വാഷിങ്ടൺ: ലോകത്ത് കോവിഡ് ബാധിതർ 99 ലക്ഷം കടന്നു. 99,09,965 പേർക്കാണ് ഇതുവരെ രോഗം സ്ഥിരീകരിച്ചത്. മരണം 4,96,991 ആയി. 53,60,766 പേർ ഇതിനോടകം രോഗം ഭേദമായി വീടണഞ്ഞു. നിലവിൽ 40,52,208 പേർ ചികിത്സയിലാണ്.
യു.എസിലാണ് കോവിഡ് അതിരൂക്ഷമായി പിടിമുറുക്കിയത്. 25,52,956 പേർക്കാണ് ഇവിടെ രോഗം സ്ഥിരീകരിച്ചത്. ഇതിൽ 10,68,703 പേർ രോഗമുക്തി നേടി. 13,56,613 പേർ ചികിത്സയിൽ തുടരുകയാണ്. 1,27,640 പേർ മരണത്തിന് കീഴടങ്ങി.
ബ്രസീലിലും സ്ഥിതി മറിച്ചല്ല. 12,80,054 പേർക്കാണ് ഇവിടെ കോവിഡ് സ്ഥിരീകരിച്ചത്. ഇതിൽ 56,109 പേർ മരിച്ചു. 6,97,526 പേർ രോഗമുക്തരായി. 5,26,419 പേർ ചികിത്സയിലാണ്.
റഷ്യയിൽ 6,20,794 പേർക്കാണ് കോവിഡ് ബാധിച്ചത്. ഇതിൽ 3,84,152 പേർ രോഗമുക്തരായി. 8,781 പേർ മരണത്തിന് കീഴടങ്ങി. 2,27,861 പേർ ചികിത്സയിൽ തുടരുകയാണ്.
ഇന്ത്യയിൽ കോവിഡ് ബാധിതർ അഞ്ച് ലക്ഷം കവിഞ്ഞു. 24 മണിക്കൂറിനിടെ 17,296 പുതിയ കോവിഡ് കേസുകളാണ് രാജ്യത്ത് റിപ്പോർട്ട് ചെയ്തത്. ഇതുവരെയുള്ള പ്രതിദിന കോവിഡ് രോഗികളുടെ എണ്ണത്തിൽ ഏറ്റവും ഉയർന്ന കണക്കാണിത്. തുടർച്ചയായി ഏഴു ദിവസം പ്രതിദിനം 14,000ത്തിലധികം ആളുകൾക്കാണ് രാജ്യത്ത് വൈറസ് ബാധ സ്ഥിരീകരിക്കുന്നത്. പുതുതായി 407 പേർ കൂടി മരിച്ചതോടെ രാജ്യത്ത് കോവിഡ് ബാധിച്ച് മരണത്തിന് കീഴടങ്ങിയവരുടെ എണ്ണം 15,301 ആയി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.