ആഡംബരങ്ങളുടെ തമ്പുരാൻ, ബെൻസ്​ എസ് ക്ലാസ്​ അവതരിച്ചു; ​ വില 2.17 കോടി

ആഡംബരത്തി​െൻറ അവസാന വാക്ക്​, ലോകത്തിലെ ഏറ്റവും മികച്ച വാഹനം എന്നൊക്കെ വിശേഷിപ്പിക്കപ്പെടുന്ന ബെൻസ്​ എസ്​ ക്ലാസ്​ ഇന്ത്യയിൽ അവതരിപ്പിച്ചു. 2.17 കോടിയാണ്​ വാഹനത്തി​െൻറ വില. എക്​സ്​റ്റൻറഡ്​ വീൽബേസ്​, എ.എം.ജി കിറ്റ്​ എന്നിവയോടൊപ്പമാണ്​ എസ്​ ക്ലാസ്​ എത്തുന്നത്​. സെഡാൻ എന്നതിൽ നിന്ന്​ വളർന്ന്​ ലിമോസിൻ രൂപഭാവങ്ങളിലേക്ക്​ വാഹനം എത്തി എന്നതാണ്​ എടുത്തുപറയേണ്ടത്​. വാഹനത്തി​െൻറ 150 യൂനിറ്റുകൾ ഇതിനകം രാജ്യത്ത്​ ബുക്ക് ചെയ്​തുകഴിഞ്ഞിട്ടുണ്ട്​. ലോഞ്ച്​ എഡിഷൻ എന്ന ഒറ്റ ട്രിമ്മിലാണ്​ നിലവിൽ വാഹനം ലഭ്യമാവുക.

എക്സ്റ്റീരിയർ സ്​റ്റൈലിങ്​

ബെൻസി​െൻറ പുതിയ ഇ-ക്ലാസ് രൂപകൽപ്പനയുമായി സാമ്യമുള്ളതാണ്​ എസ്​ ക്ലാസിൽ വരുത്തിയിരിക്കുന്ന പരിഷ്​കരണങ്ങൾ. മെഴ്‌സിഡസി​െൻറ പുതിയ 'ഡിജിറ്റൽ ലൈറ്റ്' എൽഇഡി ഹെഡ്​ലൈറ്റുകൾ, മൂന്ന് തിരശ്ചീന ബ്ലേഡുകളുള്ള ക്രോം ഗ്രിൽ, വലിയ എയർ ഇൻടേക്കുകളുള്ള ബമ്പർ, അൺലോക്ക്​ ചെയ്യു​േമ്പാൾ തുറന്നുവരുന്ന ഡോർ ഹാൻഡിലുകൾ, എൽഇഡി ടെയിൽ-ലൈറ്റുകൾ എന്നിവ പുറംഭാഗത്തെ പ്രത്യേകതകളാണ്​.

ചില വാഹന ഭാഗങ്ങളും അലോയ് വീലുകളും എ‌എം‌ജി ഡിസൈന്​ സമാനമായ സ്​പോർട്ടി ലുക്ക്​ വാഹനത്തിന്​ നൽകുന്നുണ്ട്​. അഞ്ച് കളർ ഓപ്ഷനുകളിൽ എസ്​ ക്ലാസ്​ ലഭ്യമാണ്​. ഡയമണ്ട് വൈറ്റ്, ഫീനിക്​സ്​ ബ്ലാക്​, ആന്ത്രാസൈറ്റ് ബ്ലൂ, റുബലൈറ്റ് റെഡ്, എമറാൾഡ് ഗ്രീൻ എന്നിവയാണ്​ നിറങ്ങൾ.

ഇൻറീരിയർ

എസ്​ ക്ലാസി​െൻറ അകവശം വിഴുങ്ങിയിരിക്കുന്നത്​ രണ്ട്​ സ്​ക്രീനുകളാണ്​. ഡാഷ്‌ബോർഡിൽ മേഴ്‌സിഡസി​െൻറ പുതിയ 12.8 ഇഞ്ച് പോർട്രെയിറ്റ് ഓറിയൻറഡ് ടച്ച്‌സ്‌ക്രീൻ ഇൻഫോടെയ്ൻമെൻറ്​ സിസ്​റ്റം, അതിനൊപ്പം 12.3 ഇഞ്ച് ഡിജിറ്റൽ ഇൻസ്ട്രുമെൻറ്​ ഡിസ്‌പ്ലേയും ഉണ്ട്. പുതിയ ഒ.എൽ.ഇ.ഡി ടച്ച്‌സ്‌ക്രീൻ ഏറ്റവും പുതിയ മെഴ്‌സിഡസ് എം.ബി.യു.എക്​സ്​ സിസ്​​റ്റം പ്രവർത്തിപ്പിക്കുകയും ഫേഷ്യൽ, വോയ്‌സ്, ഫിംഗർപ്രിൻറ്​ തിരിച്ചറിയൽ പോലുള്ള സവിശേഷതകളെ പിന്തുണയ്ക്കുകയും ചെയ്യുന്നു. സിസ്റ്റത്തിന് 320 ജിബി സ്റ്റോറേജും 16 ജിബി റാമും നൽകിയതും ശ്രദ്ധേയമാണ്​. 64 നിറങ്ങളിലുള്ള ആക്റ്റീവ് ആംബിയൻറ്​ ലൈറ്റിങ്​, പ്രീമിയം ബർമസ്​റ്റർ 4 ഡി സറൗണ്ട് സൗണ്ട് സിസ്റ്റം, മസാജിങ്​ സീറ്റുകൾ എന്നിവ പാക്കേജി​െൻറ ഭാഗമാണ്.

