കേ​ര​ള​ത്തി​ന്​ ക​ട​ത്തി​ൽ​നി​ന്ന്​ മോ​ച​നം സാ​ധ്യ​മാ​ണോ? -സാ​മ്പ​ത്തി​ക​കാ​ര്യ വി​ദ​ഗ്​​ധ​ൻ ഡോ. ​ജോ​സ്​ സെ​ബാ​സ്റ്റ്യൻ സം​സാ​രി​ക്കു​ന്നു.

ക​ടം വാ​ങ്ങി വി​ക​സ​നം ന​ട​ത്തി​യി​ല്ലെ​ങ്കി​ൽ ജ​നം പ​ട്ടി​ണി​കൊ​ണ്ടും പ്ര​യാ​സം​കൊ​ണ്ടും ജീ​വി​ക്കാ​ന്‍ പ​റ്റാ​ത്ത അ​വ​സ്ഥ​യി​ലാ​വും. ക​ടം വാ​ങ്ങി സ​മ്പ​ത്തി​നെ ഉ​ത്തേ​ജി​പ്പി​ക്കു​ക​യാ​ണ് വേ​ണ്ട​ത്. ഇ​താ​ണ് ലോ​ക​രാ​ഷ്ട്ര​ങ്ങ​ള്‍ ചെ​യ്യു​ന്ന​ത്. കേ​ര​ള​വും അ​താ​ണ് ചെ​യ്യു​ന്ന​തെ​ന്ന് മു​ൻ മ​ന്ത്രി തോ​മ​സ് ഐ​സ​ക് ആ​വ​ർ​ത്തി​ച്ചു​പ​റ​യു​ന്നു. അ​ദ്ദേ​ഹ​ത്തി​ന് പു​തി​യ വി​ക​സ​ന മാ​തൃ​ക വ​ട​ക്ക​ൻ യൂ​റോ​പ്പി​ലെ നൊ​ർ​ഡി​ക്‌ രാ​ജ്യ​ങ്ങ​ളാ​ണ്. ആ ​രാ​ജ്യ​ങ്ങ​ൾ​ക്ക്‌ സ​മാ​ന​മാ​യ ക്ഷേ​മ​വും സു​ര​ക്ഷി​ത​ത്വ​വും ഇ​വി​ടെ​യും വേ​ണ​മെ​ങ്കി​ൽ ക​ടം​വാ​ങ്ങി വി​ക​സ​നം ന​ട​ത്ത​ണ​മെ​ന്നാ​ണ് വ്യാ​ഖ്യാ​നം. ആ ​രാ​ജ്യ​ങ്ങ​ളി​ൽ വ​രു​മാ​ന​ത്തി​ന്റെ 40 ശ​ത​മാ​ന​ത്തി​ലേ​റെ നി​കു​തി​യാ​ണ്‌.

അ​േ​ത​സ​മ​യം​ത​ന്നെ സി​ൽ​വ​ർ ലൈ​ൻ ക​ട​ക്കെ​ണി​യ​ല്ലെ​ന്നും അ​തൊ​രു ക​ട​ക്കെ​ണി​യി​ൽ എ​ത്തി​ക്കി​ല്ലെ​ന്നും കെ-​റെ​യി​ൽ വ​രു​മാ​ന​ദാ​യ​ക​മാ​വു​മെ​ന്നും തോ​മ​സ്​ ​െഎ​സ​ക്​ പ്ര​ഖ്യാ​പി​ക്കു​ന്നു. അ​പ്പോ​ൾ എ​ന്താ​ണ്​ കേ​ര​ള​ത്തി​ന്റെ സാ​മ്പ​ത്തി​കാ​വ​സ്​​ഥ? കേ​ര​ളം ക​ട​ത്തി​ലാ​ണോ? കേ​ര​ള​ത്തി​ന്റെ സാ​മ്പ​ത്തി​ക ശാ​സ്ത്ര​രം​ഗ​ത്തെ​പ്പ​റ്റി ആ​ഴ​ത്തി​ൽ പ​ഠ​നം ന​ട​ത്തി​യ ഡോ. ​ജോ​സ് സെ​ബാ​സ്റ്റ്യ​ൻ ചി​ല ചോ​ദ്യ​ങ്ങ​ൾ ഉ​ന്ന​യി​ക്കു​ന്നു.

ക​ടം പ​റ‍ഞ്ഞ് ജ​ന​ത്തെ വി​ര​ട്ടേ​ണ്ടെ​ന്നാ​ണ്​ ഇ​ട​തു സാ​മ്പ​ത്തി​ക പ​ണ്ഡി​ത​ന്മാ​ർ പ​റ​യു​ന്ന​ത്. കേ​ര​ളം നേ​രി​ടു​ന്ന സാ​മ്പ​ത്തി​ക പ്ര​തി​സ​ന്ധി മ​റി​ക​ട​ക്കാ​നു​ള്ള ഉ​പാ​ധി​യെ​ന്ന നി​ല​യി​ല​ല്ലേ ക​ടം​വാ​ങ്ങു​ന്ന​ത്. അ​തി​നെ എ​തി​ർ​ക്കു​ന്ന​തി​ന്റെ കാ​ര​ണ​മെ​ന്താ​ണ്?

വ​ലി​യ ക​ട​ക്കെ​ണി​യി​ലേ​ക്ക് കൂ​പ്പു​കു​ത്തു​ക​യാ​ണ് കേ​ര​ളം. 2022-23ലെ ​ബ​ജ​റ്റ് ക​ണ​ക്കു​പ്ര​കാ​രം ന​മ്മു​ടെ ക​ടം (മാ​ർ​ച്ച് വ​രെ) 3,71,693 കോ​ടി രൂ​പ​യാ​കും. ന​മ്മു​ടെ ക​ടം ഇ​നി​യും കൂ​ടു​ക​യ​ല്ലാ​തെ കു​റ​യു​ക​യി​ല്ല. ക​ടം നാ​ലു ല​ക്ഷം കോ​ടി എ​ന്ന് ന​മു​ക്ക് ക​ണ​ക്കാ​ക്കാം. കേ​ന്ദ്രസ​ർ​ക്കാ​ർ ഗാ​ര​ന്റി നി​ന്ന് വാ​ങ്ങി​യ കി​ഫ്ബി അ​ട​ക്ക​മു​ള്ള ക​ടം ഇ​തി​ന് പു​റ​മേ​യാ​ണ്. പെ​ൻ​ഷ​ൻ കൊ​ടു​ക്കാ​ൻ വേ​ണ്ടി കേ​ര​ള സോ​ഷ്യ​ൽ സെ​ക്യൂ​രി​റ്റി പെ​ൻ​ഷ​ൻ ലി​മി​റ്റ​ഡ് എ​ന്ന ഒ​രു ക​മ്പ​നി ഉ​ണ്ടാ​ക്കി​യി​ട്ടു​ണ്ട്. അ​ത് വേ​റൊ​രു കി​ഫ്ബി​യാ​ണ്. ഇ​ത​ട​ക്ക​മു​ള്ള ക​ട​ങ്ങ​ൾ കേ​ര​ള​ത്തി​ന്റെ ക​ട​ത്തി​ന്റെ ഭാ​ഗ​മാ​ണ് എ​ന്നാ​ണ് കേ​ന്ദ്ര​സ​ർ​ക്കാ​ർ പ​റ​യു​ന്ന​ത്. 2003ലെ ​എ​ഫ്.​ആ​ർ.​ബി.​എം (സാ​മ്പ​ത്തി​ക ഉ​ത്ത​ര​വാ​ദി​ത്ത​വും ബ​ജ​റ്റ് മാ​നേ​ജ്മെ​ന്റ് -Fiscal Responsibility and Budget Management) നി​യ​മ​പ്ര​കാ​രം ന​മു​ക്ക് ഇ​ത്ര​യും ക​ട​മെ​ടു​ക്കാ​ൻ ക​ഴി​യി​ല്ല.

ക​ട​മെ​ടു​ക്കു​ന്ന കാ​ര്യ​ത്തി​ൽ കേ​ര​ള​ത്തി​ന് ത​ൽ​ക്കാ​ല​ത്തേ​ക്ക് കേ​ന്ദ്ര സ​ർ​ക്കാ​ർ ചി​ല ഇ​ള​വ് ന​ൽ​കി​യ​താ​ണ്. അ​ങ്ങ​നെ​യാ​ണ് ജീ​വ​ന​ക്കാ​ർ​ക്ക് മേ​യ് മാ​സം ശ​മ്പ​ളം കൊ​ടു​ക്കാ​നാ​യ​ത്. 5000 കോ​ടി രൂ​പ ക​ട​മെ​ടു​ത്ത​ത്. ജൂ​ലൈ ആ​കു​മ്പോ​ൾ ക​ട​ക്കെ​ണി​യു​ടെ ചി​ത്രം കു​റേ​ക്കൂ​ടി ഭ​യാ​ന​ക​മാ​വും. കേ​ര​ള​ത്തി​ന്റെ ജി.​എ​സ്.​ടി ന​ഷ്ട​പ​രി​ഹാ​രം എ​ന്നു പ​റ​യു​ന്ന​ത് കി​ട്ടാ​തി​രു​ന്നാ​ൽ കൂ​ടു​ത​ൽ സ​ങ്കീ​ർ​ണ​മാ​കും. അ​ത് കി​ട്ടാ​തി​രി​ക്കാ​ൻ കാ​ര​ണ​ങ്ങ​ളു​ണ്ട്. ഒാ​രോ വ​ർ​ഷ​വും 14 ശ​ത​മാ​നം വ​ർ​ധ​ന ഉ​ണ്ടാ​യി​ല്ലെ​ങ്കി​ൽ അ​തി​ന് ന​ഷ്ട​പ​രി​ഹാ​രം ന​ൽ​കു​മെ​ന്നാ​ണ് ക​രാ​ർ. അ​താ​യ​ത്, ഒ​രു വ​ർ​ഷം 100 രൂ​പ വ​രു​മാ​നം ഉ​ണ്ടാ​യാ​ൽ പി​റ്റേ​വ​ർ​ഷം ജി.​എ​സ്.​ടി​യി​ൽ​നി​ന്ന് 14 രൂ​പ ന​ൽ​കും. അ​ടു​ത്ത വ​ർ​ഷം അ​ത് 114 ആ​കു​ന്നി​ല്ല. 112 ആ​ണെ​ങ്കി​ൽ ര​ണ്ടു രൂ​പ കേ​ന്ദ്രം കൊ​ടു​ക്കും. ഇ​വി​ടെ​യും മ​റ്റു സം​സ്ഥാ​ന​ങ്ങ​ളി​ലൊ​ക്കെ വ​ള​ർ​ച്ച​നി​ര​ക്ക് 14 ശ​ത​മാ​നം ക​ഴി​ഞ്ഞു. ഗു​ജ​റാ​ത്ത്, മ​ഹാ​രാ​ഷ്ട്ര അ​ട​ക്ക​മു​ള്ള സം​സ്ഥാ​ന​ങ്ങ​ളി​ൽ വ​ള​ർ​ച്ച​നി​ര​ക്കു​ണ്ടാ​യി. അ​വ​രൊക്കെ ഇ​ക്കാ​ര്യ​ത്തി​ൽ വ​ള​ർ​ച്ച​യു​ടെ പ​ട​വു​ക​ൾ ക​യ​റി. വ്യ​വ​സാ​യി​ക ഉ​ൽ​പാ​ദ​നം വി​ക​സി​ച്ച സം​സ്ഥാ​ന​ങ്ങ​ളാ​ണ് അ​വ. സ്വ​നി​കു​തി​യി​ൽ​നി​ന്നു​ള്ള വ​രു​മാ​നം അ​വ​ർ​ക്ക് കൂ​ടു​ത​ലാ​ണ്.

