ബംഗ്ലാദേശിൽ പ്ര​ക്ഷോ​ഭ​ത്തി​നി​ടെ അടച്ച വിദ്യാഭ്യാസ സ്ഥാപനങ്ങൾ തുറന്നു

ധാ​ക്ക: ബം​ഗ്ലാ​ദേ​ശി​ൽ വി​ദ്യാ​ർ​ഥി പ്ര​ക്ഷോ​ഭ​ത്തി​നി​ടെ അ​ട​ച്ച വി​ദ്യാ​ഭ്യാ​സ സ്ഥാ​പ​ന​ങ്ങ​ൾ വീ​ണ്ടും തു​റ​ന്നു. ക്ലാ​സു​ക​ൾ പു​ന​രാ​രം​ഭി​ക്കാ​ൻ വ്യാ​ഴാ​ഴ്ച​യാ​ണ് വി​ദ്യാ​ഭ്യാ​സ മ​ന്ത്രാ​ല​യം നി​ർ​ദേ​ശം ന​ൽ​കി​യ​ത്. തു​ട​ർ​ന്ന് എ​ല്ലാ വി​ദ്യാ​ഭ്യാ​സ സ്ഥാ​പ​ന​ങ്ങ​ളും ഞാ​യ​റാ​ഴ്ച തു​റ​ന്നു. മു​ഖ്യ ഉ​പ​ദേ​ഷ്ടാ​വാ​യ മൂ​ഹ​മ്മ​ദ് യൂ​നു​സി​ന്റെ നി​ർ​ദേ​ശ പ്ര​കാ​രം ഡെ​പ്യൂ​ട്ടി സെ​ക്ര​ട്ട​റി മൊ​സ​മ്മ​ത് റ​ഹീ​മ അ​ഖ്ത​റാ​ണ് ഇ​തു സം​ബ​ന്ധി​ച്ച വി​ജ്ഞാ​പ​നം പു​റ​ത്തി​റ​ക്കി​യ​ത്.

ഞാ​യ​റാ​ഴ്ച രാ​വി​ലെ യൂ​നി​ഫോം ധ​രി​ച്ച വി​ദ്യാ​ർ​ഥി​ക​ൾ ര​ക്ഷി​താ​ക്ക​ളോ​ടൊ​പ്പം സ്കൂ​ളി​ലേ​ക്ക് പോ​കു​ന്ന​ത് ക​ണ്ട​താ​യി ഡെ​യ്‍ലി സ്റ്റാ​ർ പ​ത്രം റി​പ്പോ​ർ​ട്ട് ചെ​യ്തു. വി​ദ്യാ​ഭ്യാ​സ സ്ഥാ​പ​ന​ങ്ങ​ൾ പ്ര​വ​ർ​ത്ത​നം പു​ന​രാ​രം​ഭി​ച്ച​തോ​ടെ ധാ​ക്ക ന​ഗ​ര​ത്തി​ൽ ക​ന​ത്ത ഗ​താ​ഗ​ത തി​ര​ക്ക് അ​നു​ഭ​വ​പ്പെ​ട്ടു. മാ​റ്റി​വെ​ച്ച ഹ​യ​ർ സെ​ക്ക​ൻ​ഡ​റി പ​രീ​ക്ഷ​ക​ൾ സെ​പ്റ്റം​ബ​ർ 11 മു​ത​ൽ പു​ന​രാ​രം​ഭി​ക്കും.

ഒ​രു മാ​സ​ത്തി​ലേ​റെ​യാ​ണ് സ്കൂ​ളു​ക​ളും കോ​ള​ജു​ക​ളും സ​ർ​വ​ക​ലാ​ശാ​ല​ക​ളും അ​ട​ക്കം അ​ട​ഞ്ഞു​കി​ട​ന്ന​ത്. സ​ർ​ക്കാ​ർ ജോ​ലി​യി​ൽ സം​വ​ര​ണം ന​ട​പ്പാ​ക്കാ​നു​ള്ള ശൈ​ഖ് ഹ​സീ​ന സ​ർ​ക്കാ​റി​ന്റെ ഉ​ത്ത​ര​വി​നു​പി​ന്നാ​ലെ പ്ര​ക്ഷോ​ഭ​ത്തെ തു​ട​ർ​ന്ന് ജൂ​ലൈ 17നാ​ണ് വി​ദ്യാ​ഭ്യാ​സ സ്ഥാ​പ​ന​ങ്ങ​ൾ അ​നി​ശ്ചി​ത​കാ​ല​ത്തേ​ക്ക് അ​ട​ച്ച​ത്. ശൈ​ഖ് ഹ​സീ​ന സ​ർ​ക്കാ​റി​ന്റെ പ​ത​ന​ത്തി​നു​ശേ​ഷം ആ​ഗ​സ്റ്റ് ഏ​ഴി​ന് വി​ദ്യാ​ഭ്യാ​സ സ്ഥാ​പ​ന​ങ്ങ​ൾ തു​റ​ന്നെ​ങ്കി​ലും ഹാ​ജ​ർ കു​റ​വാ​യ​തി​നാ​ൽ ക്ലാ​സു​ക​ൾ പൂ​ർ​ണ​മാ​യും പു​ന​രാ​രം​ഭി​ക്കാ​നാ​യി​ല്ല.