തമിഴകത്തെ ത്രി​കോ​ണ മ​ത്സ​രങ്ങൾ ആ​ത്മ​വി​ശ്വാ​സ​ങ്ങ​ൾ

തമിഴ്​നാട്ടിലെ തെരഞ്ഞെടുപ്പ്​ സാധ്യതകൾ എന്താണ്​? സ്​റ്റാലി​ന്റെ ​േനതൃത്വത്തിൽ ഡി.എം.കെ കൂടുതൽ സീറ്റുകൾ നേടുമോ? അതോ ത്രികോണമത്സരം വിനയാകുമോ? -ചെന്നൈയിൽ ദീർഘകാലമായി താമസിക്കുന്ന മുതിർന്ന മാധ്യമപ്രവർത്തകനും എഴുത്തുകാരനുമായ ലേഖകൻ തമിഴക രാഷ്​ട്രീയത്തെ വിശകലനംചെയ്യുന്നു.

ആ​കാം​ക്ഷ​യും ആ​ശ​ങ്ക​യും ത​മി​ഴ​ക​ രാ​ഷ്ട്രീ​യ​ത്തി​ന്റെ മു​ഖ​മു​ദ്ര​ക​ളാ​ണ്.​ ലോ​ക്സ​ഭാ​ തെ​ര​ഞ്ഞെ​ടു​പ്പ് പ്ര​ഖ്യാ​പി​ച്ച​തോ​ടെ ഒ​രു​ത​രം മ​ര​വി​പ്പ് സ​മ്മ​തി​ദാ​യ​ക​രി​ൽ പ്ര​ക​ട​മാ​കു​ന്നെ​ങ്കി​ലും​ രാ​ഷ്ട്രീ​യ​ത്തി​ന്റെ ചു​ക്കാ​ൻപി​ടി​ക്കു​ന്ന നേ​താ​ക്ക​ളി​ൽ ആ​ശാ​വ​ഹ​മാ​യ​ മാ​ന​സി​കാ​വ​സ്ഥ കാ​ണു​ന്നി​ല്ല. അ​പ്ര​തീ​ക്ഷി​ത​മാ​യി വ​ന്നു​പെ​ട്ട​ ത്രി​കോ​ണ​മ​ത്സ​ര​മാ​ണ് ഇ​ക്കു​റി ലോ​ക്സ​ഭാ​ തെ​ര​ഞ്ഞെ​ടു​പ്പി​ൽ നേ​താ​ക്ക​ളെ ​ആ​ശ​ങ്ക​യി​ലാ​ഴ്ത്തു​ന്ന​ത്. അ​ത്ത​ര​ത്തി​ൽ ഒ​രു അ​വ​സ്ഥ​യി​ൽ ത​മി​ഴ്നാ​ടി​നെ എ​ത്തി​ച്ച​താ​ക​ട്ടെ അ​ധി​കാ​രം മാ​ത്രം സ്വ​പ്നം കാ​ണാ​ൻ പ​ഠി​ച്ച ഭാ​ര​തീ​യ ജ​ന​താ​ പാ​ർ​ട്ടി​യും. തെ​ര​ഞ്ഞെ​ടു​പ്പ് ഫ​ല​ത്തി​ന്റെ പ​രി​സ​മാ​പ്തി​യെ​പ്പ​റ്റി മൂ​ന്ന് മു​ന്ന​ണി​ക​ൾ​ക്കും​ ആ​ശ​യ​ക്കുഴ​പ്പം ഉ​ണ്ടെ​ങ്കി​ലും ഏ​റ്റ​വു​മ​ധി​കം​ സ്വ​പ്ന​ങ്ങ​ൾ കാ​ണാ​ൻ പ്രേ​രി​പ്പി​ക്കു​ന്ന​ത് ബി.ജെ.പി സ​ഖ്യ​ത്തെ​യാ​ണ്. ശ​ക്ത​മാ​യ നേ​തൃ​ത്വം അ​വ​കാ​ശ​പ്പെ​ടാ​ൻ ക​ഴി​യാ​ത്ത ഓൾ ഇ​ന്ത്യാ അ​ണ്ണാ ദ്രാ​വി​ഡ മു​ന്നേ​റ്റ ക​ഴ​കം (എ.​െഎ.ഡി.എം.കെ)​ ആ​ക​ട്ടെ ആ​ത്മ​വി​ശ്വാ​സം ഒ​ട്ടും ചോ​രാ​തെ മു​ന്നോ​ട്ടു​പോ​കാ​ൻ കി​ണ​ഞ്ഞു ശ്ര​മി​ക്കു​ന്നു​ണ്ട്.

എ​ന്നാ​ൽ, മു​ത്തു​വേ​ൽ ക​രു​ണാ​നി​ധി സ്റ്റാ​ലി​ന്റെ നേ​തൃ​ത്വ​ത്തി​ലു​ള്ള ദ്രാ​വി​ഡ മു​ന്നേ​റ്റ​ ക​ഴ​കം (ഡി.എം.കെ) സ​ഖ്യം​ പ്ര​തി​ബ​ന്ധ​ങ്ങ​ൾ ത​ര​ണം ചെ​യ്തു മു​ന്നോ​ട്ടുപോ​കു​മ്പോ​ൾ മ​റ്റ് ര​ണ്ടു മു​ന്ന​ണി​ക​ളു​ടെ​ നി​ല​നി​ൽ​പി​ന്റെ ആ​കു​ല​ത​ക​ളാ​ണ്​ വോ​ട്ട​ർ​മാ​രു​ടെ​ മു​ന്നി​ൽ​ വ്യ​ക്ത​മാ​വു​ന്ന​ത്. ക​ഴി​ഞ്ഞ സെ​പ്റ്റം​ബ​റി​ൽ ത​ന്നെ, ത്രി​കോ​ണ മ​ത്സ​രം ഉ​ണ്ടാ​കു​മെ​ന്ന് വ്യ​ക്ത​മാ​യി ക​ഴി​ഞ്ഞെ​ങ്കി​ലും ത​മി​ഴ​ക​ത്തെ​ മു​ഖ്യ​പ്ര​തി​പ​ക്ഷ ക​ക്ഷി​യാ​യ എ.​െഎ.ഡി.എം.കെ സ​ഖ്യ​ക​ക്ഷി​യാ​യ ബി.ജെ.പി​യെ​ പ​രി​പൂ​ർ​ണമാ​യി പു​റ​ന്ത​ള്ളു​മെ​ന്ന് ക​രു​തി​യി​ല്ല. അ​ര​ക്കി​ട്ടു​റ​പ്പി​ച്ച ആ ​ബ​ന്ധം വ​ള​രെ പെ​ട്ടെ​ന്നാ​ണ് ശീട്ടു​കൊ​ട്ടാ​രംപോ​ലെ ത​ക​ർ​ന്നു വീ​ണ​ത്.​ ത​ങ്ങ​ൾ ഒ​രു മ​ഹാ​സ​ഖ്യം ഉ​ണ്ടാ​ക്കു​മെ​ന്ന് എ.​െഎ.ഡി.എം.കെ പ്ര​ഖ്യാ​പി​ച്ച​പ്പോ​ൾ ഡി.എം.കെ​ സ​ഖ്യ​ത്തി​ൽനി​ന്ന് ചി​ല ക​രു​ത്ത​ൻമാ​ർ ​ത​ങ്ങ​ളു​ടെ കൂ​ടാ​ര​ത്തി​ൽ ചേ​ക്കേ​റും എ​ന്നാ​ണ് പ്ര​തീ​ക്ഷി​ച്ച​ത്.​ എ​ന്നാ​ൽ, അ​ന്ത​രി​ച്ച വി​ജ​യ്കാ​ന്ത്​ കെ​ട്ടി​പ്പൊ​ക്കി​യ, ഏ​താ​ണ്ട് മൃ​ത​പ്രാ​യ​മാ​യ ദേ​ശീ​യ ദ്രാ​വി​ഡ മു​ർ​പ്പോ​ക്ക് ക​ഴ​ക​വും (ഡി​.എം.​ഡി.​കെ) മ​റ്റ് ചി​ല​രും മാ​ത്ര​മാ​ണ് എ.​െഎ.ഡി.എം.കെ സ​ഖ്യ​ത്തി​ലേ​ക്ക് സം​ശ​യ​ത്തോ​ടെ എ​ത്തി​യ​ത്.​ അ​വ​ർ​ക്കാ​ക​ട്ടെ​ ജ​ന​ങ്ങ​ൾ​ക്കി​ട​യി​ൽ കാ​ര്യ​മാ​യ ക​രു​ത​ലും ഉ​ണ്ടാ​യി​രു​ന്നി​ല്ല.

എ​ന്നാ​ൽ, ലോ​ക്സ​ഭാ തെ​ര​ഞ്ഞെ​ടു​പ്പ് പ്ര​ഖ്യാ​പ​ന​ത്തി​ന് മു​മ്പുത​ന്നെ പ്ര​തി​പ​ക്ഷ നീ​ക്ക​ങ്ങ​ളെ ചെ​റു​ത്തു​നി​ൽ​ക്കാ​ൻ പാ​ക​ത്തി​ൽ ഭ​ര​ണ​ക​ക്ഷി​യാ​യ ഡി.എം.കെ ​ത​യാ​റെ​ടു​പ്പു​ക​ൾ തു​ട​ങ്ങി​ക്ക​ഴി​ഞ്ഞി​രു​ന്നു.​ പാ​ർ​ട്ടി​യു​ടെ പ്ര​ക​ട​ന​പ​ത്രി​കത​ന്നെ അ​തി​ന് തെ​ളി​വാ​ണ്.​ പ്ര​തി​പ​ക്ഷ​ക​ക്ഷി​ക​ൾ നി​ര​ത്താ​ൻ സാ​ധ്യ​ത​യു​ള്ള കാ​ത​ലാ​യ വാ​ഗ്ദാ​ന​ങ്ങ​ൾ ക​ണ്ട​റി​ഞ്ഞു​ള്ള പ്ര​ക​ട​ന​പ​ത്രി​ക​യാ​ണ് സ്റ്റാ​ലി​ന്റെ ക​ക്ഷി ജ​ന​ങ്ങ​ളു​ടെ മു​ന്നി​ൽ അ​വ​ത​രി​പ്പി​ച്ച​ത്. ബി.ജെ.പി ​ഉ​ൾ​പ്പെ​ടെ​യു​ള്ള പ്ര​തി​പ​ക്ഷ ക​ക്ഷി​ക​ളു​ടെ ജ​ന​വി​രു​ദ്ധ ന​യ​ങ്ങ​ളെ എ​തി​ർ​ക്കാ​നും ​ഡി.എം.കെ ശ്ര​ദ്ധി​ച്ചു. ഒ​രുവി​ധ​ത്തി​ൽ ഡി.എം.കെ​യു​ടെ​ പ്ര​ക​ട​ന​പ​ത്രി​ക​യി​ലെ സ​മീ​പ​ന​ങ്ങ​ൾ ത​ന്നെ​യാ​ണ് മ​റ്റു ക​ക്ഷി​ക​ളും ജ​ന​ങ്ങ​ൾ​ക്ക്​ മു​ന്നി​ൽ നി​ര​ത്തി​യ​ത്.