2015ൽ ​അ​നി​ത​കു​മാ​രി​യു​മാ​യി ചേ​ർ​ന്നു ന​ട​ത്തി​യ പ​ഠ​ന​ത്തി​ൽ ജി.​എ​സ്.​ടി കേ​ര​ള​ത്തി​ന് ഗു​ണം​ചെ​യ്യി​ല്ലെ​ന്ന് ചൂ​ണ്ടി​ക്കാ​ണി​ച്ചി​രു​ന്നു. അ​ന്ന​ത്തെ ഞ​ങ്ങ​ളു​ടെ പ്ര​വ​ച​നം അ​തു​പോ​ലെ ശ​രി​യാ​യി. ഉ​പ​ഭോ​ഗ​ത്തി​ന്മേ​ലു​ള്ള സേ​വ​ന​ത്തി​ന്റെ​യും നി​കു​തി​യാ​ണി​ത്. സേ​വ​ന​ങ്ങ​ൾ​ക്കു മേ​ൽ നി​കു​തി ചു​മ​ത്താ​നു​ള്ള അ​ധി​കാ​രം സം​സ്ഥാ​ന​ങ്ങ​ൾ​ക്ക് കി​ട്ടി. എ​ന്നാ​ൽ, അ​ത് എ​ല്ലാ സം​സ്ഥാ​ന​ങ്ങ​ൾ​ക്കും ഒ​രു​പോ​ലെ പ്ര​യോ​ജ​ന​മാ​വി​ല്ല. കേ​ര​ളം​പോ​ലെ​യു​ള്ള സം​സ്ഥാ​ന​ങ്ങ​ളി​ൽ സേ​വ​ന​മേ​ഖ​ല വ​ള​രെ ചെ​റി​യ സ്ഥാ​പ​ന​ങ്ങ​ളാ​ണ്. നേ​രെ​മ​റി​ച്ച് മ​ഹാ​രാ​ഷ്ട്ര, ഗു​ജ​റാ​ത്ത് തു​ട​ങ്ങി​യ സം​സ്ഥാ​ന​ങ്ങ​ളി​ൽ വ്യ​വ​സാ​യ​ങ്ങ​ളു​മാ​യി ബ​ന്ധ​പ്പെ​ട്ട് ഉ​യ​ർ​ന്ന സേ​വ​നനി​കു​തി പി​രി​ക്കാ​ൻ ക​ഴി​യും. ക​ൺ​സ​ൽ​ട്ട​ൻ​സി, ഇ​ൻ​ഷു​റ​ൻ​സ്, പ​ര​സ്യം തു​ട​ങ്ങി​യ മേ​ഖ​ല​ക​ളെ​ല്ലാം അ​വി​ടെ​യു​ണ്ട്. ഉ​ദാ​ഹ​ര​ണ​മാ​യി, ഹി​ന്ദു​സ്ഥാ​ൻ ലീ​വ​റി​ന്റെ പ​ര​സ്യ​ത്തി​നു​ള്ള 12 ശ​ത​മാ​നം എ​ന്നു പ​റ​ഞ്ഞാ​ൽ വ​ലി​യൊ​രു തു​ക​യാ​ണ് മ​ഹാ​രാ​ഷ്ട്ര​ക്ക്​ കി​ട്ടു​ന്ന​ത്. വ്യ​വ​സാ​യ​വ​ത്കൃ​ത സം​സ്ഥാ​ന​ങ്ങ​ൾ​ക്ക് ജി.​എ​സ്.​ടി വ​രു​മാ​നം കൂ​ടി​ക്കൊ​ണ്ടി​രി​ക്കു​ന്നു. ഉ​പ​ഭോ​ഗ വ​ള​ർ​ച്ച​യു​ള്ള സം​സ്ഥാ​ന​ങ്ങ​ളി​ൽ ജി.​എ​സ്.​ടി​യി​ൽ​നി​ന്ന് കാ​ര്യ​മാ​യ നേ​ട്ടം ഉ​ണ്ടാ​കു​ന്നി​ല്ല. മ​റ്റു സം​സ്ഥാ​ന​ങ്ങ​ൾ​ക്ക് ജി.​എ​സ്.​ടി ന​ഷ്ട​പ​രി​ഹാ​രം വേ​ണ്ട എ​ന്നു പ​റ​യു​ന്ന ഒ​രു അ​വ​സ്ഥ​യി​ലേ​ക്ക് കാ​ര്യ​ങ്ങ​ൾ നീ​ങ്ങു​ക​യാ​ണ്. ന​ഷ്ട​പ​രി​ഹാ​രം ഇ​നി ഇ​ല്ല എ​ന്ന് കേ​ന്ദ്രസ​ർ​ക്കാ​ർ പ​റ​ഞ്ഞാ​ൽ സം​സ്ഥാ​നം എ​ന്തുചെ​യ്യും. അ​ങ്ങ​നെ വ​ന്നാ​ൽ കേ​ര​ളം കൂ​ടു​ത​ൽ ക​ട​ക്കെ​ണി​യി​ലേ​ക്കു വീ​ഴും.

ജൂ​ലൈ​യി​ൽ പ്ര​തി​സ​ന്ധി രൂ​ക്ഷ​മാ​വു​മെ​ന്നു പ​റ​യാ​ൻ കാ​ര​ണ​മെ​ന്താ​ണ്?

ജൂ​ൺ മു​ത​ലാ​ണ് ജി.​എ​സ്.​ടി ന​ഷ്ട​പ​രി​ഹാ​ര​ത്തി​ന് ക​രാ​റാ​യ​ത്. ജി.​എ​സ്.​ടി ന​ട​പ്പാ​ക്കി​യ​പ്പോ​ൾ അ​ഞ്ചു വ​ർ​ഷ​ത്തേ​ക്കാ​ണ് ക​രാ​ർ ഉ​റ​പ്പി​ച്ച​ത്. 2017 ജൂ​ലൈ മു​ത​ൽ 2022 ജൂ​ൺ വ​രെ​യാ​ണ് കേ​ന്ദ്രസ​ർ​ക്കാ​റി​ൽ​നി​ന്ന് ജി.​എ​സ്.​ടി ന​ഷ്ട​പ​രി​ഹാ​രം ല​ഭി​ക്കു​ന്ന​ത്. അ​ത് ക​ഴി​ഞ്ഞാ​ൽ ജി.​എ​സ്.​ടി​യു​ടെ ന​ഷ്ട​പ​രി​ഹാ​രം കേ​ന്ദ്ര​സ​ർ​ക്കാ​ർ നി​ർ​ത്ത​ലാ​ക്കാ​നു​ള്ള സാ​ധ്യ​ത​യു​ണ്ട്. ബി.​ജെ.​പി അ​ട​ക്കം ഭ​രി​ക്കു​ന്ന പ​ല സം​സ്ഥാ​ന​ങ്ങ​ളി​ലും ജി.​എ​സ്.​ടി വ​രു​മാ​നം കൂ​ടു​ക​യു​ണ്ടാ​യി. എ​ന്നാ​ൽ, അ​തു മാ​ത്ര​മ​ല്ല പ്ര​ശ്നം. സാ​മ്പ​ത്തി​ക പ്ര​തി​സ​ന്ധി കേ​ന്ദ്ര​സ​ർ​ക്കാ​റി​നെ​യും ബാ​ധി​ച്ചു​കൊ​ണ്ടി​രി​ക്കു​ക​യാ​ണ്. അ​ത് തി​രി​ച്ച​റി​ഞ്ഞ​താ​യി​രി​ക്കാം ജി.​എ​സ്.​ടി വ​കു​പ്പ് പ​രി​ശോ​ധ​ന തു​ട​ങ്ങി​യ​ത്. ഉ​ദ്യോ​ഗ​സ്ഥ​ന്മാ​ർ പോ​യി സാ​ധ​നം വാ​ങ്ങി ക​ട​ക​ളി​ൽ​നി​ന്ന് ബി​ൽ കൊ​ടു​ത്തി​ല്ലെ​ങ്കി​ൽ പി​ഴ ഈ​ടാ​ക്കു​ന്ന രീ​തി​ക​ൾ തു​ട​ങ്ങി​യി​രി​ക്കു​ന്നു. കേ​ന്ദ്ര സ​ർ​ക്കാ​റി​ൽ​നി​ന്ന് ജി.​എ​സ്.​ടി ന​ഷ്ട​പ​രി​ഹാ​രം കി​ട്ടാ​ൻ സാ​ധ്യ​ത​യി​ല്ല എ​ന്ന അ​നു​മാ​ന​ത്തി​ലാ​ണ് സ​ർ​ക്കാ​റും മു​ന്നോ​ട്ടു​പോ​കു​ന്ന​ത്. അ​ങ്ങ​നെ വ​രു​മ്പോ​ൾ വ​ലി​യൊ​രു സാ​മ്പ​ത്തി​ക പ്ര​തി​സ​ന്ധി കേ​ര​ളം നേ​രി​ടും. കേ​ര​ള​ത്തെ സം​ബ​ന്ധി​ച്ചി​ട​ത്തോ​ളം ഇ​ത് വ​ഷ​ളാ​ക്കി​യ​ത് മു​ൻ മ​ന്ത്രി തോ​മ​സ് ഐ​സ​ക്കാ​ണ്.

അ​ത് എ​ങ്ങ​നെ​യാ​ണ് പ​റ​യാ​നാ​വു​ക. ക​ടം ക്ര​മേ​ണ കൂ​ടി​വ​രു​ക​യാ​യി​രു​ന്നി​ല്ലേ?

ശ​മ്പ​ള-​പെ​ൻ​ഷ​ൻ പ​രി​ഷ്ക​ര​ണ​മാ​ണ് എ​ല്ലാം അ​വ​താ​ള​ത്തി​ലാ​ക്കി​യ​ത്. 2021ൽ ​കോ​വി​ഡ് കാ​ല​ത്ത് ശ​മ്പ​ള​പ​രി​ഷ്ക​ര​ണം പ​റ്റി​ല്ലെ​ന്ന് സ​ർ​ക്കാ​റി​ന് പ​റ​യാ​മാ​യി​രു​ന്നു. സ​ർ​ക്കാ​ർ അ​ത് ചെ​യ്തി​ല്ല. ഇ​തി​നു മു​മ്പു​ള്ള ശ​മ്പ​ള പ​രി​ഷ്ക​ര​ണ ക​മീ​ഷ​ൻ പ​റ​ഞ്ഞ​ത് 10 വ​ർ​ഷ​ത്തി​ലൊ​രി​ക്ക​ൽ വ​ർ​ധി​പ്പി​ച്ചാ​ൽ മ​തി​യെ​ന്നാ​ണ്. പി​ണ​റാ​യി സ​ർ​ക്കാ​ർ തു​ട​ർ​ഭ​ര​ണം ഉ​റ​പ്പാ​ക്കു​ക എ​ന്ന ഒ​രൊ​റ്റ ല​ക്ഷ്യം​വെ​ച്ച് ശ​മ്പ​ള​പ​രി​ഷ്ക​ര​ണം ന​ട​പ്പാ​ക്കി. 2020- 21 ൽ ​ശ​മ്പ​ള​ത്തി​നും പെ​ൻ​ഷ​നു​മാ​യി ചെ​ല​വാ​യ​ത് 46,691.14 കോ​ടി രൂ​പ​യാ​ണ്. അ​ത് 2021-22ൽ 71,235.03 ​കോ​ടി രൂ​പ​യാ​യി ഉ​യ​ർ​ന്നു. അ​താ​യ​ത്, 24,563.89 കോ​ടി വ​ർ​ധ​ന​യാ​ണ് ശ​മ്പ​ള പ​രി​ഷ്ക​ര​ണ​ത്തി​ലൂ​ടെ മാ​ത്രം ഉ​ണ്ടാ​യ​ത്. തൊ​ട്ടു​ത​ലേ വ​ർ​ഷ​ത്തേ​ക്കാ​ൾ 52.63 ശ​ത​മാ​ന​മാ​യി​ട്ടാ​ണ് ശ​മ്പ​ള-​പെ​ൻ​ഷ​ൻ വ​ർ​ധി​ച്ച​ത്. യ​ഥാ​ർ​ഥ​ത്തി​ൽ ഇ​ന്ന് ഏ​റ്റ​വും വ​ലി​യ പ്ര​തി​സ​ന്ധി​യാ​യി തീ​ർ​ന്ന​ത് ഈ ​പ​രി​ഷ്ക​ര​ണ​മാ​ണ്.