പിൻസീറ്റ്​ യാത്രക്കാർക്ക് ലെഗ് റെസ്റ്റ്, മസാജ് ഫംഗ്ഷൻ എന്നിവ ഇലക്ട്രോണിക് രീതിയിലും ക്രമീകരിക്കാൻ കഴിയും. പിന്നിൽ നിന്ന് കോ-ഡ്രൈവർ സീറ്റ് ക്രമീകരണം, പിൻ സീറ്റ് എൻറർടൈൻമെൻറ്​ ടച്ച്‌സ്‌ക്രീനുകൾ, വിവിധ ഇൻ-കാർ പ്രവർത്തനങ്ങൾക്കായി സെൻട്രൽ ടാബ്‌ലെറ്റ് കൺട്രോളർ എന്നിവയും ഉൾപ്പെടുത്തിയിട്ടുണ്ട്​. പുതിയ എസ്-ക്ലാസിലെ മറ്റൊരു സവിശേഷത പിൻവശത്തെ യാത്രക്കാർക്കുള്ള മുൻ എയർബാഗുകളാണ്. ഇൻറീരിയറിൽ രണ്ട് കളർ സ്​കീമുകളും ലഭിക്കും. മച്ചിയാറ്റോ ബീജ് അല്ലെങ്കിൽ സിയന്ന ബ്രൗൺ നിറത്തിലുള്ള നാപ്പ ലെതർ അപ്ഹോൾസറി ആഡംബരത്തിന്​ മാറ്റുകൂട്ടുന്നുണ്ട്​.

എഞ്ചിൻ, ഗിയർബോക്‌സ്

പൂർണമായും ഇറക്കുമതി ചെയ്യുന്ന പുതിയ മെഴ്‌സിഡസ് ബെൻസ് എസ്-ക്ലാസിന്​ രണ്ട് എഞ്ചിൻ ഓപ്ഷനുകളാണുള്ളത്​. ഇതിൽ പെട്രോൾ, ഡീസൽ വകഭേദങ്ങളുമുണ്ട്​. എസ് 400 ഡിയിൽ പരിചിതമായ ഒഎം 656 ഇൻ-ലൈൻ ആറ്​ സിലിണ്ടർ ഡീസൽ എഞ്ചിൻ 330 എച്ച്പി, 700 എൻഎം ടോർക്ക് എന്നിവ ഉത്പാദിപ്പിക്കും. എസ് 450 പെട്രോൾ വേരിയൻറിൽ ഒരു ഇൻ-ലൈൻ 6-സിലിണ്ടർ, ടർബോചാർജ്​ഡ്​ യൂനിറ്റ് ആണ്​ നൽകിയിരിക്കുന്നത്​. ഇത് 367 എച്ച്പി, 500 എൻഎം എന്നിവ പുറത്തെടുക്കും. രണ്ട് വേരിയൻറുകളിലും മെഴ്‌സിഡസി​െൻറ 4 മാറ്റിക് ഓൾ-വീൽ ഡ്രൈവ് സിസ്റ്റവും 9 സ്​പീഡ് ഓട്ടോമാറ്റിക് ഗിയർബോക്‌സും വരുന്നു. പുതിയ എസ്-ക്ലാസ് റിയർ-വീൽ സ്റ്റിയറിങും ഉൾക്കൊള്ളുന്നു.

എതിരാളികൾ

ബി‌എം‌ഡബ്ല്യു 7 സീരീസ്, ഓഡി എ 8 എന്നിവപോലുള്ള ആഡംബര ലിമോസിനുകളാണ്​ എസ്​ കലാസി​െൻറ എതിരാളികൾ. വരും മാസങ്ങളിൽ മെഴ്‌സിഡസ് ബെൻസ് തങ്ങളുടെ മുൻനിര മേബാക്ക് എസ്-ക്ലാസ് ആഡംബര ലിമോസിൻ ഇന്ത്യയിൽ അവതരിപ്പിക്കും. നിലവിലെ എസ്​ ക്ലാസിനും മുകളിലായിരിക്കും അവയുടെ സ്​ഥാനം.