പഠനവും പ​രി​സ്ഥി​തി രാ​ഷ്ട്രീ​യ​വും

നിയമജ്ഞനും എഴുത്തുകാരനുമായ അഡ്വ. കാളീശ്വരം രാജി​ന്റെ ആത്മകഥ തുടരുന്നു. വായനയും എഴുത്തും സ്വാധീനിച്ച ചെറുപ്പകാലത്തെക്കുറിച്ചാണ്​ ഈ ലക്കം.

പ്രീ​ഡി​ഗ്രി​ക്ക് പ​ഠി​ക്കു​മ്പോ​ൾ ജോ​ൺ​സി​യു​ടെ ശി​ഷ്യ​ത്വ​ത്തി​ൽ തു​ട​ങ്ങി​യ പ​രി​സ്ഥി​തിപ്ര​വ​ർ​ത്ത​ന​വും അ​നു​ബ​ന്ധ പ്ര​വ​ർ​ത്ത​ന​ങ്ങ​ളു​ം ഇ​ക്കാ​ല​യ​ള​വി​ലൊ​ക്കെ​യും തു​ട​ർ​ന്നു​വ​ന്നു. ലോ​ക വ​ന്യ​ജീ​വി​ നി​ധി​യു​ടെ (വേ​ൾ​ഡ് വൈ​ൽ​ഡ് ലൈ​ഫ് ഫ​ണ്ട്) ആ​ഭി​മു​ഖ്യ​ത്തി​ൽ ന​ട​ത്തി​യ പ്ര​കൃ​തി​സ​ഹ​വാ​സ ക്യാ​മ്പു​ക​ളി​ൽ ചി​ല​വ​യി​ൽ പ​​ങ്കെ​ടു​ത്തു. കേ​ര​ള​ത്തി​നകത്തു​നി​ന്നും പു​റ​ത്തു​നി​ന്നു​മു​ള്ള ഒ​ട്ടേ​റെ സു​ഹൃ​ത്തു​ക്ക​ളെ ല​ഭി​ച്ച​തി​ങ്ങ​നെ​യാ​യി​രു​ന്നു. കോ​ട്ട​ച്ചേ​രി മ​ല മു​ത​ൽ ക​ർ​ണാ​ട​ക​യി​ലെ നാ​ഗ​ർ​ഹോ​ള വ​രെ​യു​ള്ള സ​വി​ശേ​ഷ ആ​വാ​സ​വ്യ​വ​സ്ഥ​ക​ളി​ലാ​യി​രു​ന്നു ഈ ​സ​ഹ​വാ​സ ക്യാ​മ്പു​ക​ൾ. അ​വ​യി​ലേ​ക്കു​ള്ള വ​ഴി​കാ​ട്ടി​യാ​ക​ട്ടെ, ജോ​ൺ​സി​യും. കാ​ട് മ​നു​ഷ്യ​നെ നൈ​സ​ർ​ഗി​ക​വും പ്രാ​ചീ​ന​വു​മാ​യ ഒ​രു ലോ​ക​ത്തെ​ത്തി​ക്കു​ക​യും സ്വ​ന്തം നി​സ്സാ​ര​ത​യും അ​പ്ര​സ​ക്തി​യും എ​ന്തെ​ന്ന് നി​ര​ന്ത​രം ബോ​ധ്യ​പ്പെ​ടു​ത്തി​ക്കൊ​ണ്ടി​രി​ക്കു​ക​യും ചെ​യ്യും.