ജീ​വ​ന​ക്കാ​രു​ടെ ശ​മ്പ​ള​വും പെ​ൻ​ഷ​നും കൊ​ടു​ത്തു​ക​ഴി​ഞ്ഞാ​ൽ ഖ​ജ​നാ​വി​ൽ അ​ഞ്ചു പൈ​സ എ​ടു​ക്കാ​ൻ ഇ​ല്ലാ​ത്ത അ​വ​സ്ഥ. എ​ത്ര നി​കു​തി പി​രി​ച്ചാ​ലും ന​മ്മു​ടെ ഖ​ജ​നാ​വ് നി​ര​ന്ത​രം കാ​ലി​യാ​ണ്. കോ​വി​ഡ് കാ​ല​ത്ത് രാ​ജ്യ​ത്തെ ഒ​രു സം​സ്ഥാ​ന​ത്തും ശ​മ്പ​ള​വ​ർ​ധ​ന ന​ട​പ്പാ​ക്കി​യി​ല്ല. കേ​ര​ള​ത്തി​ൽ മാ​ത്ര​മാ​ണ് ജീ​വ​ന​ക്കാ​രു​ടെ ശ​മ്പ​ളം വ​ർ​ധി​പ്പി​ച്ചു​ന​ൽ​കി​യ​ത്. നാ​ലു ശ​ത​മാ​നം വ​രു​ന്ന ജ​ന​ങ്ങ​ൾ​ക്ക് പ്ര​യോ​ജ​നം കി​ട്ടു​ന്ന രീ​തി​യി​ൽ ശ​മ്പ​ള​വ​ർ​ധ​ന ന​ട​പ്പാ​ക്കി. സാ​ധാ​ര​ണ ജ​ന​ങ്ങ​ൾ​ക്ക് ഒ​ന്നും ന​ൽ​കാ​ൻ ക​ഴി​യാ​ത്ത അ​വ​സ്ഥ​യി​ലാ​ണ് സ​ർ​ക്കാ​ർ.

ശ​മ്പ​ള​വും പെ​ൻ​ഷ​നും വി​പ​ണി​യി​ലേ​ക്ക് എ​ത്തു​ന്ന​ത് വ​ള​രെ കു​റ​വാ​ണ്. ഉ​ദ്യോ​ഗ​സ്ഥ​ർ കി​ട്ടു​ന്ന ശ​മ്പ​ളം മു​ഴു​വ​ൻ ഉ​പ​ഭോ​ഗ​ത്തി​ന് ഉ​പ​യോ​ഗി​ക്കി​ല്ല. അ​വ​ർ സ​മ്പാ​ദ്യ​മാ​ക്കി മാ​റ്റും. ഇ​ത്ത​വ​ണ​ത്തെ ബ​ജ​റ്റി​ൽ സാ​ധാ​ര​ണ​ക്കാ​രു​ടെ പെ​ൻ​ഷ​ൻ 1600ൽ​നി​ന്ന് 100 രൂ​പ​പോ​ലും വ​ർ​ധി​പ്പി​ക്കാ​ൻ ക​ഴി​ഞ്ഞി​ല്ല. കൂ​ട്ടാ​ൻ ക​ഴി​യാ​ത്ത പ്ര​തി​സ​ന്ധി​യി​ലാ​ണ് സ​ർ​ക്കാ​ർ. ധ​ന​മ​ന്ത്രി പ​റ​ഞ്ഞ​ത് കൂ​ട്ട​ണ​മെ​ങ്കി​ൽ 1000 കോ​ടി രൂ​പ വേ​ണ്ടി​വ​രു​മെ​ന്നാ​ണ്. അ​തി​നു സ​ർ​ക്കാ​റി​ന്റെ കൈ​യി​ൽ പ​ണ​മി​ല്ല. കേ​ര​ള​ത്തി​ലെ വ​രു​മാ​നം മു​ഴു​വ​ൻ ശ​മ്പ​ളം ന​ൽ​കാ​ൻ നീ​ക്കി​വെ​ക്കു​ന്ന ഗ​തി​കേ​ടി​ലാ​ണ് സ​ർ​ക്കാ​ർ. പ​ല​യി​ടത്തു​നി​ന്നും തി​രി​മ​റി ന​ട​ത്തി​യാ​ണ് ശ​മ്പ​ളം ന​ൽ​കു​ന്ന​ത്. സു​താ​ര്യ​മാ​യ​ല്ല കാ​ര്യ​ങ്ങ​ൾ​ ന​ട​ക്കു​ന്ന​ത്.

തോ​മ​സ് ഐ​സ​ക് പ​റ​യു​ന്ന​ത് ഖ​ജ​നാ​വ് എ​ന്ന​ത് കാ​ലി​യാ​ക്കാ​ൻ ഉ​ള്ള​താ​ണ് എ​ന്നാ​ണ്. അ​തി​നാ​ൽ ക​ടം​വാ​ങ്ങി വീ​ണ്ടും ഖ​ജ​നാ​വി​ൽ പ​ണ​മെ​ത്തി​ക്കു​ന്ന​ു​ണ്ട​ല്ലോ?

ഖ​ജ​നാ​വ് എ​ന്ന​ത് കാ​ലി​യാ​ക്കാ​നു​ള്ള​തെ​ന്ന അ​ഭി​പ്രാ​യ​ത്തോ​ട് വി​യോ​ജി​പ്പി​ല്ല. എ​ന്നാ​ൽ, ക​ടം എ​ടു​ത്തി​ട്ട​ല്ല ഖ​ജ​നാ​വി​ലേ​ക്ക് പ​ണം വ​രേ​ണ്ട​ത്. ഖ​ജ​നാ​വി​ലേ​ക്ക് പ​ണം വ​രേ​ണ്ട​ത് ജ​ന​ങ്ങ​ളി​ൽ​നി​ന്ന് നി​കു​തി​യും മ​റ്റും പി​രി​ച്ചാ​ണ്. സ​ർ​ക്കാ​ർ എ​ന്ന​ത് നി​കു​തി പി​രി​ച്ച് പ്ര​വ​ർ​ത്തി​ക്കേ​ണ്ട ഒ​രു സ്ഥാ​പ​ന​മാ​ണ്.

വാ​യ്പ​ക​ൾ നി​ക്ഷേ​പ​മാ​യി തീ​രു​മെ​ന്നും അ​ത് ആ​സ്തി​ക​ൾ സൃ​ഷ്ടി​ക്കു​മെ​ന്നു​മാ​ണ​ല്ലോ ഇ​ട​തു​പ​ക്ഷ നി​ല​പാ​ട്?

പ​ബ്ലി​ക് ഫി​നാ​ൻ​സി​ന്റെ പാ​ര​മ്പ​ര്യ​മാ​യ കാ​ഴ്ച​പ്പാ​ട് എ​ന്നു പ​റ​യു​ന്ന​ത് ക​ട​മെ​ടു​ത്ത് ആ​സ്തി​ക​ൾ സൃ​ഷ്ടി​ക്കു​ക എ​ന്ന​താ​ണ്. ഇ​ക്കാ​ര്യ​ത്തി​ൽ ഐ​സ​ക് പ​റ​യു​ന്ന​ത് താ​ത്ത്വി​ക​മാ​യി ശ​രി​യാ​ണ്. ര​ണ്ടു ത​ര​ത്തി​ലു​ള്ള ക​ട​മെ​ടു​പ്പു​ണ്ട്. ന​മ്മു​ടെ ജി.​ഡി.​പി​യു​ടെ മൂ​ന്ന​ര ശ​ത​മാ​നം ക​ടം എ​ടു​ക്കാ​ൻ അ​ധി​കാ​ര​മു​ണ്ട്. അ​ത് ആ​സ്തി​വി​ക​സ​ന​ത്തി​ന് തി​ക​യാ​ത്ത​തി​നാ​ലാ​ണ് കി​ഫ്ബി​യു​ണ്ടാ​ക്കി​യ​ത്. കി​ഫ്ബി ​എ​ന്ന​ത് ക​ട​ത്തി​ന്റെ മേ​ലു​ള്ള ക​ട​മാ​ണ്. കി​ഫ്ബി​യെ സാ​ധാ​ര​ണ ക​ട​മാ​യി കൂ​ട്ടാ​നാ​വി​ല്ല. നി​ല​വി​ലു​ള്ള ക​ട​ത്തി​നു മേ​ൽ ഏ​റ്റെ​ടു​ക്കു​ന്ന ക​ട​മാ​ണ് കി​ഫ്ബി.

അ​പ്പോ​ൾ കി​ഫ്ബി​ക്ക് എ​തി​രാ​യി സി.​എ.​ജി ന​ട​ത്തി​യ വി​മ​ർ​ശ​നം ശ​രി​യാ​ണ് എ​ന്നാ​ണോ പ​റ​യു​ന്ന​ത്? ആ ​വാ​ദം നി​യ​മ​സ​ഭ ത​ള്ളി​ക്ക​ള​ഞ്ഞ​ത​ല്ലേ?

കി​ഫ്ബി​ക്കെ​തി​രെ എ.​ജി ന​ട​ത്തി​യ വി​മ​ർ​ശ​നം 100 ശ​ത​മാ​നം ശ​രി​യാ​ണ്. കാ​ര​ണം, കി​ഫ്ബി ബ​ജ​റ്റി​നു പു​റ​ത്താ​ണെ​ന്ന് പ​റ​യു​മെ​ങ്കി​ലും തി​രി​ച്ച​ട​വ് എ​ന്നു പ​റ​യു​ന്ന​ത് ന​മ്മു​ടെ മോ​ട്ടോ​ർ വാ​ഹ​ന നി​കു​തി​യു​ടെ പ​കു​തി​യും പെ​ട്രോ​ൾ സെ​സു​മാ​ണ്. സം​സ്ഥാ​ന​ത്തി​ന് കി​ട്ടു​ന്ന വ​രു​മാ​ന​ത്തി​ൽ​നി​ന്നാ​ണ് കി​ഫ്ബിയു​ടെ ക​ടം അ​ട​ക്കു​ന്ന​ത്. ആ ​ക​ട​വും സം​സ്ഥാ​ന​ത്തി​ന്റെ ഭാ​ഗം​ത​ന്നെ​യാ​ണ്. തി​രി​ച്ച​ട​വ് സം​സ്ഥാ​ന​ത്തി​ന്റെ വ​രു​മാ​ന​ത്തി​ൽ​നി​ന്നാ​ണെ​ങ്കി​ൽ അ​ത് സം​സ്ഥാ​ന​ത്തി​ന്റെ ക​ട​ത്തി​ന്റെ ഭാ​ഗ​മാ​ണ്. ആ ​കാ​ര്യ​ത്തി​ൽ യാ​തൊ​രു സം​ശ​യ​വു​മി​ല്ല. എ​ന്നാ​ൽ, തോ​മ​സ് ഐ​സ​ക് പ​റ​യു​ന്ന കാ​ര്യം ആ​സ്തി​ക​ൾ വ​രു​മാ​നം ഉ​ണ്ടാ​ക്കും എ​ന്നാ​ണ്. കി​ഫ്ബി വ​ഴി എ​ടു​ത്ത വാ​യ്പ ഉ​പ​യോ​ഗി​ക്കു​ന്ന​ത് സ്കൂ​ളു​ക​ൾ, സ്റ്റേ​ഡി​യ​ങ്ങ​ൾ ഒ​ക്കെ നി​ർ​മി​ക്കാ​നു​ള്ള ഫ​ണ്ടാ​യി​ട്ടാ​ണ്. ഇ​തി​ൽ​നി​ന്ന് വ​രു​മാ​നം ഉ​ണ്ടാ​കാ​ൻ പോ​കു​ന്നി​ല്ല.

