ഈദ് ദിനത്തിൽ കന്തൂറയണിഞ്ഞ് നിയാദി
ദുബൈ: ബഹിരാകാശത്ത് കന്തൂറയണിഞ്ഞ് ഈദ് ആഘോഷിച്ചും ആശംസനേർന്നും സുൽത്താൻ അൽ നിയാദി. പരമ്പരാഗത അറബ് വസ്ത്രമായ കന്തൂറയും തലപ്പാവും അണിഞ്ഞ് അന്താരാഷ്ട്ര ബഹിരാകാശ നിലയത്തിൽ നിൽക്കുന്ന വീഡിയോ ട്വിറ്റർ വഴിയാണ് പുറത്തുവിട്ടത്. സംഗീത പശ്ചാത്തലത്തിലാണ് വീഡിയോ. എന്‍റെ വിശ്വസ്ത സുഹൃത്ത് ‘സുഹൈലി’നൊപ്പം ഈദ് ആഘോഷിക്കുമെന്നാണ് ട്വീറ്റിൽ കുറിച്ചിരിക്കുന്നത്. യു.എ.ഇ ബഹിരാകാശ എജൻസിയുടെ ഭാഗ്യചിഹ്നമാണ് ‘സുഹൈൽ’ എന്ന കുഞ്ഞുപാവ. അനുഗ്രഹീതമായ ഈ അവസരത്തിൽ കുടുംബത്തിനും സുഹൃത്തുക്കൾക്കും ഭൂമിയിലുള്ള എല്ലാവർക്കും ഊഷ്മളമായ ആശംസകൾ നേരുന്നു. നിങ്ങൾക്ക് സമാധാനവും സന്തോഷവും സമൃദ്ധിയും നൽകട്ടെ -എന്ന് അറബിയിൽ ആശംസ അറിയിക്കുന്നുമുണ്ട് അൽ നിയാദി. ആദ്യമായാണ് മുസ്ലിം ബഹിരാകാശ സഞ്ചാരി റമദാൻ പൂർണമായും ബഹിരാകാശ നിലയത്തിൽ ചിലവഴിച്ച് പെരുന്നാളിനെ സ്വീകരിക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.