വത്തിക്കാൻസിറ്റി: വൻകുടലിലെ അസുഖബാധയെ തുടർന്ന് ശസ്ത്രക്രിയക്കായി ഫ്രാൻസിസ് മാർപാപ്പയെ ആശുപത്രിയിൽ പ്രവേശിപ്പിച്ചു. ഞായറാഴ്ച സെൻറ് പീറ്റേഴ്സ് ചത്വരത്തിൽ വിശ്വാസികളെ അഭിസംബോധന ചെയ്ത ശേഷമാണ് അദ്ദേഹത്തെ റോമിലെ ജെമെല്ലി പോളി ക്ലിനിക്കിൽ പ്രവേശിപ്പിച്ചത്.
വൻകുടലിലെ ചുരുക്കവുമായി ബന്ധപ്പെട്ട ബുദ്ധിമുട്ടുകൾക്കാണ് അദ്ദേഹത്തെ ശസ്ത്രക്രിയക്കായി പ്രവേശിപ്പിച്ചിരിക്കുന്നതെന്ന് വത്തിക്കാൻ മാധ്യമ വിഭാഗം വ്യക്തമാക്കി. എപ്പോഴാണ് ശസ്ത്രക്രിയ എന്ന് അറിയിച്ചിട്ടില്ലെങ്കിലും പൂർത്തിയായിക്കഴിഞ്ഞാൽ വിവരം പുറത്തുവിടുമെന്നും അവർ അറിയിച്ചു. ക
ഴിഞ്ഞയാഴ്ച ചത്വരത്തിലെ ഞായറാഴ്ച പ്രസംഗത്തിൽ തനിക്കുവേണ്ടി പ്രാർഥിക്കാൻ മാർപാപ്പ വിശ്വാസികളോട് അഭ്യർഥിച്ചിരുന്നു. 84 കാരനായ മാർപാപ്പ പറയത്തക്ക ആരോഗ്യപ്രശ്നങ്ങളൊന്നുമില്ലാത്തയാളാണ്. ചെറുപ്രായത്തിൽ അദ്ദേഹത്തിൻെറ ശ്വാസകോശത്തിൻെറ ഒരു ഭാഗം നീക്കം ചെയ്തിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.