ആ​കാ​ശം എ​ങ്ങ​നെ​യാ​ണെ​ന്ന് ആ​രേ​ലും ചോ​ദി​ച്ചാ​ൽ പ​റ​യ​ണം... ​കൊ​ടും ത​ണു​പ്പാ​ണെ​ന്ന്

ആ​കാ​ശ​ത്തോ​ട് അ​ത്ര​യും ചേ​ർ​ന്ന് നി​ൽ​ക്കു​ന്നൊ​രി​ടം.​ ക​ഥ​ക​ളി​ലും,നോ​വ​ലി​ലും മാ​ത്രം ക​ണ്ടു പ​രി​ച​യ​പ്പെ​ട്ടൊ​രു മാ​ന്ത്രി​ക​ത.​ ഒ​റ്റ​യ്ക്കി​രു​ന്നു സ്വ​പ്നം കാ​ണാ​ൻ പ്രേ​രി​പ്പി​ച്ചു കൊ​ണ്ടേ​യി​രി​ക്കു​ന്ന സ്ഥ​ല​ങ്ങ​ളി​ലൊ​ന്നാ​ണ് റാ​സൽ ഖൈ​മ​യി​ലെ ജ​ബ​ൽ അ​ൽ ജൈ​സ് മ​ല​നി​ര​ക​ൾ.​ യു.എ.ഇ യി​ലെ ഏ​ഴ് എ​മി​റേ​റ്റു​ക​ളി​ൽ ഒ​ന്നാ​ണ് റാ​സ​ൽ ഖൈ​മ.​ യു.എ.ഇ യു​ടെ വ​ട​ക്കേ അ​റ്റം.​ ഇ​വി​ടു​ത്തെ ഏ​റ്റ​വും ഉ​യ​രം കൂ​ടി​യ മ​ല​നി​ര​ക​ളാ​ണ് ജ​ബ​ൽ അ​ൽ ജ​യ്‌​സ്.​ ഒ​മാ​നി​ന് ഇ​ട​യി​ലു​ള്ള അ​തി​ർ​ത്തി​യും റാ​സൽ ഖൈമ​യി​ലെ ഈ ​മ​ല​നി​ര​ക​ളാ​ണ്. 1684 ച​തു​ര​ശ്ര കി​ലോ​മീ​റ്റ​ർ വ​ലു​പ്പ​വും ര​ണ്ടു ല​ക്ഷ​ത്തി​നു മു​ക​ളി​ൽ ജ​ന​സം​ഖ്യ​യു​മാ​ണ് റാ​സൽ ഖൈ​മ​ക്കു​ള്ള​ത്.​ ഫ​ല​ഭൂ​യി​ഷ്ഠ​മാ​യ മ​ണ്ണും, മ​ഴ​യു​ടെ​യും ഭൂ​ഗ​ര്ഭ​ജ​ല​ത്തി​ന്റെ​യും അ​ധി​ക​ല​ഭ്യ​ത​യും ഈ ദേശത്തെ മ​റ്റി​ട​ങ്ങ​ളി​ൽ നി​ന്നും വ്യ​ത്യ​സ്ത​മാക്കു​ന്നു.
 

"ഉ​ച്ച ഭ​ക്ഷ​ണം വാ​ങ്ങീ​ട്ട് പു​റ​പ്പെ​ടാം.​ തി​രി​ച്ചെ​ത്താ​ൻ വൈ​കും." കൂ​ടെ​യു​ണ്ടാ​യി​രു​ന്ന വ​ഴി​കാ​ട്ടി​യും വ​ണ്ടി​മു​ത​ലാ​ളി​യും ആ​തി​ഥേ​യ​നും ഗ​ൾ​ഫു​കാ​ര​നും സ​ർ​വോ​പ​രി സ്നേ​ഹ​നി​ധി​യുമായ ക​സി​ൻ സ​ഹോ​ദ​ര​ൻ ആ​ദ്യ​മേ ഉ​ത്ത​ര​വി​ട്ടു. അ​ങ്ങ​നെ യാ​ത്ര പു​റ​പ്പെ​ട്ട കാ​റി​ലെ മി​ച്ചം വ​ന്ന സ്ഥ​ലം മു​ഴു​വ​ൻ ഭ​ക്ഷ​ണ​പ്പാ​ക്ക​റ്റു​ക​ൾ ക​യ്യേ​റി. തി​ര​ക്കേ​റി​യ ന​ഗ​ര​ത്തി​ലൂ​ടെ ഓ​ടി​യ വ​ണ്ടി, ഒ​രു റൌ​ണ്ട് ചു​റ്റി ഉ​ള്ളി​ലേ​ക്ക് പോ​കാ​ൻ തു​ട​ങ്ങി. പ​ര​ന്നു കി​ട​ക്കു​ന്ന മ​രു​ഭൂ​മി​ക്കും, മ​ണ​ലി​നു​മി​ട​യി​ൽ കു​റ്റി​ച്ചെ​ടി​ക​ൾ മു​ള​ച്ചു. മ​ണ​ൽ​ത്ത​രി​ക​ൾ മാ​റി ഉ​രു​ള​ൻ ക​ല്ലു​ക​ളാ​കാ​ൻ തു​ട​ങ്ങി. 
 