സ​വി​ശേ​ഷ​മാ​യി​രു​ന്ന ജോ​ൺ​സി​യു​ടെ പ്ര​വ​ർ​ത്ത​ന​ശൈ​ലി ഒ​രാ​ൾ​ക്കും പി​ൻ​പ​റ്റു​ക എ​ളു​പ്പ​മ​ല്ല. ഒ​രു സ്വ​യംസ​മ​ർ​പ്പി​ത വ്യ​ക്തി​ത്വ​ത്തി​ന്റെ പ്ര​തി​ബ​ദ്ധ​ത​യു​ടെ നി​ര​ന്ത​ര​ത​യാ​ണ് ജോ​ൺ​സി​യു​ടെ ജീ​വി​തം. ആ​വു​ന്ന​തും ത​പാ​ൽ​ കാ​ർ​ഡു​ക​ളി​ൽ മാ​ത്രം ക​ത്തെ​ഴു​തു​ന്ന ശീ​ല​മാ​യി​രു​ന്നു അ​ദ്ദേ​ഹ​ത്തി​ന്റേ​ത്. വെ​റു​മൊ​രു ഒ​റ്റ​മു​ണ്ടും ഷ​ർ​ട്ടും ധ​രി​ച്ചെ​ത്തു​ന്ന അ​ദ്ദേ​ഹം ല​ളി​ത​ജീ​വിത​മെ​ന്തെ​ന്ന് ജീ​വി​ത​ത്തി​ലൂ​ടെ വി​ശ​ദീ​ക​രി​ച്ചു –ഉ​യ​ർ​ന്ന ചി​ന്ത​യെ​ന്തെ​ന്ന് ചി​ന്ത​യി​ലൂ​ടെ കാ​ണി​ച്ചു​ത​ന്നു.

ആ​യി​ട​ക്ക് സീ​ക്കി​ന്റെ ആ​ഭി​മു​ഖ്യ​ത്തി​ൽ ഒ​രു ക​വി​സ​മ്മേ​ള​നം ന​ട​ത്തി പ​യ്യ​ന്നൂ​രി​ൽ. അ​യ്യ​പ്പപ്പണി​ക്ക​രെ സ്വീ​ക​രി​ച്ച് വേ​ദി​യി​ലെ​ത്തി​ക്കാ​നു​ള്ള ചു​മ​ത​ല ജോ​ൺ​സി എ​ന്നെ​യാ​ണ് ഏ​ൽ​പി​ച്ച​ത്. പ​ത്ര​ങ്ങ​ളി​ൽ ക​ണ്ട ഫോ​ട്ടോ​ക​ളി​ൽ​നി​ന്നും അ​യ്യ​പ്പ​പ്പണി​ക്ക​രു​ടെ വ​ലി​യ താ​ടി​യാ​ണ് ഞാ​ൻ ‘തി​രി​ച്ച​റി​യ​ൽ സൂ​ചി​ക’​യാ​യി സ്വീ​ക​രി​ച്ച​ത്. ഈ ​ചി​ത്ര​വും മ​ന​സ്സി​ലി​ട്ട് പ​യ്യ​ന്നൂ​ർ റെ​യി​ൽ​വേ സ്റ്റേ​ഷ​നി​ൽ പ​ര​തി​ന​ട​ന്ന് ഒ​ടു​വി​ൽ ‘താ​ടി​ക്കാ​ര​നെ’ ക​ണ്ടെ​ത്തി അ​യ്യ​പ്പപ്പ​ണി​ക്ക​ര​ല്ലേ എ​ന്ന്​ ചോ​ദി​ച്ചു. അ​ദ്ദേ​ഹം അ​ല്ലെ​ന്ന് പ​റ​ഞ്ഞു; മ​റ്റെ​ന്തോ പേ​രും പ​റ​ഞ്ഞു. അ​പ്പോ​ഴേ​ക്കും യ​ഥാ​ർ​ഥ അ​യ്യ​പ്പപ്പ​ണി​ക്ക​ർ വേ​ദി​യി​ൽ ഒ​റ്റ​ക്ക് എ​ത്തി​ക്ക​ഴി​ഞ്ഞി​രു​ന്നു!

