മെ​ഡി​റ്റ​റേ​നി​യ​ൻ തീ​ര​ത്തെ ഒ​രു നോ​മ്പു​കാ​ലം

നോ​മ്പ് കാ​ല​മാ​ണ്. ഞാ​നും ഭ​ർ​ത്താ​വും തു​ർ​ക്കി യാ​ത്ര​യി​ലാ​ണ്. പാ​മു​ക്ക​ലെ​യി​ലെ (Pamukkale- ‘പ​ഞ്ഞി​ക്കൊ​ട്ടാ​രം’ എ​ന്ന​ർ​ഥം) ചു​ണ്ണാ​മ്പ് മ​ല​ക​ളി​ൽ ന​ട​ന്നു ത​ള​ർ​ന്നു ഭ​ക്ഷ​ണം ക​ഴി​ക്കാ​ൻ ക​യ​റി​യ ഹോ​ട്ട​ലി​ലെ മെ​ഹ​മേ​ത് എ​ന്ന​യാ​ളാ​ണ് ഞ​ങ്ങ​ൾ​ക്ക് അ​ന്റാ​ല്യ​യി​ലേ​ക്കു​ള്ള റൂ​ട്ട് കാ​ണി​ച്ചു​ത​ന്ന​ത്. പോ​കാ​ൻ തീ​രു​മാ​നി​ച്ചി​രു​ന്ന ജ​ലാ​ലു​ദ്ദീ​ൻ റൂ​മി​യു​ടെ ന​ഗ​ര​മാ​യ കോ​ന്യ​യി​ലേ​ക്ക് പോ​കും​വ​ഴി ഒ​രു ദി​വ​സം തു​റ​മു​ഖ ന​ഗ​ര​മാ​യ അ​ന്റാ​ല്യ​യി​ൽ താ​മ​സി​ക്കാമെ​ന്ന് മെ​ഹ​മേ​ത് പ​റ​ഞ്ഞു.

സു​ന്ദ​ര ന​ഗ​രം

മെ​ഡി​റ്റ​റേ​നി​യ​ൻ തീ​ര​ത്തെ മ​നോ​ഹ​ര റി​സോ​ർ​ട്ട് ന​ഗ​ര​മാ​ണ് അ​ന്റാ​ല്യ. ചെ​റു​തും വ​ലു​തു​മാ​യ ആ​ഡം​ബ​ര നൗ​ക​ക​ൾ നി​ര​ന്നു​കി​ട​ക്കു​ന്ന പ​ഴ​യ ഹാ​ർ​ബ​റും ക​ണ്ണെ​ത്താ ദൂ​ര​ത്തോ​ളം പ​ര​ന്നുകി​ട​ക്കു​ന്ന മെ​ഡി​റ്റ​റേ​നി​യ​ൻ ക​ട​ലി​ന്റെ അ​ഗാ​ധ​നീ​ലി​മ​യും അ​തി​രി​ടു​ന്ന സു​ന്ദ​ര ന​ഗ​രം. ബാ​ഗും പെ​ട്ടി​യും ബ​സ് സ്റ്റേ​ഷ​നി​ലെ ഇ​മാ​ന​ത്തി​ൽ (ലോ​ക്ക​ർ) സൂ​ക്ഷി​ക്കാ​ൻ ഏ​ൽ​പി​ച്ച​ശേ​ഷം ഞ​ങ്ങ​ൾ ഓ​ൾ​ഡ് ടൗ​ണിലേ​ക്ക് പു​റ​പ്പെ​ട്ടു. അ​ന്റാ​ല്യ​യു​ടെ സ്വ​ന്തം ട്രാം​വേ​യി​ലാ​ണ് AntRay (Antalya Tramway) യാ​ത്ര. ഓ​ൾ​ഡ് ടൗ​ൺ ഇ​രി​ക്കു​ന്ന ഭാ​ഗ​ത്തി​ന് ‘ഇ​സ്മ​ത് പാ​ഷ’ എ​ന്നാ​ണു പേ​ര്.