പ​ര​സ്പ​രം ഉ​ര​സി ഉ​രു​ണ്ട് അ​ട​ർ​ന്നു വീ​ണ​തുപോ​ലു​ള്ള ക​ല്ലു​ക​ൾ. നാ​ട്ടി​ലെ പു​ഴ​യി​ലെ വെ​ള്ളാ​രം ക​ല്ലു​ക​ളാ​ണ് ഓ​ർ​മ്മ വ​ന്ന​ത്. സ്കൂ​ൾ കാ​ല​ത്ത് , പൊ​ന്ന്യം പു​ഴ ക​ട​ന്നു​ള്ള യാ​ത്ര​ക​ളി​ൽ അ​ങ്ങ​നെ എ​ത്ര​യെ​ത്ര ക​ല്ലു​ക​ളാ​ണ് ഞാ​നും അ​നി​യ​നും പെ​റു​ക്കി​ക്കൂ​ട്ടി​യ​ത്.  ചി​ല​പ്പോ ഈ ​റാ​സൽ കൈ​മ​യി​ലും പ​ണ്ടൊ​രു വ​ലി​യ ജ​ല​ സ്ത്രോ​ത​സ്സോ  പ്ര​ള​യ​മോ ഉ​ണ്ടാ​യി​രു​ന്നി​രി​ക്കാം. അ​തി​ൽ​പെ​ട്ട് രൂ​പ​മാ​റ്റം സം​ഭ​വി​ച്ചു വ​ന്നെ​ത്തി​യ ക​ല്ലു​ക​ളാ​വാം ഇ​വ​യൊ​ക്കെ. അ​ഞ്ചു​മി​നി​റ്റ് കാ​ർ നി​ർ​ത്തി​യ ഇ​ട​വേ​ള​യി​ൽ മാ​താ​ശ്രീ​യു​ടെ​യും അ​മ്മാ​വ​ന്റെ​യും പാ​ര​മ്പ​ര്യം നി​ല​നി​ർ​ത്താ​നെ​ന്നോ​ണം വാ​വ ഒ​ന്നു​ര​ണ്ടു ക​ല്ലു​ക​ളെ​ടു​ത്ത് പോ​ക്ക​റ്റി​ലി​ട്ടു. വ​ലു​പ്പം കൂ​ടി​ക്കൊ​ണ്ടി​രി​ക്കു​ന്ന കു​റ്റി​ച്ചെ​ടി​ക​ൾ​ക്കും , ഉ​രു​ള​ൻ ക​ല്ലു​ക​ൾ​ക്കു​മൊ​പ്പം കാ​ർ പി​ന്നെ​യും ഓ​ടി. 
 

