മഡ്രിഡ്: തുടർച്ചയായ അഞ്ചാം കിങ്സ് കപ്പ് കിരീടം സ്വപ്നംകാണുന്ന ബാഴ്സലോണക്ക് കലാശപ്പോരാട്ടത്തിൽ എതിരാളികൾ വലൻസിയ. രണ്ടാം സെമിഫൈനലിലെ രണ്ടാം പാദത്തിൽ വലൻസിയ റിയൽ ബെറ്റിസിനെ 1-0ത്തിന് തോൽപിച്ചു.
56ാം മിനിറ്റിൽ കെവിൻ ഗെമീറോയുടെ പാസിൽനിന്ന് സ്പാനിഷ് സ്ട്രൈക്കർ റോഡ്രിഗോ നേടിയ ഗോളിലാണ് ടീമിെൻറ മുന്നേറ്റം. ഇതോടെ ഇരുപാദങ്ങളിലുമായി 3-2നാണ് വലൻസിയയുടെ ജയം. ആദ്യപാദ സെമി 2-2ന് സമനിലയിലായിരുന്നു.
10 വർഷത്തിനിടക്ക് ആദ്യമായാണ് വലൻസിയ കിങ്സ് കപ്പ് ഫൈനൽ ടിക്കറ്റ് സ്വന്തമാക്കുന്നത്. മേയ് 25നാണ് ബാഴ്സലോണയും വലൻസിയയും തമ്മിലുള്ള ഫൈനൽ പോരാട്ടം. റയൽ മഡ്രിഡിനെ ഇരു പാദങ്ങളിലുമായി 4-1ന് തോൽപിച്ചാണ് ബാഴ്സലോണ ഫൈനലിൽ പ്രവേശിച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.