ട്രാം ​ഇ​റ​ങ്ങി തെ​രു​വി​ന്റെ തി​രി​വ് ക​ഴി​യു​മ്പോ​ൾ ചെ​ത്തിമി​നു​ക്കി​യ ക​രി​ങ്ക​ല്ല് പാ​കി​യ പ​ര​ന്ന ഒ​രു മൈ​താ​നം. ഇ​രി​ക്കാ​ൻ കോ​ൺ​ക്രീ​റ്റ് ബെ​ഞ്ചു​ക​ൾ. വ​ശ​ങ്ങ​ളി​ൽ നി​റ​യെ പൂ​മ​ര​ങ്ങ​ൾ. മ​ര​ങ്ങ​ളു​ടെ ചു​വ​ട്ടി​ലെ പാ​ത്തി​ക​ളി​ൽ നി​റ​യെ പൂ​ത്തുതു​ട​ങ്ങി​യ ടു​ലി​പ് ചെ​ടി​ക​ൾ. ക​ഫ​റ്റേ​രി​യ​ക​ളു​ടെ പു​റ​ത്തു​ള്ള ഇ​രി​പ്പി​ട​ങ്ങ​ളി​ൽ ചാ​യ കു​ടി​ച്ചും സി​ഗ​ര​റ്റ് വ​ലി​ച്ചും സൊ​റ പ​റ​ഞ്ഞി​രി​ക്കു​ന്ന​വ​ർ. ഞ​ങ്ങ​ളും ഒ​രു ബെ​ഞ്ചി​ൽ ഇ​രു​ന്നു. താ​മ​സി​ക്കാ​ൻ ഹോ​ട്ട​ൽ ക​ണ്ടു​പി​ടി​ക്കു​ക​യാ​ണ് ആ​ദ്യം വേ​ണ്ട​ത്. പ​ക്ഷേ, ഫോ​ണി​ൽ ഡേറ്റ തീ​ർ​ന്നി​രി​ക്കു​ന്നു.

ആ ​ചെ​റു​പ്പ​ക്കാ​ര​ൻ

ഒ​രു ബെ​ഞ്ചി​ൽ വെ​ളു​ത്ത് മെ​ലി​ഞ്ഞ സു​ന്ദ​ര​നാ​യ ഒ​രു ചെ​റു​പ്പ​ക്കാ​ര​ൻ ഒ​റ്റ​ക്കി​രി​ക്കു​ന്നു. അ​ല​സ​മാ​യ വേ​ഷം, അ​ച്ച​ട​ക്ക​മി​ല്ലാ​ത്ത ത​ല​മു​ടി. ഞ​ങ്ങ​ളെ ക​ണ്ട​തും അ​വ​ൻ ബാ​ഗു​ക​ൾ ബെ​ഞ്ചി​ൽനി​ന്ന്‌ മ​ടി​യി​ലേ​ക്കു​വെച്ച് ഇ​രി​ക്കാ​ൻ സ്ഥ​ല​മൊ​രു​ക്കി. അ​ടു​ത്തു​ത​ന്നെ മ​തി​ലി​ന്റെ ഒ​രു ഭാ​ഗ​ത്ത് അ​ന്റാ​ല്യ മു​നി​സി​പ്പാ​ലി​റ്റി​യു​ടെ വൈ​ഫൈ കോ​ഡ് എ​ഴു​തി വെച്ചി​ട്ടു​ണ്ട്. ആ ​ചെ​റു​പ്പ​ക്കാ​ര​നോ​ട് ഫോ​ണി​ൽ അ​തൊ​ന്ന് ശ​രി​യാ​ക്കി ത​രാ​മോ എ​ന്ന് ആം​ഗ്യ​ത്തി​ൽ ചോ​ദി​ച്ചുകൊ​ണ്ട് അ​വ​ന്റെ നേ​രെ ഫോ​ൺ നീ​ട്ടി. അ​വ​ൻ എ​ന്റെ ന​മ്പ​ർ തു​ർ​ക്കി ഫോ​ൺ അ​ല്ലാ​ത്ത​തി​നാ​ൽ വൈ​ഫൈ കി​ട്ടി​ല്ലെ​ന്ന്‌ ആം​ഗ്യ​ത്തി​ൽ പ​റ​ഞ്ഞു. ഇം​ഗ്ലീ​ഷ് പ​റ​ഞ്ഞ​പ്പോ​ൾ അ​വ​നു ഒ​ന്നും മ​ന​സ്സിലാ​വു​ന്നി​ല്ല. പി​ന്നെ ഹോ​ട്ട​ൽ എ​ന്ന് പ​റ​ഞ്ഞ​പ്പോ​ൾ അ​വ​ൻ തൊ​ട്ട​ടു​ത്ത വ​ലി​യ കെ​ട്ടി​ടം ചൂ​ണ്ടി​ക്കാ​ട്ടി. ഒ​രു ഫൈ​വ് സ്റ്റാ​ർ ഹോ​ട്ട​ൽ.