അൽപമാത്രമായ ധാരണയേ ഇം​ഗ്ലീ​ഷ് പ​ത്ര​പ്ര​വ​ർ​ത്ത​ന​ത്തെ​ക്കു​റി​ച്ചും സാ​ഹി​ത്യ​ത്തെ​ക്കു​റി​ച്ചും അ​ക്കാ​ല​ത്തു​ണ്ടാ​യി​രു​ന്നു​ള്ളൂ. ഭാ​ഷ​യോ​ടു​ള്ള സ്വാ​ഭാ​വി​ക​മാ​യ അ​ഭി​നി​വേ​ശം കാ​ര​ണം വാ​യി​ക്കാ​നാ​യി ശ്ര​മ​ങ്ങ​ൾ ഏ​റെ ന​ട​ത്തി​യെ​ങ്കി​ലും ഇം​ഗ്ലീ​ഷ് ഭാഷയിൽ ആ​ഴ​ത്തി​ലു​ള്ള വാ​യ​ന സാ​ധ്യ​മാ​ക്കു​ന്ന​താ​യി​രു​ന്നി​ല്ല സാ​ഹ​ച​ര്യ​ങ്ങ​ൾ. വീ​ട്ടി​ലോ നാ​ട്ടി​ലോ ഇം​ഗ്ലീ​ഷ് വാ​യ​ന​ക്കാ​ർ തു​​ലോം കു​റ​വാ​യി​രു​ന്നു. ഇം​ഗ്ലീ​ഷ് മീ​ഡി​യ​ത്തി​ൽ പ​ഠി​ച്ച വി​ദ്യാ​ർ​ഥി​ക​ളു​ടേ​തു​പോ​ലു​ള്ള പ​ദ​സ​മ്പ​ത്തോ ഉ​ച്ചാ​ര​ണ​ശു​ദ്ധി​യോ മ​ല​യാ​ളം മാ​ധ്യ​മ​മാ​യി പ​ഠി​ച്ച എ​ന്നെ​പ്പോ​ലു​ള്ള വി​ദ്യാ​ർ​ഥി​ക​ൾ​ക്കു​ണ്ടാ​യി​രു​ന്നി​ല്ല. എ​ന്നാ​ൽ, സ​ഹ​പാ​ഠി​ക​ളെ അ​പേ​ക്ഷി​ച്ച് കൂ​ടു​ത​ൽ വേ​ഗ​ത്തി​ലും അ​നാ​യാ​സ​മാ​യും ഇം​ഗ്ലീ​ഷ് കൈ​കാ​ര്യംചെ​യ്യാ​ൻ ക​ഴി​യു​മാ​യി​രു​ന്നു. ഈ ​അ​വ​സ്ഥ​യി​ൽ​നി​ന്നും പ​തു​ക്കെ പ​തു​ക്കെ ഇം​ഗ്ലീ​ഷ് പ​ത്ര​ങ്ങ​ളി​ലും ജേ​ണ​ലു​ക​ളി​ലും ഏ​റ​ക്കു​റെ സ്ഥി​ര​മാ​യി എ​ഴു​തു​ന്ന നി​ല​യി​ൽ എ​ത്തി​യ​ത്, പി​ൽ​ക്കാ​ല​ത്തെ നി​ര​ന്ത​ര വാ​യ​ന​യു​ടെ​യും ബൗ​ദ്ധി​ക​ പ​രി​ശ്ര​മ​ങ്ങ​ളു​ടെ​യും ബ​ല​ത്തി​ൽ​ മാ​ത്ര​മാ​ണ്.

സാ​മാ​ന്യം മി​ക​ച്ച പൊ​തു​പ്ര​വ​ർ​ത്ത​നം കൗ​മാ​ര​ത്തെ​യും യു​വ​ത്വ​ത്തെ​യും ആ​വേ​ശ​ഭ​രി​തമാ​ക്കാ​ൻ പോ​ന്ന​താ​യി​രു​ന്നു. അ​ടി​യ​ന്ത​രാ​വ​സ്ഥ​യു​ടെ കാ​ല​ഘ​ട്ടം (1975-77) എ​ന്നെ സം​ബ​ന്ധി​ച്ചി​ട​ത്തോ​ളം അ​വ്യ​ക്ത​വും എ​ന്നാ​ൽ, വി​ചി​ത്ര​വു​മാ​യ ഒ​രു അ​നു​ഭ​വ​മാ​യി​രു​ന്നു. സ്കൂ​ൾ പ​ഠ​ന​കാ​ല​യ​ള​വി​ൽ ഉ​ണ്ടാ​യ വ്യ​ത്യ​സ്ത​മാ​യൊ​രു അ​നു​ഭ​വ​മാ​ണ് അ​ടി​യ​ന്ത​രാ​വ​സ്ഥ. അ​ധി​കാ​ര​ത്തി​ന്റെ അ​ഹ​ന്ത ഡൽഹിയി​ൽ​നി​ന്നും താ​ഴേ​ക്കി​റ​ങ്ങി ഗ്രാ​മ​ഗ്രാ​മാ​ന്ത​ര​ങ്ങ​ളി​ൽ​പോ​ലും പ​ത്തി​വി​ട​ർ​ത്തി​യാ​ടു​ന്ന​തി​ന്റെ ശ്ല​ഥ​ബിം​ബ​ങ്ങ​ളാ​യി​രു​ന്നു ആ ​കാ​ലം ന​ൽ​കി​യ​ത്.