ഡി.എം.കെ​യു​ടെ പ്ര​ക​ട​ന​പ​ത്രി​ക മ​റ്റു​ള്ള​വ​രി​ൽനി​ന്ന് വ്യ​ത്യ​സ്ത​മാ​യി​രു​ന്നു. സി.എ.എ, ​യൂ​നിഫോം സി​വി​ൽ കോ​ഡ് (യു.സി.​സി) എ​ന്നി​വ ന​ട​പ്പാ​ക്കി​ല്ല.​ എ​ൽ​.പി.​ജി വി​ല 500 രൂ​പ​യാ​ക്കും. പെ​ട്രോ​ൾ വി​ല 75 രൂ​പ​യും ഡീ​സ​ൽ വി​ല 65 രൂ​പ​യും ആ​യി കു​റ​ക്കും -ഡി.എം.കെ​ പ്ര​ക​ട​ന​പ​ത്രി​കയി​ൽ പ​റ​യു​ന്നു. വ​ർ​ഷ​ങ്ങ​ളാ​യി പു​ക​യു​ന്ന നാ​ഷ​നൽ എ​ജു​ക്കേ​ഷ​ൻ പോ​ളി​സി​യും നീ​റ്റു​മൊ​ന്നും​ ന​ട​പ്പാക്കി​ല്ല. സം​സ്ഥാ​ന സ​ർ​ക്കാ​റിനോ​ട്​ ച​ർ​ച്ച​ചെ​യ്യാ​തെ ഗ​വ​ർ​ണ​റെ​ നി​യ​മി​ക്കില്ല. തി​രു​ക്കു​റ​ൾ ദേ​ശീ​യ പു​സ്ത​ക​മാ​യി പ്ര​ഖ്യാ​പി​ക്കും.​ സ്ത്രീ​ക​ൾ​ക്ക് ലോ​ക​്സ​ഭ​യി​ലും നി​യ​മ​സ​ഭ​യി​ലും 33 ശ​ത​മാ​നം സം​വ​ര​ണം ഏ​ർ​പ്പെ​ടു​ത്തും. കേ​ന്ദ്ര​ സ​ർ​ക്കാ​ർ ജോ​ലി​ക​ൾ​ക്കു​ള്ള​ പ​രീ​ക്ഷ​ക​ൾ ത​മി​ഴി​ലാ​യി​രി​ക്കും.​ ഇ​ന്ത്യ​യി​ൽ മ​ട​ങ്ങി​യെ​ത്തി​യ ശ്രീ​ല​ങ്ക​ക്കാ​ർ​ക്ക്​ പൗ​ര​ത്വം​ ന​ൽ​കും. വീ​ട്ട​മ്മ​മാ​ർ​ക്ക് പ്ര​തി​മാ​സം ആ​യി​രം രൂ​പ പെ​ൻ​ഷ​ൻ ന​ൽ​കും. ദേ​ശീ​യ​പാ​ത​യി​ലു​ള്ള ടോ​ൾ പ്ലാ​സ​ക​ളൊ​ക്കെ​ നി​ർ​ത്ത​ലാ​ക്കും. ഇ​ത് ഡി.എം.കെ​യു​ടെ​ പ്ര​ക​ട​ന​പ​ത്രി​ക​യ​ല്ലെ​ന്നും​ ജ​ന​ങ്ങ​ളു​ടേ​താ​ണെ​ന്നും എം.കെ. സ്റ്റാ​ലി​ൻ പ്ര​ഖ്യാ​പി​ച്ചു.

തു​ട​ക്ക​ത്തി​ൽ സീ​റ്റ് വി​ഭ​ജ​ന​ത്തി​ൽ അ​സ്വാ​ര​സ്യ​ങ്ങ​ൾ ഉ​ണ്ടാ​യെ​ങ്കി​ലും സ​ഖ്യ​ത്തി​ന്റെ സാ​ര​ഥി​യെ​ന്ന നി​ല​യി​ൽ സ്റ്റാ​ലി​ൻ ഇ​ട​പെ​ട്ടു. ഡി.എം.കെ 22 സീ​റ്റു​ക​ളി​ലും കോ​ൺ​ഗ്ര​സ്​ ഒ​മ്പതും ഇ​ട​തു പാ​ർ​ട്ടി​ക​ളാ​യ​ സി.പി.എ​മ്മും​ സി.പി.ഐ​യും​ വി​ടു​ത​ലൈ ക​ക്ഷി​യും 2 സീ​റ്റു​ക​ളി​ൽ വീ​ത​വും മ​ത്സ​രി​ക്കും. ഇ​ന്ത്യ​ൻ യൂ​നി​യ​ൻ മുസ്‍ലിം ലീ​ഗി​ന് ഒ​രു സീ​റ്റ് ന​ൽ​കി. ച​ല​ച്ചി​ത്ര​താ​രം ക​മ​ൽഹാ​സ​ന്റെ എം​.എ​ൻ​.എ​മ്മി​ന് (മ​ക്ക​ൾ നീ​തി​മ​യ്യം) സീ​റ്റ് കി​ട്ടി​യി​ല്ലെ​ങ്കി​ലും​ അ​ടു​ത്ത ​വ​ർ​ഷം​ രാ​ജ്യ​സ​ഭാ സീ​റ്റ് ഉ​റ​പ്പാ​ക്കി​യി​ട്ടു​ണ്ട്.

ത​മി​ഴ്നാ​ട്ടി​ൽ കൊ​ടി​നാ​ട്ടാ​നു​ള്ള ബി.ജെ.പി​യു​ടെ ത​ന്ത്ര​ങ്ങ​ളാ​ണ് ഇ​പ്പോ​ൾ ത​ക​ർ​ന്നുവീ​ണ​ത്. സ​ഖ്യ​ക​ക്ഷി​ക​ളു​മാ​യി സം​സ്ഥാ​ന പ്ര​സി​ഡ​ന്റ് അ​ണ്ണാ​മ​ലൈ​യാ​ണ് അ​തി​നു കാ​ര​ണ​ക്കാ​ര​നെ​ന്ന് എ.​െഎ.ഡി.എം.കെ പ​റ​ഞ്ഞി​രു​ന്നു. ജ​യ​ല​ളി​ത​യു​ടെ മ​ര​ണ​ശേ​ഷം ശ​ശി​ക​ല​യു​ടെ സ​ഹാ​യ​ത്തോ​ടെ ത​മി​ഴ​ക​ത്ത്​ പാ​ർ​ട്ടി​യു​ടെ​ ന​ങ്കൂ​ര​മു​റ​പ്പി​ക്കാ​ൻ ക​ഴി​യു​മെ​ന്ന​ ചി​ന്ത​യി​ലാ​യി​രു​ന്നു​ ബി.ജെ.പി. ന​രേ​ന്ദ്ര​ മോ​ദി​ക്കും​ അ​മി​ത് ഷാ​ക്കും​ ഏ​റെ പ്ര​തീ​ക്ഷ ന​ൽ​കി​യ കാ​ല​മാ​യി​രു​ന്നു അ​ത്. എ​ന്നാ​ൽ, ത​ങ്ങ​ളു​ടെ പി​ൻ​ബ​ല​ത്തി​ൽ ബി.ജെ.പി​ ത​ങ്ങ​ളു​ടെ അ​സ്തി​വാ​രം ഉ​യ​ർ​ത്താ​നു​ള്ള ശ്ര​മ​മാ​ണ് ന​ട​പ്പാക്കു​ന്ന​തെ​ന്ന് തി​രി​ച്ച​റി​യാ​നു​ള്ള ശ​ക്തി എ.​െഎ.ഡി.എം.കെക്ക് ഉ​ണ്ടാ​യി​ല്ല.​ ഐ​.പി​.എ​സ് ജോ​ലി ഉ​പേ​ക്ഷി​ച്ച് ബി.ജെ.പി​യി​ൽ സം​സ്ഥാ​ന അ​ധ്യ​ക്ഷ​നാ​യി എ​ത്തി​യ​ അ​ണ്ണാ​മ​ലൈ​യെ​ മു​ൻ​നി​ർ​ത്തി​യാ​യി​രു​ന്നു​ ബി.ജെ.പി​ കേ​ന്ദ്ര​ നേ​തൃ​ത്വ​ത്തി​ന്റെ ക​ളി​ക​ൾ.

കെ​ട്ട​ട​ങ്ങി​യ​ ക​ച്ച​ത്തീവ് വി​ഷ​യം ഉ​യ​ർ​ത്തി​ക്കൊ​ണ്ടു​വ​രാ​നും​ അ​തു​വ​ഴി​ ത​മി​ഴ്ജ​ന​ത​യെ ​മു​ത​ലെ​ടു​ക്കാ​നു​മു​ള്ള​ ബി.ജെ.പി​യു​ടെ​ ശ്ര​മം ഉ​ദ്ദേ​ശി​ക്കാ​ത്ത നി​ല​യി​ലാ​ണ് എ​ത്തി​യ​ത്. 50 വ​ർ​ഷ​ങ്ങ​ൾ​ക്ക്​ മു​മ്പ്​ കെ​ട്ടട​ങ്ങി​യ വി​വാ​ദം കെ​ട്ട​ഴി​ച്ചുവി​ടു​ന്ന​ത് വ​ഴി തീ​ര​ദേ​ശ​ത്തെ മ​ത്സ്യ​ത്തൊ​ഴി​ലാ​ളി​ക​ളു​ടെ വോ​ട്ടു​ബാ​ങ്കാ​യി​രു​ന്നു​ മോ​ദി​യു​ടെ ഉ​ന്നം. ഡി.എം.കെ ഘ​ട​ക​ക​ക്ഷി​യാ​യ വി​.സി.​കെ മാ​ത്ര​മാ​ണ് ക​ച്ച​ത്തീ​വ്​ തി​രി​ച്ചു​പി​ടി​ക്ക​ണ​മെ​ന്ന​ ആ​വ​ശ്യം ഉ​ന്ന​യി​ച്ച​ത്.​ അ​ക്കാ​ര്യം അ​വ​ർ പ്ര​ക​ട​ന​പ​ത്രി​കയി​ൽ സൂ​ചി​പ്പി​ക്കു​ക​യും ചെ​യ്തു.​ മോ​ദി​യു​ടെ ക​ച്ച​ത്തീ​വ് വാ​ദ​ത്തെ ഇ​.പി.​എ​സ് പോ​ലും കു​റ്റ​പ്പെ​ടു​ത്തി.

