എൻഫീൽഡിനെ വിറപ്പിക്കുമോ ഹോണ്ട ഹൈനസ്​; അറിഞ്ഞിരിക്കാം ഇൗ അഞ്ച്​ കാര്യങ്ങൾ

ഏറെ കോലാഹലങ്ങൾ​െക്കാടുവിലാണ്​ ഹോണ്ട തങ്ങളുടെ ഏറ്റവും പുതിയ 350 സി.സി ബൈക്കായ ഹൈനസിനെ അവതരിപ്പിച്ചത്​. ടീസറും ട്രെയിലറും ശബ്​ദം കേൾപ്പിക്കലും ഒക്കെയായി വലിയ പ്രചാരണവും വാഹനത്തിന്​ നൽകിയിരുന്നു.രാജ്യത്തെ 350 സിസി മോഡേൺ-ക്ലാസിക് വിഭാഗത്തിലേക്ക് ജാപ്പനീസ് നിർമ്മാതാക്കളുടെ വരവ്​ അടയാളപ്പെടുത്തിയാണ്​ ഹോണ്ട പുതിയ ഹൈനസ്​ സിബി 350 വിപണിയിലെത്തുന്നത്​. എതിരാളികളില്ലാതെ വിപണി അടക്കിവാണിരുന്ന റോയൽ എൻഫീൽഡ്​ ബൈക്കുകളോടാണ്​ ഹൈനസി​െൻറ പോരാട്ടമെന്നതും ശ്രദ്ധേയമാണ്​. ഹൈനസി​െൻറ അഞ്ച്​ സവിശേഷതകൾ പരിശോധിക്കാം.

ഹോണ്ടയുടെ പഴയകാല സിബി ഡിസൈൻ

പഴയ ഹോണ്ട സിബി മോട്ടോർസൈക്കിളുകളുടെ വൃത്തിയുള്ളതും ലളിതവുമായ ഡിസൈനുകളിൽ നിന്ന് പ്രചോദനം ഉൾക്കൊണ്ടാണ് ഹോണ്ട ഹൈനസ്​ സിബി 350 നിർമിച്ചിരിക്കുന്നത്​. റെട്രോ ബൈക്കുകളുടെ ​മനോഹാരിത, ഉരുണ്ട എൽഇഡി ഹെഡ്‌ലാമ്പ്, 15 ലിറ്റർ ഇന്ധന ടാങ്ക്, ക്രോം ഫെൻഡറുകൾ എന്നിവ നമ്മെ പോയകാലം ഓർമ്മപ്പെടുത്തും. വൈ-സ്‌പോക്ക് അലോയ് വീലുകളും അനലോഗ്-ഡിജിറ്റൽ ഇൻസ്ട്രുമെൻറ്​ പാനലും വാഹന ഡിസൈന് ആധുനികതയുടെ സ്​പർശം നൽകുന്നു. പരമ്പരാഗത ക്രോം വയർ-സ്‌പോക്ക് റിം ഒഴിവാക്കുന്നതിനെ ചില​േപ്പാൾ പാരമ്പര്യവാദികളൊ റോയൽ എൻഫീൽഡ് ആരാധകരൊ പരിഹസിക്കാനിടയുണ്ട്​. എന്നിരുന്നാലും അലോയ് വീലുകൾ, ട്യൂബ് ഇല്ലാത്ത ടയറുകൾ വളരെ പ്രായോഗികമാണ്, പ്രത്യേകിച്ചും പഞ്ചറുകളുമായി ഇടപെടുമ്പോൾ.