അ​ടി​യ​ന്ത​രാ​വ​സ്ഥ​യു​ടെ രാ​ഷ്ട്രീ​യം സ​മ​ഗ്ര​മാ​യ​റി​യാ​നു​ള്ള പ​ക്വ​ത​യൊ​ന്നു​മി​ല്ലാ​യി​രു​ന്ന​പ്പോ​ഴും പ​ത്ര​ങ്ങ​ളി​ലെ ഒ​ഴി​ഞ്ഞ മു​ഖ​പ്ര​സം​ഗ​ങ്ങ​ളും പു​റ​ത്തി​റ​ങ്ങാ​ൻ ഭ​യ​ന്ന ഗ്രാ​മ​ത്തി​ലെ മ​നു​ഷ്യ​രും പൊ​ലീ​സ് അ​തി​ക്ര​മ​ങ്ങ​ളെ​ക്കു​റി​ച്ചു​ള്ള കേ​ട്ടു​കേ​ൾ​വി​ക​ളു​മെ​ല്ലാം ചേ​ർ​ന്ന് അ​ന്യ​ഥാ ത​ന്നെ നി​ശ്ശ​ബ്ദ​മാ​യി നി​ൽ​ക്കു​ന്ന ഗ്രാ​മ​ത്തെ കൂ​ടു​ത​ൽ മൂ​ക​വും ച​കി​ത​വു​മാ​ക്കി. അ​ടി​യ​ന്ത​രാ​വ​സ്ഥ​ക്കാ​ല​ത്ത് സു​​പ്രീം​കോ​ട​തി​യി​ലെ ലൈ​ബ്ര​റി​യി​ൽ എ​ത്തി​ച്ചേ​രു​ന്ന സീ​നി​യ​ർ അ​ഭി​ഭാ​ഷ​ക​ർ​പോ​ലും പ​ര​സ്പ​രം ഉ​ള്ളു​തു​റ​ന്ന് സം​സാ​രി​ക്കാ​ൻ ഭ​യ​പ്പെ​ട്ട കാ​ര്യം സീ​നി​യ​ർ അ​ഭി​ഭാ​ഷ​ക​നാ​യ എ​ഫ്.​എ​സ്. ന​രി​മാ​ൻ പ​റ​യു​ന്ന​ത് പി​ന്നീ​ട് കേ​ൾ​ക്കാ​നി​ട​വ​ന്നി​ട്ടു​ണ്ട്. ഒ​ന്നോ​ർ​ത്താ​ൽ ന്യൂ​ഡ​ൽ​ഹി​യി​ലെ പ​ര​മോ​ന്ന​ത കോ​ട​തി മു​ത​ൽ പ​യ്യ​ന്നൂ​രി​ന​ട​ുത്തു​ള്ള ഗ്രാ​മ​പ്ര​ദേ​ശം വ​രെ ത​ണു​ത്തു​റ​ഞ്ഞു​പോ​യ​ത് ഒ​രേ​യൊ​രു കാ​ര​ണംകൊ​ണ്ടാ​കാം –ഭീ​തി. ഇ​പ്പോ​ൾ മ​റ്റൊ​രു രീ​തി​യി​ൽ ച​രി​ത്രം ആ​വ​ർ​ത്തി​ക്ക​പ്പെ​ടു​ന്നു​വെ​ന്നു​മാ​ത്രം. അ​തി​രി​ക്ക​ട്ടെ.