2019ലെ​ ലോ​ക്സ​ഭാ​ തെര​ഞ്ഞെ​ടു​പ്പി​ൽ സ​ഖ്യ​ക​ക്ഷി​ക​ളോ​ടൊ​പ്പം നി​ന്ന് 39 സീ​റ്റു​ക​ളി​ൽ മു​പ്പ​ത്തെ​ട്ടും പി​ടി​ച്ചെ​ടു​ക്കാ​ൻ സ്റ്റാ​ലി​ന് ക​ഴി​ഞ്ഞ​തു വി​ട്ടു​വീ​ഴ്ച​ക​ൾ ചെ​യ്യാ​നു​ള്ള സ​ന്മ​ന​സ്സും ​ത്രാ​ണി​യും ഉ​ള്ള​തി​നാ​ലാ​ണ്. തൊ​ട്ട​ടു​ത്തു​വ​ന്ന​ നി​യ​മ​സ​ഭാ തെ​ര​ഞ്ഞെ​ടു​പ്പി​ലും അ​തേ വി​ജ​യം ആ​വ​ർ​ത്തി​ച്ചു. ഫോ​ർ​മു​ല​ ഒ​ന്നു​ത​ന്നെ. എ​ന്നാ​ൽ, ഇ​.പി.​എ​സി​നെ​ കൂ​ട്ടു​പി​ടി​ച്ചു മു​ന്നോ​ട്ടു നീ​ങ്ങു​ന്ന ബി.ജെ.പി​യാ​യി​രു​ന്നു​ സ്റ്റാ​ലി​ന്റെ മു​ഖ്യ​ശ​ത്രു. ഹി​ന്ദു​ത്വ​ത്തി​ന്റെ മു​ഖം​മൂ​ടി​യ​ണി​ഞ്ഞ് ഇ​ന്ത്യ​യെ മൊ​ത്ത​ത്തി​ൽ ത​ങ്ങ​ളു​ടെ കാ​ൽ​ക്കീ​ഴി​ൽ ഒ​തു​ക്കാനു​ള്ള ബി.ജെ.പി​യു​ടെ ത​ന്ത്ര​ങ്ങ​ളെ അ​മ​ര്‍ച്ച ചെ​യ്യേ​ണ്ട​ത് അ​നി​വാ​ര്യ​മാ​യി​രു​ന്നു.​ അ​തി​നേ​ക്കാ​ൾ ഭീ​ക​ര​മാ​യ അ​ന്ത​രീ​ക്ഷ​മാ​ണ് ക​ഴി​ഞ്ഞ പ​ത്തു​വ​ർ​ഷമാ​യി​ നി​ല​നി​ൽ​ക്കു​ന്ന​തെ​ന്ന് ഡി.എം.കെ മ​ന​സ്സി​ലാ​ക്കി​യി​രി​ക്കു​ന്നു.

സം​സ്ഥാ​ന ഭ​ര​ണ​മേ​റ്റെ​ടു​ത്ത ശേ​ഷം ന​ട​പ്പാ​ക്കി​യ വി​ക​സ​ന പ​ദ്ധ​തി​ക​ളു​ടെ നേ​ട്ട​ങ്ങ​ൾ തെ​ര​ഞ്ഞെ​ടു​പ്പു​ വേ​ള​യി​ൽ ജ​ന​ങ്ങ​ളി​ൽ എ​ത്തി​ക്കാ​നും മു​ഖ്യ​മ​ന്ത്രി ശ്ര​മി​ച്ചു. സോ​ഷ്യ​ൽ മീ​ഡി​യ​യി​ലും പ​ത്ര​ങ്ങ​ളി​ലും ദൃ​ശ്യ​മാ​ധ്യ​മ​ങ്ങ​ളി​ലു​മൊ​ക്കെ ​വാ​രി​ക്കോ​രി​ പ്ര​ചാ​ര​ണ​ങ്ങ​ൾ ന​ട​ത്തു​ക​യാ​ണ്. ദ്രാ​വി​ഡ മോ​ഡ​ല്‍ എ​ന്ന പേ​രി​ൽ പു​റ​ത്തു​വി​ടു​ന്ന പ​ര​സ്യ​ങ്ങ​ളി​ൽ ആ​റോ​ളം നേ​ട്ട​ങ്ങ​ളാ​ണ് പ്ര​ധാ​ന​മാ​യും ഡി.എം.കെ​ എ​ടു​ത്തുകാ​ണി​ക്കു​ന്ന​ത്. 1. ക​ലൈ​ജ്ഞ​ർ മ​ഗ​ളി​ർ ഉ​രു​മൈ​തി​ട്ടം അ​നു​സ​രി​ച്ച് കു​ടും​ബ​ത്തി​ൽ ആ​യി​രം രൂ​പ പ്ര​തി​മാ​സം ന​ൽ​കു​ന്നു.​ ഒ​ന്ന​ര​ക്കോ​ടി രൂ​പ​യാ​ണ് ഇ​തി​ന് ചെ​ല​വ് വ​രു​ന്ന​ത്. 2. പെ​ൺ​കു​ട്ടി​ക​ൾ​ക്ക് വി​ദ്യാ​ഭ്യാ​സ​ത്തി​നാ​യി 1000 രൂ​പ സ്കോ​ള​ർ​ഷി​പ്. 3. കൃ​ഷി​ക്ക് പ്ര​ത്യേ​ക ബ​ജ​റ്റ്. 4. സ്ത്രീ​ക​ൾ​ക്കും​ ട്രാ​ൻ​സ്ജെ​ൻ​ഡറുക​ൾ​ക്കും​ വി​ക​ലാം​ഗ​ർ​ക്കും ​സൗ​ജ​ന്യ ബ​സ് യാ​ത്ര.​ ജോ​ലി​ക്കുവേ​ണ്ടി ബ​സിൽ സ്ഥി​രം യാ​ത്ര​ചെ​യ്യു​ന്ന ഒ​രു സ്ത്രീ​ക്ക് ശ​രാ​ശ​രി 888 രൂ​പ പ്ര​തി​മാ​സം ലാ​ഭി​ക്കാം. 5. 16 ല​ക്ഷം കു​ഞ്ഞു​ങ്ങ​ൾ​ക്ക് ദി​വ​സ​വും മു​ഖ്യ​മ​ന്ത്രി​യു​ടെ ബ്രേ​ക് ഫാ​സ്റ്റ് പ​ദ്ധ​തി. 6. 9,61,000 കോ​ടി​യു​ടെ നി​ക്ഷേ​പ​മാ​ണ് ഡി.എം.കെ​ ഭ​ര​ണ​കാ​ല​ത്ത് ഉ​ണ്ടാ​യി​രി​ക്കു​ന്ന​ത്.​ അ​തു​വ​ഴി 30 ല​ക്ഷം പേ​ർ​ക്ക് ​തൊഴി​ൽ അ​വ​സ​ര​ങ്ങ​ൾ ഉ​ണ്ടാ​യി.

ത​മി​ഴ്നാ​ട്ടി​ൽ നൂ​റു തെ​ര​ഞ്ഞെ​ടു​പ്പ് ന​ട​ന്നാ​ലും ബി.ജെ.പി​യു​ടെ നാ​ട​കം ന​ട​പ്പാ​കി​ല്ല എ​ന്നാ​ണ് പ​ല​യി​ട​ത്തും​ സ്റ്റാ​ലി​ൻ പ്ര​സം​ഗി​ക്കു​ന്ന​ത്. സ​ന്ദ​ർ​ഭം​ കി​ട്ടു​മ്പോ​ഴൊ​ക്കെ​ മോ​ദി​യെ​ വി​മ​ർ​ശി​ക്കാ​ൻ മു​ഖ്യ​മ​ന്ത്രി മ​ടി​ക്കു​ന്നി​ല്ല. ഡി.എം.കെ​ക്ക് ഉ​റ​ക്കം ന​ഷ്ട​പ്പെ​ടു​ന്നു എ​ന്നാ​ണ് മോ​ദി ഇ​ട​ക്കി​ടെ​ ത​മി​ഴ്നാ​ട്ടി​ൽ വ​ന്നു പ​റ​യു​ന്ന​ത്. എ​ന്നാ​ൽ, ക​ഴി​ഞ്ഞ 10 വ​ർ​ഷ​മാ​യി​ മോ​ദി​ കാ​ര​ണം ഇ​ന്ത്യ​ൻ ജ​ന​ങ്ങ​ളു​ടെ ഉ​റ​ക്കം ന​ഷ്ട​പ്പെ​ടു​ന്നു എ​ന്ന് സ്റ്റാ​ലി​ൻ തി​രി​ച്ച​ടി​ക്കു​ന്നു. വെ​ള്ള​പ്പൊ​ക്കംമൂ​ലം ത​മി​ഴ​കം​ പൊ​റു​തി​മു​ട്ടി​യ​ വേ​ള​യി​ൽ​പോ​ലും​ മോ​ദി ത​മി​ഴ്നാ​ട്ടി​ൽ തി​രി​ഞ്ഞു നോ​ക്കി​യി​ട്ടി​ല്ല.​ എ​ന്നാ​ൽ, തെര​ഞ്ഞെ​ടു​പ്പ് ആ​യ​പ്പോ​ൾ ആ​റോ​ളം ത​വ​ണ​യാ​ണ് മോ​ദി പ്ര​ത്യേ​ക​ വി​മാ​ന​ത്തി​ൽ ത​മി​ഴ്നാ​ട്ടി​ൽ​ ചു​റ്റി​ക്ക​റ​ങ്ങാ​ൻ എ​ത്തി​യ​ത്. 5000 കോ​ടി രൂ​പ 2023​ൽ ദു​രി​താ​ശ്വാ​സ ​ഫ​ണ്ടാ​യി​ ത​മി​ഴ്നാ​ട്ടി​ൽ ന​ൽ​കി എ​ന്നാ​ണ് ധ​ന​മ​ന്ത്രി നി​ർ​മ​ല സീ​താ​രാ​മ​ൻ പ​റ​യു​ന്ന​ത്.​ എ​ന്നാ​ൽ, ഒ​രു പൈ​സപോ​ലും ആ ​വ​ക​യി​ൽ ല​ഭി​ച്ചി​ട്ടി​ല്ല എ​ന്ന് സ്റ്റാ​ലി​ൻ പ​റ​യു​ന്നു.

ദ്രാ​വി​ഡ​ പാ​ർ​ട്ടി​ക​ൾ മ​ത​ത്തി​ന് എ​തി​രാ​ണെ​ന്ന് ബി.ജെ.പി പ്ര​ച​രി​പ്പി​ക്കു​ന്നു​ണ്ട്.​ എ​ന്നാ​ൽ, മ​ത​ത്തെ ദു​രു​പ​യോ​ഗം ചെ​യ്യു​ന്ന വി​ഭാ​ഗ​ത്തെ​യാ​ണ് ദ്ര​വീ​ഡി​യ​ൻ മോ​ഡ​ൽ എ​തി​ർ​ക്കു​ന്ന​ത്.​ മ​ത​ത്തി​ന്റെ പേ​രി​ൽ ജ​ന​ങ്ങ​ളെ വി​ഭ​ജി​ക്കു​ന്ന രീ​തി​യെ​യാ​ണ് ഡി.എം.കെ​ എ​തി​ർ​ക്കു​ന്ന​തെ​ന്ന്​ സ്​റ്റാ​ലി​ൻ ത​ന്റെ പ്ര​ചാ​ര​ണ​വേ​ള​യി​ൽ പ​റ​യാ​റു​ണ്ട്. ര​ണ്ട​ര വ​ർ​ഷ​ത്തെ ഭ​ര​ണ​കാ​ല​ത്ത് അ​ന്യാ​ധീ​ന​പ്പെ​ട്ട 5000 കോ​ടി രൂ​പ​യു​ടെ ക്ഷേ​ത്ര​ വ​ക​ക​ൾ തി​രി​ച്ചു​പി​ടി​ച്ചു. 1500 ക്ഷേ​ത്ര​ങ്ങ​ളി​ൽ പു​ന​രു​ദ്ധാ​ര​ണ പ്ര​വ​ർ​ത്ത​ന​ങ്ങ​ൾ ന​ട​ത്തി.