അ​ടി​സ്ഥാ​ന​ സൗ​ക​ര്യ വി​ക​സ​ന​ത്തി​ലൂ​ടെ വ്യ​വ​സാ​യി​ക വി​കാ​സം ഉ​ണ്ടാ​കു​മെ​ന്നാ​ണ് ഇ​ട​തു​പ​ക്ഷ നി​ല​പാ​ട്. അ​തി​ലൂ​ടെ ല​ക്ഷ​ക്ക​ണ​ക്കി​ന് തൊ​ഴി​ൽ സൃ​ഷ്ടി​ക്കാ​ൻ ക​ഴി​യും. കേ​ര​ള​ത്തി​ന്റെ യു​വ​ത്വ​ത്തി​ന് അ​തി​ലാ​ണ് പ്ര​തീ​ക്ഷ?

അ​ങ്ങ​നെ പ​റ​യു​ന്ന​ത് ശ​രി​യ​ല്ല. വ്യ​വ​സാ​യ വി​ക​സ​നം ഉ​ണ്ടാ​ക്കാ​ൻ അ​ടി​സ്ഥാ​ന​സൗ​ക​ര്യ വി​ക​സ​ന​ത്തി​ലൂ​ടെ മാ​ത്രം ക​ഴി​യി​ല്ല. ഇ​തി​നൊ​പ്പം മാ​ന​സി​ക​മാ​യ ഒ​രു ത​ലം​കൂ​ടി വി​ക​സി​ക്കേ​ണ്ട​തു​ണ്ട്. മു​ത​ൽ​മു​ട​ക്കു​ന്ന​തി​ന് ആ​ത്മ​വി​ശ്വാ​സം തോ​ന്നി​പ്പി​ക്കു​ന്ന ഒ​രു അ​ന്ത​രീ​ക്ഷം കേ​ര​ള​ത്തി​ൽ ഉ​ണ്ടാ​ക​ണം. നി​യ​മം ന​ട​പ്പാ​ക്കാ​ൻ ക​ഴി​യു​ന്ന ഒ​രു അ​ന്ത​രീ​ക്ഷം അ​ടി​സ്ഥാ​ന​സൗ​ക​ര്യ വി​ക​സ​ന​മാ​ണ്. അ​ത് കേ​ര​ള​ത്തി​ൽ ഇ​ന്നും ഇ​ല്ല.

അ​ടി​സ്ഥാ​ന​ സൗ​ക​ര്യം വി​ക​സി​പ്പി​ച്ചാ​ൽ പു​റ​ത്തു​നി​ന്നു​ള്ള മൂ​ല​ധ​നം കേ​ര​ള​ത്തി​ലേ​ക്ക് വ​ൻ​തോ​തി​ൽ ഒ​ഴു​കും എ​ന്നാ​ണ് ഇ​ട​തു​സ​ർ​ക്കാ​ർ വി​ശ്വ​സി​ക്കു​ന്ന​ത്. അ​തി​നു​വേ​ണ്ടി​യാ​ണ് അ​ടി​സ്ഥാ​ന​ സൗ​ക​ര്യ വി​ക​സ​നം ന​ട​ക്കു​ന്ന​ത്? കേ​ര​ള​ത്തി​ൽ വ്യ​വ​സാ​യ ഇ​ട​നാ​ഴി​യും ഹൈ​ടെ​ക് പാ​ർ​ക്കു​ക​ളു​മാ​ണ് വ​രാ​ൻ പോ​കു​ന്ന​ത്. ഐ.​ടി മേ​ഖ​ല​യി​ൽ വ​ൻ കു​തി​പ്പു​ണ്ടാ​കു​മെ​ന്നാ​ണ് പ്ര​തീ​ക്ഷ?

അ​തൊ​ന്നും പൂ​ർ​ണ​മാ​യും ശ​രി​യ​ല്ല. പ​ല​തും സ്വ​പ്ന​ങ്ങ​ളാ​ണ്. ത​മി​ഴ്നാ​ട്ടി​ലോ ആ​ന്ധ്ര​പ്ര​ദേ​ശി​ലോ വ്യ​വ​സാ​യം ന​ട​ത്തു​ന്ന ഒ​രാ​ൾ കേ​ര​ള​ത്തി​ലേ​ക്കു വ​രി​ല്ല. ഐ.​ടി മേ​ഖ​ല​യി​ൽ ബം​ഗ​ളൂ​രു​പോ​ലെ വി​ക​സി​പ്പി​ക്കാ​ൻ കേ​ര​ള​ത്തി​ലാ​വി​ല്ല. റ​ബ​ർ ന​മു​ക്കു​ണ്ടാ​യി​ട്ടും റ​ബ​ർ ഫാ​ക്ട​റി​ക​ൾ ന​മു​ക്കി​ല്ല. നാ​ളി​കേ​ര​ത്തെ ആ​ശ്ര​യി​ച്ചു​ള്ള വ്യ​വ​സാ​യി​ക സ്ഥാ​പ​ന​ങ്ങ​ളും കേ​ര​ള​ത്തി​ലി​ല്ല. ഐ.​ടി മേ​ഖ​ല​യി​ൽ ധാ​രാ​ളം എ​ൻ​ജി​നീ​യ​ർ​മാ​ർ ന​മു​ക്കു​ണ്ട്. അ​വ​രെ​ല്ലാം ജോ​ലി​ചെ​യ്യു​ന്ന​ത് കേ​ര​ള​ത്തി​ന് പു​റ​ത്താ​ണ്. ഐ.​ടി മേ​ഖ​ല കേ​ര​ള​ത്തി​ന് അ​ത്ര​യും വി​ശ്വ​സി​ക്കാ​വു​ന്ന ഒ​ന്ന​ല്ല. വി​വ​ര​സാ​ങ്കേ​തി​ക​വി​ദ്യാ രം​ഗ​ത്ത് ഉ​ണ്ടാ​കു​ന്ന മാ​റ്റം ഐ.​ടി മേ​ഖ​ല​യെ എ​പ്പോ​ഴും പ്ര​തി​സ​ന്ധി​യി​ലാ​ക്കാം. കേ​ര​ള​ത്തി​ലെ​പ്പോ​ഴും വ​ലി​യ മ​ഴ ഉ​ണ്ടാ​കാം. അ​തേ​പോ​ലെ വ​ലി​യ വ​ര​ൾ​ച്ച​യും. അ​ത്ത​രം കാ​ൽ​ക്കു​ലേ​ഷ​ൻ കി​ഫ്ബി​യു​ടെ പ്രോ​ജ​ക്ടു​ക​ൾ​ക്കി​ല്ല. കി​ഫ്ബി ഫ​ണ്ട് ഉ​പ​യോ​ഗി​ച്ച് വ​ൻ വി​ക​സ​നം ഉ​ണ്ടാ​കും. ജി.ഡി.​പി വ​ള​ർ​ച്ച​യു​ണ്ടാ​കും. നി​കു​തി​വ​രു​മാ​നം ഉ​പ​യോ​ഗി​ച്ച് ക​ട​മെ​ല്ലാം വീ​ട്ടാം എ​ന്നാ​ണ് ഐ​സ​ക്കി​ന്റെ സ്വ​പ്നം. ഇ​തി​നെ​ല്ലാം പി​ന്നി​ൽ ഐ​സ​ക്കി​ന്റെ മ​ല​ർ​പ്പൊ​ടി സ്വ​പ്ന​മാ​ണ്.

കേ​ര​ളം നേ​രി​ടാ​ൻ പോ​കു​ന്ന​ത് പാ​രി​സ്ഥി​തി​ക പ്ര​ശ്ന​ങ്ങ​ളാ​ണ്. കാ​ലാ​വ​സ്ഥ വ്യ​തി​യാ​ന​ത്തി​ന്റെ കെ​ടു​തി​ക​ളി​ൽ കേ​ര​ളം അ​ക​പ്പെ​ടാ​ൻ പോ​വു​ക​യാ​ണ്. ര​ണ്ടു പ്ര​ള​യം ക​ഴി​ഞ്ഞു. അ​തി​ന്റെ ദു​ര​ന്ത​ങ്ങ​ളി​ൽ​നി​ന്ന് നാം ​പാ​ഠം​പ​ഠി​ച്ചി​ട്ടി​ല്ല. കൊ​ച്ചി​പോ​ലു​ള്ള ന​ഗ​ര​ങ്ങ​ൾ​പോ​ലും വെ​ള്ള​ത്തി​ന​ടി​യി​ലാ​കു​ന്ന അ​വ​സ്ഥ ഇ​വി​ടെ​യു​ണ്ട്. കി​ഫ്ബി ക​ട​മെ​ടു​പ്പി​ലൂ​ടെ ഉ​ണ്ടാ​കു​ന്ന വി​ക​സ​ന​ത്തി​ൽ കേ​ര​ളം മാ​റി​മ​റി​യു​മെ​ന്ന് അ​ദ്ദേ​ഹ​ത്തി​ന് വി​ശ്വ​സി​ക്കാം. സം​സ്ഥാ​ന​ത്തെ ചെ​റു​പ്പ​ക്കാ​രെ​ല്ലാം വി​ദേ​ശ​ത്ത് ജോ​ലി നേ​ടു​ക​യാ​ണ്. ആ ​പ്ര​വ​ണത ക്ര​മേ​ണ കൂ​ടി​വ​രു​ക​യാ​ണ്. കാ​ലാ​വ​സ്ഥ വ്യ​തി​യാ​ന​ത്തെ ഇ​വ​ർ മു​ൻ​കൂ​ട്ടി കാ​ണു​ന്നി​ല്ല. കേ​ര​ളം വ​ള​രെ​വേ​ഗം വൃ​ദ്ധ​സ​ദ​ന​മാ​യി​ക്കൊ​ണ്ടി​രി​ക്കു​ന്നു. 2025 ആ​കു​മ്പോ​ൾ കേ​ര​ള​ത്തി​ലെ ജ​ന​സം​ഖ്യ​യു​ടെ 20 ശ​ത​മാ​നം 60നു​മേ​ൽ പ്രാ​യ​മു​ള്ള​വ​രാ​യി​രി​ക്കും. രാ​ജ്യ​ത്തെ ക​ണ​ക്കെ​ടു​ത്താ​ൽ അ​ത് 13 ശ​ത​മാ​ന​മാ​യി​രി​ക്കും. കേ​ര​ള​ത്തി​ലെ ചെ​റു​പ്പ​ക്കാ​ർ മ​റ്റു രാ​ജ്യ​ങ്ങ​ളി​ലേ​ക്ക് കു​ടി​യേ​റി​ക്കൊ​ണ്ടി​രി​ക്കു​ന്നു. കേ​ര​ള​ത്തി​ന്റെ ജി.​ഡി.​പി തോ​മ​സ് ഐ​സ​ക് പ്ര​തീ​ക്ഷി​ക്കു​ന്ന​തു​പോ​ലെ ഉ​യ​രി​ല്ല. തോ​മ​സ് ഐ​സ​ക്കി​ന്റെ വാ​ദ​ത്തി​ന് ഒ​രു അ​ടി​സ്ഥാ​ന​വു​മി​ല്ല.

