യൂത്ത് ദേശീയ ബാസ്‌കറ്റ് ബാൾ ചാമ്പ്യൻഷിപ്: രാജസ്ഥാനെ തകർത്ത് കേരള പെൺകുട്ടികൾ സെമിയിൽ

കൊൽക്കത്ത: 39-ാമത് യൂത്ത് ദേശീയ ബാസ്‌കറ്റ് ബാൾ ചാമ്പ്യൻഷിപ്പിൽ കേരള പെൺകുട്ടികൾ സെമി ഫൈനലിൽ പ്രവേശിച്ചു. കൊൽക്കത്തയിലെ ഹൗറയിലുള്ള സാബുജ് സതി ഇൻഡോർ സ്റ്റേഡിയത്തിൽ നടന്ന മത്സരത്തിൽ രാജസ്ഥാനെ 76-38 എന്ന സ്കോറിന് പരാജയപ്പെടുത്തിയാണ് കേരളം സെമി ബർത്ത് ഉറപ്പിച്ചത്.

21 പോയിന്റമായി ആർത്തിക കേരളത്തിന്റെ ടോപ് സ്കോററായി. വൈഗ 19ഉം ദിയ ബിജു14 പോയിന്‍റും സ്വന്തമാക്കി. രാജസ്ഥാന് വേണ്ടി ജയ ദധിച്ച് 13 പോയിന്‍റ് നേടി. തമിഴ്‌നാട് - ഗുജറാത്ത് മത്സരത്തിലെ ജേതാക്കളുമായാണ് സെമിയിൽ കേരളം ഏറ്റുമുട്ടുക.