മിലാന്: സീരി ‘എ’യില്‍ എ.സി മിലാന് സമനില. ടൊറിനോക്കെതിരെ രണ്ടു ഗോളിന് പിന്നിട്ടുനിന്നതിനു ശേഷമാണ് മിലാന് സമനില പിടിച്ചത്. ആന്ദ്രേ ബെലൊട്ടിയുടെയും മാര്‍കോ ബെനാസിയുടെയും ഗോളുകളില്‍ ആദ്യപകുതിയില്‍ തന്നെ ടോറിനോ മുന്നിലത്തെി. രണ്ടാം പകുതിയില്‍ ആന്ദ്രേ ബേര്‍ട്ടോലെസിയുടെയും കൊളംബിയന്‍ താരം കാര്‍ലോസ് ബാക്കയുടെയും ഗോളില്‍ മിലാന് സമനില പിടിക്കുകയായിരുന്നു. പെനാല്‍റ്റിയിലായിരുന്നു ബാക്കയുടെ സമനില ഗോള്‍. പോരാട്ടം കനക്കുന്ന ഇറ്റലിയില്‍ 19 കളി പൂര്‍ത്തീകരിച്ച മിലാന് 37 പോയന്‍റുമായി അഞ്ചാം സ്ഥാനത്താണ്. 45 പോയന്‍റുമായി യുവന്‍റസ് ഒന്നാം സ്ഥാനത്തും തൊട്ടുപിറകെ 44 പോയന്‍റുമായി റോമ രണ്ടാം സ്ഥാനത്തും 41 പോയന്‍റുമായി നാപോളി മൂന്നാം സ്ഥാനത്തുമാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.