അ​ടി​യ​ന്ത​രാ​വ​സ്ഥ പി​ൻ​വ​ലി​ച്ച​തി​നുശേ​ഷം എ​ൺ​പ​തു​ക​ളി​ലു​ണ്ടാ​യ രാ​ഷ്ട്രീ​യ സ്വാ​ത​ന്ത്ര്യ​ത്തി​ന്റെ പ്ര​തി​ധ്വ​നി​ക​ൾ കേ​ര​ള​ത്തി​ന്റെ ന​വ​സാ​മൂ​ഹി​ക പ്ര​സ്ഥാ​ന​ങ്ങ​ളു​ടെ സ​ജീ​വ​ത​ക്ക് നി​ദാ​ന​മാ​യി. അ​ടി​യ​ന്ത​രാ​വ​സ്ഥ​യി​ൽ ത​ന്നെ​യു​ണ്ടാ​യ ദു​ര​നു​ഭ​വ​ങ്ങ​ൾ അ​വ​ക്ക് ഊ​ർ​ജംപ​ക​ർ​ന്നു​ കാ​ണ​ണം. പ​ഴ​യ തീ​വ്ര ഇ​ട​തു​പ​ക്ഷ​ക്കാ​രും പ​രി​സ്ഥി​തി ശാ​സ്ത്ര​ജ്ഞ​രും പ്ര​കൃ​തി​സ്നേ​ഹി​ക​ളും പൗ​രാ​വ​കാ​ശ പ്ര​വ​ർ​ത്ത​ക​രും ജ​ന​കീ​യാ​രോ​ഗ്യ​ പ്ര​വ​ർ​ത്ത​ക​രും പ്ര​കൃ​തി​കൃ​ഷി​ക്കാ​രും മ​റ്റും ചേ​ർ​ന്ന് പു​തി​യൊ​രു​ത​രം ‘പ്ര​തി​പ​ക്ഷ’​ത്തെ കേ​ര​ള​ത്തി​ൽ രൂ​പ​പ്പെ​ടു​ത്തി​യ​ത് ഇ​ക്കാ​ല​ത്താ​ണ്.

ജ​ർ​മ​നിയ​ട​ക്ക​മു​ള്ള ചി​ല യൂ​റോ​പ്യ​ൻ രാ​ജ്യ​ങ്ങ​ളി​ൽ അ​പ്പോ​ഴേ​ക്കും സ​ജീ​വ​മാ​യി​ത്തു​ട​ങ്ങി​യ ഗ്രീ​ൻ പ്ര​സ്ഥാ​ന​ങ്ങ​ളു​മാ​യി സ​മാ​ന​ത​ക​ളു​ള്ള ഒ​രു മു​ന്നേ​റ്റം കേ​ര​ളീ​യ യു​വാ​ക്ക​ളി​ൽ ചെ​റി​യൊ​രു വി​ഭാ​ഗ​മെ​ങ്കി​ലും സ്വ​പ്നം ക​ണ്ടു​തു​ട​ങ്ങി​യ​ കാ​ല​മാ​യി​രു​ന്നു അ​ത്. പെ​ട്രാ​ കെ​ല്ലെ എ​ന്ന ജ​ർ​മ​ൻ ഗ്രീ​ൻ​സ് വ​നി​താ നേ​താ​വ് മു​ത​ൽ ചെ​റു​താ​ണ് സു​ന്ദ​രം എ​ന്നു​പ​റ​ഞ്ഞ ഷൂ​മാ​ക്ക​റും വൈ​ദ്യ​ശാ​സ്ത്ര​ത്തി​ന്റെ ഭ​യാ​ന​ക​മാ​യ പ​രി​മി​തി​ക​ൾ തു​റ​ന്നു​കാ​ട്ടി​യ ഐ​വാ​ൻ ഇ​ല്ലി​ച്ചും മ​റ്റ​നേ​ക​രും ചേ​ർ​ന്ന് കേ​ര​ളീ​യ​ന്റെ ചി​ന്ത​ക​ളി​ൽ ഒ​രു പു​തി​യ രാ​ഷ്ട്രീ​യബോ​ധ​ത്തി​ന്റെ അ​ല​യൊ​ലി സൃ​ഷ്ടി​ച്ചു. അ​ക്കാ​ല​ത്ത് നെ​യ്യാ​ർ​ ഡാ​മി​ൽ​വെ​ച്ച് ന​ട​ന്ന ഒ​രു സ​ഹ​വാ​സ ക്യാ​മ്പി​ൽ പ​രി​സ്ഥി​തി രാ​ഷ്ട്രീ​യ​ത്തെ​ക്കു​റി​ച്ച് ഒ​രു പ്ര​ഭാ​ഷ​ണം ന​ട​ത്തിയ​തോ​ർ​ക്കു​ന്നു.