പുതിയ പ്ലാറ്റ്‌ഫോം

ആഗോളതലത്തിൽ വിൽക്കുന്ന ഹോണ്ട റെബൽ പ്ലാറ്റ്‌ഫോമിനെ അടിസ്ഥാനമാക്കിയാവും 350 സിസി ബൈക്ക്​ അവതരിപ്പിക്കുകയെന്നാണ്​ കരുതപ്പെട്ടിരുന്നത്​. ഹോണ്ട ഇന്ത്യ രണ്ട് വർഷമായി തങ്ങളുടെ പുതിയ ക്രൂസർ ​ൈബക്കിനായി പുതിയ പ്ലാറ്റ്ഫോം വികസിപ്പിക്കുന്നുമുണ്ടായിരുന്നു. എന്തായാലും ഹോണ്ട ഹൈനസ് സിബി 350 പുതിയ ഹാഫ്-ഡ്യുപ്ലെക്സ് ക്രാഡിൽ ഫ്രെയിമിലാണ്​ നിർമിച്ചിരിക്കുന്നത്​. സ്​റ്റീലുകൊണ്ട് നിർമ്മിച്ചതാണിത്​. മികച്ച ബാലൻസ് നൽകുന്ന ഷാസിയാണിതെന്ന്​ ഹോണ്ട എഞ്ചിനീയർമാർ പറയുന്നു. ഗുരുത്വാകർഷണ ബലം കുറയ്ക്കുന്നതിന്​ എഞ്ചിൻ താഴ്​ത്തിയാണ്​ ഷാസിയിൽ പിടിപ്പിച്ചിരിക്കുന്നത്​. ഇത് മോട്ടോർസൈക്കിളിന്​ സാമാന്യമായ വേഗതനൽകുന്നുണ്ട്​.

ടെലിസ്കോപ്പിക് ഫോർക്ക് അപ്പ് ഫ്രണ്ട്, പിൻഭാഗത്ത് ഇരട്ട ഹൈഡ്രോളിക് ഷോക്ക് അബ്സോർബറുകൾ എന്നിവയാണ്​ ഉപയോഗിച്ചിരിക്കുന്നത്​. പിന്നിലെ ടയറിന്​ മുഖ്യ എതിരാളിയായ റോയൽ എൻഫീൽഡ് ക്ലാസിക് 350 നേക്കാൾ വലുപ്പം കൂടുതലാണ്​. ഹൈനസിന്​ 2,163mm നീളവും 800mm വീതിയും 1,107mm ഉയരവുമാണ്. വീൽ ബേസ് 1,441 മില്ലിമീറ്ററും ഗ്രൗണ്ട് ക്ലിയറൻസ് 166 മില്ലിമീറ്ററുമാണ്. ഇത് ഇൗ വിഭാഗത്തിലെ ഏറ്റവും മികച്ചതാണ്. മോട്ടോർ സൈക്കിൾ താരതമ്യേന ഭാരം കുറഞ്ഞതാണ്. 181 കിലോഗ്രാം ആണ്​ ഭാരം. എൻഫീൽഡ് ക്ലാസിക് 350 നേക്കാൾ 14 കിലോഗ്രാം കുറവാണിത്​.

പുതുതായി വികസിപ്പിച്ച എഞ്ചിൻ

ഷാസിക്കുപുറമെ എഞ്ചിനും പുതുതായി വികസിപ്പിച്ചതാണ്​. 348.36 സിസി, എയർ-കൂൾഡ്, ഫ്യൂവൽ ഇഞ്ചക്​ടഡ്​, സിംഗിൾ സിലിണ്ടർ എഞ്ചിൻ 5,500 ആർപിഎമ്മിൽ 20.8 എച്ച്പിയും, 3,000 ആർപിഎമ്മിൽ 30 എൻഎം ടോർകും വികസിപ്പിക്കും. ലോങ്​ സ്ട്രോക്ക് എഞ്ചിന്​ അഞ്ച് സ്പീഡ് ഗിയർബോക്​സാണ്​ നൽകിയിരിക്കുന്നത്​. ഇൗ വിഭാഗത്തിലെ മറ്റ് ​ൈബക്കുകളുമായി താരതമ്യപ്പെടുത്തിയാൽ കരുത്തും ടോർകും കൂടുതലാണെന്ന്​ കാണാം. വലിയ ബോറുള്ള, എയർ-കൂൾഡ് സിംഗിൾ സിലിണ്ടർ എഞ്ചിനുകളുടെ പ്രശ്​നം അതി​െൻറ വിറയലാണ്​. ഇത്​ പരിഹരിക്കാൻ ബാലൻസിങ്​ ഷാഫ്റ്റുകൾ ഉപയോഗിച്ചിട്ടുണ്ടെന്ന്​ ഹോണ്ട പറയുന്നു. നിലവിൽ, ബിഎസ് 6 ബെനെല്ലി ഇംപീരിയോലെയാണ്​ ഇൗ വിഭാഗത്തിലെ ഏറ്റവും മികച്ച വാഹനം. ഇതിനോ​ടൊപ്പം ഹോണ്ട എത്തുമൊ എന്നത്​ കണ്ടറിയേണ്ടതുണ്ട്​.