എ​ന്നാ​ൽ, എ.​െഎ.ഡി.എം.കെ വാ​ഗ്ദാ​ന​ങ്ങ​ളി​ൽ ഒ​ട്ടും കു​റ​വി​ല്ലാ​തെ​യാ​ണ് രം​ഗ​ത്ത് വ​ന്നി​രി​ക്കു​ന്ന​ത്. ​ബി.ജെ.പി​ കൈ​യൊ​ഴി​ഞ്ഞു ​പോ​യ​തോ​ടെ ശ​ക്തി തെ​ളി​യി​ക്കു​ക​യാ​ണ് പാ​ർ​ട്ടി​യു​ടെ​ ക​ട​മ. ആ ​ല​ക്ഷ്യംവെച്ചാ​ണ് 133 വാ​ഗ്ദാ​ന​ങ്ങ​ൾ പ്ര​ക​ട​ന​പ​ത്രി​കക​ളി​ൽ ഉ​ൾ​പ്പെ​ടു​ത്താ​ൻ പാ​ർ​ട്ടി നേ​താ​വും മു​ൻ മു​ഖ്യ​മ​ന്ത്രി​യു​മാ​യ​ ഇ​.പി​.എ​സ്​ പദ്ധ​തി​യിട്ട​ത്. വി​വാ​ദ​മാ​യ നീ​റ്റ് ഇ​ല്ലാ​താ​ക്കു​മെ​ന്ന് എ.​െഎ.ഡി.എം.കെ അ​വ​കാ​ശ​പ്പെ​ടു​ന്നു. പാ​വ​പ്പെ​ട്ട കു​ടും​ബി​നി​ക​ൾ​ക്ക്​ 3000 രൂ​പ പ്ര​തി​മാ​സം വി​ത​ര​ണംചെ​യ്യും. കേ​ന്ദ്ര​വി​ഹി​തം ഇ​ന്ന​ത്തെ 60:40ൽ ​നി​ന്ന് 75:25 എ​ന്ന ​അ​നു​പാ​ത​ത്തി​ൽ മാ​റ്റും.​ മു​സ്‍ലിംക​ൾ​ക്കും ശ്രീ​ല​ങ്ക​ൻ ത​മി​ഴ​ർ​ക്കും​ പൗ​ര​ത്വം കൊ​ടു​ക്കും. ​

ക​ർ​ണാ​ട​ക​യി​ലെ ​മെ​ക്കാ​ദ​ത്ത് ഡാം, ​കേ​ര​ള​ത്തി​ലെ മു​ല്ല​പ്പെ​രി​യാ​ർ എ​ന്നി​വ​യു​ടെ പ്ര​ശ്ന​ങ്ങ​ൾ ആ​ശാ​വ​ഹ​മാ​യ​ ത​ല​ത്തി​ൽ പ​രി​ഹ​രി​ക്കും. പാ​ലാ​ർ ന​ദി​യു​ടെ കു​റു​കെ​യു​ള്ള ചെ​ക്ക് ഡാം ​നി​ർ​മാ​ണം​ നി​ർ​ത്ത​ലാ​ക്കും. കേ​ന്ദ്ര​സ​ഹാ​യ​ത്തോ​ടെ പ്ര​തി​മാ​സം 5000 രൂ​പ ക​ർ​ഷ​ക​ർ​ക്ക് പെ​ൻ​ഷ​ൻ ന​ൽ​കും. ​ഗ​വ​ർ​ണ​ർ​മാ​രെ നി​യ​മി​ക്കു​ന്ന​തി​ന് മു​മ്പ് സം​സ്ഥാ​ന​ങ്ങ​ളി​ലെ മു​ഖ്യ​മ​ന്ത്രി​മാ​രുമാ​യി ആ​ലോ​ചി​ക്കും. നീ​റ്റ് പ​രീ​ക്ഷ പ​ക്ഷ​പാ​ത​ര​ഹി​ത​മാ​ക്കും.​ മെ​ഡി​ക്ക​ൽ പ്ര​വേ​ശ​ന​ത്തി​ന് പ്ല​സ് ടു ​പ​രീ​ക്ഷ നി​ർ​ബ​ന്ധ​മാ​ക്കും.​ സു​പ്രീം​കോ​ട​തി​യു​ടെ പ്രാ​ദേ​ശി​ക ​െബ​ഞ്ച് ചെ​ന്നൈ​യി​ൽ സ്ഥാ​പി​ക്കും.​ ക്രി​മി​ന​ൽ നി​യ​മ​ങ്ങ​ളു​ടെ പേ​രുമാ​റ്റം​ പി​ൻ​വ​ലി​ക്കും. ഹൈ​കോ​ട​തി​യു​ടെ ഔ​ദ്യോ​ഗി​ക ഭാ​ഷ ത​മി​ഴാ​ക്കും.​ ടോ​ൾ പ്ലാ​സ​ക​ൾ പൂ​ർ​ണ​മാ​യും​ നി​ർ​ത്ത​ലാ​ക്കും. പു​തു​ച്ചേ​രി​ക്ക് സം​സ്ഥാ​ന പ​ദ​വി ന​ൽ​കും.

ബി.ജെ.പി​യാ​ണ് ത​ങ്ങ​ളു​ടെ പാ​ർ​ട്ടി​യെ​ ത​മി​ഴ്നാ​ട്ടി​ൽ നി​ലം​പ​രി​ശാ​ക്കി​യ​തെ​ന്ന് വൈ​കി​യ ​വേ​ള​യി​ലെ​ങ്കി​ലും തി​രി​ച്ച​റി​ഞ്ഞ​തുകൊ​ണ്ടാ​ണ് ശീ​ത​സ​മ​ര​ത്തി​ലൂ​ടെ അ​വ​രെ പു​റ​ത്താ​ക്കാ​ൻ മ​ന​സ്സ് വ​ന്ന​ത്. പ​ക്ഷേ, അ​ത​റി​ഞ്ഞ​പ്പോ​ഴേ​ക്കും​ പാ​ർ​ട്ടി ന​ഷ്ട​ങ്ങ​ളു​ടെ ഊ​രാ​ക്കു​ടു​ക്കി​ൽ വീ​ണി​രു​ന്നു. എ​ട​പ്പാ​ടി​യു​ടെ​ സ​ർ​ക്കാ​റി​നെ​ നി​ല​നി​ർ​ത്തി​യി​രു​ന്ന​ത് ത​ന്നെ മോ​ദി​യു​ടെ​യും​ അ​മി​ത് ഷാ​യു​ടെ​യും​ ത​ന്ത്ര​ങ്ങ​ളായി​രു​ന്നു. അ​വ​രു​ടെ കൈ​ക​ളി​ൽ ചാ​ഞ്ചാ​ടു​ന്ന പാ​വ​യാ​യി​ട്ടാ​യി​രു​ന്നു​ എ​ട​പ്പാ​ടി​യെ രാ​ഷ്ട്രീ​യ നി​രീ​ക്ഷ​ക​ർ​ ക​ണ്ടി​രു​ന്ന​ത്. നി​യ​മ​സ​ഭാ​ തെ​ര​ഞ്ഞെ​ടു​പ്പി​ൽ സ​ഖ്യ​ക​ക്ഷി​യാ​യി തു​ട​രു​മെ​ന്ന് പ്ര​ഖ്യാ​പി​ച്ചെ​ങ്കി​ലും അ​ടു​ത്ത വാ​ച​ക​മാ​ണ് എ​ട​പ്പാ​ടി​​ ​ സം​ഘ​ത്തെ വെ​ട്ടി​ലാ​ക്കി​യ​ത്. വ​രു​ന്ന അ​ഞ്ചു​ വ​ർ​ഷ​ത്തി​നു​ള്ളി​ൽ ബി.ജെ.പി​ സം​സ്ഥാ​ന ​ഭ​ര​ണം​ പി​ടി​ച്ചെ​ടു​ക്കു​മെ​ന്ന മു​ന്ന​റി​യി​പ്പ് പാ​ർ​ട്ടി​വൃ​ത്ത​ങ്ങ​ളി​ൽ അ​മ്പ​രപ്പ് സൃ​ഷ്ടി​ച്ചി​രു​ന്നു.

മൂ​ന്നു മു​ന്ന​ണി​ക​ളും ത​ങ്ങ​ളു​ടെ സ്ഥാ​നാ​ർ​ഥിക​ളു​ടെ വി​ജ​യം സു​ര​ക്ഷി​ത​മാ​ക്കാ​ൻ കൊ​ണ്ടു​പി​ടി​ച്ചു​ ശ്ര​മ​ങ്ങ​ൾ ന​ട​ത്തു​ക​യാ​ണ്. 39 മ​ണ്ഡ​ല​ങ്ങ​ളി​ലും വ​ൻ​വി​ജ​യം സു​നി​ശ്ചി​ത​മാ​ക്കാ​ൻ ഡി.എം.കെ​ പ​ദ്ധ​തി​ക​ൾ ഒ​രു​ക്കു​മ്പോ​ൾ മ​റ്റു ര​ണ്ടു മു​ന്ന​ണി​ക​ളും ത​ങ്ങ​ളു​ടെ ത​ന്ത്ര​ങ്ങ​ൾ ആ​വി​ഷ്ക​രി​ക്കു​ക​യാ​ണ്. ക​ഴി​ഞ്ഞ ര​ണ്ട് വ​ർ​ഷ​മാ​യി തീ​പ്പൊ​രി പ്ര​സം​ഗ​ങ്ങ​ൾകൊ​ണ്ട് മാ​ധ്യ​മ​ങ്ങ​ളു​ടെ ശ്ര​ദ്ധ ആ​ക​ർ​ഷി​ക്കു​ന്ന​ ബി.ജെ.പി സം​സ്ഥാ​ന പ്ര​സി​ഡ​ന്റ് കെ. ​അ​ണ്ണാ​മ​ലൈ​ കോ​യ​മ്പ​ത്തൂ​രി​ൽനി​ന്നാ​ണ് തന്റെ ​ഭാ​ഗ്യ​പ​രീ​ക്ഷ​ണ​ത്തി​ന് ഒ​രു​ങ്ങു​ന്ന​ത്. രാ​ജ്യ​സ​ഭാം​ഗ​മാ​യ കേ​ന്ദ്ര​മ​ന്ത്രി എ​ല്‍. മു​രു​ക​ൻ നീ​ല​ഗി​രി​യി​ൽനി​ന്ന് മ​ത്സ​രി​ക്കു​ന്നു.​ തെ​ലങ്കാ​ന-​പു​തു​ച്ചേ​രി​ മു​ൻ ഗ​വ​ർ​ണ​റാ​യ​ ത​മി​ഴി​ശൈ​ സൗ​ന്ദ​ര​രാ​ജ​ൻ സൗ​ത്ത് ചെ​ന്നൈ​യി​ൽനി​ന്നും മു​ൻ​ കേ​ന്ദ്ര​മ​ന്ത്രി​ പൊ​ൻ രാ​ധാ​കൃ​ഷ്ണ​ൻ ക​ന്യാ​കു​മാ​രി​യി​ൽനി​ന്നും ഭാ​ഗ്യം പ​രീ​ക്ഷി​ക്കു​ക​യാ​ണ്.