ഒ​ന്നും എ​ഴു​തി വാ​യി​ക്കേ​ണ്ടി​വ​ന്നി​രു​ന്നി​ല്ല –വി​ഷ​യം അ​ത്ര​മേ​ൽ ചി​ന്ത​ക​ളി​ൽ നി​റ​ഞ്ഞു​നി​ന്ന​തി​നാ​ൽ. ആ​വേ​ശ​ത്തോ​ടെ പ്ര​സം​ഗം തു​ട​ങ്ങി​യ​തും അ​വ​സാ​നി​പ്പി​ച്ച​തും ഇ​ങ്ങ​നെ: ‘‘പ​ര​മ്പ​രാ​ഗ​ത രാ​ഷ്ട്രീ​യം അ​വ​സാ​നി​ക്കു​ന്നി​ട​ത്ത് പ​രി​സ്ഥി​തി രാ​ഷ്ട്രീ​യം ആ​രം​ഭി​ക്കു​ന്നു. പ​ര​മ്പ​രാ​ഗ​ത ഇ​ക്കോ​ള​ജി അ​വ​സാ​നി​ക്കു​ന്നി​ട​ത്ത് രാ​ഷ്ട്രീ​യ ഇ​ക്കോ​ള​ജി ആ​രം​ഭി​ക്കു​ന്നു.’’

ലോ​കം മാ​റാ​ൻ പോ​കു​ന്നു​വെ​ന്നും അ​തി​ന് ന​മ്മ​ൾ കു​റ​ച്ചു​പേ​ർ മു​ൻ​കൈ​യെ​ടു​ക്കാ​ൻ പോ​കു​ന്നു​വെ​ന്നു​മു​ള്ള ആ​ത്മ​വി​ശ്വാ​സം എ​ൺ​പ​തു​ക​ളി​ലെ ന​വ​സാ​മൂ​ഹി​ക പ്ര​വ​ർ​ത്ത​ക​രെ ആ​വേ​ശ​ഭ​രി​ത​രാ​ക്കി. അ​ന്ന് നേ​ടി​യ ഉ​ൾ​​ക്കാ​ഴ്ച​യി​ലും അ​വ​ബോ​ധ​ത്തി​ലും ക​വി​ഞ്ഞ എ​ന്തെ​ങ്കി​ലും പരിസ്ഥിതിസംരക്ഷണ കാര്യത്തിൽ പിൽക്കാലത്ത് കേ​ര​ളീ​യസ​മൂ​ഹം നേ​ടി​യി​ട്ടു​ണ്ടോ എ​ന്ന​റി​ഞ്ഞു​ക​ൂടാ. കു​റ​ഞ്ഞു​വ​രു​ന്ന പ്ര​കൃതി​വി​ഭ​വ​ങ്ങ​ളും അ​ന​ന്ത​മാ​യ വ​ള​ർ​ച്ച​യി​ൽ അ​ന്ധ​മാ​യി വി​ശ്വ​സി​ക്കു​ന്ന മു​തലാ​ളി​ത്ത​വും മ​ലി​നീ​ക​ര​ണം മു​ത​ൽ വി​ഭ​വ​ശോ​ഷ​ണം വ​രെ സൃ​ഷ്ടി​ക്കു​ന്ന പു​തി​യ അ​സ​മ​ത്വ​ങ്ങ​ളും നാ​ട്ടി​ൽ ച​ർ​ച്ച​യാ​ക്കാ​ൻ ന​വ സാ​മൂ​ഹി​ക മു​ന്നേ​റ്റങ്ങ​ൾ​ക്ക് ക​ഴി​ഞ്ഞു. സി​വി​ക് ച​ന്ദ്ര​ൻ, കെ. ​രാ​മ​ച​ന്ദ്ര​ൻ, പി.​എം. ബാ​ല​കൃ​ഷ്ണ​ൻ, എ​ൻ. സു​ബ്ര​ഹ്മ​ണ്യ​ൻ, ടോ​മി മാ​ത്യു, ടി.​എ​സ്. ര​വീ​ന്ദ്ര​ൻ എ​ന്നി​ങ്ങ​നെ നി​ര​വ​ധിപേ​ർ പ​ല ത​ര​ത്തി​ലും ത​ല​ത്തി​ലും പു​തി​യ​ത​രം ആ​ക്ടി​വി​സ​ത്തി​ന് ചു​ക്കാ​ൻ പി​ടി​ച്ചു.