ഓ​രോ​വ​ട്ടം കാ​റി​ൻെറ ചി​ല്ലു​ഗ്ലാ​സ്സ് താ​ഴ്ത്തു​മ്പോ​ഴും വെ​യി​ലും ചൂ​ടും പു​റ​കി​ലേ​ക്ക് ഓ​ടി​മ​റ​യു​ന്ന​തും ത​ണു​ത്ത കാ​റ്റ് ഉ​ള്ളി​ലേ​ക്ക് ക​യ​റി വ​രു​ന്ന​തും ഞ​ങ്ങ​ൾ ആ​സ്വ​ദി​ക്കു​ന്നു​ണ്ടാ​യി​രു​ന്നു. ക​ല്ലു​ക​ൾ വ​ലു​താ​യി ചെ​റി​യ ചെ​റി​യ മ​ല​ക​ൾ രൂ​പ​പ്പെ​ട്ടു തു​ട​ങ്ങി. കാ​റ്റ് പി​ന്നെ​യും ത​ണു​പ്പി​​െൻറ ക​ട്ടി കൂ​ടി​യ കു​പ്പാ​യ​ങ്ങ​ൾ പു​ത​ച്ചു കൊ​ണ്ടി​രു​ന്നു. ത​ണു​പ്പ് കൂ​ടി​യി​ട്ടാ​വ​ണം വി​ര​ലു​ക​ൾ കു​റേ​ശ്ശേ മ​ര​വി​ക്കു​ന്നു​ണ്ടാ​യി​രു​ന്നു.​ മ​ല​നി​ര​ക​ൾ എ​ന്ന് പ​റ​യു​മ്പോ​ൾ ത​ന്നെ മ​ല​യാ​ളി​യു​ടെ മ​ന​സ്സ് പ​ച്ച പെ​യി​ന്റ് എ​ടു​ത്ത് വ​യ്ക്കും.​ വ​യ​നാ​ടും ക​ണ്ണ​വ​വും മൂ​ന്നാ​റും കാ​ട്ടി​ത്ത​ന്ന​തി​ൽ  നി​ന്ന് വ്യ​ത്യ​സ്ത​മാ​യി വ​ര​ണ്ട കു​ന്നു​ക​ളാ​യി​രു​ന്നു അ​ധി​ക​വും.​ പ​ച്ച​പ്പി​ല്ലാ​തെ, ഭീ​മാ​കാ​ര​ൻ ക​ല്ല് ചെ​ത്തി ഉ​യ​ർ​ത്തി​യ​ത് പോ​ലെ, വ​ള​ർ​ന്നു പ​ര​ന്ന് കൂ​റ്റ​ൻ കു​ന്നു​ക​ൾ വ​ള​ഞ്ഞു പു​ള​ഞ്ഞു ഉ​യ​രാ​ൻ തു​ട​ങ്ങി.

ഉ​രു​ള​ൻ ക​ല്ലു​ക​ൾ നി​റ​ഞ്ഞ ഒ​രു​പാ​ട് കു​ന്നു​ക​ൾ ചേ​ർ​ന്നൊ​ട്ടി നി​ൽ​ക്കു​ന്ന കാ​ഴ്ച. ഓ​രോ മ​ല​യി​ടു​ക്കും, ഓ​രോ കൂ​റ്റ​ൻ കു​ന്നി​ന​പ്പു​റ​വും ഭൂ​പ്ര​കൃ​തി മാ​റി​ക്കൊ​ണ്ടേ​യി​രു​ന്നു. ഒ​രി​ട​ത്ത് വെ​യി​ലാ​ണെ​ങ്കി​ൽ തൊ​ട്ട​പ്പു​റ​ത്ത് ത​ണു​പ്പ്. ഒ​രി​ട​ത്ത് ച​ര​ലു​ക​ൾ മാ​ത്ര​മാ​ണെ​ങ്കി​ൽ തൊ​ട്ട​പ്പു​റ​ത്ത് ചെ​റി​യ വ​ള്ളി​ക​ളും കു​റ്റി​ച്ചെ​ടി​ക​ളും നി​റ​ഞ്ഞ പ​ച്ച​പ്പ്. ഇ​ട​യ്ക്കി​ടെ മ​ല​യി​ടു​ക്കു​ക​ളി​ൽ ചെ​റി​യ ചെ​റി​യ നീ​ർ​ക്കെ​ട്ടു​ക​ളും ക​ണ്ടു. ഓ​രോ ത​വ​ണ നോ​ക്കു​മ്പോ​ഴും, എ​ന്നോ വെ​ള്ളം ശ​ക്തി​യാ​യി ഒ​ലി​ച്ചി​റ​ങ്ങി​യ പോ​ലെ​യോ, വെ​ള്ള​ത്തി​ന​ടി​യി​ൽ പെ​ട്ട് ത​മ്മി​ലു​ര​സി​യ പോ​ലെ​യോ ആ​ണ് ആ ​ക​ൽ​ക്കു​ന്നു​ക​ളെ​ക്കു​റി​ച്ച് എ​നി​ക്ക് തോ​ന്നി​യ​ത്.