ന​ട​ൻ വി​ജ​യ​കാ​ന്തി​ന്റെ മ​ര​ണ​ശേ​ഷം പാ​ർ​ട്ടി​യു​ടെ​ ക​ടി​ഞ്ഞാ​ൺ നി​യ​ന്ത്രി​ക്കു​ന്ന​ത് ഭാ​ര്യ പ്രേ​മ​ല​ത​യാ​ണ്.​ എ​ന്നാ​ൽ, അ​വ​ർ മ​ത്സ​ര​രം​ഗ​ത്തി​ല്ല. പ​ക​രം മ​ക​ൻ വി​ജ​യ് പ്ര​ഭാ​ക​ര​നാണ് വിരു​ത​ന​ഗ​റി​ൽ മ​ത്സ​രി​ക്കു​ന്ന​ത്. ഏ​റെ പ്ര​തീ​ക്ഷ​യു​മാ​യി രാ​ഷ്ട്രീ​യ​ത്തി​ൽ ഇ​റ​ങ്ങി​യ പ​ാട്ടാ​ളി മ​ക്ക​ൾ ക​ക്ഷി​യു​ടെ (പി​.എം.​കെ)​ ഉ​ള്ളി​ലി​രി​പ്പ് സം​സ്ഥാ​ന മു​ഖ്യ​മ​ന്ത്രി​പ​ദ​മാ​യി​രു​ന്നു. അ​ടു​ത്ത നി​യ​മ​സ​ഭ തെ​ര​ഞ്ഞെ​ടു​പ്പി​ൽ പി.എം.കെ ​വി​ജ​യി​ക്ക​ണ​മെ​ന്നും മ​ക​ൻ അ​ൻ​പു​മ​ണി​ രാ​മ​ദാ​സി​നെ മു​ഖ്യ​മ​ന്ത്രി​യാ​യി വാ​ഴി​ക്ക​ണ​മെ​ന്നും ഡോ​. രാ​മ​ദാ​സ് ആ​ശി​ക്കു​ന്നു​ണ്ടാ​ക​ണം. അ​തി​നാ​ലാ​ണ് ഇ​ക്കു​റി പാ​ർ​ല​മെന്റ് തെ​ര​ഞ്ഞെ​ടു​പ്പി​ൽ മ​ത്സ​രി​ക്കേ​ണ്ട എ​ന്ന് അ​ൻ​പു​മ​ണി​ രാ​മ​ദാ​സ് തീ​രു​മാ​നി​ച്ച​ത്.​ എ​ന്നാ​ൽ, ധ​ർ​മ​പു​രി​യി​ൽ അ​ൻ​പു​മ​ണി​യു​ടെ ഭാ​ര്യ സൗ​മ്യ​ അ​ൻപുമ​ണി​ മ​ത്സ​ര​ത്തി​ന്റെ ട്രാ​ക്കി​ലു​ണ്ട്.

മു​ൻ മു​ഖ്യ​മ​ന്ത്രി പ​ന്നീർസെ​ൽ​വ​ത്തെ​ രാ​മ​നാ​ഥ​പു​ര​ത്തുനി​ന്ന് മ​ത്സ​രി​ക്കാ​ൻ ബി.ജെ.പി അ​നു​വ​ദി​ച്ച​ത് ഒ​രു ത​ര​ത്തി​ൽ ന​ന്നാ​യി. അ​ല്ലെ​ങ്കി​ൽ അ​ദ്ദേ​ഹ​ത്തി​ന്റെ രാ​ഷ്ട്രീ​യ​ജീ​വി​തം​ ത​ക​ർ​ന്ന​ടി​യു​മാ​യി​രു​ന്നു. സാ​മ്പ​ത്തി​ക​മാ​യി പിന്നാ​ക്കം നി​ൽ​ക്കു​ന്ന, എ​ന്നാ​ൽ ജാ​തി​ക്കോ​മ​ര​ങ്ങ​ൾ ഉ​റ​ഞ്ഞു​തു​ള്ളു​ന്ന രാ​മ​നാ​ഥ​പു​രം പ​ന്നീർ​സെൽവ​ത്തെ​ എ​ങ്ങ​നെ സ്വീ​ക​രി​ക്കു​മെ​ന്ന് ക​ണ്ട​റി​യ​ണം.​ ശ​ശി​ക​ല​യു​ടെ​ എ​ല്ലാ​മാ​യി​രു​ന്ന ടി.ടി.വി. ​ദി​ന​ക​ര​ൻ ബി.ജെ.പി​ സ​ഖ്യ​ത്തി​ൽ എ​ത്തി തേ​നി​യി​ൽ മ​ത്സ​രി​ക്കു​ക​യാ​ണ്. ത​മി​ഴ് സം​വി​ധാ​യ​കനാ​യ സീ​മാ​ന്റെ എ​ൻ​.ഡി.​കെ (നാം ത​മി​ഴ​ർ ക​ക്ഷി) പു​തു​ച്ചേ​രി​ ഉ​ൾ​പ്പെ​ടെ 40 മ​ണ്ഡ​ല​ങ്ങ​ളി​ൽ മ​ത്സ​രി​ക്കു​ന്നു. അ​തി​ൽ 50 ശതമാനം സ്ത്രീ​ക​ളാ​ണ്. ക​ഴി​ഞ്ഞ ലോ​ക​്സ​ഭാ ​തെ​ര​ഞ്ഞെ​ടു​പ്പി​ൽ 3.9 ശ​ത​മാ​നം വോ​ട്ട് നേ​ടാ​ൻ ക​ഴി​ഞ്ഞ എ​ൻ​.ഡി​.കെ​ ത​മി​ഴ​ക​ രാ​ഷ്ട്രീ​യ​ത്തി​ലെ അ​ത്ഭു​ത​മാ​ണ്. ബി.ജെ.പി​ക്ക് ​ലഭി​ച്ച​താ​ക​ട്ടെ 3.6 ശ​ത​മാ​നം വോ​ട്ടും.

പ​ല മു​തി​ർ​ന്ന​ രാ​ഷ്ട്രീ​യ​പ്ര​വ​ർ​ത്ത​ക​രും ​സ്റ്റാ​ലി​ൻ ഭ​ര​ണ​ത്തെ അ​നു​കൂ​ലി​ക്കു​ക​യും മോ​ദി ഭ​ര​ണ​ത്തെ ​ഇ​ക​ഴ്ത്തു​ക​യും ചെ​യ്യു​ന്നു​ണ്ട്.​ ഇ​ന്ത്യ​ൻ ജ​നാ​ധി​പ​ത്യ​ത്തിന്റെ ശ​വ​പ്പെ​ട്ടി​യി​ലെ അ​വ​സാ​ന​ത്തെ ആ​ണി ആ​യി​രി​ക്കും ബി.ജെ.പി​യു​ടെ​ തി​രി​ച്ചു​വ​ര​വെ​ന്നാ​ണ് ദ്രാ​വി​ഡ ക​ഴ​കം (ഡി​.കെ) നേ​താ​വ് കെ. ​വീ​ര​മ​ണി അ​ഭി​പ്രാ​യ​പ്പെ​ട്ട​ത്. ക​ഴി​ഞ്ഞ 10 വ​ർ​ഷ​വും ക​റു​ത്ത ദി​ന​ങ്ങ​ളാ​ണ് ഇ​ന്ത്യ​ക്ക് ല​ഭി​ച്ച​ത്. തെ​റ്റാ​യ വാ​ഗ്ദാ​ന​ങ്ങ​ൾ ന​ൽ​കി​ അ​ധി​കാ​ര​ത്തി​ൽ ക​യ​റി​യ ശേ​ഷം ഹി​റ്റ്ല​റു​ടെ മ​നോ​ഭാ​വ​ത്തി​ലാ​ണ് മോ​ദി സം​സാ​രി​ക്കു​ന്ന​ത് എ​ന്ന് വീ​ര​മ​ണി​ ഒ​ര​ഭി​മു​ഖ​ത്തി​ൽ പ​റ​ഞ്ഞി​രു​ന്നു.

ഇ​ത്ത​വ​ണ​ത്തെ ലോ​ക്സ​ഭാ​ തെ​ര​ഞ്ഞെ​ടു​പ്പ് ഗോ​ദ​യി​ൽ ഇ​റ​ങ്ങാ​തെ നി​ൽ​ക്കു​ന്ന പു​തി​യൊ​രു രാ​ഷ്ട്രീ​യ​ക്കാ​ര​നു​ണ്ട് ത​മി​ഴ​ക​ത്ത് -ന​ട​ൻ വി​ജ​യ്.​ ത​മി​ഴ​ക​ വെ​ട്രി​ ക​ഴ​കം എ​ന്ന രാ​ഷ്ട്രീ​യ​ പാ​ർ​ട്ടി അ​ടു​ത്തി​ടെ സ്ഥാ​പി​ച്ചിട്ടു​ പ്ര​വ​ർ​ത്ത​നം​ സജീ​വ​മാ​ക്കി​യ വി​ജ​യ് ഇ​ക്കു​റി ലോ​ക്സ​ഭാ​ തെ​ര​ഞ്ഞെ​ടു​പ്പി​ൽ മ​ത്സ​രി​ക്കു​ന്നി​ല്ല എ​ന്ന് വ്യ​ക്ത​മാ​ക്കി​യി​രു​ന്നു. 2026ലെ​ നി​യ​മ​സ​ഭാ​ തെ​ര​ഞ്ഞെ​ടു​പ്പി​ൽ ക​ണ്ണും​ന​ട്ടാ​ണ് വി​ജ​യ് മു​ന്നേ​റു​ന്ന​ത്.​ കേ​ന്ദ്ര​മ​ല്ല, സം​സ്ഥാ​ന​മാ​ണ് ഈ ​ന​ട​ന്റെ​ ല​ക്ഷ്യം. ജാ​തി​ര​ഹി​ത, അ​ഴി​മ​തി​ര​ഹി​ത​ ഭ​ര​ണ​മാ​ണ് ത​ന്റെ പാ​ർ​ട്ടി​യു​ടെ​ മു​ഖ​മു​ദ്ര​യെ​ന്ന് വിജ​യ് ഇ​തി​ന​കം പ്ര​ഖ്യാ​പി​ച്ചു​ക​ഴി​ഞ്ഞു.