പുത്തൻ സവിശേഷതകൾ

ഹോണ്ട ഹൈനസിൽ എതിരാളികൾക്കില്ലാത്ത ചില സവിശേഷതകളുണ്ട്​. സ്ലിപ്പർ ക്ലച്ച്, എൽഇഡി ലൈറ്റുകൾ, എഞ്ചിൻ കട്ട്-ഓഫ്, സൈഡ് സ്റ്റാൻഡ് ഇൻഡിക്കേറ്റർ എന്നിവ ഇതിൽ ചിലതാണ്​. ഹോണ്ട സെലക്ടബിൾ ടോർക്​ കൺട്രോൾ (എച്ച്എസ്​ടിസി), ഹോണ്ട സ്മാർട്ട്ഫോൺ വോയ്‌സ് കൺട്രോൾ എന്നിവയും ഉൾപ്പെടുത്തിയിട്ടുണ്ട്​. മുന്നിലും പിന്നിലുമുള്ള ചക്രങ്ങളുടെ വേഗതയിലെ വ്യത്യാസം കണ്ടെത്തുകയും സ്ലിപ്പ് അനുപാതം കണക്കാക്കി എഞ്ചിൻ ടോർക്​ ക്രമീകരിക്കുകയും ചെയ്യുന്ന സംവിധാനമാണ് എച്ച്എസ്​ടിസി. ഒരു സ്വിച്ച് ഉപയോഗിച്ച് എച്ച്എസ്ടിസി ഓൺ / ഓഫ് ചെയ്യാം. ഉയർന്ന ഡിഎൽഎക്സ് പ്രോ വേരിയൻറിൽ മാത്രമാണിത്​ ലഭ്യമാവുക. സ്മാർട്ട്ഫോൺ കണക്റ്റ്​ ചെയ്‌ത്​ ഫോൺ കോളുകൾ, നാവിഗേഷൻ, മ്യൂസിക് പ്ലേബാക്ക്, ഇൻകമിംഗ് സന്ദേശങ്ങൾ എന്നിവ ആക്‌സസ് ചെയ്യുന്നതിന് സഹായിക്കുന്ന സംവിധാനവുമുണ്ട്​. ഭാഗികമായി ഡിജിറ്റലായ ഇൻസ്ട്രുമെൻറ്​ സ്‌ക്രീനിൽ വിവരങ്ങൾ പ്രദർശിപ്പിക്കുന്നതിനൊപ്പം ഹെൽമെറ്റിനുള്ളിൽ സ്ഥാപിച്ചിരിക്കുന്ന ബ്ലൂടൂത്ത് സ്പീക്കറുകൾ വഴി ആശയവിനിമയം നടത്താനുമാകും.

വിലക്കുറവ്​

ഹൈനസ്​ വില ഇനിയും പ്രഖ്യാപിച്ചിട്ടില്ല. 1.9 ലക്ഷം മുതൽ ആരംഭിക്കുമെന്നാണ്​ പ്രതീക്ഷിക്കപ്പെടുന്നത്​. രണ്ട് ലക്ഷം രൂപയെന്നത്​ മികച്ച വിലയാണെന്നാണ്​ വിലയിരുത്തപ്പെടുന്നത്​. റോയൽ എൻഫീൽഡ് ക്ലാസിക് 350 (1.78 ലക്ഷം ) ബെനെല്ലി ഇംപീരിയൽ 400 (1.99 ലക്ഷം), ജാവ 42 (1.69-1.74 ലക്ഷം ) എന്നിവയോട്​ കിടപിടിക്കാൻ ഇൗ വിലയിലൂ​െട സാധിക്കും. എന്നാൽ ഹൈനസി​െൻറ ഏറ്റവും വലിയ എതിരാളി​പുറത്തിറങ്ങാനിരിക്കുന്ന റോയൽ എൻഫീൽഡ് മെറ്റിയർ 350 ആണ്. മെറ്റിയർ 350 പുതിയ പ്ലാറ്റ്ഫോമിനെ അടിസ്ഥാനമാക്കിയുള്ളതാണ്. മെറ്റിയറി​െൻറ 350 സിസി എഞ്ചിൻ 20.5 എച്ച്പിയും 27 എൻഎമ്മും ഉത്പാദിപ്പിക്കുമെന്നാണ്​ സൂചന.