 

വ​യ​റ് അ​ലാ​റം അ​ടി​ച്ച​പ്പോ​ൾ, പ​ച്ച​പ്പും ത​ണു​പ്പു​മു​ള്ളൊ​രു മ​ല​നി​ര​യു​ടെ വി​ട​വി​ൽ റോ​ഡ​രി​കി​ലാ​യി വ​ണ്ടി നി​ർ​ത്തി. നേ​ർ​ത്ത ഇ​ല​ക​ളു​ള്ള വ​ള്ളി​ക​ൾ നി​ല​ത്ത് ച​ര​ൽ​ക്ക​ല്ലി​ന്മേ​ൽ കു​ഷ്യ​ൻ വി​രി​ച്ചി​ട്ടു​ണ്ടാ​യി​രു​ന്നു. ഞ​ങ്ങ​ളെ​ല്ലാം നി​ല​ത്ത് വ​ട്ട​ത്തി​ലി​രു​ന്നു. കാ​റ്റ് ന​ല്ല ശ​ക്തി​യാ​യി വീ​ശു​ന്നു​ണ്ടാ​യി​രു​ന്നു. ഓ​രോ ത​വ​ണ എ​ടു​ത്ത് വ​യ്ക്കു​മ്പോ​ഴും ക​നം കു​റ​ഞ്ഞ പേ​പ്പ​ർ പൊ​തി​ക​ളും  പേ​പ്പ​ർ പ്ലേ​റ്റു​ക​ളും  ഗ്ലാ​സുക​ളും എ​ല്ലാം കാ​റ്റെ​ടു​ത്ത് പ​റ​ത്തി​ക്കൊ​ണ്ടി​രു​ന്നു. മ​ന്തി​ച്ചോ​റി​ൻെറ മ​ണ​ത്തി​നൊ​പ്പം ത​ണു​പ്പും, മൂ​ക്കി​ലേ​ക്കും  വി​ര​ലി​ലൂ​ടെ വാ​യി​ലേ​ക്കും വ​യ​റ്റി​ലേ​ക്കും ഊ​ളി​യി​ട്ടു. മ​റ്റു​വാ​ഹ​ന​ങ്ങ​ളി​ൽ നി​ന്നും ഇ​റ​ങ്ങി​യ​വ​രു​ടെ ക​യ്യി​ലൊ​ക്കെ ഭ​ക്ഷ​ണം പാ​കം ചെ​യ്യാ​നു​ള്ള സ്റ്റ​വും, ഇ​റ​ച്ചി വ​റു​ക്കാ​നു​ള്ള ഇ​രു​മ്പു ക​മ്പി​ക​ളു​മൊ​ക്കെ ഉ​ണ്ടാ​യി​രു​ന്നു. 

കു​ന്നു​ക​ളു​ടെ വി​ശാ​ല​ത​യി​ൽ, ഓ​രോ യാ​ത്രാ​ക്കൂ​ട്ട​വും അ​വ​ര​വ​രു​ടെ സ്വ​കാ​ര്യ ഇ​ട​ങ്ങ​ൾ ക​ണ്ടെ​ത്തി പാ​ച​ക​വും തീ​റ്റ​യു​മൊ​ക്കെ കൊ​ഴു​പ്പി​ക്കു​ക​യാ​ണ്. വി​ശാ​ല​ത​യി​ലെ ആ ​കു​ഞ്ഞു സ്വ​കാ​ര്യ​ത​ക​ളും അ​തി​ലെ സ്നേ​ഹ​വും സ​ന്തോ​ഷ​വു​മൊ​ക്കെ​യാ​യി​രി​ക്കാം ജ​ബ​ൽ അ​ൽ ജെ​യ്‌​സിലേ​ക്ക് ഇ​ത്ര​യേ​റെ സ​ഞ്ചാ​രി​ക​ളെ ആ​ക​ർ​ഷി​ക്കു​ന്ന​ത്. പ​ല സം​ഘ​ങ്ങ​ൾ അ​ങ്ങ​നെ പ​ല​യി​ട​ത്താ​യി ഇ​രു​ന്നു ഭ​ക്ഷ​ണം ക​ഴി​ക്കു​ന്നു​ണ്ടാ​യി​രു​ന്നെ​ങ്കി​ലും അ​വ​ശി​ഷ്ട​ങ്ങ​ളോ പേ​പ്പ​ർ ക​ഷ്ണ​ങ്ങ​ളോ പ്ലാ​സ്റ്റി​ക് ക​വ​റു​ക​ളോ ചി​ത​റി​ക്കി​ട​ക്കു​ന്ന​ത് കാ​ണാ​നു​ണ്ടാ​യി​രു​ന്നി​ല്ല. ബാ​ക്കി വ​ന്ന അ​വ​ശി​ഷ്ട​ങ്ങ​ൾ ഭം​ഗി​യാ​യി കാ​ർ​ഡ്ബോ​ർ​ഡ് പെ​ട്ടി​യി​ൽ പൊ​തി​ഞ്ഞു ഞ​ങ്ങ​ളും വ​ണ്ടി​യു​ടെ ഡി​ക്കി​യി​ലേ​ക്കി​ട്ടു.

