ലണ്ടൻ: മാഞ്ചസ്റ്റർ െഡർബിയിൽ യുനൈറ്റഡിനെ സിറ്റി മുട്ടുകുത്തിച്ചു. ആവേശം നിറഞ്ഞ പോരാട്ടത്തിൽ 2-1നാണ് മാഞ്ചസ്റ്റർ സിറ്റി ഒാൾഡ്ട്രഫോഡിൽ യുനൈറ്റഡിനെ തോൽപിച്ചത്. പന്തടക്കത്തിലും വേഗതയിലും മുന്നിട്ടുനിന്ന സിറ്റി ഡേവിഡ് സിൽവയിലൂടെ 43ാം മിനിറ്റിൽ തന്നെ മുന്നിലെത്തി. എന്നാൽ, ആദ്യ പകുതിയുടെ ഇഞ്ചുറിടൈമിൽ റാഷ്േഫാഡ് മനോഹരമായി വലകുലുക്കിയതോടെ യുനൈറ്റഡ് ഒപ്പമെത്തി.
രണ്ടാം പകുതിയിൽ വിജയഗോളിനായി ഇരു ടീമുകളും ആർത്തിരമ്പിക്കളിച്ചു. 54ാം മിനിറ്റിൽ നികളസ് ഒാടമെൻഡി ഡേവിഡ് ഡിഹിയയെ നിഷ്പ്രഭമാക്കി പന്ത് വലയിലെത്തിച്ചതോടെ യുനൈറ്റഡ് തളർന്നു. ഇൗ ഗോളിൽ സിറ്റി ജയം സ്വന്തമാക്കുകയും ചെയ്തു. ആധികാരിക ജയത്തോടെ രണ്ടാമതുള്ള യുനൈറ്റഡുമായി 11 പോയൻറ് ലീഡോടെ സിറ്റി ഒന്നാം സ്ഥാനം അരക്കിട്ടുറപ്പിച്ചു.
സതാംപ്ടണിനോട് അവസാന നിമിഷം സമനിലപിടിച്ച് ആഴ്സനൽ തോൽവിയിൽനിന്ന് രക്ഷപ്പെട്ടു. 88ാം മിനിറ്റിൽ ഒലിവർ ജിറൂദിെൻറ ഗോളിലാണ് ഗണ്ണേഴ്സ് 1-1ന് കളി സമനിലയിലാക്കുന്നത്. ആൻഫീൽഡിൽ ലിവർപൂളിനെ എവർട്ടനും (1-1) സമനിലയിൽ തളച്ചു.ലെസ്റ്റർ സിറ്റി 3-2ന് ന്യൂകാസിൽ യുനൈറ്റഡിനെ തോൽപിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.