കേ​ര​ള​ത്തി​ൽ​നി​ന്ന് വ​ൻ​തോ​തി​ൽ വി​ദേ​ശ​ത്തേ​ക്ക് മ​ല​യാ​ളി​ക​ളു​ടെ കു​ടി​യേ​റ്റം ഉ​ണ്ടാ​കു​ക​യും അ​വ​ർ ഇ​വി​ടേ​ക്ക് അ​യ​ക്കു​ന്ന പ​ണം ക​ടം തി​രി​ച്ച​ട​ക്കു​ന്ന​തി​ന് വി​നി​യോ​ഗി​ക്കാ​മെ​ന്നും വി​ശ്വ​സി​ക്കു​ന്ന​ത് മി​ഥ്യ​യാ​ണ്. ബ്രി​ട്ട​ൻ അ​ട​ക്ക​മു​ള്ള രാ​ജ്യ​ങ്ങ​ളി​ൽ പോ​കു​ന്ന ചെ​റു​പ്പ​ക്കാ​ർ ക​ല്യാ​ണം ക​ഴി​ച്ച് അ​വി​ട​ത്തു​കാ​രാ​യി മാ​റു​ക​യാ​ണ്. അ​വ​ർ കു​ടും​ബ​മാ​യി അ​വി​ടെ ക​ഴി​യാ​ൻ ആ​ഗ്ര​ഹി​ക്കു​ന്നു. അ​പ്പോ​ൾ അ​വ​രു​ടെ പ​ണം പ​ഴ​യ​തു​പോ​ലെ നാ​ട്ടി​ലേ​ക്ക് മ​ട​ങ്ങി​വ​ര​ണ​മെ​ന്നി​ല്ല. ഗ​ൾ​ഫി​ൽ​നി​ന്നാ​ണ് വ​ലി​യ​തോ​തി​ൽ പ​ണം കേ​ര​ള​ത്തി​ലേ​ക്ക് ഒ​ഴു​കു​ന്ന​ത്. ഇ​വി​ടെ​നി​ന്ന് പോ​കു​ന്ന​വ​ർ​ക്ക് അ​വി​ടെ പൗ​ര​ത്വം കൊ​ടു​ക്കു​ന്നി​ല്ല. അ​വ​ർ അ​വി​ടെ പ​ല ക​ച്ച​വ​ട​ങ്ങ​ളും ന​ട​ത്തി പ​ണം കേ​ര​ള​ത്തി​ൽ എ​ത്തി​ക്കു​ന്നു​ണ്ട്. അ​മേ​രി​ക്ക​യി​ലും യൂ​റോ​പ്പി​ലും അ​ത​ല്ല അ​വ​സ്ഥ. അ​വി​ടേ​ക്കു പോ​കു​ന്ന​വ​ർ അ​വി​ടെ കു​ടും​ബ​മാ​യി ക​ഴി​ഞ്ഞാ​ൽ​പി​ന്നെ അ​യ​ക്കാ​ൻ പ​ണം ഉ​ണ്ടാ​കി​ല്ല. വി​ദേ​ശ​രാ​ജ്യ​ങ്ങ​ളി​ൽ​നി​ന്ന് കേ​ര​ള​ത്തി​ലേ​ക്ക് വ​ലി​യ പ​ണ​മൊ​ഴു​ക്ക് ഉ​ണ്ടാ​കും എ​ന്ന് പ്ര​തീ​ക്ഷി​ച്ച് കി​ഫ്ബി​യി​ലൂ​ടെ ക​ടം വാ​ങ്ങി​യാ​ൽ മു​ടി​ഞ്ഞു​പോ​കും. ന​മു​ക്ക് ക​ടം വാ​ങ്ങേ​ണ്ട ആ​വ​ശ്യ​മി​ല്ല. നി​കു​തി പി​രി​ക്കാ​നു​ള്ള അ​വ​സ​രം ന​മു​ക്കു​ണ്ടാ​യി​രു​ന്നു. അ​ത് സ​ർ​ക്കാ​ർ പാ​ഴാ​ക്കി​ക്ക​ള​ഞ്ഞു. ക​ടം വാ​ങ്ങി​യാ​ണ് വി​ക​സ​നം ന​ട​ത്തേ​ണ്ട​തെ​ന്ന തെ​റ്റാ​യ സ​ന്ദേ​ശം കേ​ര​ള​ത്തി​ൽ പ്ര​ച​രി​പ്പി​ക്കു​ന്ന​ത് തോ​മ​സ് ഐ​സ​ക്കാ​ണ്.

ന​മ്മ​ളെ​ക്കാ​ൾ കൂ​ടു​ത​ൽ തു​ക ക​ടം വാ​ങ്ങി​യ​വ​രാ​ണ് പ​ഞ്ചാ​ബ്, രാ​ജ​സ്ഥാ​ൻ, ഗു​ജ​റാ​ത്ത് തു​ട​ങ്ങി​യ സം​സ്ഥാ​ന​ങ്ങ​ൾ. അ​വ​രെ അ​പേ​ക്ഷി​ച്ച് കേ​ര​ളം ക​ട​ത്തി​ന്റെ കാ​ര്യ​ത്തി​ൽ പി​റ​കി​ലാ​ണെ​ന്ന് ചൂ​ണ്ടി​ക്കാ​ണി​ച്ചി​ട്ടു​ണ്ട​ല്ലോ.

കേ​ര​ള​ത്തി​ൽ പൊ​തു വി​ഭ​വ​സ​മാ​ഹ​ര​ണ​ത്തി​ന് മാ​ർ​ഗ​മു​ണ്ട്. അ​ത് ന​മ്മു​ടെ സ​ർ​ക്കാ​ർ ചെ​യ്യു​ന്നി​ല്ല. ഇ​ക്കാ​ര്യം പ​ണ്ടേ ബോ​ധ്യ​പ്പെ​ട്ട ധ​ന​കാ​ര്യ വി​ദ​ഗ്ധ​നാ​ണ് തോ​മ​സ് ഐ​സ​ക്. 1957-58 മു​ത​ൽ 1966-67 വ​രെ 10 വ​ർ​ഷം എ​ടു​ത്താ​ൽ ഇ​ന്ത്യ​യി​ലെ സം​സ്ഥാ​ന​ങ്ങ​ളാ​കെ സ്വ​രൂ​പി​ച്ച ത​ന​തു വ​രു​മാ​ന​ത്തി​ൽ 4.45 ശ​ത​മാ​നം ഓ​ഹ​രി കേ​ര​ള​ത്തി​നു​ണ്ടാ​യി​രു​ന്നു. ഈ ​കാ​ല​ഘ​ട്ട​ത്തി​ൽ കേ​ര​ള​ത്തി​ലെ സാ​മൂ​ഹി​ക ജീ​വി​തം പ​ര​മ ദ​രി​ദ്ര​മാ​യി​രു​ന്നു. കേ​ര​ളീ​യ​ർ അ​ൽ​പം​പോ​ലും ഉ​പ​ഭോ​ഗ​ത്തി​ലേ​ക്ക് ക​ട​ന്നി​രു​ന്നി​ല്ല. കാ​ർ​ഷി​ക​മേ​ഖ​ല​യി​ൽ മാ​ത്ര​മാ​ണ് കാ​ര്യ​മാ​യ പ​ണി​ക​ളു​ണ്ടാ​യി​രു​ന്ന​ത്. കേ​ര​ള​ത്തി​ന്റെ ച​രി​ത്ര​ത്തി​ലെ ഏ​റ്റ​വും ദ​രി​ദ്ര​മാ​യി​രു​ന്ന ആ ​കാ​ല​ഘ​ട്ട​ത്തി​ൽ ത​ന​ത് വ​രു​മാ​നം കേ​ര​ള​ത്തി​ൽ ഉ​യ​ർ​ന്ന​താ​യി​രു​ന്നു. അ​ന്ന് ഗ​ൾ​ഫി​ൽനി​ന്നു​ള്ള വ​രു​മാ​നം കേ​ര​ള​ത്തി​ലെ​ത്തി​ത്തു​ട​ങ്ങി​യി​ട്ടി​ല്ല. വി​ദേ​ശപ​ണം ഒ​ഴു​കി​ത്തു​ട​ങ്ങി​യ​പ്പോ​ഴാ​ണ് ന​മ്മു​ടെ ജ​ന​ത​യു​ടെ​യും ഉ​പ​ഭോ​ഗ​സം​സ്കാ​രം വ​ള​രെ ഉ​യ​ർ​ന്ന​ത്. 1972-73 ആ​യ​പ്പോ​ൾ രാ​ജ്യ​ത്തെ ഉ​പ​ഭോ​ഗ​ത്തി​ൽ കേ​ര​ളം എ​ട്ടാം സ്ഥാ​ന​ത്തെ​ത്തി. 1983 ആ​യ​പ്പോ​ൾ മൂ​ന്നാം സ്ഥാ​ന​ത്തെ​ത്തി. 1999-2000 കാ​ലം മു​ത​ൽ കേ​ര​ളീ​യ​ർ രാ​ജ്യ​ത്ത് ഒ​ന്നാം​സ്ഥാ​ന​ത്താ​ണ്. എ​ന്നു​പ​റ​ഞ്ഞാ​ൽ നി​കു​തി ന​ൽ​കാ​നു​ള്ള ജ​ന​ങ്ങ​ളു​ടെ ശേ​ഷി വ​ൻ​തോ​തി​ൽ വ​ർ​ധി​ച്ചു. എ​ന്നാ​ൽ, 2019-2020ലെ ​ക​ണ​ക്ക് പ​റ​യു​ന്ന​ത് മ​റ്റൊ​ന്നാ​ണ്. സം​സ്ഥാ​ന​ങ്ങ​ളാ​കെ സ​മാ​ഹ​രി​ച്ച പൊ​തു​വി​ഭ​വ​ത്തി​ൽ കേ​ര​ള​ത്തി​ന്റെ ശ​ത​മാ​നം 4.34 ആ​യി കു​റ​ഞ്ഞി​രി​ക്കു​ന്നു. 1957നേ​ക്കാ​ൾ കു​റ​വാ​ണെ​ന്നു പ​റ​യാം. വ​ള​രെ ദ​രി​ദ്ര​മാ​യി​രു​ന്ന​തി​നേ​ക്കാ​ൾ സ​മ്പ​ന്ന​മാ​യ കാ​ല​ത്ത് കൂ​ടു​ക​യ​ല്ലേ വേ​ണ്ട​ത്. ഇ​വി​ടെ വി​ഭ​വ​ങ്ങ​ൾ ഇ​ല്ലാ​ത്ത​ത​ല്ല. ഇ​വി​ട​ത്തെ മു​ന്ന​ണി​രാ​ഷ്ട്രീ​യം വി​ഭ​വ​സ​മാ​ഹ​ര​ണ​ത്തി​ന് ത​ട​സ്സ​മാ​ണ്. ജ​ന​ങ്ങ​ളി​ൽ​നി​ന്ന് നി​കു​തി പി​രി​ക്കു​ന്ന​തി​നു പ​ക​രം ക​ട​മെ​ടു​ത്താ​ണ് വി​ക​സ​ന​മെ​ന്ന പു​തി​യൊ​രു കാ​ഴ്ച​പ്പാ​ട് ഐ​സ​ക് അ​വ​ത​രി​പ്പി​ച്ചു.

