മ്യൂണിക്: റയൽ മഡ്രിഡ് സൂപ്പർ താരം ഹാമിഷ് റോഡ്രിഗസ് ബയേണിലെത്തിയതോടെ സ്ഥാനം നഷ്ടപ്പെട്ടത് ബ്രസീൽ മിഡ്ഫീൽഡർ ഡഗ്ലസ് കോസ്റ്റക്ക്. കൊളംബിയൻ താരത്തിെൻറ വരവോടെ കോസ്റ്റയെ കരാറടിസ്ഥാനത്തിൽ യുവൻറസിന് നൽകാൻ ബയേൺ മ്യൂണിക് ക്ലബ് മാനേജ്മെൻറ് തീരുമാനിച്ചു. കോസ്റ്റയുടെ കൈമാറ്റം ബയേണും യുവൻറസും ഒൗദ്യോഗികമായി സ്ഥിരീകരിച്ചു. റോഡ്രിഗസും കരാറടിസ്ഥാനത്തിലാണ് ബയേൺ മ്യൂണിക്കിലേക്കെത്തിയത്. അടുത്ത സമ്മർ ട്രാൻസ്ഫർ വിൻഡോയിൽ താരത്തെ പൂർണമായി വാങ്ങാൻ യുവൻറസിനായേക്കും. നിലവിലെ കരാർ തുക പുറത്തുവിട്ടിട്ടില്ല. എന്നാൽ, താരത്തെ അടുത്ത ട്രാൻസ്ഫർ വിൻഡോയിൽ വാങ്ങുേമ്പാൾ ഏകദേശം 40 മില്യൺ യൂറോ (293 കോടി) യുവൻറസ് നൽകേണ്ടിവരും.
2015ൽ യുക്രെയ്ൻ ക്ലബായ ഷാക്തറിൽനിന്നാണ് ബ്രസീൽ താരം ബയേൺ മ്യൂണിക്കിലേക്കെത്തുന്നത്. 30 മില്യൺ യൂറോക്കാണ് (ഏകദേശം 220 കോടി) താരം അലിയൻസ് അരീനയിലേക്ക് നീങ്ങിയത്. ബയേണിനോടൊപ്പം രണ്ടു ബുണ്ടസ്ലിഗ കിരീടങ്ങളിലും ഡി.എഫ്.ബി പൊക്കൽ, ഡി.എഫ്.എൽ സൂപർ കപ്പ് ചാമ്പ്യന്മാരായതിലും പങ്കാളിയായി.
യുവേഫ ചാമ്പ്യൻസ് ലീഗ് ഫൈനലിൽ റയൽ മഡ്രിഡിനോട് തോറ്റ യുവൻറസ് പുതിയ സീസണിൽ ടീം ശക്തിപ്പെടുത്താനുള്ള ഒരുക്കത്തിലാണ്. ബുള്ളറ്റ് ഷോട്ടുകളിലും വേഗതയിലും കഴിവുതെളിയിച്ച ബ്രസീലിയൻ താരമെത്തുന്നതോടെ ടീമിെൻറ മധ്യനിര ശക്തിപ്പെടുമെന്നാണ് കോച്ച് മാസിമില്യാനോ അലെഗ്രിയുടെ കണക്കുകൂട്ടൽ. കഴിഞ്ഞ സീസണിൽ യുവൻറസിെൻറ വിങ്ങിൽ ഗംഭീര ഫോമിലായിരുന്ന മറ്റൊരു ബ്രസീൽ താരം ഡാനി ആൽവസ് ക്ലബ് വിട്ടതോടെ ആ സ്ഥാനത്തേക്ക് മറ്റൊരു കളിക്കാരനെ കോച്ചും മാനേജ്മെൻറും നോട്ടമിടുന്നുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.