ക​ഴി​ഞ്ഞ നി​യ​മ​സ​ഭാ​ തെ​ര​ഞ്ഞെ​ടു​പ്പി​ൽ 234ൽ 159 ​സീ​റ്റും നേ​ടി ത​മി​ഴ​ക​ത്തി​ന്റെ മു​ഖ്യ​മ​ന്ത്രി​യാ​യി അ​ധി​കാ​ര​മേ​റ്റ​ സ്റ്റാ​ലി​ന്റെ നി​ർ​ണാ​യക​ ചു​വ​ടു​വെപ്പ് ലോക്സ​ഭാ​ തെ​ര​ഞ്ഞെ​ടുപ്പി​ലൂ​ടെ ​ആ​രം​ഭി​ക്കു​ക​യാ​ണ്. മ​റ്റു ര​ണ്ട് മു​ന്ന​ണി​ക​ൾ മ​ത്സര​രം​ഗ​ത്തു​ള്ള​ത് ​ഒരു​പ​ക്ഷേ, സ്റ്റാ​ലി​ന്റെ ര​ക്ഷ​ക്കെ​ത്തു​മെ​ന്നാ​ണ് ഒ​രുവി​ഭാ​ഗം നി​രീ​ക്ഷ​ക​രു​ടെ വി​ല​യി​രു​ത്ത​ൽ. മാ​ത്ര​മ​ല്ല, ഇ​ന്ത്യ​യി​ൽ മൊ​ത്തം സം​ഭ​വി​ക്കേ​ണ്ട മാ​റ്റ​ത്തി​ന്റെ സൂ​ച​ന​യാ​കാം​ ഏ​പ്രി​ൽ 19ന് ​ന​ട​ക്കു​ന്ന ത​മി​ഴ്നാ​ട്ടി​ലെ​ തെ​ര​ഞ്ഞെ​ടു​പ്പ്.

കെ​ട്ടട​ങ്ങാ​ത്ത​ ജാ​തി​ക്കോ​മ​ര​ങ്ങ​ൾ

വി​രോ​ധാ​ഭാ​സ​ങ്ങ​ൾ നി​റ​ഞ്ഞ​താ​ണ് ത​മി​ഴ്നാ​ട്ടി​ലെ തെ​ര​ഞ്ഞെ​ടു​പ്പ് രാ​ഷ്ട്രീ​യം.​ ജാ​തി​ര​ഹി​ത സ​മൂ​ഹ​ത്തി​ന് വേ​ണ്ടി മു​റ​വി​ളി കൂ​ട്ടു​ന്ന ത​മി​ഴ​ക​ത്തെ രാ​ഷ്ട്രീ​യ ക​ക്ഷി​ക​ൾ സ​ഖ്യ​ക​ക്ഷി​ക​ളെ​ തോ​ളി​ൽ കൈയിട്ട് ചേ​ർ​ത്തു​പി​ടി​ക്കു​മ്പോ​ഴും​ ജാ​തി​യു​ടെ ഗ​ന്ധം അ​വ​രെ അ​ലോ​സ​ര​പ്പെ​ടു​ത്തു​ന്നു​ണ്ടാ​ക​ണം. ഇ​ത്ത​വ​ണ​ത്തെ തെ​ര​ഞ്ഞെ​ടു​പ്പും പ​ഴ​യ​തി​ൽനി​ന്ന് വ്യ​ത്യ​സ്ത​മാ​കു​ന്നി​ല്ല. ജാ​തി​യി​ൽ ഉ​റ​ച്ചുനി​ൽ​ക്കു​ന്ന സ​ഖ്യ​ക​ക്ഷി​ക​ളെ​യാ​ണ് എ​ല്ലാ​വ​രും നോ​ട്ട​മി​ടു​ന്ന​ത്. ജാ​തി വി​ട്ടൊ​രു രാ​ഷ്ട്രീ​യം ത​മി​ഴ​ക​ത്തി​ന് ചി​ന്തി​ക്കാ​ൻ കൂ​ടി ക​ഴി​യി​ല്ല.

ജാ​തി​യു​ടെ​യും മ​ത​ത്തിന്റെ​യും​ പേ​രി​ൽ മ​നു​ഷ്യ​ർ​ക്കി​ട​യി​ൽ മ​തി​ൽ​ക്കെ​ട്ടു​ക​ൾ തീ​ർ​ക്കു​ന്ന​ ത​മി​ഴ് മ​ക്ക​ളു​ടെ വി​കാ​രം മ​ന​സ്സി​ലാ​ക്കി​യാ​ണ് 1929ൽ ​ത​ന്ത​ പെ​രി​യാ​ർ ഇ.​വി. രാ​മ​സ്വാ​മി ​നാ​യ്ക്ക​ർ സ്വ​യം മ​ര്യാ​ദ പ്ര​സ്ഥാ​നം (സെ​ൽ​ഫ് റെ​സ്‌​പെ​ക്ട് മൂ​വ്മെന്റ്) ആ​രം​ഭി​ക്കു​ന്ന​ത്.​ സ​വ​ർ​ണ ഹി​ന്ദു​ക്ക​ളു​ടെ കു​ടി​ല പ്ര​വ​ർ​ത്ത​ന​ങ്ങ​ൾകൊ​ണ്ട് ജീ​വി​തം ത​കർന്ന​ അ​വ​ർണ ​ഭൂ​രി​പ​ക്ഷ​ത്തി​ന്റെ മോ​ച​ന​മാ​യി​രു​ന്നു ഇ.​വി.ആ​റി​ന്റെ സ്വ​പ്നം. ജ​സ്റ്റി​സ് പാ​ർ​ട്ടി​യി​ൽനി​ന്നു​ള്ള ദ്രാ​വി​ഡ ക​ഴ​ക​ത്തി​ന്റെ ഉ​യ​ിർ​ത്തെ​ഴു​ന്നേ​ൽ​പ്പു​പോ​ലും ജാ​തി​യു​ടെ പേ​രി​ൽ പു​റ​ന്ത​ള്ള​പ്പെ​ട്ട​വ​ന്റെ ​രോ​ദ​ന​ത്തി​ൽനി​ന്നാ​യി​രു​ന്നു. പ​ക്ഷേ, ആ ​സ്വ​പ്ന​ങ്ങ​ളു​ടെ കൊ​ടി​തോ​ര​ണ​ങ്ങ​ൾ​ക്കോ​ സ്വാ​ത​ന്ത്ര്യാ​ന​ന്ത​ര​ ജാ​ഗ്ര​ത​ക​ൾ​ക്കോ​ ത​മി​ഴ​ക​ത്തെ ര​ക്ഷി​ക്കാ​നാ​യി​ല്ല. ഇ​ന്നും ജാ​തി​യു​ടെ​യും മ​ത​ത്തിന്റെയും ​ഭീ​ക​ര​ത​ക​ളി​ൽ അ​വ​ർ​ണ ഭൂ​രി​പ​ക്ഷം നെ​ഞ്ച​ടി​ച്ചുവീ​ഴു​ക​യാ​ണ്. ​ത​ല​പൊ​ക്കാ​ൻ ആ​കാ​ത്ത​വി​ധം​ ഗ്രാ​മ​ങ്ങ​ളി​ൽ മ​തി​ൽ​കെ​ട്ടി താ​ഴ്ന്ന ജാ​തി​ക്കാ​രെ​ വേ​ർ​തി​രി​ക്കു​ന്നു. ദൈ​വ​ങ്ങ​ളു​ടെ തി​രു​സ​ന്നി​ധിയെ​ന്ന് അ​റി​യ​പ്പെ​ടു​ന്ന ക്ഷേ​ത്ര​ങ്ങ​ളി​ൽ അ​വ​ർ​ക്ക് പ്ര​വേ​ശ​ന​മി​ല്ല

ഈ ​വ​രു​ന്ന ലോ​ക്​സ​ഭാ തെ​ര​ഞ്ഞെ​ടു​പ്പി​ലും ജാ​തി​യു​ടെ ഹീ​ന​മാ​യ ക​ട​ന്നു​ക​യ​റ്റം ന​മു​ക്ക് കാ​ണാം. ഡോ​. രാ​മ​ദാ​സി​ന്റെ ​പി.​എം.​കെ​യും​ തോ​ൽ​തി​രു​മാ​വ​ള​വ​ന്റെ വി​.സി.​കെ​യും യ​ഥാ​ക്ര​മം ബി.ജെ.പി​യു​ടെ​യും​ ഡി.എം.കെ​യു​ടെ​യും​ കൂ​ട​ക്കീ​ഴി​ൽ എ​ത്തി​ക്ക​ഴി​ഞ്ഞു.​ ദലി​ത് പാ​ർ​ട്ടി​യു​ടെ ര​ക്ഷ​ക​ൻ എ​ന്ന പ്ര​തി​ച്ഛാ​യ സ്വ​യം എ​ടു​ത്ത​ണി​യു​ന്ന ​തോ​ൽ​തി​രു​മാ​വ​ള​വ​ൻ അ​വ​ർ​ക്കുവേ​ണ്ടി എ​ന്തു​ചെ​യ്തു എ​ന്ന ചോ​ദ്യം മാ​ത്രം ചോ​ദി​ക്ക​രു​ത്.​ ആ​ദ​ർ​ശം​ പ​റ​ഞ്ഞു​ ന​ട​ക്കു​ന്ന​ വ​ണ്ണി​യാ​ർ സ​മു​ദാ​യ​ത്തി​ന്റെ ര​ക്ഷ​ക​ൻ രാ​മ​ദാ​സ് എ​ന്ന ഡോ​ക്ട​റ​യ്യ ​സ്വ​ന്തം ജാ​തി​യു​ടെ ഉ​ന്ന​മ​ന​ത്തി​നു വേ​ണ്ടി​യാ​ണ് സം​സാ​രി​ക്കു​ന്ന​ത്.​ മ​ണ്ഡ​ൽ​ ക​മീ​ഷ​ൻ ന​ട​പ്പാ​ക്കി​യ​പ്പോ​ൾ ബി.ജെ.പി എ​തി​രാ​യി​രു​ന്നു. മ​ത​ത്തി​ന്റെ ​പേ​രി​ൽ രാ​ജ്യ​ത്തെ വി​ഭ​ജി​ക്കാ​ൻ ശ്ര​മി​ക്കു​ന്ന ബി.ജെ.പി​യോ​ടൊ​പ്പം​ തെ​ര​ഞ്ഞെ​ടു​പ്പി​ൽ സ​ഖ്യ​ക​ക്ഷി​യാ​കാ​ൻ എ​ങ്ങ​നെ ക​ഴി​ഞ്ഞു എ​ന്ന​താ​ണ് ത​മി​ഴ​ക​ത്തെ​ നി​രീ​ക്ഷ​ക​ർ അ​ത്ഭു​ത​പ്പെ​ടു​ന്ന​ത്.

