മൂന്ന്​ പിൻകാമറകൾ; ഇന്ത്യൻ വിപണി കീഴടക്കാൻ ഹുആവേയുടെ സ്​റ്റൈലൻ പി20 പ്രോ

സ്​മാർട്ട്​ഫോൺ വിപണിയിൽ രണ്ട്​ വിഭാഗം ഫോണുകൾക്കാണ്​ ഡിമാൻറ്​. ഒന്ന്​ മധ്യനിര, മറ്റൊന്ന്​ ഫ്ലാഗ്​ഷിപ്പ്​. വിലകൂട്ടിയിടാവുന്ന ഫ്ലാഗ്​ഷിപ്പുകളിൽ നൂതന സംവിധാനങ്ങൾ  തിരികിക്കയറ്റി നിർമാതാക്കൾ അർബൻ ഒാഡിയൻസിനെ പുളകം കൊള്ളിക്കു​േമ്പാൾ മധ്യനിര മോഡലുകൾ സാധാരണക്കാരെ ലക്ഷ്യംവച്ച്​ അവതരിപ്പിക്കുന്നു. ഇവിടെയാണ്​ സാംസങ്​,​ആപ്പിൾ,എൽ.ജി.സോണി അടക്കമുള്ള സ്​മാർട്ട്​ഫോൺ നിർമാതാക്കളുടെ പേടിസ്വപ്​നമായ ഹുആവേയുടെ വിജയം. 

ഹുആവേ പി20 പ്രോ & പി20 ലൈറ്റ്​

ഹുആവേ ഇന്ന്​ ഇന്ത്യയിൽ ലോഞ്ച്​ ചെയ്ത പി20 പ്രോ ഇന്ത്യൻ മാർക്കറ്റിലെ രാജാവ്​ ഷവോമി അടക്കമുള്ള കമ്പനികളുടെ ഉറക്കം കെടുത്തുന്ന മോഡലാണ്​. മൂന്ന്​ പിൻകാമറാ സംവിധാനവും അതിശയിപ്പിക്കുന്ന സ്​​ക്രീൻ ക്വാളിറ്റയുമുള്ള പി20 പ്രോയുടെ വ്യത്യസ്​തമായ ഡി​ൈസനും ആരാധകരെ ആവേശം കൊള്ളിക്കുന്നുണ്ട്​. മാർച്ച്​ മാസം ഹുആവേ ഒരു ആഗോള പരിപാടിയിലൂടെ പി20 പ്രോ പരിചയപ്പെടുത്തിയത്​ മുതൽ ആളുകൾ കാത്തിരിക്കുകയായിരുന്നു. ഇന്ന്​ രാവിലെ ഡൽഹിയിൽ ​പി20 ലോഞ്ച്​ ചെയ്​തതോടെ എന്ന്​ മാർക്കറ്റിലെത്തും എന്ന്​ ചോദിക്കുകയാണ്​​ ആരാധകർ.

ഇന്ന്​ സ്​മാർട്ട്​ഫോൺ വിപണിയിൽ ആഗോള തലത്തിൽ രണ്ടാം സ്ഥാനത്തുള്ള​ ഹുആവേയുടെ പി20 പ്രോയുടെ പ്രതീക്ഷിക്കുന്ന വില 60,000 രൂപയാണ്​ കൂടെ ഇറങ്ങുന്ന പി20 ലൈറ്റിന്​ ​20,000 രൂപയുമാണ്​ പ്രതീക്ഷിക്കുന്നത്​. 

നൽകുന്ന വിലയുടെ ഫീച്ചറുകൾ ഉ​ണ്ടോ...?

കൂടുതൽ മികച്ച പെർഫോമൻസ്​

ഹുആവേയുടെ ഇൗ ബീസ്റ്റി​​​​െൻറ സ്​പെസിഫിക്കേഷനും ഞെട്ടിക്കുന്നതാണ്​. ആൻഡ്രോയ്​ഡ്​ 8.1 ഒാറിയോ ബേസ്​ ചെയ്​ത ഇ.എം.യു.​െഎ 8.1 ഒാപ്പറേറ്റിങ്​ സിസ്റ്റമാണ്​ പി20ക്ക്​. പൂർണ്ണമായും കസ്റ്റമൈസ്​ ചെയ്​ത ഗൂഗിൾ അസിസ്റ്റൻറും പ്രത്യേകതയാണ്​. ഹുആവേയുടെ ഹൈസിലിക്കൺ കിരിൻ 970 ഒക്​ടാ കോർ പ്രൊസസർ അതിവേഗ പെർഫോമൻസ്​ നൽകും. ആർട്ടിഫിഷ്യൽ ഇൻറലിജൻസി​​​​െൻറ സാധ്യതകൾ നന്നായി ഉപയോഗിച്ച ഫോൺ എന്ന നിലക്ക്​ മറ്റ്​ സ്​മാർട്ട്​ഫോണുകൾ നൽകുന്നതിനേക്കാൾ ഇരട്ടി ഉപയോഗ സുഖം പി20 പ്രോ നൽകുമെന്ന്​ ഹുആവേയുടെ അവകാശവാദം. 6 ജീബി റാം 128 ജീബി സ്​റ്റോറേജും ഉള്ള ഫോണിന്​ 0.6 സെക്കൻറിൽ ​പ്രവർത്തിക്കുന്ന ഫേസ്​ അൺലോക്ക്​ ഫീച്ചറും നൽകിയിട്ടുണ്ട്​.