ഞ​ങ്ങ​ൾ​ക്ക് ചെ​റി​യ ഹോ​ട്ട​ൽ മ​തി​യെ​ന്ന് ആം​ഗ്യം കാ​ണി​ച്ച​പ്പോ​ൾ അ​വ​ൻ ഒ​ന്ന് ആ​ലോ​ചി​ച്ചു എ​ന്നി​ട്ട് ഫോ​ണി​ൽ ഗൂ​ഗി​ൾ ട്രാ​ൻ​സ്‌​ലേ​റ്റ് എ​ടു​ത്ത് എ​ന്തോ ടൈ​പ്പ് ചെ​യ്തു. ‘‘ഇ​പ്പോ​ൾ കു​റ​ച്ചു സ​മ​യം ഞാ​ൻ ഫ്രീ​യാ​ണ് നി​ങ്ങ​ൾ​ക്ക് ഹോ​ട്ട​ൽ ക​ണ്ടു​പി​ടി​ക്കാ​ൻ ഞാ​ൻ സ​ഹാ​യി​ക്കാം’’ എ​ന്നാ​ണ് അ​വ​ൻ എ​ഴു​തി​ക്കാ​ണി​ച്ച​ത്. മ​ല​യാ​ളി​യു​ടെ സ​ഹ​ജ​മാ​യ സം​ശ​യ​ത്താ​ൽ ‘ഇ​വ​ന് ന​മ്മ​ളെ സ​ഹാ​യി​ക്കു​ന്ന​തി​ൽ എ​ന്തെ​ങ്കി​ലും ദു​രു​ദ്ദേ​ശ്യമു​ണ്ടോ’ എ​ന്ന ചി​ന്ത​യി​ൽ സം​ശ​യാ​സ്പ​ദ​മാ​യൊ​രു നോ​ട്ടം ഞ​ങ്ങ​ൾ കൈ​മാ​റി​യ​ത് അ​വ​ൻ കൈ​യോ​ടെ പി​ടി​ച്ചു. അ​ടു​ത്ത നി​മി​ഷം അ​വ​ൻ വീ​ണ്ടും ടൈ​പ്പ് ചെ​യ്യാ​ൻ തു​ട​ങ്ങി –‘‘യാ​ത്ര​ക്കാ​രെ സ​ഹാ​യി​ക്കു​ന്ന​തൊ​രു പു​ണ്യ​പ്ര​വൃ​ത്തി​യാ​ണ് ഒ​രു മു​സ്‍ലി​മി​ന്. പോ​രാ​ത്ത​തി​നു നോ​മ്പ് കാ​ല​വും. നി​ങ്ങ​ൾ​ക്ക് വേ​ണ​മെ​ങ്കി​ൽ മ​തി’’ എ​ന്ന്. പ​ഞ്ച​പു​ച്ഛ​മ​ട​ക്കി അ​വ​ന്റെ പി​ന്നാ​ലെ ന​ട​ന്നു.

അ​വ​ൻ ഏ​തോ ല​ക്ഷ്യ​ത്തി​ലേ​ക്കെ​ന്ന പോ​ലെ നേ​രെ നോ​ക്കി ന​ട​ന്നു​പോ​കു​ന്നു. എ​ങ്കി​ലും ന​ല്ലൊ​രു ഹോ​ട്ട​ൽ ക​ണ്ട​പ്പോ​ൾ ഭ​ർ​ത്താ​വ് അ​വി​ടെ പോ​യി ചോ​ദി​ക്കാം എ​ന്ന് പ​റ​ഞ്ഞു റോ​ഡ് മു​റി​ച്ചു ക​ട​ന്നു. അ​വ​ൻ അ​വ​ന്റെ ഭാ​ഷ​യി​ൽ എ​ന്തൊ​ക്കെ​യോ പ​റ​ഞ്ഞു. ഇ​ത്ത​വ​ണ ടൈ​പ്പ് ചെ​യ്യാ​നൊ​ന്നും നി​ന്നി​ല്ല. അ​ടു​ത്തു​ള്ള ഓ​ട​യി​ലെ ചെ​ളി ചൂ​ണ്ടി​ക്കാ​ട്ടി. കാ​ര്യം പി​ടി​കി​ട്ടി ആ ​ഹോ​ട്ട​ൽ അ​ഴു​ക്കാ​ണെ​ന്ന്. ഹോ​ട്ട​ലി​ലേ​ക്ക് പോ​യ ആ​ൾ കാ​ര്യം മ​ന​സ്സിലാ​ക്കി പെ​ട്ടെ​ന്ന് തി​രി​ച്ചു​വ​ന്നു. അ​വ​ൻ ഇ​പ്പോ​ഴെ​ങ്ങ​നെ​യു​ണ്ടെ​ന്നൊ​രു ഭാ​വ​ത്തി​ൽ മു​ന്നോ​ട്ട് ത​ന്നെ. നേ​രെ ഒ​രു ഹോ​ട്ട​ലി​ൽ ചെ​ന്ന് ക​യ​റി കാ​ര്യം പ​റ​ഞ്ഞു. അ​പ്പോ​ൾത​ന്നെ ഹോ​ട്ട​ലു​ട​മ ഞ​ങ്ങ​ളെ മു​റി കാ​ണി​ച്ചു​ത​ന്നു. ന​ല്ല വൃ​ത്തി​യും വെ​ളി​ച്ച​വും വ​ലു​പ്പ​വു​മു​ള്ള മു​റി. ഇ​ഷ്ട​പ്പെ​ട്ടു. വാ​ട​ക ഞ​ങ്ങ​ൾ​ക്ക് യോ​ജി​ച്ച തു​ക​യി​ൽ ഉ​റ​പ്പി​ച്ചു. അ​തു​വ​രെ അ​ടു​ത്തു​ത​ന്നെ ചു​റ്റി​പ്പ​റ്റി നി​ന്ന ക​ഥാ​നാ​യ​ക​ൻ പെ​ട്ടെ​ന്ന് എ​ന്നോ​ടെ​ന്തോ പ​റ​ഞ്ഞ് പു​റ​ത്തേ​ക്കു പോ​യി.

