തി​രു​വ​ന​ന്ത​പു​രം ജില്ല പഞ്ചായത്തിൽ അടിമുടി ക്രമക്കേടെന്ന്​ ഓഡിറ്റ്​ റിപ്പോർട്ട്​

തി​രു​വ​ന​ന്ത​പു​രം: ലോ​ക്ക​ൽ ഫ​ണ്ട്‌ ഓ​ഡി​റ്റ്‌ വി​ഭാ​ഗ​ത്തി​ന്റെ പ​രി​ശോ​ധ​ന​യി​ൽ ജി​ല്ല പ​ഞ്ചാ​യ​ത്തി​ൽ അ​ടി​മു​ടി ക്ര​മ​ക്കേ​ടു​ക​ൾ. 2023-24 സാ​മ്പ​ത്തി​ക വ​ർ​ഷം കു​ടും​ബ​ശ്രീ ജി​ല്ല മി​ഷ​ൻ കോ​ഓ​ഡി​നേ​റ്റ​ർ ഉ​ദ്യോ​ഗ​സ്‌​ഥ​നാ​യി ആ​റ്‌ പ​ദ്ധ​തി​ക​ൾ ആ​വി​ഷ്‌​ക​രി​ച്ചെ​ങ്കി​ലും ന​ട​പ്പാ​ക്കി​യ​ത്‌ ഒ​രെ​ണ്ണം മാ​ത്ര​മെ​ന്നാ​ണ്‌ റി​പ്പോ​ർ​ട്ടി​ലു​ള്ള​ത്‌.

സ​മ്പൂ​ർ​ണ വി​ശ​പ്പ്‌ ര​ഹി​ത ജി​ല്ല​യാ​ക്കി മാ​റ്റു​ക എ​ന്ന ല​ക്ഷ്യ​ത്തോ​ടെ​യു​ള്ള സ്‌​പി​ൽ ഓ​വ​ർ പ​ദ്ധ​തി​യാ​യ പാ​ഥേ​യ​മാ​ണ​ത്. ഇ​തി​ലും അ​ഴി​മ​തി ക​ണ്ടെ​ത്തി. ഈ ​പ​ദ്ധ​തി​യി​ലു​ള്ള 4.17 കോ​ടി​യു​ടെ വി​നി​യോ​ഗം ഓ​ഡി​റ്റ്‌ വി​ഭാ​ഗം ത​ട​സ്സ​പ്പെ​ടു​ത്തി​യി​രി​ക്കു​ക​യാ​ണ്‌. പ​ട്ടി​ക​ജാ​തി വി​ദ്യാ​ർ​ഥി​ക​ളു​ടെ പ​ഠ​നം അ​ഭി​വൃ​ദ്ധി​പ്പെ​ടു​ത്താ​ൻ ന​ട​പ്പാ​ക്കാ​നു​ള്ള പ​ദ്ധ​തി പ്ര​കാ​രം പ​ഠ​ന​മു​റി നി​ർ​മി​ക്കു​ന്ന​തി​നും ദേ​ശീ​യ-​അ​ന്ത​ർ​ദേ​ശീ​യ മ​ത്സ​ര​ങ്ങ​ളി​ൽ മി​ക​വ്‌ തെ​ളി​യി​ച്ച കാ​യി​ക​താ​ര​ങ്ങ​ൾ​ക്ക്‌ ധ​ന​സ​ഹാ​യം അ​നു​വ​ദി​ക്കു​ന്ന​തി​ലും നെ​ൽ​കൃ​ഷി വി​ക​സ​ന​ത്തി​നാ​യു​ള്ള കേ​ദാ​രം പ​ദ്ധ​തി​യി​ൽ സ​ബ്‌​സി​ഡി അ​നു​വ​ദി​ക്കു​ന്ന​തി​നും ജി​ല്ല പ​ഞ്ചാ​യ​ത്തി​ന്‌ കീ​ഴി​ലെ സ്‌​കൂ​ളു​ക​ൾ​ക്ക്‌ ഫ​ർ​ണി​ച്ച​ർ വാ​ങ്ങി ന​ൽ​കു​ന്ന​തി​ലും ക്ര​മ​ക്കേ​ടും അ​ഴി​മ​തി​യും ന​ട​ന്നു.