ഡോ. ​സ​തീ​ഷ് ച​​ന്ദ്ര​ൻ, ഡോ. ​എ​സ്. ശാ​ന്തി, ​ഡോ. ​എ​സ്. ശ​ങ്ക​ർ തു​ട​ങ്ങി​യ ശാ​സ്ത്ര​ജ്ഞ​ർ പ്ര​കൃ​തിസം​ര​ക്ഷ​ണ​ത്തെ സം​ബ​ന്ധി​ച്ച ആ​ഴ​ത്തി​ലു​ള്ള അ​റി​വു​ക​ൾ പ്ര​വ​ർ​ത്ത​ക​ർ​ക്കും സാ​മാ​ന്യ ജ​ന​ങ്ങ​ൾ​ക്കും പ​ക​ർ​ന്നുന​ൽ​കി. ഡോ. ​അ​യ്യ​പ്പ​പ്പ​ണി​ക്ക​രും ക​ട​മ്മ​നി​ട്ട​യും മു​ത​ൽ സു​ഗ​ത​കു​മാ​രി​യും വി​ഷ്ണു നാ​രാ​യ​ണ​ൻ ന​മ്പൂ​തി​രി​യും കെ.​വി. രാ​മ​കൃ​ഷ്ണ​നും​വ​രെ​യു​ള്ള നി​ര​വ​ധി ക​വി​ക​ൾ മ​ല​യാ​ളി​യു​ടെ കാ​വ്യപാ​ര​മ്പ​ര്യ​ത്തി​ന് പു​തി​യ പ​രി​സ്ഥി​തിവാ​ദ​ത്തി​ന്റെ ആ​നു​കാ​ലി​കഭാ​വം ന​ൽ​കി. ഇ​ട​ശ്ശേ​രി​യെ​യും വൈ​ലോ​പ്പി​ള്ളി​യെ​യും അ​ങ്ങ​നെ മ​ല​യാ​ളി അ​ർ​ഥ​വ​ത്താ​യി ‘അ​പ്ഡേ​റ്റ്’ ചെ​യ്തു.

