സപോരിസ്യ ആണവനിലയത്തിന്‍റെ നിയന്ത്രണം തിരിച്ചുപിടിച്ച് യുക്രെയ്ൻ; കിയവിൽ വ്യോമാക്രമണം

കിയവ്: സപോരിസ്യ ആണവനിലയത്തിന്‍റെ നിയന്ത്രണം യുക്രെയ്ൻ തിരിച്ചുപിടിച്ചതായി റിപ്പോർട്ടുകൾ. യൂറോപ്പിലെ ഏറ്റവും വലിയ ആണവോർജ നിലയമായ തെ​ക്ക് കി​ഴ​ക്ക​ൻ യു​ക്രെ​യ്നി​ലെ സ​പോ​രി​സ്യ​ നി​ല​യം വെള്ളിയാഴ്ചയാണ് റ​ഷ്യ​ൻ സൈ​ന്യം പി​ടി​ച്ചെ​ടു​ത്തത്.

വ്യാഴാഴ്ച രാത്രി ആക്രമണത്തിനിടെ ആ​ണ​വ​നി​ല​യ​ത്തി​ൽ വ​ലി​യ അ​ഗ്നി​ബാ​ധ ഉ​ണ്ടാ​യെ​ങ്കി​ലും പി​ന്നീ​ട് നി​യ​ന്ത്ര​ണ​വി​ധേ​യ​മാ​ക്കി. നാ​ലു​മ​ണി​ക്കൂ​റി​ലേ​റെ തീ ​ആ​ളി​ക്ക​ത്തി. തീ ​ആ​ണ​വ റി​യാ​ക്ട​റു​ക​ളി​ലേ​ക്ക് വ്യാ​പി​ച്ച് ആ​ണ​വ ചോ​ർ​ച്ച ഉ​ണ്ടാ​കാ​മെ​ന്ന് ആ​ശ​ങ്ക ഉ​യ​ർ​ന്നി​രു​ന്നു. റ​ഷ്യ​ൻ ഷെ​ല്ലി​ങ്ങി​നെ തു​ട​ർ​ന്നാ​ണ് ആ​ണ​വ നി​ല​യ​ത്തി​ന് തീ​പി​ടി​ച്ച​​തെ​ന്ന് യു​​ക്രെ​യ്ൻ ഭ​ര​ണ​കൂ​ടം ആ​രോ​പി​ച്ചു. അ​ഗ്നി​ബാ​ധ നി​യ​ന്ത്ര​ണ​വി​ധേ​യ​മാ​ക്കാ​നു​ള്ള യു​ക്രെ​യ്ൻ അ​ടി​യ​ന്ത​ര സേ​വ​ന സേ​ന​യു​ടെ ശ്ര​മ​ത്തെ റ​ഷ്യ​ൻ സൈ​ന്യം ത​ട​ഞ്ഞു​വെ​ന്നും യുക്രെയ്ൻ കുറ്റപ്പെടുത്തിയിരുന്നു.

ഇ​ന്നേ​വ​രെ ഒ​രു രാ​ജ്യ​വും ആ​ണ​വോ​ർ​ജ നി​ല​യ​ങ്ങ​ളെ ആ​ക്ര​മി​ച്ചി​ട്ടി​ല്ലെ​ന്നും മാ​ന​വ ച​രി​ത്ര​ത്തി​ലാ​ദ്യ​മാ​യി ഒ​രു ഭീ​ക​ര​രാ​ഷ്ട്രം ആ​ണ​വ ഭീ​ക​ര​പ്ര​വ​ർ​ത്ത​നം ന​ട​ത്തി​യി​രി​ക്കു​ക​യാ​ണെ​ന്നുമാണ് യു​ക്രെ​യ്ൻ പ്ര​സി​ഡ​ന്റ് വൊ​ളോ​ദി​മി​ർ സെ​ല​ൻ​സ്കി പ്രതികരിച്ചത്. റഷ്യൻ സേന യുക്രെയ്നിലെ രണ്ടാമത്തെ ആണവ നിലയത്തിന് സമീപം എത്തിയതായി യു.എന്നിലെ യു.എസ് പ്രതിനിധി പറഞ്ഞു. വ്യാഴാഴ്ച രാത്രി ലോകം വൻദുരന്തത്തിൽനിന്ന് കഷ്ടിച്ച് രക്ഷപ്പെട്ടതിനു പിന്നാലെ റഷ്യൻ സേന യുക്രെയ്നിലെ രണ്ടാമത്തെ ആണവ നിലയമായ യൂഷോക്രെയ്സ്ക് ലക്ഷ്യമിടുകയാണെന്ന് ലിൻഡ തോമസ് ആരോപിച്ചു.

കിയവിൽനിന്ന് 200 മൈൽ തെക്കാണ് ഈ ആണവ നിലയം. അതേസമയം, യുക്രെയ്ൻ നഗരമായ സുമിയുടെ തെരുവുകളിൽ കനത്ത പോരാട്ടം നടക്കുകയാണ്. ജനങ്ങളോട് വീടുകളിൽനിന്ന് തന്നെ കഴിയാനോ, സുരക്ഷിത കേന്ദ്രങ്ങളിലേക്ക് മാറാനോ പ്രാദേശിക ഭരണകൂടം മുന്നറിയിപ്പ് നൽകി. കിയവിൽ വ്യോമാക്രമണം നടക്കുന്നതായി മാധ്യമങ്ങൾ റിപ്പോർട്ട് ചെയ്തു.