യാ​ത്ര​പ​റ​ഞ്ഞു പോ​യ​താ​ണെ​ന്ന് മ​ന​സ്സിലാ​ക്കാ​ൻ അ​ൽ​പം സ​മ​യ​മെ​ടു​ത്തു. അ​വ​നോ​ട് പേ​രു​പോ​ലും ചോ​ദി​ച്ചി​രു​ന്നി​ല്ല​ല്ലോ എ​ന്ന് അ​പ്പോ​ഴാ​ണ് ഓ​ർ​ത്ത​ത്. പു​തി​യൊ​രു സ്ഥ​ലം. സ​മ​യം വൈ​കി​ക്കൊ​ണ്ടി​രി​ക്കു​ന്നു. വ​ഴി കാ​ണി​ച്ചു​ത​ന്ന ആ ​ചെ​റു​പ്പ​ക്കാ​ര​ന് കു​റ​ച്ചു പൈ​സ കൊ​ടു​ത്ത് സ​ഹാ​യി​ക്ക​ണം, അ​ല്ലെ​ങ്കി​ൽ നോ​മ്പ്തു​റ സ​മ​യ​ത്ത് അ​വ​നെ കൂ​ട്ടി പോ​യി ഭ​ക്ഷ​ണം ക​ഴി​ക്ക​ണം എ​ന്നൊ​ക്കെ ചി​ന്തി​ച്ചു മ​ന​സ്സി​ൽ ത​യാ​റാ​യി​രു​ന്നെ​ങ്കി​ലും അ​തി​നു മു​മ്പ് അ​വ​ൻ ഓ​ടി​മ​റ​ഞ്ഞു. ചി​ല ആ​ളു​ക​ൾ അ​ങ്ങ​നെ​യാ​ണ്. ന​മു​ക്ക് വേ​ണ്ട സ​മ​യ​ത്ത് പെ​ട്ടെ​ന്ന് വ​ന്നു ന​മ്മ​ളെ സ​ഹാ​യി​ച്ച് അ​തി​ലും വേ​ഗ​ത്തി​ൽ ക​ട​ലി​ൽ വീ​ണൊ​രു ക​ല്ലു​പോ​ലെ ആ​ഴ​ത്തി​ലേ​ക്ക് മ​റ​യും. ഈ ​നോ​മ്പ് കാ​ല​ത്ത്, യാ​ത്ര​ക്കാ​രെ സ​ഹാ​യി​ക്കു​ന്ന​ത് പു​ണ്യ​മാ​യി​ക്ക​ണ്ട, മു​ഷി​ഞ്ഞ വ​സ്ത്രം ധ​രി​ച്ച മെ​ലി​ഞ്ഞു സു​ന്ദ​ര​നാ​യ ആ ​ചെ​റു​പ്പ​ക്കാ​ര​ന്റെ മു​ഖം ഒ​രു കു​റ്റ​ബോ​ധ​മാ​യി മ​ന​സ്സി​ൽ തി​ക​ട്ടി വ​രു​ന്നു.