വെല്ലിംഗ്ടൺ: റോയൽ ന്യൂസിലൻഡ് നേവിയുടെ കപ്പൽ സമോവ ദ്വീപിന്‍റെ തീരത്ത് മുങ്ങി. എന്നാൽ, വിമാനത്തിലുണ്ടായിരുന്ന 75 ജീവനക്കാരും യാത്രക്കാരും സുരക്ഷിതരാണെന്ന് ന്യൂസിലൻഡ് ഡിഫൻസ് ഫോഴ്‌സ് അറിയിച്ചു. നാവികസേനയുടെ സ്പെഷ്യലിസ്റ്റ് ഡൈവിംഗ് ആൻഡ് ഹൈഡ്രോഗ്രാഫിക് കപ്പലായ ‘മാനവനുയി’ ശനിയാഴ്ച രാത്രി ഉപോലുവിന്‍റെ തെക്കൻ തീരത്തിന് സമീപം റീഫ് സർവേ നടത്തുന്നതിനിടെയാണ് മുങ്ങിയതതെന്ന് ന്യൂസിലൻഡ് ഡിഫൻസ് ഫോഴ്‌സിന്‍റെ മാരിടൈം കമാൻഡർ കമോഡോർ ഷെയ്ൻ ആർൻഡൽ പ്രസ്താവനയിൽ പറഞ്ഞു. സമീപത്തുണ്ടായിരുന്ന നിരവധി കപ്പലുകൾ ഉടനടി സഹായത്തിനെത്തുകയും ലൈഫ് ബോട്ടുകളിൽ ജീവനക്കാരെയും യാത്രക്കാരെയും രക്ഷിക്കാൻ സഹായിക്കുകയും ചെയ്തതായും ആർൻഡെൽ പറഞ്ഞു. രക്ഷാപ്രവർത്തനത്തിനായി റോയൽ ന്യൂസിലൻഡ് എയർഫോഴ്‌സും സൈന്യത്തെ വിന്യസിച്ചു.
അപകടത്തിന്‍റെ കാരണം അജ്ഞാതമാണെന്നും കൂടുതൽ അന്വേഷണം ആവശ്യമാണെന്നും ന്യൂസിലാൻഡ് ഡിഫൻസ് ഫോഴ്‌സ് അറിയിച്ചു. കാരണം കൃത്യമായി മനസ്സിലാക്കാൻ ആഗ്രഹിക്കുന്നുവെന്നും അതിലൂടെ പഠിക്കാനും ആവർത്തനം ഒഴിവാക്കാനും കഴിയുമെന്നും അവർ പറഞ്ഞു. കപ്പൽ മുങ്ങിയതിന്‍റെ പാരിസ്ഥിതിക ആഘാതങ്ങൾ കുറക്കുന്നതിനും അതിന്‍റെ പ്രത്യാഘാതങ്ങൾ മനസ്സിലാക്കുന്നതിനും അധികാരികളുമായി ചേർന്ന് പ്രവർത്തിക്കുകയാണെന്ന് ഏജൻസി പറഞ്ഞു. രക്ഷപ്പെടുത്തിയ ജീവനക്കാരെയും യാത്രക്കാരെയും ന്യൂസിലൻഡിലേക്ക് തിരികെ കൊണ്ടുവരാൻ ഞായറാഴ്ച സമോവയിലേക്ക് വിമാനം പുറപ്പെടുമെന്ന് നേവി ചീഫ് റിയർ അഡ്മിറൽ ഗാരിൻ ഗോൾഡിംഗ് ഓക്ക്‌ലൻഡിൽ പറഞ്ഞു. രക്ഷപ്പെടുത്തിയവരിൽ ചിലർക്ക് നിസാര പരിക്കുകളുണ്ട്.
ന്യൂസിലാൻഡിനു ചുറ്റുമായി സൗത്ത് വെസ്റ്റ് പസഫിക്കിലുടനീളം സ്പെഷ്യലിസ്റ്റ് ഡൈവിംഗ്, സർവേകൾ എന്നിവ നടത്താൻ ‘മാനവനുയി’ ഉപയോഗിച്ചിരുന്നു. ഇതിനകം തന്നെ ജീവനക്കാരുടെ കുറവ് കാരണം ന്യൂസിലാന്‍ഡിന്‍റെ ഒമ്പത് കപ്പലുകളിൽ മൂന്നെണ്ണം പ്രവർത്തനശേഷി കുറച്ചതായി പറയുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.