വാഷിങ്ടൺ: ഏറ്റവും കൂുടതൽ കോവിഡ് ബാധിതരും മരണങ്ങളും റിപ്പോർട്ട് ചെയ്ത അമേരിക്കയിൽ രോഗികളുടെ എണ്ണം 10 ലക് ഷം കടന്നു. 1,035,765 പേർക്കാണ് ഇതുവരെ കോവിഡ് സ്ഥിരീകരിച്ചത്. വൈറസ് ബാധ മൂലം യു.എസിൽ 59,266 പേർ മരിച്ചു. കഴിഞ്ഞ 24 മണിക് കൂറിനുള്ളിൽ 2,470 പേർക്കാണ് ജീവൻ നഷ്ടമായത്.
ലോകത്താകെ കോവിഡ് ബാധിതരിൽ മൂന്നിലൊന്ന് രോഗികളും അമേരിക്കയിലാണ്. ഇതിൽ 142,238 പേരാണ് രോഗമുക്തി നേടിയത്. ന്യൂയോർക്കിൽ 301,450 കോവിഡ് ബാധിതാണുള്ളത്. 23,144 പേർ മരണപ്പെട്ടു.
ലോകത്താകെ 3,138,115 കോവിഡ് ബാധിതരാണുള്ളത്. 217,970 ആളുകൾ മരിക്കുകയും 955,770 പേർ രോഗമുക്തി നേടുകയും ചെയ്തു.
രോഗബാധിതരുടെ എണ്ണത്തിൽ രണ്ടാമതുള്ള സ്പെയ്നിൽ 232,128 രോഗികളാണുള്ളത്. 23,822 പേർ മരിച്ചു. രണ്ട് ലക്ഷത്തിലേറെ പേർക്ക് കോവിഡ് സ്ഥിരീകരിച്ച ഇറ്റലിയിൽ മരണസംഖ്യ 27,359 ആയി.
ഫ്രാൻസിലെ മരണസംഖ്യ 23,660 ആയി. ബ്രിട്ടനിൽ 161,145 രോഗികളും 21,678 മരണങ്ങളുമാണ് റിപ്പോർട്ട് ചെയ്തത്. ജർമനിയിൽ ഒന്നരലക്ഷത്തിലേറെ പേർക്ക് വൈറസ് ബാധിച്ചു. എന്നാൽ മരണസംഖ്യ ഉയർന്നിട്ടല്ല. 6,314 പേർ ആണ് ഇവിടെ മരിച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.