ധാക്ക: പുറത്താക്കപ്പെട്ട മുൻ ബംഗ്ലാദേശ് പ്രധാനമന്ത്രി ശൈഖ് ഹസീനക്കും അവരുടെ ഭരണത്തിലെ ആറ് മുതിർന്ന ഉദ്യോഗസ്ഥർക്കുമെതിരെ കൊലക്കുറ്റത്തിന് കേസെടുത്ത് കോടതി.
കഴിഞ്ഞ മാസം നടന്ന കലാപത്തിനിടെ പോലീസ് ഒരാളെ കൊലപ്പെടുത്തിയെന്ന പരാതിയിന്മേലാണ് കേസ്. സ്വകാര്യ വ്യക്തിക്കു വേണ്ടി അഭിഭാഷകനായ മാമുൻ മിയ ആണ് കോടതിയെ സമീപിച്ചതെന്ന് വാർത്താ ഏജൻസിയായ എ.എഫ്‌.പി റിപ്പോർട്ട് ചെയ്യുന്നു. ‘ശൈഖ് ഹസീനക്കെതിരെയും മറ്റ് ആറു പേർക്കെതിരെയും കേസെടുത്തിട്ടുണ്ട്.
പ്രതികൾക്കെതിരായ കൊലപാതക കേസ് ഫയലിൽ സ്വീകരിക്കാൻ ധാക്ക മെട്രോപൊളിറ്റൻ കോടതി പോലീസിന് നിർദേശം നൽകിയിട്ടുണ്ടെന്നും അദ്ദേഹം പറഞ്ഞു’. രാജ്യത്ത് പടർന്നു പിടിച്ച ജനകീയ കലാപത്തെ തുടർന്ന് ശൈഖ് ഹസീന ഒരാഴ്ച മുമ്പ് ഇന്ത്യയിലേക്ക് പലായനം ചെയ്തിരുന്നു. സംഘർഷത്തിൽ രാജ്യത്ത് പൊലീസുകാരടക്കം 400ലേറെ പേർ കൊല്ലപ്പെട്ടിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.