയായി ഐ ലീഗിെൻറ പേരുമാറ്റി പരിഷ്കരിക്കുമെന്നാണ് സൂചനകൾ. ഐ.എസ്.എൽ ജേതാക്കൾ എ.എഫ്.സി ചാമ്പ്യൻസ് ലീഗ് പ്ലേഓഫിലും ഐ ലീഗ് ജേതാക്കൾ എ.എഫ്.സി കപ്പിെൻറ പ്ലേഓഫിലും പന്തുതട്ടും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.