സം​സ്ഥാ​ന​ത്തി​ന്റെ ജ​ന​സം​ഖ്യ​യി​ൽ 20 ശതമാനം ദലിതരാ​ണ്.​ എ​ന്നാ​ൽ, വ​ണ്ണി​യാ​ർ സ​മു​ദാ​യം 14 ശ​ത​മാ​ന​വും. ദ​ലിത് വി​ഭാ​ഗ​ത്തി​ൽ 12 ശതമാനം പ​റ​യ​രും അ​ഞ്ച് ശ​ത​മാ​നം ദേ​വേ​ന്ദ്ര​കു​ലം​വെ​ള്ളാ​ള​രും മൂ​ന്നു ശ​ത​മാ​നം അ​രു​ന്ധ​തി​യാ​രും​ ഉ​ൾ​ക്കൊ​ള്ളു​ന്നു. മു​ക്ക​ള​ത്തൂ​ർ തേ​വ​ർ, ഗൗ​ണ്ട​ർ, നാ​ടാ​ർ, യാ​ദ​വ്, നാ​യി​ഡു, മു​ത​ലി​യാ​ർ, ചെ​ട്ടി​യാ​ർ, പി​ള്ളേ​ർ, പ​ട്ടി​കവി​ഭാ​ഗം എ​ന്നി​വ ഉ​ൾ​പ്പെ​ടെ 32​ ശ​ത​മാ​ന​മാ​ണു​ള്ള​ത്.

ത​മി​ഴ​കം​ ജാ​തി​ക്കോ​മ​ര​ങ്ങ​ളു​ടെ ​വി​ള​നി​ല​വും ദലിതർ ത​ക​ർ​ന്നു​വീ​ഴു​ന്ന​ പ​ട​നി​ല​വു​മാ​ണ്. ഭാ​ര​തീ​യ സാം​സ്കാ​രി​ക പൈ​തൃ​ക​ത്തി​നുപോ​ലും മാ​ന​ക്കേ​ട് സൃ​ഷ്ടി​ക്കു​ന്ന ത​ര​ത്തി​ലു​ള്ള ആ​ക്ര​മ​ണ​ങ്ങ​ളാ​ണ് ത​മി​ഴ​ക​ത്തെ​ ദലിതരു​ടെ ഗ്രാ​മ​ങ്ങ​ളി​ൽ ന​ട​ക്കു​ന്ന​ത്. ജാ​തി​യു​ടെ പേ​രി​ൽ ഇ​ട​പെ​ട്ടാ​ൽ ത​ങ്ങ​ളു​ടെ വോ​ട്ട് ബാ​ങ്കു​ക​ൾ ന​ഷ്ട​പ്പെ​ടു​മെ​ന്ന ഭീ​തി​യാ​ണ് ഡി.എം.കെ​ ഉ​ൾ​പ്പെ​ടെ​യു​ള്ള​ ദ്രാ​വി​ഡ ക​ക്ഷി​ക​ൾ​ക്കു​ള്ള​ത്. ജാ​തി​യു​ടെ പേ​രി​ൽ ഇ​ത്ര​യ​ധി​കം രാ​ഷ്ട്രീ​യ​ പാ​ർ​ട്ടി​ക​ളു​ള്ള സം​സ്ഥാ​നം ഇ​ന്ത്യ​യി​ൽ വേ​റെ ഉ​ണ്ടോ​യെ​ന്ന് സം​ശ​യ​മാ​ണ്. കീ​ഴാ​ള​രു​ടെ ആ​ത്മാ​ഭി​മാ​ന​ത്തി​നു വേ​ണ്ടി പെ​രി​യാ​ർ രൂ​പവത്ക​രി​ച്ച സ്വ​യം മ​ര്യാ​ദ പ്ര​സ്ഥാ​നം ത​മി​ഴക ​ഗ്രാ​മ​ങ്ങ​ളി​ൽ അ​ന്ത്യ​ശ്വാ​സം വ​ലി​ക്കു​ക​യാ​ണ്.​ ഇ​നി​യൊ​രി​ക്ക​ലും മ​ഹ​ത്താ​യ ഒ​രു ആ​ശ​യ​മാ​കാ​ൻ അ​തി​ന് ക​ഴി​ഞ്ഞെ​ന്നുവ​രി​ല്ല. നൂ​റ്റാ​ണ്ടു​ക​ളാ​യി നി​ര​വ​ധി മാ​നു​ഷി​ക മൂ​ല്യ​ങ്ങ​ളെ മു​ല​യൂ​ട്ടി വ​ള​ർ​ത്തി​യ​ ത​മി​ഴ​കം ഇ​ന്ന് ജാ​തി​യു​ടെ പേ​രി​ൽ അ​രാ​ജ​ക​ത്വ​ത്തി​ന്റെ വി​ഷ​വി​ത്തു​ക​ൾ വാ​രിവി​ത​റു​ക​യാ​ണ്.​ ദലിതന്റെ ശ​വ​ക്ക​ല്ല​റ​യി​ൽ അ​വ പൂ​ത്തു​ല​ഞ്ഞു കി​ട​ക്കു​ന്ന​ത് കാ​ണാ​ൻ സ​വ​ർ​ണ മേ​ധാ​വി​ക​ൾ കാ​ത്തി​രി​ക്കു​ന്നു.

ക്രി​മി​ന​ലു​ക​ൾ വാ​ഴും കാ​ലം

ലോ​ക്സ​ഭാ തെ​ര​ഞ്ഞെ​ടു​പ്പി​ലെ സ്ഥാ​നാ​ർ​ഥിക​ളു​ടെ ചി​ത്രം വ്യ​ക്ത​മാ​യ​തോ​ടെ പ​ല അ​പ്രി​യ​സ​ത്യ​ങ്ങ​ളും പു​റ​ത്തു​വ​രാ​ൻ തു​ട​ങ്ങി.​ ത​ങ്ങ​ൾ​ക്കെ​തി​രെ ​കേ​സു​ക​ൾ ഉ​ണ്ടെ​ന്ന് 15 ശ​ത​മാ​ന​ത്തോ​ളം സ്ഥാ​നാ​ർ​ഥിക​ൾ പ്ര​ഖ്യാ​പി​ച്ചു ക​ഴി​ഞ്ഞു. 39 മ​ണ്ഡ​ല​ങ്ങ​ളി​ൽ മ​ത്സ​രി​ക്കു​ന്ന 950 സ്ഥാ​നാ​ർ​ഥിക​ളു​ടെ​ വി​വ​ര​ങ്ങ​ൾ അ​സോ​സി​യേ​ഷ​ൻ ഫോ​ർ ഡെ​മോ​ക്രാ​റ്റി​ക് റി​ഫോം​സ് (​എ​.ഡി.​ആ​ർ) വി​ശ​ക​ല​നം ചെ​യ്തി​രു​ന്നു. അ​തി​ൽ 15 ശ​ത​മാ​നം ക്രി​മി​ന​ൽ കേ​സു​ക​ളി​ൽപെ​ട്ടി​ട്ടു​ണ്ടെ​ന്നും അ​തി​ൽ 81 ശ​ത​മാ​നം ഗു​രു​ത​ര​മാ​യ ക്രി​മി​ന​ൽ കേ​സു​ക​ളി​ൽ​പെ​ട്ട​വ​രാ​ണെ​ന്നും​ ഒ​രു സം​ഘ​ട​ന ക​ണ്ടെ​ത്തി.

ഗു​രു​ത​ര​മാ​യ കേ​സു​ക​ളി​ൽപെ​ട്ട​വ​ർ​ക്ക് പ​ര​മാ​വ​ധി അ​ഞ്ച് വ​ർ​ഷ​മോ അ​തി​നു മു​ക​ളി​ലോ ജ​യി​ൽ​ശി​ക്ഷ​ ല​ഭി​ക്കാ​വു​ന്ന​താ​ണ്. പ​ല​ത​ര​ത്തി​ലു​ള്ള കു​റ്റ​ങ്ങ​ളാ​ണ് അ​വ​രി​ൽ ചു​മ​ത്തി​യി​രി​ക്കു​ന്ന​ത്. ഖ​ജ​നാ​വി​ന് ന​ഷ്ടം വ​രു​ത്തി​യ തെ​ര​ഞ്ഞെ​ടു​പ്പ് കു​റ്റ​കൃ​ത്യ​ങ്ങ​ൾ, ആ​ക്ര​മ​ണം, കൊ​ല​പാ​ത​കം, ത​ട്ടി​ക്കൊ​ണ്ടു​പോ​ക​ൽ, ബ​ലാ​ത്സം​ഗം, ആ​ർ​.പി​.എ (​സെ​ക്ഷ​ൻ 8)​ പ​റ​യു​ന്ന മ​റ്റ് കു​റ്റ​കൃ​ത്യ​ങ്ങ​ൾ എ​ന്നി​വ ജാ​മ്യമി​ല്ലാ​ത്ത വ​കു​പ്പു​ക​ളാ​ണ്. അ​ഞ്ച് സ്ഥാ​നാ​ർ​ഥിക​ളു​ടെ സ​ത്യ​വാ​ങ്മൂ​ലം സ്കാ​ൻ ചെ​യ്യാ​ൻ ല​ഭി​ച്ചി​ട്ടി​ല്ലെ​ന്ന് എ​.ഡി.​ആ​ർ പ​റ​യു​ന്നു.

കോ​ൺ​ഗ്ര​സി​ൽ നോ​മി​നേ​ഷ​ൻ ഫ​യ​ൽ ചെ​യ്ത ഒ​മ്പതു​പേ​രി​ൽ ഏ​ഴുപേ​രും ക്രി​മി​ന​ൽ പ​ശ്ചാ​ത്ത​ലമു​ള്ള​വ​രാ​ണ്. അ​തി​ൽ ര​ണ്ടു​പേ​ർ ഗു​രു​ത​ര​മാ​യ ക്രി​മി​ന​ൽ കേ​സു​ക​ളി​ൽപെ​ട്ട​വ​രും. 22 ഡി.എം.കെ​ സ്ഥാ​നാ​ർ​ഥി​ക​ളി​ൽ 13 പേ​ർ ക്രി​മി​ന​ൽ കേ​സു​ക​ൾ ഉ​ള്ള​വ​രാ​ണ്.​ ആ​റു​പേ​ർ ഗു​രു​ത​ര​മാ​യ ക്രി​മി​ന​ൽ കേ​സു​ക​ളി​ൽപെ​ട്ട​വ​രും. എ.​െഎ.ഡി.എം.കെ​യി​ൽ 12 സ്ഥാ​നാ​ർ​ഥിക​ൾ ക്രി​മി​ന​ൽ കേ​സു​ള്ള​വ​രാ​ണെ​ന്ന് അ​വ​ർ​ത​ന്നെ തെ​ര​ഞ്ഞെ​ടു​പ്പ് ക​മീഷ​ൻ മു​മ്പാ​കെ വെ​ളി​പ്പെ​ടു​ത്തി​യി​ട്ടു​ണ്ട് എ​ൻ​.ടി.​കെ​യു​ടെ 39 സ്ഥാ​നാ​ർ​ഥിക​ളി​ൽ 11 പേ​ർ ക്രി​മി​ന​ൽ കേ​സു​ക​ളി​ൽ ഉ​ൾ​പ്പെ​ട്ട​വ​രാ​ണ്. പി​.എം​.കെ സ്ഥാ​നാ​ർ​ഥി​ക​ളി​ൽ ആ​റുപേ​ർ​ക്കെ​തി​രെ ​ക്രി​മി​ന​ൽ​ കേ​സ് നി​ല​നി​ൽ​ക്കു​ന്നു. ഡി.​എം.​ഡി​.കെ, എ​.എം​.എം.​കെ, സി.പി.എം, വി​.സി​.കെ എ​ന്നീ ക​ക്ഷി​ക​ളു​ടെ സ്ഥാ​നാ​ർ​ഥിക​ളി​ൽ ഓ​രോ​രു​ത്ത​ർ വീ​തം ക്രി​മി​ന​ൽ​ കേസി​ൽ പ്ര​തി​ക​ളാ​ണ്.

