ടൂറിൻ: സൂപ്പർ താരം ക്രിസ്റ്റ്യാനോ റൊണാൾഡോയെ റെക്കോഡ് തുകക്ക് ക്ലബിലെത്തിച്ചത് ഏതായാലും വെറുതെയായില്ല. തോൽവി ഉറപ്പിച്ച മത്സരത്തിൽ പോർചുഗീസ് താരം രക്ഷകവേഷത്തിലെത്തിയപ്പോൾ എംപോളിക്കെതിരെ യുവൻറസിന് 2-1െൻറ ജയം. ഒരു ഗോൾ വഴങ്ങിയതിനു ശേഷം 54 (പെനാൽറ്റി), 70 മിനിറ്റുകളിലായിരുന്നു ക്രിസ്റ്റ്യാനോയുടെ ഗോളുകൾ. സീരി ‘എ’യിൽ ഇതോടെ താരത്തിന് ഏഴു ഗോളുകളായി.
ലിവർപൂളിന് ജയം
ലണ്ടൻ: ഇംഗ്ലീഷ് പ്രീമിയർ ലീഗിൽ ലിവർപൂളിന് തകർപ്പൻ ജയം. സാദിയോ മാനെ (66, 87) രണ്ടു ഗോളുകളുമായി മിന്നിച്ച മത്സരത്തിൽ കാർഡിഫ് സിറ്റിയെ 4-1ന് തോൽപിച്ചു. ഒരു ഗോൾ നേടിയും രണ്ടു ഗോളിന് വഴിയൊരുക്കിയും (10) ഇൗജിപ്ത് താരം മുഹമ്മദ് സലാഹും മികച്ചുനിന്നു. ഷർദാൻ ഷക്കീരിയാണ് (84) മറ്റൊരു ഗോൾ നേടിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.