ബെയ്ജിങ്: ലഹരിമരുന്നു കടത്താന്‍ ശ്രമിച്ച അഞ്ച് ഇന്ത്യക്കാര്‍ ചൈനയില്‍ പിടിയില്‍. തെക്ക് പടിഞ്ഞാറന്‍ നഗരമായ കുമിങ് സിറ്റിയിലാണ് രണ്ട് വ്യത്യസ്ത സംഭവങ്ങളിലായി 27 കിലോ ഹാഷിഷുമായി ഇന്ത്യന്‍ പൗരന്‍മാര്‍ അറസ്റ്റിലായത്. പിടിയിലായവരില്‍ ഒരാള്‍ കൊല്‍ക്കത്തയിലെ ശ്യാമപ്രസാദ് കോളജിലെ വിദ്യാര്‍ഥിയാണ്.
കുമിങ് എയര്‍പോര്‍ട്ടില്‍ നടത്തിയ പരിശോധനയിലാണ് ലഹരിവസ്തു പിടികൂടിയത്. സ്നാകസ് പാക്കറ്റുകളുടെ ഉള്ളിലും ലാപ് ടോപ് ബാഗിലെ ഫോമുകള്‍ക്കുള്ളിലായും ഒളിപ്പിച്ച നിലയിലായിരുന്നു. എന്നാല്‍ ഹാഷിഷ് കടത്തിയത് ഇവര്‍ നിഷേധിച്ചു.
ചൈനയില്‍ ലഹരികടത്ത് തെളിയിക്കപ്പെട്ടാല്‍ വധശിക്ഷവരെ ലഭിക്കാവുന്ന കുറ്റകൃത്യമാണ്.
ആഗസ്റ്റ് 26 ന് കൊല്‍കത്ത സ്വദേശികളായ രണ്ടുപേരെ 9 കിലോഗ്രാം ലഹരിമരുന്നുമായി ചൈനീസ് കസ്റ്റംസ് ഉദ്യോഗസ്ഥര്‍ പിടികൂടിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.