സ്​ക്രീൻ അഴക്​

6.1 ഇഞ്ച്​ വലിപ്പമുള്ള 1080*2240 പിക്​സൽ വ്യക്​തതയുള്ള ഒ.എൽ.ഇ.ഡി ഫുൾ വ്യൂ ഡിസ്​പ്ലേയാണ്​ ഫോണി​​​​െൻറ ഏറ്റവും വലിയ പ്രത്യേകതകളിൽ ഒന്ന്​. 1:1,000,000 കോൺട്രാസ്റ്റ്​ റേഷ്യോയും 105 ശതമാനം കളർ ഗാമതുമുള്ള ഡിസ്​പ്ലേക്ക്​ എല്ലാ ലൈറ്റ്​ കണ്ടീഷനുകളിലും പ്രവർത്തിക്കാനാവുന്ന നാച്വറൽ ടോൺ ഡിസ്​​പ്ലേയാണ്​ നൽകിയതെന്നും ഹുആവേ പറയുന്നു​. ​െഎ ഫോൺ എക്​സിനെ പോ​െല നോച്ചുള്ള ഡിസ്​​പ്ലേയാണ്​ പി20ക്ക്​. ഡിസ്​പ്ലേയുടെ താഴെയായി നൽകിയ ഫിംഗർ പ്രിൻറ്​ സെൻസർ നല്ല റെസ്​പോൺസ്​ ആണെങ്കിലും സ്ക്രീനി​​​​െൻറ വലിപ്പത്തെ ബാധിച്ചതായി തോന്നാം.

ഒറ്റച്ചാർജിൽ കൂടുതൽ ജീവിതം

മറ്റ്​ ഫ്ലാഗ്​ഷിപ്പുകളെ അപേക്ഷിച്ച്​ 4000 എം.എ.എച്ച്​ ബാറ്ററിയുള്ള പി20 പ്രോ ഒന്നര ദിവസമെങ്കിലും ചാർജ്​ നിൽക്കുമെന്നതും അതിശയിപ്പിക്കും. ഹുആവേയുടെ ഫാസ്റ്റ്​ ചാർജിങും നൽകിയിട്ടുണ്ട്​. 7.8 എം.എം മാത്രം തടിയുള്ള ഫോണിന്​ ഇത്രയും ബാറ്ററി നൽകിയതിന്​ ഹുആവേയെ അഭിനന്ദിക്കണം.

മൂന്ന്​ പിൻ കാമറ വിശേഷം

​െഎഫോൺ എക്​സുമായും ഗാലക്​സി എസ്​9 പ്ലസുമായുമൊക്കെ ഹുആവേയുടെ പി20 താരതമ്യം ചെയ്യുന്ന വീഡിയോ യൂട്യൂബിൽ സുലഭമാണ്​. അതിലൊക്കെ പി20യെ വേറിട്ട്​ നിർത്തുന്നത്​ അതി​​​​െൻറ മൂന്ന്​ പിൻ കാമറകൾ നൽകുന്ന ഞെട്ടിക്കുന്ന റിസൾട്ട്​ ​തന്നെയാണ്​.

3* ഒപ്റ്റിക്കൽ സൂം ഫീച്ചർ നൽകുന്ന മുകളിലെ 8 മെഗാപിക്​സൽ ടെലിഫോ​േട്ടാ ലെൻസ്, ​ 40 മെഗാപിക്​സൽ ആർ.ജി.ബി 1/1.7സെൻസറുള്ള കൂടുതൽ മികച്ച രണ്ടാം കാമറ. 20 മെഗാപിക്​സലി​​​​െൻറ മോണോക്രോം സെൻസറുള്ള മൂന്നാം കാമറയും ചേരു​േമ്പാൾ പകർത്തുന്ന ചിത്രങ്ങളും വീഡിയോകളും മറ്റ്​ കമ്പനികളെ വെല്ലും വിധമുള്ളതാവും. മുൻഭാഗത്ത്​ 24.8 മെഗാപിക്​സലുള്ള കാമറയാണ്​ നൽകിയത്​. 3ഡി പോർട്രെയ്​റ്റ്​ ലൈറ്റിങ്​ എഫക്​ടും ഹുആവേ കാമറക്ക്​ നൽകിയിട്ടുണ്ട്​.

മിഡ് റേഞ്ചിൽ തിളങ്ങാൻ പി20 ലൈറ്റ്​

5.84 ഇഞ്ച്​ വലിപ്പമുള്ള ഡിസ്​പ്ലേയാണ്​ പി20 ലൈറ്റിന്​. ഫുൾ എച്ച്​ ഡി (1080*2880 ​പികസ്​ൽ വ്യക്​തത) 19:19 ഫുൾവ്യൂ ഡിസ്​പ്ലേ മികച്ച അനുഭവം നൽകുന്നുണ്ട്​. ആൻഡ്രോയ്​ഡ്​ 8.0 ഒാറിയോയുടെ കൂടെ ഇ.എം.യു.​െഎ 8.0ആണ്​​. ഹൈസിലിക്കൺ കിരിൻ 659 പ്രാസസറും  4 ജീബി റാം 64 ജീബി സ്റ്റോറേജും ലൈറ്റിനെ കൂടുതൽ കരുത്തുറ്റതാക്കും. രണ്ട്​ പിൻകാമറകളാണ്​ ലൈറ്റിന്​ നൽകിയത്​. യഥാക്രമം 16, 2 മെഗാപിക്​സൽ സെൻസറുകളാണ്​​. 3000 എം.എ.എച്ച്​ ബാറ്ററിയും എൻ.എഫ്​.സി സപ്പോർട്ടും ഫേസ്​ റെക്കഗ്നിഷൻ ഫീച്ചറുമൊക്കെ ഫോണിന്​ ആരാധകരെ സൃഷ്​ടിച്ചിട്ടുണ്ട്​.