വോ​ട്ട​ർ​മാ​ർ, സ്ഥാ​നാ​ർ​ഥിക​ൾ

39 ലോ​ക്സ​ഭാ മ​ണ്ഡ​ല​ങ്ങ​ളി​ലെ മ​ത്സ​ര​ങ്ങ​ൾ​ക്ക് 950 സ്ഥാ​നാ​ർ​ഥി​ക​ളാ​ണ് ഇ​പ്പോ​ൾ പ​ത്രി​ക സ​മ​ർ​പ്പി​ച്ചി​രി​ക്കു​ന്ന​ത്. (പോ​ണ്ടി​ച്ചേ​രി മ​റ്റൊ​രു മ​ണ്ഡ​ല​മാ​ണ്.) 1749 നാ​മ​നി​ർ​ദേ​ശ​ പ​ത്രി​ക​ക​ളി​ൽ 185 എ​ണ്ണ​മാ​ണ് സ്വീ​ക​ര​ണ യോ​ഗ്യ​മാ​യ​ത്. 135 പ​ത്രി​ക​ക​ൾ പി​ൻ​വ​ലി​ച്ചു. ഏ​റ്റ​വും കൂ​ടു​ത​ൽ പ​ത്രി​ക​ക​ൾ ല​ഭി​ച്ച​ത് ക​രൂർ മ​ണ്ഡ​ല​ത്തി​ലാ​ണ് - 56.

സം​സ്ഥാ​ന​ത്ത് 6,23,33,925 വോ​ട്ട​ർ​മാ​രാ​ണു​ള്ള​ത്. അ​തി​ൽ 3,06,05,793 പു​രു​ഷ​ന്മാ​രും, 3,17,19,665 സ്ത്രീ​ക​ളും. ട്രാൻസ്ജെ​ൻ​ഡ​ർ 8467 പേ​ർ. മ​റ്റൊ​രു കൗ​തു​ക​ക​ര​മാ​യ​ വാ​ർ​ത്ത 120 വ​യ​സ്സി​ന് മു​ക​ളി​ലു​ള്ള 58 പേ​ർ വോ​ട്ട് ചെ​യ്യാ​ൻ കാ​ത്തി​രി​ക്കു​ന്നു. അ​വ​രു​ടെ വീ​ട്ടി​ൽ​പോ​യി വോ​ട്ട് രേ​ഖ​പ്പെ​ടു​ത്താ​നു​ള്ള ന​ട​പ​ടി​ക്ര​മ​ങ്ങ​ൾ തെ​ര​ഞ്ഞെ​ടു​പ്പ് ക​മീഷ​ൻ ആ​ലോ​ചി​ക്കു​ന്നു​ണ്ട്.

പണവും സൗജന്യങ്ങളും ഒഴുകുമ്പോൾ

തമിഴ്നാട്ടിലെ തെരഞ്ഞെടുപ്പും രാഷ്ട്രീയക്കാർ വോട്ടർമാർക്ക്​ നൽകുന്ന സൗജന്യങ്ങളും പരസ്പരപൂരകങ്ങളാണ്. പണവും ആനുകൂല്യങ്ങളും സമ്മാനങ്ങളും നൽകിയാൽ മാത്രമേ വോട്ടുകൾ തങ്ങളുടെ പെട്ടിയിൽ വീഴുകയുള്ളൂ എന്ന ചിന്താഗതി ഇവിടെ വർഷങ്ങളായി രൂഢമൂലമാണ്. കരുണാനിധിയും ജയലളിതയും അധികാരക്കസേരയിൽ ഇരിക്കുമ്പോൾതന്നെ സൗജന്യങ്ങൾ വാരിക്കോരിക്കൊടുത്തു ജനങ്ങളെ കൈയിലെടുക്കാൻ മത്സരിച്ചിരുന്നു. ടി.വി, ഫ്രിഡ്ജ്, മിക്സി, ഗ്രൈൻഡർ തുടങ്ങിയ ആകർഷകമായ ഗൃഹോപകരണങ്ങൾ നൽകിയാണ്​ ദ്രാവിഡ കക്ഷികൾ ജനങ്ങളെ വശീകരിച്ചിരുന്നത്. ഇത്തവണത്തെ ലോക്‌സഭാ തെരഞ്ഞെടുപ്പ് പ്രഖ്യാപിച്ചു കഴിഞ്ഞപ്പോൾ പല മണ്ഡലങ്ങളിലും പണവും സമ്മാനങ്ങളും ഒഴുകിയെത്താൻ തുടങ്ങി. കൂടുതൽ പണം വോട്ടർമാരിൽ എത്തിക്കാൻ സ്ഥാനാർഥികൾ പരസ്പരം മത്സരിക്കുകയാണ്.

രണ്ടാഴ്ച മുമ്പാണ്​ സ്വർണവും പണവും ഉൾപ്പെടെ 304 കോടി തെരഞ്ഞെടുപ്പു കമീഷന്റെ സ്ക്വാഡുകൾ പിടിച്ചെടുത്തത്. എന്നാൽ, കണക്കിൽപെടാത്ത കോടികൾ തമിഴകത്ത് ഒഴുകുന്നുണ്ട്. കാരണം, സൗജന്യങ്ങൾ നൽകാതെ ജനങ്ങളെ വശത്താക്കാൻ കഴിയില്ലെന്ന് ഇവിടത്തെ സർവ രാഷ്ട്രീയ പാർട്ടികളും വിശ്വസിക്കുന്നു. 39 മണ്ഡലങ്ങളിലെ (പുതുച്ചേരിയും ചേർത്ത് 40) സ്ഥാനാർഥികളും പണം വാരിക്കോരി ചെലവിടുന്നുണ്ട്. തെരഞ്ഞെടുപ്പ് കമീഷന്റെ കണക്ക് പ്രകാരം 143.06 കോടി രൂപയും 121.65 കോടി രൂപ വിലവരുന്ന സ്വർണവും 5.01 കോടിയുടെ മയക്കുമരുന്നുകളും 93 ലക്ഷത്തിന്റെ മദ്യവും 32.06 ലക്ഷം രൂപയുടെ മറ്റ് സമ്മാനങ്ങളും പിടിച്ചെടുത്തിരുന്നു. ഭരണത്തിലെത്തുന്നവർ അഴിമതിയിലൂടെ പണം വാരിക്കൂട്ടുമ്പോൾ ഔദാര്യമായി കിട്ടുന്ന പണവും സമ്മാനങ്ങളും തങ്ങൾ എന്തിന് ഒഴിവാക്കണമെന്ന മനോഭാവമാണ് തമിഴകത്തെ സാധാരണക്കാർക്കുള്ളത്. ഈ ചിന്താഗതി ഓരോ തെരഞ്ഞെടുപ്പു കഴിയുംതോറും വർധിക്കുകയാണ്.

കഴിഞ്ഞതവണ അരുവാക്കുറിച്ചി, വെല്ലൂർ, ആർ.കെ നഗർ തുടങ്ങിയ മണ്ഡലങ്ങളിൽ പണം വിതരണം ചെയ്തതിന്റെ പേരിൽ തെരഞ്ഞെടുപ്പ് തന്നെ മാറ്റിവെച്ചിരുന്നു. കഴിഞ്ഞവാരം വോട്ടർമാർക്ക് രഹസ്യമായി വിതരണം ചെയ്യാനായി ചെന്നൈയിൽനിന്ന് തിരുനെൽവേലി മണ്ഡലത്തിലേക്കു കൊണ്ടുപോയ നാല് കോടി രൂപ ട്രെയിനിൽനിന്ന് സ്ക്വാഡ് പിടികൂടി. ബി.ജെ.പി സ്ഥാനാർഥി നൈനാർ നാഗേന്ദ്രന്​ വേണ്ടിയാണ് ഈ പണം ഒഴുകിയത്. പണം കൊണ്ടുപോയ മൂന്നുപേർ അറസ്റ്റിലായി. ഇവർക്ക്​ ​ട്രെയിനിൽ യാത്രചെയ്യാൻ എമർജൻസി ​േക്വാട്ടയിൽ ടിക്കറ്റെടുത്തത് സ്ഥാനാർഥിയുടെ ​െലറ്റർഹെഡ് ഉപയോഗിച്ചാണ്. സ്ഥാനാർഥിയുടെ തിരിച്ചറിയൽ കാർഡുകളുടെ പകർപ്പും ഇവരുടെ കൈകളിൽ ഉണ്ടായിരുന്നു. സ്ഥാനാർഥിയുടെ ഹോട്ടലിലെ ജീവനക്കാരായിരുന്നു ഇവർ. എന്നാൽ, പിടിച്ചെടുത്ത നാല് കോടിയുമായോ അവരുമായോ തനിക്ക്​ ഒരു ബന്ധവുമില്ലെന്ന് നൈനാർ നാഗേന്ദ്രൻ പ്രസ്താവനയിറക്കി.

തെരഞ്ഞെടുപ്പ് അടുക്കുമ്പോൾ വീടുകളിൽ നോട്ടുകൾ ​െവച്ച ടിഫിൻ പാത്രങ്ങളും പ്രഷർ കുക്കറുകളും വിതരണംചെയ്യുക സാധാരണമാണ് (കഴിഞ്ഞ തെരഞ്ഞെടുപ്പിൽ ബംഗളൂരുവിൽ മാത്രം നാലു ലക്ഷം പ്രഷർ കുക്കർ വിതരണംചെയ്തു എന്നാണ് മാധ്യമങ്ങൾ റിപ്പോർട്ട് ചെയ്തത്). രഹസ്യമായി വിതരണംചെയ്യുന്ന കൂപ്പണുകൾ ഉപയോഗിച്ച് പലചരക്കു കടകളിൽനിന്ന് സാധനങ്ങൾ വാങ്ങാനുള്ള സൗകര്യവും സ്ഥാനാർഥികൾ ഒരുക്കുന്നു.