‘‘ആ​ഗോ​ളത​ല​ത്തി​ൽ ചി​ന്തി​ക്കാ​നും പ്രാ​ദേ​ശി​ക​മാ​യി പ്ര​വ​ർ​ത്തി​ക്കാ​നും’’ ത​യാ​റാ​യി വ​ന്ന നൂ​റു​ക​ണ​ക്കി​ന് ചെ​റി​യ ഗ്രൂ​പ്പു​ക​ൾ​ക്ക് പ്ര​തീ​ക്ഷ പ​ക​ർ​ന്ന​ത് ഒ​രു അ​ഭി​ജ്ഞ നേ​തൃ​ത്വ​ത്തി​ന്റെ ശി​ഥി​ല​വും എ​ന്നാ​ൽ യഥാ​ർ​ഥ​വു​മാ​യ പി​ന്തു​ണ​യാ​യി​രു​ന്നു. സൈ​ല​ന്റ് വാ​ലി​സംര​ക്ഷി​ക്കാ​ൻ കേ​ര​ള​ത്തി​ലെ ശാ​സ്ത്ര​ജ്ഞ​രും ക​വി​ക​ളും സാ​ധാ​ര​ണ പ​രി​സ്ഥി​തിപ്ര​വ​ർ​ത്ത​ക​രും ചേ​ർ​ന്ന് മു​ന്നോ​ട്ടി​റ​ങ്ങി​യ​പ്പോ​ൾ അ​തൊ​രു കേ​ര​ളീ​യ വി​ജ​യ​ഗാ​ഥ​യു​ടെ തു​ട​ക്കംകൂ​ടി​യാ​യി​രു​ന്നു. എം.​കെ. പ്ര​സാ​ദി​നെ​പ്പോ​ലു​ള്ള​വ​രു​ടെ ക​റ​ക​ള​ഞ്ഞ പ്ര​തി​ബ​ദ്ധ​ത സ​മാ​ന​ത​ക​ൾ ഏ​റെ​യി​ല്ലാ​ത്ത​താ​ണ്.

പ്രീ​ഡി​ഗ്രി​ക്കാ​ല​വും ടെ​ല​ിഫോ​ൺ എ​ക്സ്ചേ​ഞ്ചി​ലെ ദി​വ​സ വേ​ത​ന​ക്കാ​ല​വും പ​രി​സ്ഥി​തി പൗ​രാ​വ​കാ​ശ പ്ര​വ​ർ​ത്ത​ന​ങ്ങ​ൾ​ക്കും കു​റേ​യൊ​​ക്കെ എ​ഴു​തുന്നതിനും പശ്ചാത്തലമായി. ‘വീക്ഷണ’ത്തിനു പുറമെ ‘കേരള കൗമുദി’യിലും ‘വിജ്ഞാന കൈരളി’യിലും കുറെയൊക്കെ എഴുതി. ഏ​റെ​ക്കാ​ല​മാ​യി ആ​ഗ്ര​ഹി​ച്ച ഫി​ലോ​സ​ഫി ബി​രു​ദം ല​ഭി​ച്ച​തോ​ടെ ജീ​വി​ത​ത്തെ ഇ​നി മ​റ്റൊ​രുരീ​തി​യി​ൽ മു​ന്നോ​ട്ടുകൊ​ണ്ടു​പോ​കു​ന്ന​ത​ല്ലേ ഉ​ചി​തം എ​ന്ന ചി​ന്ത സ​ജീ​വ​മാ​യി. എ​ഴു​ത്തും പൊ​തു​പ്ര​വ​ർ​ത്ത​ന​വും തു​ട​രാ​ൻ ക​ഴി​യു​ന്നവി​ധ​ത്തി​ൽ എ​ന്തുചെ​യ്യാ​ൻ ക​ഴി​യും എ​ന്ന ചി​ന്ത മ​ന​സ്സി​ൽ നി​റ​ഞ്ഞു.

അ​ക്കാ​ല​ത്തും ചെ​റി​യ രീ​തി​യി​ൽ ‘പ​ത്ര​പ്ര​വ​ർ​ത്ത​നം’ ന​ട​ത്തു​ന്നു​ണ്ടാ​യി​രു​ന്നു. മുമ്പ്​ സൂചിപ്പിച്ച ‘പ​രി​സ​ര​വേ​ദി ബു​ള്ള​റ്റി​ൻ’ എ​ന്ന പ്ര​സി​ദ്ധീ​ക​ര​ണ​ത്തി​ന്റെ ഉ​ട​മ​യും എ​ഡി​റ്റ​റും വി​ൽ​പ​ന​ക്കാ​ര​നു​മാ​യി. ആ ​പ്ര​സി​ദ്ധീ​ക​ര​ണ​വും തു​ട​രേ​ണ്ടി​യി​രു​ന്നു.

(തുടരും)