മ​റ്റു സം​സ്ഥാ​ന​ങ്ങ​ളി​ലും ഇ​തു​പോ​ലെ ക​ട​മെ​ടു​ക്കു​ന്നു​ണ്ട​ല്ലോ? ക​ടം വാ​ങ്ങി അ​വ​ർ വി​ക​സി​ക്കു​ക​യ​ല്ലേ? നി​കു​തി പി​രി​ച്ചെ​ടു​ക്കു​ന്ന കാ​ര്യ​ത്തി​ൽ മ​റ്റു സം​സ്ഥാ​ന​ങ്ങ​ൾ മു​ന്നി​ലാ​ണോ?

നി​കു​തി പി​രി​ക്കു​ന്ന കാ​ര്യ​ത്തി​ൽ മ​റ്റു സം​സ്ഥാ​ന​ങ്ങ​ൾ കേ​ര​ള​ത്തേ​ക്കാ​ൾ വ​ള​രെ മു​ന്നി​ലാ​ണ്. കേ​ര​ള​ത്തി​ന്റെ ത​ന​ത് വി​ഭ​വ​ത്തി​ൽ ഏ​താ​ണ്ട് 62 ശ​ത​മാ​നം നാ​ല് ഇ​ന​ത്തി​ൽ​നി​ന്നാ​ണ്. മ​ധ്യ​വ​ർ​ഗ​ത്തി​നും സ​മ്പ​ന്ന​ർ​ക്കും നി​കു​തി ചു​മ​ത്താ​ൻ സ​ർ​ക്കാ​ർ ത​യാ​റ​ല്ല. കാ​ര​ണം, അ​വ​ർ വ​ലി​യ വോ​ട്ട് ബാ​ങ്കാ​ണ്. ഒ​രു​കാ​ല​ത്തും അ​വ​രെ പി​ണ​ക്കാ​ൻ സ​ർ​ക്കാ​ർ ത​യാ​റാ​വി​ല്ല.

ക​ട​മെ​ടു​ത്ത് ന​ട​പ്പാ​ക്കു​ന്ന പ്രോജ​ക്ടു​ക​ൾ അ​മ്പേ പ​രാ​ജ​യ​പ്പെ​ടു​ന്നി​ല്ലേ. കാ​ർ​ഷി​ക​മേ​ഖ​ല​യി​ലട​ക്കം അ​തെ​ല്ലാം കേ​ര​ള​ത്തി​ന് തി​രി​ച്ച​ടി​യ​ല്ലേ?

ക​ട​മെ​ടു​ത്ത് ന​ട​പ്പാ​ക്കു​ന്ന പ്രോ​ജ​ക്ടു​ക​ൾ കാ​ര്യ​ക്ഷ​മ​മാ​യി ന​ട​പ്പാ​ക്കാ​ൻ സ​ർ​ക്കാ​റി​ന് ക​ഴി​യു​ന്നി​ല്ല. ഒ​രു​പാ​ട് പ്രോ​ജ​ക്ടു​ക​ൾ ഒ​ന്നി​ച്ചു തു​ട​ങ്ങു​ന്നു. എ​ല്ലാ​ത്തി​നും കൊ​ടു​ക്കാ​നു​ള്ള പ​ണം കൈ​യി​ലു​ണ്ടാ​വി​ല്ല. തു​ട​ങ്ങി​വെ​ക്കു​ന്ന പ​ല​തും പാ​തി​വ​ഴി​യി​ലാ​ണ്. സ​മ​യ​ബ​ന്ധി​ത​മാ​യി നി​ർ​മാ​ണം പൂ​ർ​ത്തി​യാ​ക്കു​ന്നി​ല്ല. കോ​ൺ​ട്രാ​ക്ട​ർ​മാ​ർ ത​ല്ലി​ക്കൂ​ട്ട് പ​രി​പാ​ടി​ക​ളാ​ണ് ന​ട​പ്പാ​ക്കു​ന്ന​ത്. നി​ർ​മാ​ണ​ത്തി​ന് ഗു​ണ​നി​ല​വാ​ര​മി​ല്ല. വ​ള​രെ മോ​ശം ക്വാ​ളി​റ്റി മെ​റ്റീ​രി​യ​ൽ ഉ​പ​യോ​ഗി​ച്ചാ​ണ് നി​ർ​മാ​ണം ന​ട​ത്തു​ന്ന​ത്. പൊ​തു​മ​രാ​മ​ത്ത് വ​കു​പ്പി​ലെ ഉ​ദ്യോ​ഗ​സ്ഥ​ത​ല​ത്തി​ലും വ​ൻ അ​ഴി​മ​തി ന​ട​ക്കു​ന്നു. ഉ​ദ്യോ​ഗ​സ്ഥ​രും കോ​ൺ​ട്രാ​ക്ട​ർ​മാ​രും രാ​ഷ്ട്രീ​യ​ക്കാ​രും ത​മ്മി​ലു​ള്ള വ​ലി​യ കൂ​ട്ടു​കെ​ട്ട് അ​വി​ടെ​യു​ണ്ട്. സ​ർ​ക്കാ​ർ ഖ​ജ​നാ​വി​ലെ പൈ​സ അ​വ​ർ പ​ങ്കി​ട്ടെ​ടു​ക്കു​ന്നു. മ​ത്സ​രാ​ധി​ഷ്ഠി​ത​മാ​യ ന​ട​പ​ടി​ക​ളി​ലൂ​ടെ കോ​ൺ​ട്രാ​ക്ട് കൊ​ടു​ത്ത് നി​ർ​മാ​ണ​പ്ര​വ​ർ​ത്ത​നം സു​താ​ര്യ​മാ​യി ചെ​യ്താ​ൽ അ​ഴി​മ​തി കു​റ​യും. അ​തി​ന് സ​ർ​ക്കാ​റി​നും താ​ൽ​പ​ര്യ​മി​ല്ല. അ​ഴി​മ​തി കാ​ര​ണം പാ​തി​വ​ഴി​യി​ൽ ഉ​പേ​ക്ഷി​ച്ച പ്രോ​ജ​ക്ടു​ക​ൾ വ​രെ​യു​ണ്ട്.

ഇ​ടു​ക്കി പാ​ക്കേ​ജ്, വ​യ​നാ​ട് പാ​ക്കേ​ജ്, കു​ട്ട​നാ​ട് പാ​ക്കേ​ജ് എ​ല്ലാം പ​രാ​ജ​യ​പ്പെ​ട്ടു അ​ല്ലേ? ഇ​തെ​ല്ലാം തി​രി​ച്ച​ട​ക്കേ​ണ്ട പ​ണ​മ​ല്ലേ?

പാ​ക്കേ​ജു​ക​ൾ ന​ട​പ്പാ​ക്കു​ന്ന​തി​ൽ വേ​ണ്ട​ത്ര സു​താ​ര്യ​ത സ​ർ​ക്കാ​റി​നി​ല്ല, ന​ട​പ്പാ​ക്കു​ന്ന​തി​ൽ മോ​ണി​റ്റ​റി​ങ് സം​വി​ധാ​നം ഇ​ല്ല. തു​ട​ങ്ങി​യ നി​ര​വ​ധി പ്ര​ശ്ന​ങ്ങ​ൾ നേ​രി​ടു​ന്നു.

സോ​ഷ്യ​ൽ ഓ​ഡി​റ്റ് ന​ട​പ്പാ​ക്കാ​ൻ കേ​ര​ളം വി​സ​മ്മ​തി​ക്കു​ന്ന​ത് എ​ന്തു​കൊ​ണ്ടാ​ണ്? ഗു​ണ​ഭോ​ക്താ​ക്ക​ൾ​ക്ക് എ​ല്ലാം തി​രി​ച്ച​റി​യാ​ൻ ക​ഴി​യു​ന്ന അ​വ​സ്ഥ​യു​ണ്ടാ​കി​ല്ലേ?

രാ​ഷ്ട്രീ​യ​ബോ​ധ​മു​ള്ള സ​മൂ​ഹ​ത്തി​ൽ സോ​ഷ്യ​ൽ ഓ​ഡി​റ്റ് ഉ​ദ്യോ​ഗ​സ്ഥ​ർ എ​തി​ർ​ക്കു​ന്ന​ത് എ​ന്തി​നാ​ണ്. സാ​മ്പ​ത്തി​ക​ശാ​സ്ത്ര​ത്തി​ൽ ധ​ന​മി​ഥ്യ എ​ന്ന ഒ​രു സം​ഗ​തി​യു​ണ്ട്. വി​ക​സി​ത​രാ​ജ്യ​ങ്ങ​ളി​ൽ പ്ര​ത്യ​ക്ഷ നി​കു​തി​യി​ലൂ​ടെ​യാ​ണ് പൊ​തു​വി​ഭ​വ​ങ്ങ​ൾ ന​ല്ല ശ​ത​മാ​നം സ​മാ​ഹ​രി​ക്കു​ന്ന​ത്. അ​തി​നാ​ൽ ജ​ന​ങ്ങ​ളു​ടെ സ്വ​ന്തം പോ​ക്ക​റ്റി​ൽ​നി​ന്ന് പ​ണം പോ​കു​ന്നു എ​ന്നൊ​രു വി​ചാ​രം ശ​ക്ത​മാ​ണ്. അ​വ​ർ നി​കു​തി​യ​ട​ക്കാ​ൻ ത​ൽ​പ​ര​രാ​ണ്. അ​വി​ടെ അ​ഴി​മ​തി ന​ട​ത്തി​യാ​ൽ ജ​ന​ങ്ങ​ളു​ടെ പ​ണ​മാ​ണ് ന​ഷ്ട​പ്പെ​ടു​ന്ന​ത് എ​ന്ന ബോ​ധം അ​വ​ർ​ക്കു​ണ്ട്. പാ​ലാ​രി​വ​ട്ടം​പോ​ലൊ​രു പ​രി​പാ​ടി അ​വി​ടെ എ​വി​ടെ​യും ന​ട​ക്കി​ല്ല. ഇ​വി​ടെ പ​ണം പി​രി​ക്കു​ന്ന​ത് ലോ​ട്ട​റി, മ​ദ്യം അ​ട​ക്ക​മു​ള്ള പ​രോ​ക്ഷ​നി​കു​തി​യാ​യാ​ണ്. മ​ദ്യം ക​ഴി​ക്കു​ന്ന ഒ​രാ​ൾ​ക്ക് അ​വ​ർ കു​ടി​ക്കാ​തി​രി​ക്കാ​നാ​ണ് കൂ​ടു​ത​ൽ നി​കു​തി ചു​മ​ത്തു​ന്ന​തെ​ന്ന് അ​റി​യി​ല്ല. നി​കു​തി ന​ൽ​കു​ന്ന​തി​നെ സം​ബ​ന്ധി​ച്ച് അ​വ​ർ ബോ​ധ​വാ​ന്മാ​ര​ല്ല. ജ​ന​ങ്ങ​ളെ നി​കു​തി​യു​ടെ കാ​ര്യ​ത്തി​ൽ ജാ​ഗ്ര​ത​യു​ള്ള​വ​രാ​യി മാ​റ്റാ​ൻ കേ​ര​ളീ​യ സ​മൂ​ഹ​ത്തി​ന് ക​ഴി​ഞ്ഞി​ട്ടി​ല്ല. പാ​ലാ​രി​വ​ട്ട​മാ​യാ​ലും എ​വി​ടെ​യെ​ല്ലാം കെ​ട്ടി​ടം പൊ​ളി​ഞ്ഞാ​ലും അ​ത് ന​മ്മു​ടെ ഓ​രോ​രു​ത്ത​രു​ടെ​യും നി​കു​തി​പ്പ​ണ​മാ​ണെ​ന്ന തോ​ന്ന​ൽ സ​മൂ​ഹ​ത്തി​നി​ല്ല. അ​താ​ണ് ധ​ന​മി​ഥ്യ​യെ​ന്നു പ​റ​യു​ന്ന​ത്. അ​തേ​സ​മ​യം, നി​കു​തി​ക​ൾ മു​ഴു​വ​ൻ പി​രി​ക്കു​ക​യാ​ണെ​ങ്കി​ൽ ജ​ന​ങ്ങ​ളു​ടെ ജാ​ഗ്ര​ത കൂ​ടു​മാ​യി​രു​ന്നു. ഇ​ട​തു​പ​ക്ഷ-​വ​ല​തു​പ​ക്ഷ രാ​ഷ്ട്രീ​യം അ​ത് പ​ഠി​പ്പി​ക്കു​ന്നി​ല്ല. നി​കു​തി അ​ട​ക്കാ​തെ എ​ങ്ങ​നെ ര​ക്ഷ​പ്പെ​ടാം എ​ന്നാ​ണ് ജ​നം ചി​ന്തി​ക്കു​ന്ന​ത്. സ​ർ​ക്കാ​ർ ഉ​ദ്യോ​ഗ​സ്ഥ ത​ല​ത്തി​ൽ വ​ൻ അ​ഴി​മ​തി അ​ര​ങ്ങേ​റി​യ​ിട്ടും ജ​നം നി​ശ്ശ​ബ്ദ​രാ​യി​രി​ക്കു​ന്ന​തി​ന്റെ കാ​ര​ണം ഇ​താ​ണ്. ജ​ന​രോ​ഷം ഇ​വി​ടെ ഉ​യ​രു​ന്നി​ല്ല.