ഭ​ക്ഷ​ണം ക​ഴി​ഞ്ഞു എ​ഴു​ന്നേ​ൽ​ക്കു​മ്പോ​ഴാ​ണ് ജ​ബ​ൽ അ​ൽ ജെ​യ്‌​സി​ലെ ആ​ദ്യ ജീ​വി​യെ (മ​നു​ഷ്യ​ന​ല്ലാ​ത്ത) ഞ​ങ്ങ​ൾ ക​ണ്ട​ത്. വ​ള​ഞ്ഞ ചെ​റി​യ കൊ​മ്പു​ക​ളു​ള്ള ആ​ടു​ക​ളാ​യി​രു​ന്നു അ​ത്. ക​റു​പ്പും, വെ​ളു​പ്പും, ചാ​ര​നി​റ​വും ഒ​ക്കെ ചേ​ർ​ന്ന് കു​ന്നി​ൽ നി​ന്ന് ഒ​രു ക​ഷ്ണം ഇ​ള​കി നീ​ങ്ങു​ന്നു എ​ന്നെ പെ​ട്ട​ന്ന് ക​ണ്ടാ​ൽ തോ​ന്നു​ക​യു​ള്ളൂ. വ​ഴി കു​റേ​ക്കൂ​ടെ ചെ​ങ്കു​ത്താ​യി കൊ​ണ്ടി​രു​ന്നു. റോ​ഡ് നി​ർ​മാ​ണ​ത്തി​ലെ പൂ​ർ​ണ​ത അ​ഭി​ന​ന്ദ​നീ​യം ത​ന്നെ. വ​ഴി​ക്കി​രു​വ​ശ​ത്തു​മു​ള്ള കു​ഞ്ഞു കു​ഞ്ഞു സ​മ​ത​ല​ങ്ങ​ൾ അ​പ്ര​ത്യ​ക്ഷ​മാ​യി​ക്കൊ​ണ്ടി​രു​ന്നു. ഉ​രു​ള​ൻ ക​ല്ലു​ക​ളും കു​റ്റി​ച്ചെ​ടി​ക​ളും കാ​ണാ​നി​ല്ല. ഉ​യ​ർ​ന്ന കൂ​റ്റ​ൻ മ​ല​നി​ര​ക​ൾ മാ​ത്രം.

കൂ​ട്ടി​നു ത​ണു​പ്പും മ​ഞ്ഞും ഇ​റ​ങ്ങി വ​ന്നു. കൂ​റ്റ​ൻ കു​ന്നു​ക​ൾ ആ​കാ​ശ​ത്തോ​ളം ഞ​ങ്ങ​ളെ കൂ​ട്ടി​ക്കൊ​ണ്ടു​പോ​യി. മ​ഞ്ഞാ​ണോ മേ​ഘ​മാ​ണോ എ​ന്ന് തി​രി​ച്ച​റി​യാ​നാ​വാ​തെ ആ​കാ​ശ​ത്തി​നും ഭൂ​മി​ക്കു​മി​ട​യി​ൽ നി​ൽ​ക്കു​ന്ന പോ​ലെ . ഓ​രോ വ​ള​വു​ക​ളും ക​യ​റ്റ​ങ്ങ​ളും ഇ​ത്തി​രി ന​ട​ന്നാ​ൽ ആ​കാ​ശം തൊ​ടാ​മെ​ന്നു മോ​ഹി​പ്പി​ച്ചു കൊ​ണ്ടി​രു​ന്നു.

മു​ക​ളി​ൽ നി​ന്നും താ​ഴേ​ക്കു​ള്ള കാ​ഴ്ച ആ​ത്മ​ഹ​ത്യാ​മു​ന​മ്പു​ക​ളു​ടെ ഒ​രു ആ​ജാ​നു​ബാ​ഹു പ​തി​പ്പാ​യി​രു​ന്നു. താ​ഴേ​ക്കു നോ​ക്കി​യാ​ൽ അ​ഗാ​ധ​ത,മു​ക​ളി​ലേ​ക്ക് നോ​ക്കി​യാ​ൽ ആ​കാ​ശ​ത്തി​ന്റെ വി​ശാ​ല​ത. എ​ത്ര​നേ​രം വേ​ണ​മെ​ങ്കി​ലും അ​വി​ടെ വെ​റു​തെ ഇ​രി​ക്കാ​മെ​ന്നു തോ​ന്നി.