കിയവ്: റഷ്യയുടെ ആക്രമണം തടയാൻ ഇസ്രായേൽ ആയുധം നൽകാൻ തയാറാവാത്തതിൽ മനംനൊന്ത് യുക്രെയ്ൻ പ്രസിഡന്റ് വൊളോദിമിർ സെലൻസ്കി. റഷ്യയുടെ വ്യോമാക്രമണം തടയാൻ മിസൈൽ പ്രതിരോധ സിസ്റ്റമാണ് യുക്രെയ്ൻ ആവശ്യപ്പെട്ടത്.
ഫെബ്രുവരിയിൽ ആക്രമണം തുടങ്ങിയ സമയത്തായിരുന്നു അത്. ഗസ്സയിൽ നിന്നുള്ള റോക്കറ്റുകളെ ഇസ്രായേൽ പ്രതിരോധിക്കുന്ന ഇരുമ്പ് കവചിത ഡോം സിസ്റ്റമാണ് യുക്രെയ്ൻ ആവശ്യപ്പെട്ടത്.
''ഇസ്രായേലിന് എന്താണ് പറ്റിയതെന്ന് എനിക്കറിയില്ല. സത്യം പറയുകയാണ് അവർ സഹായിക്കാൻ തയാറായില്ല എന്നറിഞ്ഞപ്പോൾ ഞെട്ടിപ്പോയി''-എന്നായിരുന്നു സെലൻസ്കിയുടെ പ്രതികരണം. ഫ്രഞ്ച് റിപ്പോർട്ടറുമായി നടത്തിയ അഭിമുഖത്തിനിടെയാണ് അദ്ദേഹം ഇക്കാര്യം വെളിപ്പെടുത്തിയത്. യുക്രെയ്ന് പരമാവധി സഹായം നൽകിയെന്നു പറഞ്ഞാണ് ഇസ്രായേൽ കൈയൊഴിഞ്ഞത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.