അ​ഴി​മ​തി​യു​ടെ ഗു​ണ​ഭോ​ക്താ​ക്ക​ളാ​യി താ​ഴേ​ത​ട്ടു​വ​രെ മാ​റു​ന്നി​ല്ലേ?

സം​സ്ഥാ​ന​ത്ത് അ​ത് ശ​രി​യാ​ണ്. താ​ഴേ​ത​ട്ടി​ൽ 1600 രൂ​പ പെ​ൻ​ഷ​ൻ ല​ഭി​ക്കു​ന്ന​ത് വ​ലി​യ കാ​ര്യ​മാ​യി കാ​ണു​ന്നു. ഇ​ത് വ​ള​രെ സ​ങ്കീ​ർ​ണ​മാ​ണ്. പെ​ൻ​ഷ​ൻ 1600ൽ​നി​ന്ന് ഉ​യ​ർ​ത്ത​ണ​മെ​ന്ന് ആ​വ​ശ്യ​പ്പെ​ട്ട് പ്ര​ക്ഷോ​ഭം ഉ​ണ്ടാ​യി​ല്ല. അ​തേ​സ​മ​യം, സ​ർ​ക്കാ​ർ ജീ​വ​ന​ക്കാ​രു​ടെ ശ​മ്പ​ളം ഉ​യ​ർ​ത്തി​യി​ല്ലെ​ങ്കി​ൽ വ​ൻ പ്ര​തി​ഷേ​ധ​മു​യ​രു​ന്ന സം​സ്ഥാ​ന​മാ​ണ് കേ​ര​ളം. ജൂ​ലൈ​യി​ൽ ജി.​എ​സ്.​ടി​യു​ടെ ന​ഷ്ട​പ​രി​ഹാ​രം ത​രു​ന്നി​ല്ലെ​ന്ന് കേ​ന്ദ്രം തീ​രു​മാ​നി​ച്ചാ​ൽ ശ​മ്പ​ള​വും പെ​ൻ​ഷ​നും കൊ​ടു​ക്കാ​ൻ​ത​ന്നെ സ​ർ​ക്കാ​റി​ന്റെ കൈ​യി​ൽ പ​ണ​മി​ല്ലാ​താ​കും. ശ​രാ​ശ​രി 6000 കോ​ടി രൂ​പ പ്ര​തി​മാ​സം അ​തി​നു വേ​ണ്ടി​വ​രും.

സം​സ്ഥാ​ന​ത്ത് സാ​ധാ​ര​ണ ജ​ന​ങ്ങ​ൾ​ക്കും പെ​ൻ​ഷ​ൻ ന​ൽ​കു​ന്നു​ണ്ട​ല്ലോ. അ​തി​നാ​ൽ സ​മ്പ​ന്ന​രെ​യും മ​ധ്യ​വ​ർ​ഗ​ത്തെ​യും മാ​ത്രം സം​ര​ക്ഷി​ക്കു​ന്നു​വെ​ന്ന് പ​റ​യാ​നാ​കു​മോ?

ഇ​ന്ത്യ​യി​ൽ പ​ല സം​സ്ഥാ​ന​ങ്ങ​ളി​ലും സാ​ധാ​ര​ണ​ക്കാ​ർ​ക്ക് 2500 രൂ​പ ക്ഷേ​മ​പെ​ൻ​ഷ​ൻ ന​ൽ​കു​ന്നു​ണ്ട്. കേ​ര​ള​ത്തി​ൽ അ​ത് 1600 രൂ​പ​യാ​ണ്. രാ​ജ്യ​ത്തെ ആ​റു സം​സ്ഥാ​ന​ങ്ങ​ളി​ൽ കേ​ര​ള​ത്തേ​ക്കാ​ൾ ഉ​യ​ർ​ന്ന ക്ഷേ​മ​പെ​ൻ​ഷ​ൻ ന​ൽ​കു​ന്നു​ണ്ട്. 1600 രൂ​പ വ​ലി​യ കാ​ര്യ​മാ​ണ് എ​ന്നു പ​റ​യു​ന്ന​ത് ത​ട്ടി​പ്പാ​ണ്. ന​മ്മു​ടെ പൊ​തു​സേ​വ​ന​ങ്ങ​ളു​ടെ ഗു​ണ​നി​ല​വാ​രം കു​റ​ഞ്ഞു​പോ​വു​ക​യാ​ണ്. സ​ർ​ക്കാ​ർ ആ​ശു​പ​ത്രി​യി​ൽ ജീ​വ​ന​ക്കാ​ർ മാ​ത്രം പോ​രാ. മ​രു​ന്നും ആ​ശു​പ​ത്രി​ക​ൾ​ക്ക് ആ​വ​ശ്യ​മാ​യ മെ​ഡി​ക്ക​ൽ ഉ​പ​ക​ര​ണ​ങ്ങ​ളും വേ​ണം. ന​മ്മു​ടെ പൊ​തുസേ​വ​ന​ങ്ങ​ളു​ടെ​യും ഗു​ണ​നി​ല​വാ​രം കു​റ​ഞ്ഞു​വ​രു​ക​യാ​ണ്. സ്വ​കാ​ര്യ ആ​ശു​പ​ത്രി​ക​ളും സ്വ​കാ​ര്യ സ്കൂ​ളു​ക​ളും ഗു​ണ​നി​ല​വാ​ര​ത്തി​ൽ സ​ർ​ക്കാ​ർ സം​വി​ധാ​ന​ത്തെ​ക്കാ​ൾ വ​ള​രെ മെ​ച്ച​പ്പെ​ട്ട നി​ല​യി​ൽ വ​ള​ർ​ന്നി​ട്ടു​ണ്ട്. ഇ​ൻ​ഷു​റ​ൻ​സ് പ​രി​ര​ക്ഷ​യു​ള്ള​വ​ർ ഉ​യ​ർ​ന്ന നി​ല​വാ​ര​മു​ള്ള സ്വ​കാ​ര്യ ആ​ശു​പ​ത്രി​ക​ളി​ൽ ചി​കി​ത്സ തേ​ടു​ന്നു.

ദാ​രി​ദ്ര്യം കൂ​ടു​ന്ന​തു​കൊ​ണ്ടാ​ണ് ജ​നം പൊ​തു​മേ​ഖ​ല​യെ ആ​ശ്ര​യി​ക്കു​ന്ന​ത്. രാ​ജ്യ​ത്ത് ഏ​റ്റ​വും വേ​ഗ​ത്തി​ൽ അ​സ​മ​ത്വം വ​ർ​ധി​ക്കു​ന്ന സം​സ്ഥാ​നം കേ​ര​ള​മാ​ണ്. മ​റ്റു സം​സ്ഥാ​ന​ങ്ങ​ളേ​ക്കാ​ൾ കേ​ര​ളം മെ​ച്ച​പ്പെ​ട്ട നി​ല​യി​ലാ​ണെ​ന്ന് രാ​ഷ്ട്രീ​യ​ക്കാ​രും ഇ​ട​ത് ബു​ദ്ധി​ജീ​വി​ക​ളും എ​പ്പോ​ഴും പ​റ​ഞ്ഞു​കൊ​ണ്ടി​രി​ക്കും. പൊ​തു​ന​യ​ങ്ങ​ളു​ടെ തെ​റ്റാ​യ പ്ര​യോ​ഗ​മാ​ണ് അ​സ​മ​ത്വം വ​ർ​ധി​പ്പി​ക്കു​ന്ന​ത്. ന​മ്മു​ടെ എം.​എ​ൽ.​എ​മാ​ർ​ക്കും എം.​പി​മാ​ർ​ക്കും ഒ​ക്കെ ഒ​രു​മാ​സം ന​ൽ​കു​ന്ന അ​ല​വ​ൻ​സ് വ​ള​രെ കൂ​ടു​ത​ലാ​ണ്. വ​ലി​യ പു​രോ​ഗ​മ​നം പ്ര​സം​ഗി​ക്കു​ന്ന​വ​ർ ധാ​ർ​മി​ക​ത​യു​ടെ കാ​ര്യം വ​രു​മ്പോ​ൾ നി​ശ്ശ​ബ്ദ​രാ​ണ്. രാ​ജ​ഭ​ര​ണം​പോ​ലെ​യാ​ണ് ജ​നാ​ധി​ത്യ​കാ​ല​ത്ത് കാ​ര്യ​ങ്ങ​ൾ ന​ട​ക്കു​ന്ന​ത്. ഉ​ദാ​ഹ​ര​ണ​മാ​യി, ഖ​ജ​നാ​വി​ലെ പ​ണം ഉ​പ​യോ​ഗി​ച്ച് മു​ൻ സ്പീ​ക്ക​ർ പി. ​ശ്രീ​രാ​മ​കൃ​ഷ്ണ​ൻ എ​ത്ര​യോ വി​ല​കൂ​ടി​യ ക​ണ്ണ​ട വാ​ങ്ങി. കേ​ര​ളം ക​ടു​ത്ത സാ​മ്പ​ത്തി​ക പ്ര​തി​സ​ന്ധി​യി​ൽ അ​ക​പ്പെ​ട്ട കാ​ല​ത്ത് മു​ഖ്യ​മ​ന്ത്രി ത​ന്റെ ചി​കി​ത്സ​യു​ടെ ഒ​ക്കെ കാ​ര്യ​ത്തി​ൽ ധാ​ർ​മി​ക​മാ​യൊ​രു നി​ല​പാ​ട് സ്വീ​ക​രി​ക്ക​ണ്ടേ? ''എ​മ്പ്രാ​ന​പ്പം ക​ട്ടു ഭു​ജി​ച്ചാ​ൽ അ​മ്പ​ല​വാ​സി​ക​ളൊ​ക്കെ ക​ക്കും'' എ​ന്ന് കു​ഞ്ച​ൻ ന​മ്പ്യാ​ർ തു​ള്ള​ൽ​ക്ക​ഥ​ക​ളി​ൽ ചൊ​ല്ലി​യ​തു​പോ​ലെ​യാ​ണ് മു​ഖ്യ​മ​ന്ത്രി ചെ​യ്യു​ന്ന​ത്.