ഡ​യാ​ലി​സി​സ്‌ രോ​ഗി​ക​ൾ​ക്ക്‌ ചി​കി​ത്സ സ​ഹാ​യം ന​ൽ​കി​യ ക​ണ​ക്കി​ലെ പൊ​രു​ത്ത​ക്കേ​ടു​ക​ളും റി​പ്പോ​ർ​ട്ടി​ലു​ണ്ട്‌. 2015 മു​ത​ൽ കാ​യി​ക മ​ത്സ​ര​ങ്ങ​ളി​ൽ പ​ങ്കെ​ടു​ത്ത​വ​രി​ൽ യോ​ഗ്യ​ത​യി​ല്ലാ​ത്ത​വ​ർ​ക്കും ധ​ന​സ​ഹാ​യം ന​ൽ​കി. യോ​ഗ്യ​ത സ​ർ​ട്ടി​ഫി​ക്ക​റ്റ്‌ പ​രി​ശോ​ധ​ന​യി​ലാ​ണ്‌ ക്ര​മ​ക്കേ​ട് ന​ട​ന്ന​ത്‌. പ​ഠ​ന​മു​റി നി​ർ​മാ​ണ​ത്തി​ന്​ മൂ​ന്ന്‌ ഗ​ഡു​ക്ക​ളാ​യി ന​ൽ​കേ​ണ്ട തു​ക ര​ണ്ട്‌ ഗ​ഡു​ക്ക​ളാ​യി ന​ൽ​കി.

സാ​ങ്കേ​തി​ക വി​ഭാ​ഗ​ത്തി​ന്റെ​യോ നി​ർ​വ​ഹ​ണ ഉ​ദ്യോ​ഗ​സ്‌​ഥ​ന്റെ​യോ പ​രി​ശോ​ധ​ന റി​പ്പോ​ർ​ട്ട്‌ ന​ൽ​കാ​ത്ത​വ​ർ​ക്കും വി​ദ്യാ​ർ​ഥി​യാ​ണെ​ന്ന രേ​ഖ ഹാ​ജ​രാ​ക്കാ​ത്ത​വ​ർ​ക്കും തു​ക അ​നു​വ​ദി​ച്ചു. നെ​ൽ​കൃ​ഷി വി​ക​സ​ന​ത്തി​നാ​യു​ള്ള കേ​ദാ​രം പ​ദ്ധ​തി​പ്ര​കാ​രം 152 നെ​ൽ​പാ​ട​ങ്ങ​ളി​ലെ ക​ർ​ഷ​ക​ർ​ക്ക്‌ കൂ​ലി​ച്ചെ​ല​വ്‌ ഇ​ന​ത്തി​ൽ 79.91 കോ​ടി രൂ​പ അ​നു​വ​ദി​ച്ച​തി​ൽ ഏ​തൊ​ക്കെ ത​ദ്ദേ​ശ സ്‌​ഥാ​പ​ന​ങ്ങ​ൾ​ക്കാ​ണ്‌ സ​ബ്‌​സി​ഡി അ​നു​വ​ദി​ച്ച​തെ​ന്ന രേ​ഖ ഹാ​ജ​രാ​ക്കി​യി​ട്ടി​ല്ല. ഇ​തി​ന്റെ ഫ​ല​മാ​യി രേ​ഖ​ക​ൾ പൂ​ർ​ണ​മാ​യി സ​മ​ർ​പ്പി​ക്കു​ന്ന​തു​വ​രെ ഒ​രു രൂ​പ പോ​ലും പ​ദ്ധ​തി​യി​ൽ​നി​ന്ന്‌ ചെ​ല​വ​ഴി​ക്കാ​നാ​വി​ല്ല. സ്‌​കൂ​ൾ അ​ധി​കൃ​ത​രി​ൽ​നി​ന്ന്‌ റി​പ്പോ​ർ​ട്ട്‌ ആ​വ​ശ്യ​പ്പെ​ടാ​തെ​യാ​ണ്‌ ജി​ല്ല പ​ഞ്ചാ​യ​ത്തി​നു​കീ​ഴി​ലെ പ​ല സ്‌​കൂ​ളു​ക​ൾ​ക്കും ഫ​ർ​ണി​ച്ച​റു​ക​ൾ വാ​ങ്ങി ന​ൽ​കു​ന്ന പ​ദ്ധ​തി ന​ട​പ്പാ​ക്കി​യ​ത്‌. വാ​ങ്ങി​യ ഫ​ർ​ണി​ച്ച​റു​ക​ളു​ടെ ഗു​ണ​നി​ല​വാ​രം പ​രി​ശോ​ധി​ച്ച സ​ർ​ട്ടി​ഫി​ക്ക​റ്റ്‌ ഹാ​ജ​രാ​ക്കി​യി​ട്ടി​ല്ല.

ഇ.​എം.​എ​സ്‌ ഹാ​ളും മി​നി ഹാ​ളും വാ​ട​ക​ക്ക്‌ ന​ൽ​കു​ന്ന​തി​നാ​യി ബു​ക്കി​ങ്​ ര​ജി​സ്‌​റ്റ​ർ സൂ​ക്ഷി​ച്ചി​ട്ടി​ല്ല. ഓ​ൺ​ലൈ​ൻ സം​വി​ധാ​ന​വും ഏ​ർ​പ്പെ​ടു​ത്തി​യി​ട്ടി​ല്ലെ​ന്ന്​ ഓ​ഡി​റ്റ്‌ റി​പ്പോ​ർ​ട്ടി​ലു​ണ്ട്‌.