ഇ​ര​ട്ട പെ​ൻ​ഷ​ൻ വാ​ങ്ങു​ന്ന​തി​ന് കേ​ന്ദ്രസ​ർ​ക്കാ​ർ നി​യ​ന്ത്ര​ണം ഏ​ർ​പ്പെ​ടു​ത്തു​ന്ന​തി​നെ​യും കേ​ര​ള​ത്തി​ലെ രാ​ഷ്ട്രീ​യ​ക്കാ​ർ എ​തി​ർ​ക്കു​ന്നു​ണ്ട​ല്ലോ?

പെ​ൻ​ഷ​ൻ ശ​മ്പ​ള​ത്തി​ൽ​നി​ന്നു മാ​റ്റി​വെ​ച്ച തു​ക​യ​ല്ല. പ​ല​രും, മാ​റ്റി​വെ​ച്ച ശ​മ്പ​ള​മാ​ണ് പെ​ൻ​ഷ​നാ​യി ന​ൽ​കു​ന്ന​തെ​ന്ന് പ്ര​ച​രി​പ്പി​ക്കു​ന്ന​ത് തെ​റ്റാ​ണ്. അ​ങ്ങ​നെ തു​ക​യൊ​ന്നും മാ​റ്റി​വെ​ച്ചി​ട്ടി​ല്ല. സം​സ്ഥാ​ന​ത്ത് ന​ൽ​കു​ന്ന​ത് യ​ഥാ​ർ​ഥ​ത്തി​ൽ പെ​ൻ​ഷ​ന​ല്ല, ഒ​രു​ത​രം ശ​മ്പ​ള​മാ​ണ്. ഉ​ദാ​ഹ​ര​ണ​മാ​യി, സ​ർ​വ​ക​ലാ​ശാ​ല​ക​ളി​ൽ വൈ​സ് ചാ​ൻ​സ​ല​റാ​യി​രു​ന്ന ഒ​രാ​ൾ റി​ട്ട​യ​ർ ചെ​യ്ത​തി​നു​ശേ​ഷം സ​ർ​ക്കാ​റി​ന്റെ പ​ല സ്ഥാ​പ​ന​ങ്ങ​ളു​ടെ​യും ഉ​ന്ന​ത സ്ഥാ​ന​ങ്ങ​ളി​ൽ ഇ​രി​ക്കു​ന്നു​ണ്ട്. ഇ​ട​തു​പ​ക്ഷ സാം​സ്കാ​രി​ക പു​രോ​ഗ​മ​ന​വാ​ദി​ക​ളാ​യ ഉ​ന്ന​ത​ന്മാ​രി​ൽ പ​ല​രും ഇ​ത്ത​രം ഇ​ര​ട്ടശ​മ്പ​ളം വാ​ങ്ങു​ന്നു. പൊ​തു​സ​മൂ​ഹ​ത്തി​ൽ ധാ​ർ​മി​ക​ത​യെ​ക്കു​റി​ച്ച് പ്ര​സം​ഗി​ക്കു​ന്ന​ത് ഇ​വ​രാ​ണ്. അ​വ​ർ​ക്ക് ഇ​ക്കാ​ര്യ​ത്തി​ൽ ധാ​ർ​മി​ക​ത ഇ​ല്ല. സ​മൂ​ഹ​ത്തി​ൽ ന​ട​ക്കു​ന്ന വ​ലി​യൊ​രു ത​ട്ടി​പ്പാ​ണ്. സാ​ധാ​ര​ണ ജ​നം ഇ​തി​നെ​യൊ​ന്നും ചോ​ദ്യം​ചെ​യ്യു​ന്നി​ല്ല.

ക​ട​മെ​ടു​ത്ത് ക​ടം വീ​ട്ടു​ന്ന സ്ഥി​തി​യി​ലാ​ണ് കേ​ര​ളം. ഇ​ത് തു​ട​ർ​ന്നാ​ൽ കേ​ര​ളം സ​ഞ്ച​രി​ക്കു​ക എ​ങ്ങോ​ട്ടാ​ണ്?

ക​ട​മെ​ടു​ത്ത് ശ​മ്പ​ള​വും പെ​ൻ​ഷ​നും കൊ​ടു​ക്കു​ന്ന ഈ ​രീ​തി​യി​ൽ കേ​ര​ള​ത്തി​ന് മു​ന്നോ​ട്ടു​പോ​കാ​ൻ ക​ഴി​യി​ല്ല. ഇ​നി ക​ട​മെ​ടു​ത്താ​ൽ അ​തി​നു പ​ല അ​വ​കാ​ശി​ക​ളും ഉ​ണ്ടാ​കും. കെ.​എ​സ്.​ആ​ർ.​ടി.​സി അ​ട​ക്കം ഓ​രോ വ​കു​പ്പി​ലും ഇ​ത്ത​രം ആ​വ​ശ്യ​ങ്ങ​ളു​ണ്ട്. സാ​മ്പ​ത്തി​ക പ്ര​തി​സ​ന്ധി രൂ​ക്ഷ​മാ​കു​മ്പോ​ൾ സ​ർ​ക്കാ​ർ ജീ​വ​ന​ക്കാ​ർ​ക്കും പെ​ൻ​ഷ​ൻ​കാ​ർ​ക്കും മാ​ത്രം കൊ​ടു​ത്താ​ൽ മ​തി എ​ന്ന തീ​രു​മാ​നം സ​ർ​ക്കാ​റി​ന് എ​ടു​ക്കേ​ണ്ടി​വ​രും. ജി.​എ​സ്.​ടി ന​ഷ്ട​പ​രി​ഹാ​രം കി​ട്ടി​യാ​ൽ നി​കു​തി പി​രി​ക്കാ​ൻ സ​ർ​ക്കാ​റി​ന് ഉ​ത്സാ​ഹം ഉ​ണ്ടാ​കി​ല്ല. നി​കു​തി പി​രി​ക്കു​ന്ന​തി​ന് പ​ക​രം ക​ടം വാ​ങ്ങി പ്ര​വ​ർ​ത്തി​ക്കു​ന്ന സം​വി​ധാ​ന​മാ​യി സ​ർ​ക്കാ​ർ മാ​റു​ക​യാ​ണ്. കു​റ​ച്ചു​ക​ഴി​ഞ്ഞാ​ൽ സ​ർ​ക്കാ​റി​ന് നി​കു​തി പി​രി​ക്കാ​ൻ ക​ഴി​യി​ല്ല. ഇ​ന്ന് പി​രി​ക്കേ​ണ്ട നി​കു​തി നാ​ളെ കി​ട്ടി​ല്ല. ഇ​ന്ന് പി​രി​ച്ചി​ല്ലെ​ങ്കി​ൽ അ​ത് നാ​ളെ ന​ഷ്ട​പ്പെ​ട്ടു​പോ​കും. അ​തേ​സ​മ​യം, ഇ​ന്ന് എ​ടു​ക്കു​ന്ന ക​ടം പ​ലി​ശ​യ​ട​ക്കം രേ​ഖ​പ്പെ​ടു​ത്തി​ക്ക​ഴി​ഞ്ഞു. അ​ത് തി​രി​ച്ച​ട​ച്ചേ മ​തി​യാ​കൂ. നി​കു​തി പി​രി​ക്കാ​തി​രി​ക്കു​മ്പോ​ൾ സ​ർ​ക്കാ​ർ തെ​റ്റാ​യൊ​രു സ​ന്ദേ​ശം ജ​ന​ങ്ങ​ൾ​ക്ക് ന​ൽ​കു​ന്നു​ണ്ട്. നി​കു​തി കൊ​ടു​ത്തി​ല്ലെ​ങ്കി​ലും സ​ർ​ക്കാ​ർ ക​ടം വാ​ങ്ങി കാ​ര്യ​ങ്ങ​ൾ ചെ​യ്തു​കൊ​ള്ളും എ​ന്ന മ​നോ​ഭാ​വം ജ​ന​ങ്ങ​ളി​ലു​ണ്ടാ​കും. ജ​ന​ങ്ങ​ൾ എ​ങ്ങ​നെ നി​കു​തി വെ​ട്ടി​ക്കു​മെ​ന്ന് ചി​ന്തി​ക്കു​ക​യും അ​ത്ത​ര​മൊ​രു സം​സ്കാ​ര​ത്തി​ലേ​ക്ക് സ​ഞ്ച​രി​ക്കു​ക​യും ചെ​യ്യും. അ​ത് തെ​റ്റാ​യൊ​രു സ​ന്ദേ​ശ​മാ​ണ്. ക​ട​മെ​ടു​ക്കു​ന്ന​തി​ന്റെ പ്ര​യോ​ജ​നം ല​ഭി​ക്കു​ന്ന​താ​ക​ട്ടെ, ശ​മ്പ​ള​വും പെ​ൻ​ഷ​നും വാ​ങ്ങു​ന്ന​വ​ർ​ക്കാ​ണ്. ക​ട​ത്തി​ന്റെ പ​ലി​ശ​യും പി​ഴ​പ്പ​ലി​ശ​യും അ​ട​ക്കം കൊ​ടു​ക്കേ​ണ്ട​ത് സാ​ധാ​ര​ണ ജ​ന​ങ്ങ​ളാ​ണ്. നാ​ട​ൻ​ഭാ​ഷ​യി​ൽ പ​റ​ഞ്ഞാ​ൽ -അ​ടി കി​ട്ടു​ന്ന​ത് ചെ​ണ്ട​ക്കും പ​ണം പ​റ്റു​ന്ന​ത് മാ​രാ​രു​മാ​ണ്. സാ​ധാ​ര​ണ ജ​ന​ത്തി​ന്​ കി​ട്ടേ​ണ്ട ആ​നു​കൂ​ല്യ​ങ്ങ​ളും സ​ബ്സി​ഡി​ക​ളും ഇ​ല്ലാ​താ​കു​ന്നു. മ​ധ്യ​വ​ർ​ഗ​ത്തി​ന്റെ​യും സ​മ്പ​ന്ന​വ​ർ​ഗ​ത്തി​ന്റെ​യും കൈ​ക​ളി​ലേ​ക്കാ​ണ് ക​ട​മെ​ടു​ക്കു​ന്ന പ​ണം പോ​കു​ന്ന​ത്. സാ​മ്പ​ത്തി​ക​രം​ഗ​ത്ത് കേ​ര​ളം അ​പ​ക​ട​ക​ര​മാ​യ നി​ല​യി​ലേ​ക്കാ​ണ് സ​ഞ്ച​രി​ക്കു​ന്ന​ത്.